والله عيب الي قاعد يصير !!!!!

الموضوع في 'اعلانات بيع وشراء متفرقة' بواسطة abatchy007, بتاريخ ‏21 يوليو 2007.

حالة الموضوع:
مغلق
  1. abatchy007

    abatchy007 عضو جديد

    التسجيل:
    ‏8 ابريل 2006
    المشاركات:
    1,200
    عدد الإعجابات:
    0
    انا مسجل من زمان في هالمنتدى ولكني هالاسبوعين الي طافو قاعد اشارك فيه بكثرة انا لاحظت شغلة غريبة وعجيبة في هالمنتدى وفي منتديات ثانية انه بعض الشباب يعرضون بضاعاتهم ويقولون على السوم تشوف واحد يرد عليه ما ادري اذا كان يستضرف دمه او اي شي يطيح لك من سعر السلعة لي القاع اذا كانت جديدة او مستعملة والله يا اخوان هذا الكلام ما اقصد فيه اي احد بس الي قاعد اشوفه من جم موضوع موجود في المنتدى يعني ياريت الادارة تشوفلها حل مع هذول الاعضاء انا ادري انه الشغلة تجارة بس مو على حساب البايع وحتى لو يعني لا تقولون لي فتح السوم مثلا شغلة قيمتها بالسوق 100 دينار والريال يبي يبيعها مستعمل على السوم تشوف الاخ الي يستضرف لك يقولك ب5 او ب10 :(:(:( والمشكلة لو واحد اثنين جان السالفة عادية بس السالفة انهم كل ما قاعدين يزيدون الله يا كثرهم شوفوهم في المواضيع وتعرفونهم انا مو ياي اسوي مشاكل لأحد او اي شي بس يقهروني صراحة هالمجموعة من الناس يا اخي خاف ربك والله لو البضاعة لك ما تحب احد يطيح من سعرها حتى لو بداية السوم لا تبدون بأسعار بالقاع عطو كل ذي حق حقه وزيادة بعد والله ما من ورا هذا الموضوع قصد ولا فائدة احطها بجيبي كلي الي بغيته اني اخلي الكل يستفيد ويرتاح الي يعرض بضاعته وما يحوشه واحد من هالمجموعة الي سبق وذكرتهم ومحد تكلم عنهم وشكرا.....​
     
  2. davidoff

    davidoff عضو جديد

    التسجيل:
    ‏17 مارس 2006
    المشاركات:
    81
    عدد الإعجابات:
    0
    انا ايدك في كلامك وموافقك عليه ميه بالميه
    صح
    مايجوز تبخسون الناس حلالهم
     
  3. NMB

    NMB عضو جديد

    التسجيل:
    ‏4 مايو 2007
    المشاركات:
    1,233
    عدد الإعجابات:
    0
    مكان الإقامة:
    kuwait
    كلامك 100%
     
  4. abanos

    abanos عضو جديد

    التسجيل:
    ‏10 مايو 2007
    المشاركات:
    701
    عدد الإعجابات:
    0
    والله الصراحه اخوي انا غسلت ايدي من بيعه النت

    احس مافيها جديه الكل يستهزأ والاسعار فوق على شنو
     
  5. saqer_dasman

    saqer_dasman عضو جديد

    التسجيل:
    ‏24 مايو 2007
    المشاركات:
    514
    عدد الإعجابات:
    0
    كلامك عدل وعندي اضافه لحد يزعل منها الاحظ ان اعضاء معينين اذا عرضوا سلعه الاغلبيه يتفاعلون معاهم واعضاء آخرين محد يمر سلعتهم وسامحوني هذا اللي لاحظته .
     
  6. BO NASER

    BO NASER عضو جديد

    التسجيل:
    ‏2 سبتمبر 2006
    المشاركات:
    4,028
    عدد الإعجابات:
    0
    مكان الإقامة:
    KUWAIT
    شكرا على الموضوع
     
  7. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    كلك عدل يبا وشاكريلك على هالملاحظه وما اقوول الا وسع صدرك :)
     
  8. Cnnstaff

    Cnnstaff عضو جديد

    التسجيل:
    ‏5 ابريل 2007
    المشاركات:
    568
    عدد الإعجابات:
    0
    سلام عليكم اول شي اشكر صاحب الموضوع على الكلام الي ذكره بس للاسف ياريت في ناس تسمع هالاشكالي الي تتكلم عليهم ياخوي حتى بالموضوع تلقى صاحب السلعه يقوله خاف ربك ولا شي من هالقبيل بس للاسف الي واضح انهم ناس حابه بس تزيد مشاركاتها لا اكثر وتعال شوف لو احد كسر في بضاعتهم مايخلي سبه ما يقولك وبالنسبه للاخ صقر دسمان حبيت اعلق على الجمله الي سويت لها كوبي اول شي شاكر لك اخوي على الاضافة بس بالامانه انا اختلف فيها معاك اول شي على عيني وراسي كل الاخوان سواء الاعضاء ولا المشرفين بس اخوي كل مكان تلقى الانسان المميز تلقى الانسان الي له اسمه وقيمته سواء من خلال تعامله مع الناس واخص بالذكر الاخوة

    (الروماني - موسوي83- يواش- مرور الكرام-مودينا- متداول اسلامي)

    واعذروني لو نسيت الباجيين والموضوع ليس تقليل في حق الاخوة الباجيين بس انا ذكرت الاخوان الي فوق لاني تعاملت معاهم شخصيا وبالامانه ناس ماشفت منهم الا كل خير سواء بحسن التعامل او بحسن الرد مع الشخص لو مهما كان رده

    واول واخر شي اعلق على الموضوع كل الي نقدر نسويه اسلوب التطنش لانه اعتقد حرام نحرق دمنا على مجموعة من الناس تبخس الناس اغراضها

    واسف على الاطاله وشاكر لكم
     
  9. ابن قرناس

    ابن قرناس موقوف

    التسجيل:
    ‏21 ابريل 2007
    المشاركات:
    614
    عدد الإعجابات:
    0


    هذا الكلام وتسلم
     
  10. أحمد ظاهر

    أحمد ظاهر عضو نشط

    التسجيل:
    ‏6 يونيو 2007
    المشاركات:
    3,156
    عدد الإعجابات:
    0
    مكان الإقامة:
    الكويت
    تسلم اخوي abatchy007 وجزاك الله خير حبيبي.

    والله يا أخي انا معاك وكلامك مثل ما تقول جا على الجرح. الصراحة هؤلاء البشر انا شخصيا عانيت منهم كثيرا جدا، لدرجة اني صرت اتردد في وضع اي اعلان للبيع. والصراحة انا لاحظت انه في كم شخص متخصصين في هذا الامر، طبعا ما رح اذكرهم هم عارفين نفسهم عدل.

    وما أقول غير الله يهديهم ويصلح حالهم .. ويرزقنا وإياكم جميعا .. اللهم آمين.
     
  11. مرور الكرام

    مرور الكرام عضو نشط

    التسجيل:
    ‏30 مارس 2007
    المشاركات:
    1,062
    عدد الإعجابات:
    0
    مكان الإقامة:
    Q8
    كلامك صح وهالشي موجود ولا تنسى أخوي أن في جهال عمر وعقل مايعرف يتعامل ولا يتكلم فلابد تشوف منه هالشي


    على كل حال تذكيرك هذا حلو وجاء في وقته


    والربع اللي هذا حالهم أسأل الله أن يهديهم أو يبعدهم عنا

    بالتوفيق
     
  12. المحمدي11

    المحمدي11 عضو جديد

    التسجيل:
    ‏7 فبراير 2006
    المشاركات:
    565
    عدد الإعجابات:
    0
    كلام صحيح أخوي ، ولكن ...

    لا تنسى أمرين :

    الأول : أن هناك من يدخل يزيد في السعر و هو لا يريد الشراء إنما يرفع من أجل صاحب السلعة وقد يكون هو نفسه باسم ثاني ...

    و الثاني : إن من أراد أن يبيع أو يعرض سلعته فعليه أن يتحمل السوم، لأن الكل منا يريد أن يربح أو يظفر بشيء سعره رخيص ...

    والأحسن هنا أن صاحب السلعة يحد سلعته بسعر معين ، وإن حس إنه فيه شخص جاد ممكن ينزل من السعر على الخاص أو غير ذلك ..

    وعذراً للمداخلة
     
  13. abanos

    abanos عضو جديد

    التسجيل:
    ‏10 مايو 2007
    المشاركات:
    701
    عدد الإعجابات:
    0
    بس لا تنسون في ناس يعرضون سلعتهم باسعار مبالغه
     
  14. الفودري

    الفودري عضو جديد

    التسجيل:
    ‏11 يوليو 2007
    المشاركات:
    155
    عدد الإعجابات:
    0
    مكان الإقامة:
    الكويت
    والله ياخوي كلامك على متمه ....
     
  15. الألماني

    الألماني عضو جديد

    التسجيل:
    ‏26 يونيو 2007
    المشاركات:
    78
    عدد الإعجابات:
    0
    كلامك مو عدل يعني يا نسوم على سعرك يا لاتسومون يبا هذا سوق عرض وطلب


    انت تحط بضاعتك وانا اسوم حتى لو بفلس انت ما أعجبك سعري يا أخي لا تبيع في من الشباب من الي يزيد على سعري

    يعني يبا كلامك هذا مومنصف

    سويتها مشرفين وشككت بمصداقية الشباب....

    عموما وضحت الصورة ولا لأ ومرة ثانية أقول الواحد يحط بضاعته والشباب لهم الحق في بداية السومة حتة لو بفلس
     
  16. مرور الكرام

    مرور الكرام عضو نشط

    التسجيل:
    ‏30 مارس 2007
    المشاركات:
    1,062
    عدد الإعجابات:
    0
    مكان الإقامة:
    Q8
    اخوي الألماني

    اوكي وقت مايكون السوم مفتوح من صاحب السلعة وطالب فيها لأعلى سعر ماكو مشكلة سوم لين يوصل السعر اللي يبيه راعيها

    لكن هل من العدل انك تلاقي السوم واصل 100 وتسوم 50

    يجي الثاني يقول جهازك مايسوى ومواصفاته عادية ويقعد يخرب البيع و مادري ليش السوم واصل هالسعر

    يجي الثالث يقول انا محصل نفسه بأقل وهم يخرب ويشكك الناس


    ياخوي تبي تشتري أهلا وسهلا ماتبي لا تخرب على غيرك

    الجهاز معروض وعليه سوم ياتزيد على السوم يا إنك لا تخرب عل اخوانك


    مسألة ان في ناس تسوم وماتبي تشتري والله لا أنا ولا إنت بنعرفهم وكفيلهم الله وهو المطلع عليهم وكل شي مسجل عند الله سبحانه فالغشاش الله حسيبه

    مسألة ان في شخص مسجل باسمين أرجو من الإدارة محاولة معرفة هالشي واذا ماقدرو كذلك حسبيهم الله

    وبالأخير يجب علينا التحلي بالمصداقية والجد في الطرح وعدم الاستهزاء بالأخرين وبضاعتهم

    والرزق والتوفيق ماهو على العبد لو يتعب الليل والنهار
     
  17. أحمد ظاهر

    أحمد ظاهر عضو نشط

    التسجيل:
    ‏6 يونيو 2007
    المشاركات:
    3,156
    عدد الإعجابات:
    0
    مكان الإقامة:
    الكويت
    وأضيف على ما قاله أخونا "مرور الكرام" .. انه تلاقي الشغلة احنا عارفين عدل انه الشغلة هذه تسوى مثلا مو اقل من 100 والبائع فاتح السوم .. فمن غير المنطقي او الاخلاق انه واحد يجي يقول بدينار او حتى 50 دينار!

    هذي مو شطارة ابدا .. هذا اسمه بخس لحقوق الناس وهذا اسمه استغلال لحاجات الناس .. وهذا لا الله يرضى فيه ولا اي مخلوق على الارض

    فأتمنى من الاخوة ان يتقوا الله ويراعوا حقوق الآخرين .. ويعطوا كل ذي حق حقه .. وليتذكر الجميع انه في ملائكة على اكتافنا تكتب حسناتنا وسيئاتنا

    الله يغفر لنا اجمعين
     
  18. Fayez

    Fayez عضو جديد

    التسجيل:
    ‏20 سبتمبر 2004
    المشاركات:
    656
    عدد الإعجابات:
    0
    المسألة بسيطة المفروظ البايع يحدد سعر ابتداء السوم يعنى الحد الادنى من قيمة السلعة ويطلب السوم من هذا السعر ... وانشالله يلتزم الجميع ... ولا تنسى بالنقابل في ناس تعرض اسعار قريبة من سعر السةق على سبيل المثال قطعة قيمتها 100 دينار بالسوق يبي يبيها بـ 95 دينار.

    فأتمنى الوسيطة بالامرين

    وبالتوفيق انشالله للاخوان
     
  19. ابن قرناس

    ابن قرناس موقوف

    التسجيل:
    ‏21 ابريل 2007
    المشاركات:
    614
    عدد الإعجابات:
    0
    crystal مسجل باسمين

    والكل يدري عن هالشي
     
  20. mbtsm

    mbtsm عضو نشط

    التسجيل:
    ‏14 مايو 2007
    المشاركات:
    219
    عدد الإعجابات:
    0
    j

    السلام عليكم بالاول
    ثانيا بالنسبه للموضوع صراحه عجزنا ويا الاخوة واهنا انتكلم فيه بس للاسف موراضين يبطلون هالحركات والله يهديهم انشالله والرزق على الله وصراحه صارت السوالف هذي معاي بس محد راح يرد الرزق عنك لوشنو
    بالاخير احب اقول الملخص كله قاله مرور الكرام شاكرين لكم على الموضوع
     
حالة الموضوع:
مغلق