زيادة اسعار الكهرباء

الموضوع في 'السوق الكويتي للأوراق الماليه' بواسطة جاد جدا, بتاريخ ‏22 يوليو 2007.

حالة الموضوع:
مغلق
  1. جاد جدا

    جاد جدا عضو جديد

    التسجيل:
    ‏29 مايو 2006
    المشاركات:
    340
    عدد الإعجابات:
    0
    اخيرا اتضح الهدف الحقيقي من الحملة الوطنية لترشيد صرف الكهرباء فقد نالت وزارة الكهرباء موافقة محلس الوزراء لزيادة الاسعار
     
  2. قليل البخت

    قليل البخت موقوف

    التسجيل:
    ‏25 نوفمبر 2006
    المشاركات:
    177
    عدد الإعجابات:
    0
    مكان الإقامة:
    مو شغلك
    لا تستبعد الظاهر تحسفوا على ال 2000 دينار اللي عطونياها كهربا وليتهم معطينياها كاش
     
  3. issa7952

    issa7952 عضو جديد

    التسجيل:
    ‏20 مايو 2004
    المشاركات:
    130
    عدد الإعجابات:
    0
    وليت شيبون هل حكومه يبون الناس تطر عند المساجد انا الحمدالله عندي ادفع ما يهمني بس والله في كويتين مولاقون ياكلون المعاش ما يكفي والحكومة تبي ضرايب وتبي تزيد الكهرباء الحين الله المستعان
     
  4. Solid_investor

    Solid_investor عضو نشط

    التسجيل:
    ‏17 فبراير 2004
    المشاركات:
    1,461
    عدد الإعجابات:
    1
    مكان الإقامة:
    الكويت
    ممكن يكون حل للهدر ... المشكلة هل الوزارة بتحصل الفلوس ؟
     
  5. البيروتي

    البيروتي عضو نشط

    التسجيل:
    ‏23 فبراير 2006
    المشاركات:
    1,138
    عدد الإعجابات:
    186
    مكان الإقامة:
    الكويت
    الله يستر من محلس :D
     
  6. المستشار الصغير

    المستشار الصغير عضو مميز

    التسجيل:
    ‏7 يونيو 2006
    المشاركات:
    1,817
    عدد الإعجابات:
    781
    أنا أقول خيرنا حق غيرنا

    هذا وإحنا دولة نفطية وسعر الدينار إرتفع واقوى عملة بالعالم وإستثماراتنا ما شاء الله تارسة الدول
    بس الواحد شنو يقول الله كريم :eek: :eek:
     
  7. السور

    السور عضو نشط

    التسجيل:
    ‏18 يونيو 2007
    المشاركات:
    6,918
    عدد الإعجابات:
    5,148
    شدوا الحزام !!
     
  8. life-enginer

    life-enginer عضو جديد

    التسجيل:
    ‏30 يونيو 2007
    المشاركات:
    1,188
    عدد الإعجابات:
    0
    والله العظيم الواحد ما وده يعلق على هالموضوع بس قهههههههههههههههههههر والله بس ما قول الى أخذو من جيبي وعايدوا غيري وبالنهايه الكويت الحبيبه تنشر أخبار التبرعات الجميله ولدول عزيزه :(( وحنى ماسكين ورقه وقلم نحسب 300 لمركز سلطان(أرخص من الجمعيات):(( و200 أقصاد وبانزين و200 للأعيال و170 فواتير للكهربا وضريبه وغيرها وبعد المعاشات بسبوع اذا مو أقل العالم يدورون سلف ممكن تكون هذي الاستراتيجيه والله أعلم :confused: :confused:
     
  9. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    خل يحطون عدادات فى البيوت الى مافيها عدادات او بعدين خل يرفعون السعر بطريقه الشرايح علشان يدفع اكثر الى يستهلك اكبر وبعدين خل يحاسبون الشركات والمصانع بسعر غير بعدين خل يفكرون يرفعون السعر على المستهلك العادى
    شركات النفط كان عندها انتاج كهرباء وكتفيه ذاتيا الحكومه اهى الى قالت لا تنتجون كهرباء احنا نعطيكم وخلوا العالم يسكربون محطات الطاقه الى عندهم والحين يقولون نقص
    اهم شىء فى سعر الكهرباء بالنسبه لدول العالم اهو تكاليف الوقود واحنا عندنا التكلفه لاتذكر ليش نرفع الكهرباء محنا ملزومين بحساب التكلفه لانتاج الطاقه بسعر الوقود العالمى
     
  10. ماسنجر كويتي

    ماسنجر كويتي عضو جديد

    التسجيل:
    ‏14 يوليو 2007
    المشاركات:
    175
    عدد الإعجابات:
    0
    منو شاف الشعب القطري شلون عايشين تقول ملوك

    ومن شاف التطور عندهم


    وتدرون شنو شعارهم

    ( كويت الماضي ودبي الحاضر ودوحة المستقبل )
     
  11. UNIX

    UNIX موقوف

    التسجيل:
    ‏9 ابريل 2007
    المشاركات:
    7,556
    عدد الإعجابات:
    1
    الحكومة ما قصرت 50 عام من الترف، لعل و عسى الناس تحس و تبطل اسراف. الشعوب العربية تنعتنا باليهود، عسى ربي ايديمج يا كويت الخير علمتيني و ربيتيني و وكلتيني و شربتيني و عالجتيني و وظفتيني و زوجتيني ببلاش! بس باقي اتدبخيني و اتنوميني ببلاش! اوه صح سكنتيني ببلاش!

    شبي بعد؟ باقي بس توصلني لي باب الجنة ببلاش! اووه صح نسيت! بنيتي لي مسجد يم بيتنا و حطيتي مركز حفظ للقراّن يمنا!

    يا جماعة؟ كل هذا و مو كافي؟ اتقوا الله و لا تنكرون المعروف ديرتنا ديرة خير و ما خططوا ان يزيدون الاسعار الا علشان نحس بالنعمة و نقتصد! للأسف كلمة كيفي كويتي اندرجت وايد! روحوا شوفوا العلاج في الخارج الناس تبي تصيف على حساب الحكومة!!

    اتحدى أي دولة على وجه الأرض أو باطنه سوت اللي سوته!
     
  12. no smoking

    no smoking عضو جديد

    التسجيل:
    ‏6 ابريل 2006
    المشاركات:
    300
    عدد الإعجابات:
    1
    عفوا كلامك مردود عليه . بالنسبه للتعليم اغلب الناس اتجهت للمدارس الخاصه وذلك لتدني مدارس الحكومه اللي لازم تحط مدرسين خصوصيين بما يعادل مصاريف المدرسه الخاصه يعني المواطن هو الدافع للتعليم . اما العلاج ايضا الاغلبيه اتجهت الي المستشفيات الخاصه وذلك لتدني القطاع الحكومي اللي اكثر ادويته تجاري يعني هم المواطن هو الدافع للعلاج . اما للوظيفه فالمواطن يعمل ويجهد مقابل راتب وهو حق كفله الدستور له وليس صدقه من الحكومه . اما المساجد التي تكلمت عنها يم كل بيت فهي تبرعات اهل الخير من عوايل الكويت وليست من الحكومه . وعندما تتكلم عن العلاج بالخارج فهي لعبه ابتدعتها الحكومه وجعلتها ادات ضغط لتمرير ما تريد من قبل المجلس . للعلم فقط الحكومه تدفع سنويا مصاريف العلاج بالخارج ربع مليار دينار كويتي مبلغ مثل هذا لسنه واحده فقط يستطيع ان يبني للكويت احدث مدينه طبيه علي مستوي الشرق الاوسط . ولكن الحكومه لاتريد ان تفقد اجندتها الخاصه للسيطره علي الاعضاء . المورد الاساسي وهو النفط ماذا فعلت له الحكومه مصافي وامدادات النفط قارب عمرها الافتراضي ولم تحرك الحكومه ساكنا . الكهرباء مستشارين ومهندسين ومسؤلون حذوروا الحكومه عده مرات من 10 سنين ولم يحصل تجاوب . واخيرا لكم هذا الخبر اللي شفتا في احد المواقع . في عام 1967 أقرت ولاية ألاسكا الغنية بالبترول قرار دستوري يقضي بتوزيع نسبة من فائض دخل البترول كأرباح (أو شرهات) سنوية على مواطني الولاية لتحسين مستوى دخل الفرد. للمريد من المعلومات زورا الموقع الرسمي للجهة المشرفة على هذا الصندوق: http://www.apfc.org وحتى ألمانيا تدرس حاليا مشروع حكومي لتوزيع نسبة من فائض الميزانية على المواطنين نظرا لما تشهده ألمانيا من طفرة في اقتصادها. هذا مع العلم أن سعر البترل بالأمس أقفل على أعلى سعر تاريخي له 79 دولار أمريكي للبرميل.
     
  13. بو دانه

    بو دانه عضو جديد

    التسجيل:
    ‏11 ابريل 2007
    المشاركات:
    16
    عدد الإعجابات:
    0
    صج لي قالو دييييييييييييييييييرة بطييييييييخ
     
  14. بو دانه

    بو دانه عضو جديد

    التسجيل:
    ‏11 ابريل 2007
    المشاركات:
    16
    عدد الإعجابات:
    0
    صج لي قالو دييييييييييييييييييرة بطييييييييخ:((
     
  15. UNIX

    UNIX موقوف

    التسجيل:
    ‏9 ابريل 2007
    المشاركات:
    7,556
    عدد الإعجابات:
    1
    كلامي مو مردود عليه كلش.

    تعليمي كان بالحكومة و ما يبت و لا مدرس خصوصي. اللهم بس نص دينار كل يوم حق المقصف. تفوقت و رحت بعثة على حساب الحكومة و أخذت الماستر على حساب الحكومة. و لما أمرض اروح المستوصف. و لي بقيت أصلي يمي مسجد مبني من قبل وزارة الأوقاف. و الدستور اللي وظفني حاطينه عيال الصباح "عبدالله السالم" و لما قررت أترك العمل الحكومي و أروح الخاص! الحكومة كافئتني ب 240 دعم العمالة :)

    صدقني ما تلقى أحلى من هالدلع! السؤال الصح!!! أنا شنو عطيت الكويت؟؟ أنت شنو عطيت الكويت؟ اترك عنك ألاسكا!! أنا كنت عايش بأمريكا و شايف كل شي و صدقني لو تعيش بأمريكا راح تبكي دم! حتى تفخ التاير بمحطة البانزين بفلوس! و أصلا احنا عندنا من أفضل الأنظمة التقاعدية :) روح ادعم باب كراج بيتكم و روح ييبلك تقرير صحي انك عاجز "مزور" و تقاعد تقاعد صحي تستلم معاشك كامل.

    و أكبر دليل على كلامي أن الكويت مافي منها! تذكر عدل 2/8/1990* شنو صار وياك؟ شفت منظرنا و احنا مشردين؟ هم الحكومة ما قصرت!! مشت لنا معاشات و سكنتنا واحنا ما عندنا بلد!!

    يا جماعة اذكروا الله! لا تنكرون معروف الكويت! الكويت ماهي بقرة تنحلب! لا تصيرون مثل الفلسطن لما الكويت وقفت الدولار عنهم قاموا يشتمون فينا ليل نهار.

    عشت في أمريكا و بريطانيا بس مثل الكويت مافي!! لو أعيش طول عمري أشتغل ببلاش ما ارح أرجع 1% من دين الكويت علي.

    * كم نسبة هروب الكويتيين الى الخارج أول أيام الغزو بس؟ "هذا رد جميل الكويت علينا؟"
     
  16. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    عادي خل يزيدون............اخر شي راح ينقلب ضدهم هالاضطهاد و راح ياكلونها مفلفله...........اذا انفجر الشعب صعبه السيطره عليه
     
  17. al7bebe

    al7bebe عضو نشط

    التسجيل:
    ‏24 مارس 2005
    المشاركات:
    10,052
    عدد الإعجابات:
    941
    هناك خلل كبير في السياسة الداخلية وعدم الامبالاة من نتائجها

    حسب مايدور من الديوانيات الكويتية عن آخر اخبار عن الضرائب انهم في اشد الغضب من هذا الخبر . واليوم خبر زيادة سعر التكلفة للطاقة. ماذا سوف تكون نتيجة وتأثير ردود الشعب خلال الاشهر القادمة. هذا هو الخطير والله يستر.
    ارجوا من سياسة الحكومة التي تتبعها الحكومة في كسب تأييد وولاء الدول من خلال التبرعات والقروض والمساعدات عن طريق المنحة من الصندوق الكويتي وغيرها من مصالح مشتركة . اعتقد انه انتهى عصر صدام ولاتوجد مخاوف اخرى.
    لذا ارجوا من الحكومة ان تغير سياستها الخارجية او تخفف منها على الاقل وتنظر الي السياسة الداخلية في الولاء وكسب الشعب الكويتي لانه مصدر رزق لها وأمن للنظام ومصدر خطر في نفس الوقت ان كان هناك خطر على رزق الشعب الكويتي. والدليل الاحداث قبل الغزو والاحداث اثناء الغزو والاحداث بعد التحرير.................الخ.
     
  18. خالد العتيبي

    خالد العتيبي عضو جديد

    التسجيل:
    ‏2 أغسطس 2004
    المشاركات:
    666
    عدد الإعجابات:
    0
    مكان الإقامة:
    الكويت
    لا يمكن تمرير هذا الأمر بدون موافقة مجلس الأمة...
     
  19. المضاربه فن

    المضاربه فن عضو نشط

    التسجيل:
    ‏26 سبتمبر 2004
    المشاركات:
    1,323
    عدد الإعجابات:
    0
    حرام عليك ياحكومه
    تري الكويتي ما يستاهل التبهذل
    اسمعوا قصيدة طلال السعيد
    وحسوا علي دمكم
    لاحول ولا قوة الا ب الله
     
  20. ماسنجر كويتي

    ماسنجر كويتي عضو جديد

    التسجيل:
    ‏14 يوليو 2007
    المشاركات:
    175
    عدد الإعجابات:
    0

    الظاهر كرشك متفوخ
     
حالة الموضوع:
مغلق