الى عملاء بيتك للتداول..خاصة والاخوان عامه نرجو التفاعل

[مجرد انسان]

السلام عليكم

الظاهر في احد من بيت التمويل هني ، يعني فرصه اوضح ملاحظاتي كزبون حق بيت التمويل

انا من الناس اللي نطروا خدمة التداول الالي لبيت التمويل مده طويله

حاليا انا اشتركت في الخليج ، حولت اسهمي (الخسرانه طبعا) من دلالي الى دلال الخليج يمكن بيومين
رسوم اضافيه مافي غير عمولة الدلال
السحب والايداع كله سريع وعادي كأي دلال
قاعد اتصل من كرت من البقاله والحمدلله كله تمام
اما سالفة شهر على ما تحول اسهمك
وسالفة 500 دينار بالحساب ، فما تصلح

فاسمحولي ، انا اقترح التالي حق بنكي العزيز عشان صج ينافس بالسوق :

لازم يكون عنده مكتب وساطه حتي يصير حاله حال العالم
يقدم برنامج مباشر ويقدم تحاليل وخدمات اضافيه عشان يغري الزباين يجون عنده
رسوم اضافيه مافي

وسلامتكم

 

[Sniper Stock]

ابشركم..البرنامج القديم رائع جدا..والاروع تحديث البرنامج الاخير قمة بالروعه الاوامر قبل كلك بالماوس..الظاهر تتش ( اللمس )

ماقصروا بيتك للتداول...وهذا دعم للحلال ومنها للأعلى ياشركة المثنى موفقين

 

[حفار قبور]

أحسن شي المباشر ببلاش وإذا سووه بفلوس أفكر أروح مكان ثاني لأن شنو الفرق بينهم وبين بنك ثاني ياخذون مبالغ في الطالعة والنازلة ؟

المفروض منهم يخلونه مجاني لتشجيع الناس على التداول في الشركات الإسلامية علشان الله يبارك في البنك أكثر وأكثر ، وبعدين كافي العمولة اللي ياخذونها من عمليات التداول ، طالعين واكلين ونازلين واكلين

 

[Buffett]

الله يعطييكم العافيه

ومنها للأعلى انشالله

التداول جميل جدا وممتاز

وبعض السلبيات اللي في البرنامج تلقون حلولها عند الاخوان على رقم 824000

الصراحه بالنسب لي يردون بسرعه وما يقصرون على طول يحلون مشكلاتي

يزاكم الله خير

 

[بوحمد2]

شباب استفسار بسيط
اليوم بعت اسهم عن طريق بيتك للتداول

وبغيت احول المبلغ لحسابي في بيت التمويل لكن يطلعلي ان المبلغ اللي اقدر احول 18 دينار وهو المبلغ اللي كان موجود بالحساب يوم كانت الاسهم عندي بالمحفظه ومبلغ الاسهم اللي بعتها مااقدر احولها او بالاحرى مالقيتها

للعلم والافاده

 

[فهد_الكويت]

بوحمد
المبلغ أعتقد بعد ثلاث أيام تقدر تحولها
راح تشوف المبلغ تحت بند مبالغ محجوزه

 

[hassankoc]

صار شي عالموقع طورو فيه شي الحين؟

 

[WishToWin]

شباب استفسار بسيط
اليوم بعت اسهم عن طريق بيتك للتداول

وبغيت احول المبلغ لحسابي في بيت التمويل لكن يطلعلي ان المبلغ اللي اقدر احول 18 دينار وهو المبلغ اللي كان موجود بالحساب يوم كانت الاسهم عندي بالمحفظه ومبلغ الاسهم اللي بعتها مااقدر احولها او بالاحرى مالقيتها

للعلم والافاده

المبلغ موجود بالرصيد الكلي عندك ولكن بالتفاصيل يكون النقد المتاح هو18 ونقد تحت التحصيل مبلغ الأسهم اللي بايعها (تنزل بعد يوم او يومين وبالكثير ثلاثه ايام) .... أما اذا ابتشتري تقدر تشتري بنفس الوقت اللي بعت فيه مباشره عادي وهذه (القدره الشرائيه)

بعد ما يصير المبلغ (في صافي النقد) اتحول اذا قبل الساعه 11 صباحا تنزل بنفس اليوم واذا بعد الساعه 11 تنزل ثاني يوم

هذا الكلام عن تجربه

موفق ان شاء الله

 

[WishToWin]

بوحمد
المبلغ أعتقد بعد ثلاث أيام تقدر تحولها
راح تشوف المبلغ تحت بند مبالغ محجوزه

توضيح اخوي

تحت بند (نقد تحت التحصيل)

بند (مبالغ محجوزه)=(نقد محجوز) هذا المبلغ اللي انت محوله يقعد محجوز لين يتم استلام البنك للطلب وبعدها ينزل بحسابك البنكي

وشكرا

 

[ABO_BADER]

السلام عليكم ورحمة اللّة وبركاتة
يعطيكم العافية ياشباب ....
هذي اول مشاركة لي في هذا المنتدى الرائع
وحبيت استفسر أخواني انا مشترك جديد في خدمة بيتك للتداول حبيت اعرف اشلون طريقة تحويل الأموال من حسابي للتداول الى حسابي للبنك
ويعطيكم العافية​

 

[بوحمد2]

المبلغ موجود بالرصيد الكلي عندك ولكن بالتفاصيل يكون النقد المتاح هو18 ونقد تحت التحصيل مبلغ الأسهم اللي بايعها (تنزل بعد يوم او يومين وبالكثير ثلاثه ايام) .... أما اذا ابتشتري تقدر تشتري بنفس الوقت اللي بعت فيه مباشره عادي وهذه (القدره الشرائيه)

بعد ما يصير المبلغ (في صافي النقد) اتحول اذا قبل الساعه 11 صباحا تنزل بنفس اليوم واذا بعد الساعه 11 تنزل ثاني يوم

هذا الكلام عن تجربه

موفق ان شاء الله

مثل ماقلت بالظبط بارك الله فيك

 

[WishToWin]

السلام عليكم ورحمة اللّة وبركاتة
يعطيكم العافية ياشباب ....
هذي اول مشاركة لي في هذا المنتدى الرائع
وحبيت استفسر أخواني انا مشترك جديد في خدمة بيتك للتداول حبيت اعرف اشلون طريقة تحويل الأموال من حسابي للتداول الى حسابي للبنك
ويعطيكم العافية​

وعليكم السلام ورحمة الله وبركاته

راح أشرح بالتفصيل الدقيق حتى تعم الفائده (العمليه جدا سهله)

طال عمرك تقدر اتحول من البرنامج مباشر

اتروح على أيكون الحساب من الخمس قوائم الي فوق

يفتحلك المحفظه والأسهم المملوكه والنقد بالتفصيل

على اليسار ستجد مفتوح بند التقارير(وضع المحفظه-التقرير الملخص-النشاطات-الربح والخساره-السجل التاريخي) انزل للآخر تلقى اعدادات وتحتها تحويل

اضغط على تحويل يفتحلك قائمتين (تحويل خارجي للنقد - تحويل خارجي للأسهم)

اضغط على تحويل خارجي للنقد يفتحلك مربع فيه
المبلغ الكلي المتاح(Max transfer) وتحته
المبلغ المراد تحويله(كمية التحويل) أدخل المبلغ المطلوب ثم أضغط موافقه
ثواني ويطلع التأكيد بمربع صغير Do you want to place transfer request
اضغط Yes
ثواني ويعطيك التأكيد النهائي Cash transfer request send to MIC
أضغط OK تلقى المبلغ انخصم من المتاح وصار محجوز

اتمنى اني فدتك .. واذا هناك اي استفسار ترى حاضر

 

[ABO_BADER]

وعليكم السلام ورحمة الله وبركاته

راح أشرح بالتفصيل الدقيق حتى تعم الفائده (العمليه جدا سهله)

طال عمرك تقدر اتحول من البرنامج مباشر

اتروح على أيكون الحساب من الخمس قوائم الي فوق

يفتحلك المحفظه والأسهم المملوكه والنقد بالتفصيل

على اليسار ستجد مفتوح بند التقارير(وضع المحفظه-التقرير الملخص-النشاطات-الربح والخساره-السجل التاريخي) انزل للآخر تلقى اعدادات وتحتها تحويل

اضغط على تحويل يفتحلك قائمتين (تحويل خارجي للنقد - تحويل خارجي للأسهم)

اضغط على تحويل خارجي للنقد يفتحلك مربع فيه
المبلغ الكلي المتاح(Max transfer) وتحته
المبلغ المراد تحويله(كمية التحويل) أدخل المبلغ المطلوب ثم أضغط موافقه
ثواني ويطلع التأكيد بمربع صغير Do you want to place transfer request
اضغط Yes
ثواني ويعطيك التأكيد النهائي Cash transfer request send to MIC
أضغط OK تلقى المبلغ انخصم من المتاح وصار محجوز

اتمنى اني فدتك .. واذا هناك اي استفسار ترى حاضر

جزاك اللُةخير أخوي على هالمعلومة توني عرفت الطريقة

 

[بايع شاري]

هل في عندهم اجل ويعطون مارجن مثل كيفك ؟

 

[temp123]

ماعندهم اجل
عندهم التوريق بفائده سنويه 8-9 % ويعطونك نسبه 150% من الرصيد الي اكثر من 200 الف دينار