صلاة جمعة وخطبة اتقواالله فينا ياحكومة الكويت

الموضوع في 'السوق الكويتي للأوراق الماليه' بواسطة بليهان, بتاريخ ‏27 يوليو 2007.

حالة الموضوع:
مغلق
  1. بليهان

    بليهان موقوف

    التسجيل:
    ‏19 سبتمبر 2005
    المشاركات:
    237
    عدد الإعجابات:
    0
    اولا لن نكابر ان الحكومة ترللي والمجلس تيش بيش طاب خاطري اليوم واول مرة تحصل في تاريخنا ان نصلي علي الاوتو للتكييف كل ثلاث دقايق تشتغل وعقبها بدققتين توقف تبي الصج يخطب الخطيب وحنا ندعي علي اللي بهذلنا والعالم لااخشعت في صلاتها كلها علشان الكهرباء لاتطفي بقولها صراحة ابي اسال فلوسنا وين نفطنا وين مال الاجيال وين سلم علي دولة الكويت وقول شوفو السعودية قارة كاملة وشعب هائل والكهرباء ماعمرها طفت ياليت سمو الشيخ محمد بن راشد ال مكتوم يدرس حكومتنا لو اسبوع يمكن تطلع لنا طلعة شوي وحنا اوالة تعديات واغلاق محلات ومهاوش اعضاء وسرقات ومستانسين بالقبض علي وحش حولي شلون لو بو مصعب الزرقاوي مسوي فينا بلاوي العراق والله ماتلقلة بالديرة احد
     
  2. ابومهاوى

    ابومهاوى عضو جديد

    التسجيل:
    ‏28 يوليو 2005
    المشاركات:
    582
    عدد الإعجابات:
    0


    أخوي شلونك ؟؟ إن شاء الله بخير :)



    شرايك بمصر ؟؟



    خصوصآ القاهرة بالصيف :)



    عدد سكان القاهرة .



    المغتربين المصريين العائدين من الخارج خصوصآ المدرسين .



    السواح اللي من كل دول العالم .



    لايوجد عندهم موارد نفطية .



    لايوجد عندهم إنقطاع بالكهرباء ولا أزمة مياه .




    عمااااااااااار يامصر والله أكبر ما شاء الله :rolleyes:



    واللي صاير عندنا بالديرة (((((((((((( عيب )))))))))))) :((



    الرجل المناسب قاعد بالبيت وولدنا ماسك المنصب ولا يعرف كوعة من بوعة.




    مع التحية...............
     
  3. raay

    raay عضو نشط

    التسجيل:
    ‏11 نوفمبر 2006
    المشاركات:
    1,261
    عدد الإعجابات:
    340
    هذا بلا ابوك يا عقاب
    تسلم ايدينك اخوي ... اصابه الهدف ١٠٠٪
     
  4. nokia70

    nokia70 عضو نشط

    التسجيل:
    ‏3 أغسطس 2004
    المشاركات:
    212
    عدد الإعجابات:
    19
    مكان الإقامة:
    الكويت
    كلامك 100%
    فعلا انا امس صليت العشا في مسجد الي بجانب مستشفى الأميري والمكيفات كانت مسكرة وشغلالين فقط على البنكات
    وريحة المسجد شي مو طبيعي
    والشي الثاني بعد الي فعلا استغربت منه وهو وقت إقامة الصلوات,
    فالوقت بين الاذان وإقامة الصلاة تم تقصيرة بهدف التوفير والترشيد!!
    ما اقول الا حسبي الله ونعم الوكيل
     
  5. بليهان

    بليهان موقوف

    التسجيل:
    ‏19 سبتمبر 2005
    المشاركات:
    237
    عدد الإعجابات:
    0
    تدري الحل شنو ان نقول نفس ماقال مسلم البراك يوم قال بالمجلس ديرة بطيخ وحنا نقول غيرها ديرة ماني قايلها اخاف يشطبني المراقب بقولها بقلبي
     
  6. (واحد من الناس)

    (واحد من الناس) عضو جديد

    التسجيل:
    ‏13 ابريل 2006
    المشاركات:
    1,138
    عدد الإعجابات:
    0


    الكويت مقبلة على نهضة عمرانية مثل ما الكل شايف ومن الطبيعي راح يصير ضغط على الكهرباء بزيادة الاستهلاك

    اعتقد "الفطاحل" ما عملوا توازن بين النهضة العمرانية و زيادة استهلاك الكهرباء الا لما طاح الفاس بالراس والشعب هو الضحية


    مصر كل شغلها ترميمات

    وما يبنون الا لما بناياتهم تطيح!

    اما الكويت فزادت المباني بشكل جدا ملحوظ

    اعتقد ازمة الكهرباء ستعدي عند اكتمال تركيب المحطات الجديدة

    بس بعد ما شبعنا خياس
     
  7. raay

    raay عضو نشط

    التسجيل:
    ‏11 نوفمبر 2006
    المشاركات:
    1,261
    عدد الإعجابات:
    340
    وين التخطيط والرؤيه المستقبليه واعداد الخطط والتجهيزات
    العالم كله يخطط ويدرس ويرتب اموره الا احنا
    جماعتنا ماكو مثل هالسوالف بس ... نغاريه وتقليد وحسد وليش ... هذا مو ولدنا ... الخ من هالكلام اللي يخلينا نرد للورا
    حارة كل ايدو ايلو ... عجب واله عجب
     
  8. شحبار

    شحبار عضو جديد

    التسجيل:
    ‏21 ابريل 2007
    المشاركات:
    101
    عدد الإعجابات:
    0
    وزيدك من الشعر بيت مصر على الله ثم على السد العالي مصر كلها كهربتها من السد وتوهم يسوون محطات لكن قليله ولا تنقطع عليهم الكهرباء
     
  9. فهد الفهود

    فهد الفهود عضو نشط

    التسجيل:
    ‏10 يونيو 2006
    المشاركات:
    791
    عدد الإعجابات:
    6

    صحيح اللي صاير عندنا عيب وعيب كبير
    لاكن تقارنا بمصر ... بمصر ياما تنقطع عندهم الكهربا وبمصر مناطق وايده ما فيها كهربا

    وأما عن ماي مصر ماي خايس وكل الناس تشرب ماي صحه ما عدا الفقراء طبعا وهم الأكثري بمصر

    وعلى قولتك عمار يا مصر .... عيل ليش ملايين المصريين بره مصر

    ترى مصر عندها موارد اكثر من كل دول الخليج
    عندها
    1- نفط وغاز .... لا وتصدر بعد حق منو حق اسرائيل
    2- عندها السياحة
    3- عندها قناة السويس
    4- عندها هبات امريكية وخليجية ببلايين الدولارات سنويا
    5- عندها أيدي عاملة رخيصة
    6- عندها النيــــــــــــــــــــــــــــــــــل
    7- عندها عمالة بالخارج تدخلهم المليارات شهريا
    8 - عندها نظام ضريبي يدخلهم المليارات هم شهرا
    وعندها وعندها وعندها ....

    بس الحبايب بمصر ماخذينها فهلوة علينا وعلى أهل الخليج
     
  10. jamal221

    jamal221 عضو نشط

    التسجيل:
    ‏8 مارس 2006
    المشاركات:
    122
    عدد الإعجابات:
    0
    ياحظكم ما شاااااااااء الله.

    مشاء الله يالحبيب أنتم زين "auto"....حنا يطفون التكييف "المركزي" بعد كل صلاة تصور "المركزي" لين ماقام يحتر ويحتر وآخر شيء إحترق....قلنا لهم يبا مركزي ما يصير شغّل وطفي ولكن لاحياة لمن تنادي...وشتتوقع من وزارة يديرونها "الصوفة" والصوفيين غير دق الطبول والدفوف.
     
  11. BMW2007

    BMW2007 عضو جديد

    التسجيل:
    ‏17 مايو 2006
    المشاركات:
    2,293
    عدد الإعجابات:
    1
    ابشركم مو الكهربااء ماينا مقطوع صارله 4 اياام
    وشغاال علا التنااكر

    بعرف اللي مطلع نظرية انه الكويتي مرهف منوو
    لاكهرباء ولاماي
     
  12. عليمنكي

    عليمنكي عضو نشط

    التسجيل:
    ‏17 يوليو 2005
    المشاركات:
    360
    عدد الإعجابات:
    0
    مكان الإقامة:
    الكويت
    ابشركم بسي يضيق خلقكم

    ماراح تنحل مشكله الكهرباء
    واللي قاعدين يستوردونها اللحين ويركبونها
    توربينات مو محطات
    وعلشان يبنون محطات يبيلهم 5 سنين

    التوربين مثل مكينه الكهرباء تحط لها بنزين تعطيك كهرباء
    هم حل مؤقت ------- عمار ياكويت
     
  13. issa7952

    issa7952 عضو جديد

    التسجيل:
    ‏20 مايو 2004
    المشاركات:
    130
    عدد الإعجابات:
    0
    تدرون متى راح يصير القطع والقطع المبرج وراح صج تخيسون من الحر انتوا وعيالكم في شهر رمضان لانه الناس تكون رجعت من السفر والضغط على الكهرباء زاد واللي مخلي الكهرباء ما يقطعونها اللحين انه الناس اللي مسافرة مخففه الضغط على الكهرباء تبون الصج ما يقهرني الا لي قالوا في الاخبار عن اي خبر للحكومه دايما يقولون الحكومه الرشيدة ومن كثر ماهي رشيدة قاعدة تطلب من الترشيد هاهاها عقال وبشت وبي ام دبليو ورزة واجتماعات على الطل واللي قاهرنى وزارة التخطيط والخطة الخمسية كل اللي اقوله عمار يا دبي كنت اروح لها في السبعينات شوارع طين وبيوتهم طين وشوف الحين شلون صارت وشوف شلون صرنا لا تستغربون كلمالنا نرجع ورا رجعنا اخر شي في الرياضة ميخالف نرجع بعد في الكهربا تخلف في تخلف والبقية تاتي على فكرة اخر قرار تطبيق ضريبه الدخل على المواطن وافق عليها مجلس الوزراء الموقر والحكومه الرشيدة للرفع
     
  14. bofattom

    bofattom موقوف

    التسجيل:
    ‏25 أغسطس 2006
    المشاركات:
    784
    عدد الإعجابات:
    0
    من 7 سنين لما كنت ادرس بكلية الهندسه زرنا محطة الكهرباء الي عند المدينه الترفيهيه وقابلنا المهندسين وورونا الجنريترات تقريبا مو ملحقه (هذا من 7 سنين) وقالنا احد المهندسين انهم بلغوا المسؤولين بضروره انشاء محطات جديده لان بعد خمس سنين او اكثر محطاتنا ماراح تلحق وانشاء المحطه يحتاج 5 سنين يعني لازم يبلشون من الحين, لكن لاحياة لمن تنادي والمسؤولين رافعين الجام والكل يقول ( ان شاء الله) لازم نحاسب المسؤوليين الفاشلين والي ماهمهم الا البوق حسبي الله عليهم .
     
  15. azizan400

    azizan400 عضو جديد

    التسجيل:
    ‏3 أغسطس 2005
    المشاركات:
    447
    عدد الإعجابات:
    0
    الله يعطيك العافيه أخوي بلهان علي الوضوع الشيق والحلو صراحه معاك حق في كل إللي تقوله بس أخوي رجاء خاص من اخوك الصغير وعلشان مايصير المنتدي فوضه الموضوع هذا ماله علاقه بالأسهم لامن بعيد ولاقريب ياريت يا إخوان كل موضوع ينحط بمكانه علشان مانتشتت ومشكور أخوي بلهان علي سعة صدرك
     
  16. LUVKUW

    LUVKUW عضو نشط

    التسجيل:
    ‏20 فبراير 2006
    المشاركات:
    266
    عدد الإعجابات:
    0
    مكان الإقامة:
    دوله الخير الكويت
    مشكورين على الموضوع اللى يخلي الواحد يفش خلقة خاصة للناس اللى ماسافرت اما بخصوص الكهرباء فهذه خطة حكومية والله اعلم فهي تخبصنا بالكهرباء وترا راح تنقطع عشان تقولكم مانقدر نوفر كهرباء بعدين تخصخصها وتكون الشركات اهي توفر لنا الكهرباء وبالسعر الفلانى مثل ماراح يتخصخص البريد وتلفونات البيت وغيرهم

    الله يحفظ ديرتنا من كل مكروه:rolleyes:
     
  17. م. سعد

    م. سعد عضو نشط

    التسجيل:
    ‏19 يوليو 2005
    المشاركات:
    373
    عدد الإعجابات:
    7
    يعطيكم العافية شباب،،

    تقول من 7 سنين اخوي. انا من 15 سنة و انا اسمع من ناس يشتغلون بالمحطات و الوزارة هناك و دكاترة بالجامعة ان راح نواجه طامة بالكهرباء بعد فترة لان يبيلنا محطة كل 5 سنين مثل اكبر الموجودين عشان نمشي صح. و لكن محد تحرك، كان في مجموعة من الناس تقولهم انتو شفهمكم و الحكومة اكيد ماخذة احتياطها و دارسة خطتها. اي و الله انتو شفهمكم يا اللي عارضتوا و شفهمكم يا حكومة !!

    للاسف الخطأ من الحكومة و المجلس و ليس صغار الموظفين، بل كبار القادة بالبلد. كان كل مستشار او شركة عالمية تزور الكويت لسبب او لاخر، تقط على الحكومة قطة عودة انكم ماشين غلط و ما تعرفون شي.

    بس للاسف الحكومات السابقة كانت تكابر و تعاند و كأن محد يفهم بالدنيا إلا هم. بس تدرون ان الكويتين صاروا اهل ردود افعال و ليس اهل افعال مثل الامارات و قطر. و طبيعي اللي يصير فيهم لانهم اصلا تركوا العمل و الهمة و الطموح.

    المفروض يكون بخطة المجلسين الوزاري و الامة بناء التالي للحفاظ على البلد:

    • محطة كهرباء كل 5 سنين لتلبية الطلب المتزايد.
    • 2-3 منطقة سكنية كل 2 سنة لتسكين البشر و المحافظة على اسعار عقار و ايجار معقولة.
    • مصفاة نفط كل 10-15 سنة، يعني محطة الكهرباء بشتغل من وين !! و بانزين سيارات البشر منو بيعبيها !!
    • و غيره مما تحتاجه البلد.

    تدرون لما طلع جم نائب و قالوا ليش نبني مصفاة رابعة و شككو بالموضوع، تدرون ان هذا نفس السيناريو مال المحطات يكرر نفسه !! تجاهل او جهل المسؤلين عن الرقابة بالبلد و ضعف الجهة الطارحة للمشروع لعدم ايمانها بالفكرة!!

    ترى الحكومة بروحها صايرة نظام ولدنا و ولدنا و ولد ولدنا، يعني انسى الكفاءة و الفهامية. يجينا المجلس و يخرع فيهم و يأخر البلد زيادة. و الشعب للاسف قلة اللي يستوعبون الاحتياجات المستقبلية. و المشكلة انهم هم اللي ماسكين البلد و يتحكمون فيها. و العقلاء مهمشين بفعل فاعل.

    و دمتم
     
  18. almaymoni2007

    almaymoni2007 عضو جديد

    التسجيل:
    ‏1 يونيو 2007
    المشاركات:
    1,588
    عدد الإعجابات:
    1
    اتق الله في نفسك يا بليهان موضعك للفتنه ولا يهم اسس المنتدى في شي وراح ارد عليك في نقاطك اللي اثرتهاأولا حكومتنا لن تجد مثلها في اي بلد / والمجلس يمثل الشعب والديموقراطيه يعني أحنا مو تيش بيش/ تصلي على الأوتو يعني فيه كهرباء ممكن احد مقصر عليها /ليس من عاده المسلم الدعاء على اخيه المسلم/ شلون حكمت على العالم اللي صلوه انهم مو خاشعين اتقي الله في نفسك لا يعلم ما في الصدور الا الله / منو يقول أنك كويتي / السعوديه الكهرباء عندهم بنظام الكرت الدفع المسبق وهم تنقطع الكرباء وعندنا عشر سنين ماتدفع وهم يقصدونك / الشيخ محمد يدرس حكومتنا ضحكتني روح شوف قضاياه وتعال كلمني / محلات مخالفه شي يهمك /مهاوش أعضاء ضريبه الديموقراطيه/ وحش حولي زين مسكوه مستانسين ليش أنه افترس اطفال وأغتصبهم / وأخيرا لو الزرقاوي مسوي فينا بلاوي العراق والله ما تلقله بالديره أحد من أمثالك ليش تحلف بالله علينا كلنا الجبناء هم من يفرون يا بليهان كلامك كله عيب عليك جرب البلدان اللي تقول عليها وزوار الليل يسحبونك بين أولادك أنت في نعمه أستغفر ربك بكل من تطاولت عليه وأتمنى من الأخوان المشرفين قلق الموضوع حيث أنه لا يخدم المنتدى في شي مع الشكر والأسف من الجميع
     
  19. kobr

    kobr عضو نشط

    التسجيل:
    ‏8 مارس 2007
    المشاركات:
    903
    عدد الإعجابات:
    0
    مكان الإقامة:
    وطني
    والله عيب حاطين عداد كهرباء بالتلفزيون افقر الدول ماسوتها عيب قنوات فضائيه تشوفنا محطاتنا فيها عداد والعالم اتطنز هل الحكومه تنطر من الدول المجاوره او العالم المساعده عيييييييييييييييييييييب.؟
     
  20. Strategy Stock

    Strategy Stock عضو جديد

    التسجيل:
    ‏10 أكتوبر 2006
    المشاركات:
    94
    عدد الإعجابات:
    0
    كلام سليم 100% وهذا قدر الكويت وقدرنا !!

    قال متى تقوم الساعه قال اذا اسند الامر الى غير اهله !!

    لا الحكومه ولا مجلس الامة اهل لحمل الامانه ..

    يجب حل الحكومه ومجلس الامة والاستعجال في اجراء انتخابات وهي اخر امل في مجلس الامة وفق الدوائر الخمس على امل ان تفرز نواب شرفاء مخلصين للبلد وليس نواب مصالح وتيارات ومساومات !!! والا سنكفر في هذه الديمقراطية العرجاء ولتفعل الحكومة ما تشاء لاننا لانرضى ان نكون وسيلة وسلم لبعض النواب المتمصلحين !!؟؟

    البدعة الجديده في الكويت من خلال بركات الست الحكومه والباشا مجلس الامة هي انتشار الظلم في جميع المؤسسات الحكومية حتى في المؤسسه التشريعية ايضا لوثوها والبركة في الباشا الرئيس حليف الحكومه طبعا وعلى عينك يا تاجر .. والمبدأ طبعا معروف من صادها عشاها عياله !!؟؟

    ياويلهم من ربهم لن نغفر لهم :mad:
     
حالة الموضوع:
مغلق