استفتاء للمستثمرين

[Master-Leo]

للرفع هل من آراء جديده أو مشاركين و باقي 16 يوم على انتهاء الاستفتاء و إعلانات الأرباح اقتربت

 

[Master-Leo]

الموضوع للرفع قد تكون له فائدة والسوق نازل انا بس عندي سؤال مهم للمضاربين قبل المستثمرين

هل طبقتوا أحد أهم نصائح المضاربه وهي الاحتفاظ على الأقل بنسبة 25-30 % من السيولة لمثل هذه الأوقات !؟

مع النزول والتصحيح القوي اللي نمر فيه حاليا لاحظو الجروبات كلها نازله تقريبا بمستويات متفاوته

لكن أفضلهم أو خل نقول أقلهم نزولا المجموعه الاخيره وهي بيتك والدار وعارف وغيرهم من

الشركات الثقيله وخاصه الاسلاميه فأعتقد هذي هي أفضل وأضمن الأسهم للاستثمار أو المضاربه بسبب

تنامي الأرباح والتوزيعات السنوية واسأل الله ان يبعد عنا وعنكم الخسائر ويزيل هذه الغمه عاجلا

وليس آجلا بأذنه تعالى

 

[bomisho777]

زين

 

[bomisho777]

الخرااافي​

 

[Master-Leo]

زين

زين كان سعرها بيوم افتتاح الموضوع 4240 واليوم 3980 ومايندرى باجر جم تصير والسهم صج استثماري

بس شنو فايدة الاستثمار اذا شريت لي فيه جم وحده وأخذت أرباحهم وبالمقابل قيمته السوقيه نازله وايد

 

[bomisho777]

زين كان سعرها بيوم افتتاح الموضوع 4240 واليوم 3980 ومايندرى باجر جم تصير والسهم صج استثماري

بس شنو فايدة الاستثمار اذا شريت لي فيه جم وحده وأخذت أرباحهم وبالمقابل قيمته السوقيه نازله وايد

أنا أخذته مفصخ السهم وضاربت فيه جم مره والحمدلله طلعت منه أرباح كبيرهسهم مضمون

 

[shanab]

الدار

 

[BO-MUBARAK]

انا اشوف مجموعة البدر لان ما استفادة من الصعود لكن الاداره لك عليها

 

[عصويد]

ياجماعه أحنا من 2001 بسوق ومر علينا من الطقات مايشيب الراس بالوقت الحالي اصمد وخلك مستثمر ولاتفكر تقط وتاخذ لانك والله ماتقدر او ماتدري متي تاخذ اصبر والله مع الصابرين..والقروب ألي ارشحه اقروب المشاريع +قروب الصناعات الوطنية+الدار+اصناعيه+تجارية +اهلية+غلف انفست ((برقان+متحدة+الدار))

 

[WishToWin]

للرفع ........ يمكن أحد حاب يجبس ويشارك بالاستفتاء أو بالرأي

ويمكن أحد عنده سهم استثماري جديد يحب يبدي رأيه وتوقعه للسهم بنهاية العام

وبيني وبينكم عدد المشاركات مو عاجبني بالاستفتاء نبي ناس تشارك
أكثر واللي سهمه مو ضمن الاستفتاء يختار (أخرى)

ويكتب اسم سهمه الاستثماري لنهاية العام

اللي شاهدوا الموضوع فوق 300 ليش ماحطوا آرائهم .... ولا مستحين ؟

حاضر مو مستحي بس الأخوان ما خلوا شي نقوله

وعن نفسي

1-بيت التمويل
2- الـــدار
3- عارف
4- صناعات
5- مشاعر
6- تعمير الخليج
7- أعيان
8- أغذيه
9- سوليدير أ
10- سوليدير ب

ليو لو مستثمر بالهلال مو أبرك منهم؟؟

9 , 10 للدعابه فقط مو تروح تستثمر فيهم وتحطها بذمتي

 

[بو عزؤوؤز]

اصمدو ان الله مع الصابرين

 

[Master-Leo]

اهاا تبي اشتريه بالعالي وبسعر غالي بعد

علشان تخسرني

وانا اقول وين ليو امس ليش ما قالي

===========
200 فلس

والله يابوعلي السهم زين واستثمار حلو وعليه توصيه احلى

الموضوع يستاهل الرفع اليوم أول ماشفت سهم الصفوه تذكرت مشاركة مشرفنا وزميلنا العزيز قاروه

كان كاتب بالحبر السري يوم 6-8 السنه الماضيه أن الصفوه التوصيه عليها انها بتوصل 200 فلس ووقتها السهم كان بحدود 110

وصدق الوعد فيستحق كل الشكر ولو ان ماتحققت بنهاية عام 2007 لكن مايضر تأخر شهر ونصف

عن الهدف المذكور فتحية شكر لك بو عبد العزيز ونتمنى أيضا ماتبخل على اخوانك بالتوصيات

الاستثماريه من هذا النوع

وعلى فكرة السهم اللي كلمتك عنه بنفس الصفحة كان التمويل ووقتها كان 2960 واليوم شوفه ماشاءالله الله يهني ملاكه

ونبي همتكم مره ثانيه جميعا نكتشف الجروبات أو الأسهم اللي تستحق الاستثمار لهذا العام

 

[***بومحمد***]

والله أعلم لكن بتوقعي
من الأسهم الإستثماريه
الممتازه لسنة 2008
​

تمويل خليجي

الصفوه

وأعيان الإستثماريه

عارف




​

 

[Navigator]

نور والتخصيص بس خل ينزلون شوي

وابراج اتوقع راح تكون قنبلة الموسم