مشروع قانون ضريبة الدخل 10% والرواتب 2%

[Sniper_q8]

وين الاعضاء الي كل واحد فينا يصوتلهم وين التمجيد بالاعضاء وين الي يبون مصلحة المواطن وحقوقه هذي اخرتها طلعوا حرامية ويشتغلون حق مصالحهم وفالحين يصورون خنازير وقعدات عشان يستجوبون بس هذا الي فالحين في حسبي الله عليهم .

 

[كويتي]

السلام عليكم
*المتضرر من الضرائب التجار والشركات لان اغلب الشعب معاشة اقل من 30000

ولكــــــــــــــــــــــــــــــــــــــــــــــــــــــــــــــــــــن

التاجر لازم يطلع ربحه=راح تزيد الاسعار بنسبه اكثر من 10%

الملخص ==الشعب جميع طبقاتة راح يتاثر

*الصنادق الاجنبية والخليجية راح تنحاش من سوق الكويت
الله يستر

 

[(واحد من الناس)]

يا جماعه والله ماي خلق اقراه الكلام شطوله

نبي الزبده شنهي؟

 

[ناصر250]

عندما يحلم قراقوش

مشكلتنا في الكويت ان الأمور تتخذ بدون دراسة وبطريقة عشوائية حتى بت اظن ان احد المسئولين حلم بفكرة الضرائب بالليل وقام باليوم التالي ليقدم اقتراحاته الفاشلة .

سؤالي قبل تحميل الكويتين الضريبة السؤال هل سالت الحكومة نفسها عن مقدار الاموال التي تقدر بالمليارات التي تحولها العمالة الوافدة التي بلغ تعدادها 2 مليون وافد ربما حوالي ضعفين السكان الكويتين فإلى جانب اثارها الاقتصادية تضاف اليها انها كارثة امنية فلو نظرنا الي فرنسا لا تزيد نسبة الاجانب هناك عن 6 % والحكومة الفرنسية تستنفر و تقوم باتخاذ القرارت لمنع الاجانب من العمل في فرنسا الا وفق مؤهلات معينة اما الكويت فاصبحت ساحة خلفية للدول المتخلفة لتلقي علينا حثالة الشعوب من العاطلين من العمل والمجرمين مثل البنغال وغيرهم من الجنسيات التي اخرها وحش حولي فلو قامت الحكومة بحل مشكلة البطالة وتطبيق قرارتها التي لم تنفذ بتكويت الوظائف حتى بوزارت الدولة والقطاع الخاص لوفرت على الخزينة مليارات الدنانير التي تحول للخارج وحلت مشكلة البطالة اما اتخاذ القرارات العشوائية القراقوشية ستثير تذمر شعبي خاصة في طبقات الكادحين من الشعب الكويتي فلو كان اقتراح تطبيقها على اصحاب المليارات وسراق المال العام لكان اهون من زيادة الأعباء على الطبقة العريضة من اصحاب الدخل المحدود ربما ملياردير واحد يغطي كل ما يمكن ان تاخذه الحكومة من افواه اصحاب المعاشات المحدودة

على الحكومة اولا ان توظف الكويتين العاطلين عن العمل
وتطبق قرارت تكويت الوظائف في الادارات الحكومية والقطاع الخاص
وخفضوا اعداد الوافدين وحاربوا تجار الاقامات الذين نثروا العمالة السائبة والعاطلة تعيث بالكويت وامن الكويت فسادا فهكذا يمكن ان توفر على الدولة المليارات التي تحول للخارج التي لو قدرناها ستكون اكبر من الضريبة المقترحة

 

[م. سعد]

تدرون يعني شنو معنى دافع الضريبة؟ يعني المشاركة بالحكم فعل هم جادين وعلى قدر المسئولية؟ بعطيكم مثال بسيط يعني لو اتروح وزارة وعندك معاملة تبي اتسويها يعتبر راتب الموظف انت دافع جزء من راتبه وبناء على هذا لازم يخدمك جيده مثل خدمة البنوك فهل اخوانا موظفي الوزرارة مؤهلين وعلى استعداد؟ في اشياء كثيره ما أبي اتطرق لها بس اقول الله المستعان

احنا حسب الدستور حاليا مشاركين بالحكم فعليا .... و ما نبي نشارك مرتين

 

[م. سعد]

يا جماعه والله ماي خلق اقراه الكلام شطوله

نبي الزبده شنهي؟

زبدة الكلام ان الحكومة قاعد تهوش للمجلس و للشعب باقتراح بقانون للضريبة و ما كو شي كالعادة ان شاء الله

 

[خبير النفط]

الضرائب ان طبقت يحصل الآتى وهو الذى يحصل فى الدول الاخرى حاليا
1- الاغنياء يزدادون غنا لانهم راح يتفننون فى التلاعب فى الحسابات وتوظيف محاسبين لهذا الغرض هذا فى الدول الى تطبق القانون عيل احنا اشلون
2- الفقير المعدوم يعفى من الضرائب وفى امريكا مثلا يدفع الفقير ثم تعاد له الاموال التى دفعها ( Income tax return)
3- متوسط الدخل الى اهو حالاتنا اهم الى راح ينشقون شق فى دفع ضرائب الدخل
القصد يا ولد الفقير خلك فقير ماراح نخليك تغتنى لان راح نمص دمك مص

 

[حفار قبور]

الشرهة مو على الحكومة أو الوزير

الشرهة على اللي قعد الصبح وعدل نفسه ولبس دشداشته وفتح تجوريه وأخذ جنسيته ودق سيارته سلف وتعنى بالجو الحار وراح صوت لأعضاء البرلمان اللي المفروض منهم يدافعون عن حقوق المواطنين البسطاء ، مو أعضاء كل جم يوم يبون يزيدون معاشاتهم ، مع العلم أن المقترح هذا كأنه موجه لذوي الدخل المرتفع ولكن التاجر ما راح يسكت ، شي طبيعي راح يزيد أسعاره ووزارة التجارة نايمة كالعادة ، صج هالمواطن مسكين وما عنده غير الله يعلم بحاله

 

[TechnoFund]

انا بهاجر .. الله يخلي الامارات .. بشتري بيت هناك ولا مذلتكم ..

عاد جان زين يتحاسبون .. على خدمة ازبالة او مستشفى داثر مثل

ويوهم ..

الدنانير داشة جيوبهم .. وتبرعوا حق لبنان .. وخره شستان ..

يبى .. يا شباب .. يا اهل الكويت ..

التجار ما يبونكم تناطحونهم عاللقمة .. اللي فوق فوق .. واللي تحت تحت ..

وكل مالها وتتسع .. الله كريم .. عسى يذلكم ربي .. ويشفي صدور قوم مؤمنين

 

[Sniper Stock]

ضريبه حق شنو...!!!

انا لما ادفع ضريبه..شنو المقابل ؟

لا مستشفى يعالجني عدل !

مراز الاسنان لما تسوي حشوة ضرس يخوفك بتوقيع ورقة عدم تحمل مسؤولية.!!

البلدية مو قادرة توزع حاويات زبالة (اجلكم الله ) جدام البيوت.!

بيت العمر (بيت اخر العمر) يارثونه عيالك ويمكن احفادك!

انا بعرف اهمه سوو شئ مقابل قانون الضريبه ؟؟؟

بسوون مثل الدول الضريبيه..اوكي بس شوفوا شنو مسوين لدافعي الضرايب .


حسبي الله عليك يالحميضي وعلى مجلس الامه.

مايقدر عليها الا بو ناصر القائد يوقفهم عند حدهم


تكفى يابو ناصر..عيالك

 

[jeme_E]

ضريبه حق شنو...!!!

انا لما ادفع ضريبه..شنو المقابل ؟

لا مستشفى يعالجني عدل !

مراز الاسنان لما تسوي حشوة ضرس يخوفك بتوقيع ورقة عدم تحمل مسؤولية.!!

البلدية مو قادرة توزع حاويات زبالة (اجلكم الله ) جدام البيوت.!

بيت العمر (بيت اخر العمر) يارثونه عيالك ويمكن احفادك!

انا بعرف اهمه سوو شئ مقابل قانون الضريبه ؟؟؟

بسوون مثل الدول الضريبيه..اوكي بس شوفوا شنو مسوين لدافعي الضرايب .


حسبي الله عليك يالحميضي وعلى مجلس الامه.

مايقدر عليها الا بو ناصر القائد يوقفهم عند حدهم


تكفى يابو ناصر..عيالك

مو هذا بلا ابوك يا عقاب

قصدي عن خدمات البلد

 

[مضـــارب]

الحكومه الكويتيه حكومه جبانه والكل يعرف هذي الحقيقه شوفوا مثلا قانون عمل المرأة الأخير تم الموافقه عليه باجماع المجلس ولما دخلت كم وحده من اللي خبري خبرك وصرخت في القاعه خقت الحكومه من شوية حريم

اللي بقوله هو أنه ردة فعل الشعب هي اللي راح تحدد موقف الحكومه خصوصا أنه الضرائب في الشرع حرام بلا خلاف لحديث (( لايدخل الجنّة صاحب مكس )) رواه أبوداود


صاحب مكس يضم الميم هو جابي الضرائب ويسمى المكّاس بفتح الميم

 

[لهيب]

ياكثر تحلطمنا يالكويتيين

 

[خسران جداً]

يا جماعه شفيكم زعلانين........30000 جدامنا اهون من 3 مليون من ورانا
وضرايب............والله لو انروح السعوديه ونعيش هناك ارخصلنا واريح و اونس

 

[ali kh]

هذى الكويت صل علي النبي ياجماعه شنوالاستفاده من ارتفاع البترول هذا لونازل جان اشصار لاتستغرب انغسل سيارات باجر ابشركم راح تيي ايام وايد حلوه بدايت خير ....... شغل عدل مدل ........للاسف وصلنا الي هذا المستوي شي يفشل..

 

[issa7952]

كل اللي اقول الله يرحمك يا جابر الاحمد

 

[مضـــارب]

كل اللي اقول الله يرحمك يا جابر الاحمد

انتبه قانون الضرائب معد من قبل عشر سنوات وتم رفضه من قبل مجلس الأمه في حينه

 

[مضـــارب]

كل اللي اقول الله يرحمك يا جابر الاحمد

من الذي فرض ضرائب 5% على الشركات المساهمه لصالح ما يسمى بــ (( مؤسسة الكويت للتقدم العلمي ))

 

[Analyst]

حسبي الله ونعم الوكيل

شنو هذا

هذه مهزله والله حنى نستاهل لو نوريهم العين الحمره والله كانت تغيرت امور وايد اذكر الاردن صار فيها مظاهرات علشان رفعوا سعر الخبز قرش وحنى قاعدين نطالع ارتفاع البانزين والاسعار والايجارات والظرائب الحين
ياجماعه حنى عندنا فائض
عيل لو عندنا نقص شيصير

بس اللي اقدر اقوله يالله انك تاخذ اللي في بالي

حسبي الله ونعم الوكيل
حسبي الله ونعم الوكيل
حسبي الله ونعم الوكيل

اللهم آميييييييييييييييييين

 

[Analyst]

انت شحقه مسوي كوبي حق الكلام المنشور ؟؟؟؟؟؟؟؟؟؟؟؟؟

والله مشاكل

والله انك صاج من القهر اللي فيه ما ينلام (