شركة القرين لصناعة الكيماويات البترولية (القرين) ...4

[schizophrenia]

الأخ ضرغام
جزاك الله خير علي النصيحة ... بس

أتوقع راح يرد عليك

أنا استفسر لانه ناوي اخذ في القرين

 

[اليوفى]

الاخوان الي حريصين على اخذ الاسهم الاسلامية
عندي لكم نصيحة
ترى الشركةتتداول بالبورصة
يوم السبت الساعة 7 صباحا اقعد من النوم
وصل صلاة الشروق واطلب من الله التوفيق
واركب سيارتك الي البورصة واصفط بمواقف العمارة (عقارات الكويت) او مواقف المناخ
وعلى طول قبل مايفتح السوق عليك الي المطعم الهندي الي وراء بنك بوبيان واطلب بيض طماطم +شباتي +حليب شاي
وبعدها الي مبنى البورصة واتوجه الي مكتب الوساطة واول مايفتح السوق
بيع سهم القرين بسعرالافتتاح
وتاخذ البون من المكتب و اتوجه الي الصالة الي عند مطعم البورصة
الي اكله موشي بس مو تاكل منه (توك ماكل بيضمن المطعم الهندي )
تطلب قهوه واذا شربت القهوة تسميها قهوة القرين وتقول الحمد لله على كل حال
ويوم الثلاثاء تستلم شيكك من المكتب
واذاحاس ان الفلوس حرام اي انها مو من شركة اسلامية
ترى اخوك يعين ويعاون دز لي على الخاص وراح ادزلك رقم احسابي
وريح بالك

هههههههههههههههههههههه

عين الصواب ( وانا بعد اعين وعاون )

اه يا القرين --- وين بتودين الشباب ؟

اليوفى

 

[فيتو كوراليون]

تدرون متى يطلع السهم ؟

بأي يوم تشوفونة يشلع حد اعلى اعرفوا انه خلاص بدأ مسيرة الإرتفاع

والي قاعد الاحظة ان كل يوم يقل التداول عليه وهالأسلوب بلش من الاسبوع الي مضى

لأنهم بينسون العالم هالسهم بس هيهات

ومن ناحيتي مستانس من الي قاعد يصير

لأنه بأي يوم يطلع وان طلع الله يرزق الجميع

والوقت قدام يبي يبين وانشاء الله خير والله يرزق الجميع

 

[bo fawaz]

سؤال هل السهم شرعي شباب ارجو الافاده انا دورته لكن النشرات كلها قبل ادراج السهم بالبورصه

هذا السئوال وجهته ال ناس ثقه من كثر الكلام عن شرعيه السهم

واحب اطمنك ان السهم شرعى

وهذا الرد الى وصلى


السلام عليكم ورحمة الله وبركاته ،،،

اخوي بوفواز ،،،وجهت سؤالك للشيخ"خالد السعيدي"
وطلب مني مهله عشان يستفسر عن الشركه ،،،

واليوم كان الجواب ،،، وفيما معناه ،،،

الشركه لحد الحين ماعليها ملاحظات ،،،بالرغم انها مو اسلاميه100 بـ%

ولكن "يجوز"المساهمه فيها .،،،
لانها "متوافقه مع احكام الشريعه الاسلاميه"

 

[اوكيشن]

انا اشد على ايد بو فواز واكد على كلامه

انه سعى لاشخاص كثر لمعرفة الشرعيه

وانا ارتاح لكلامه

لكن في ناس تسمع من اهني لكن تبحث مره اخرى لين تلقى احد يقولها غير شرعي
الواحد يسمع الفتوى اللي تجيه ويوقف عنها حتى لايظهر له مايسيئه

 

[nickname]

لاحظ شارت بوبيات للبتروكيماويات

السلام عليكم

اخواني مستثمري شركة القرين لاحظ شارت بوبيان للبتروكيماويات عند نزولها بالسوق الرسمي ولاحظ ايضا عندما بدأ سعر برميل النفط بالارتفاع مما اعطي صورة ايجابية لتفاعل سعر سهم بوبيان للبتروكيماويات بالارتفاع فلذلك انصح اخواني المستثمرين وليس المضاربين بالاستثمار بالسهم وان شاء الله يحصلون منة كل خير .
تحياتي
ملاحظة// لم استطع ادراج صورة للشارت ولاكن سوف اضع لكم السايت هنا
]http://www.asmainfo.com/charts/OrientChart_ar.asp

 

[بوخمسين]

تدرون متى يطلع السهم ؟

بأي يوم تشوفونة يشلع حد اعلى اعرفوا انه خلاص بدأ مسيرة الإرتفاع

والي قاعد الاحظة ان كل يوم يقل التداول عليه وهالأسلوب بلش من الاسبوع الي مضى

لأنهم بينسون العالم هالسهم بس هيهات

ومن ناحيتي مستانس من الي قاعد يصير

لأنه بأي يوم يطلع وان طلع الله يرزق الجميع

والوقت قدام يبي يبين وانشاء الله خير والله يرزق الجميع

صح لسانك فيتو

 

[UNIX]

التفاؤل مطلب شعبي

 

[خسران جداً]

السهم قوي و يستاهل الدينار.............بس المحافظ دايماً تسيطر على الاسهم وماتخلي فرصه للواحد يتهنى فيه

 

[al7bebe]

بالعكس ياخسران

السهم قوي و يستاهل الدينار.............بس المحافظ دايماً تسيطر على الاسهم وماتخلي فرصه للواحد يتهنى فيه

.
المحافظ دخلت على السهم في اول بداية تداول السهم وحصلت على اكثر كمية من عدد الاسهم وهي الان على استعداد شراء اكثر عند نزول السهم تحت 0.440 --0.435 حتى تحافظ على القيمة الاسمية للسهم ودعم السهم .
--
الان مايحصل من كميات بسيطة هي فقط المضاربين وبعض المستثمرين الذين يذهبون مع سلوك السهم اينما ذهب.
-- وهذا رأي شخصي فقط.

 

[بروه]

يعطيكم العافيه اخواني عندي سؤال وابي توقعاتكم لانها تهمني
انا داش مشروع وملتزم بسداد المبلغ ب29-9-2007
وانا علي الله وعلي سهم القرين وسؤالي عند هالتاريخ تتوقعون انه بيوصل
640 فلس لان هالسعر اهو اللي راح يسدد المبلغ الباقي للمشروع
واتمني مشاركاتكم

 

[makandari]

يعطيكم العافيه اخواني عندي سؤال وابي توقعاتكم لانها تهمني
انا داش مشروع وملتزم بسداد المبلغ ب29-9-2007
وانا علي الله وعلي سهم القرين وسؤالي عند هالتاريخ تتوقعون انه بيوصل
640 فلس لان هالسعر اهو اللي راح يسدد المبلغ الباقي للمشروع
واتمني مشاركاتكم

اولا اخوي قول" وانا على الله ثم علي سهم القرين ." يعني لا تساوي بين الله سبحانه و تعالى و اي شيئ اخر لان هذا يسمى الشرك الاصغر.

ثانيا جان زين ندري. جان بعنا كل شي عندنا و تسلفنا و شرينا القرين

 

[*أبوعثمان2007*]

اولا اخوي قول" وانا على الله ثم علي سهم القرين ." يعني لا تساوي بين الله سبحانه و تعالى و اي شيئ اخر لان هذا يسمى الشرك الاصغر.

ثانيا جان زين ندري. جان بعنا كل شي عندنا و تسلفنا و شرينا القرين

جزاك الله خير يا الكندري والله يثيبك.....

 

[مضارب شجاع]

لو الله يفكنا من الهوامير كان احنا بخير !!! كل ما تطلع شركة يحتها مجوعة من العصابات المافيا مثل الاولى للوقود احتلوها وكل يوم يقولون السهم ما يسوى سعره وما فيه ارباح !!! والله قهر لو كانوا ما خذين محطات تناكر ماى جان ربهم افضل من محطات البنزين !! والحين حتى القرين اذا سيطروا عليها شوية عصابه ، هم راح يقولون الشركة خسرانه وما تسوى هذا السعر وما راح يوزعون ارباح مثل الناس !!!!
مسكين يا الكويتى الفقير وين ما تطقها عوجه !!!!!!!!

 

[kwt.to.kwt]

الله كريم يا شباب
وما ضاقت إلا فرجت

 

[خالدالمطيري1]

أنا أتداول عن طريق بيت التمويل الكويتي و ألاحظ بيت التمويل أذا شركه غير شرعيه ما أقدر أشتري فيها ولكن القرين عادي أشتري وأبيع

 

[قليل البخت]

القرين في تداولات الأسبوع المقبل راح تكون غير استعدوا للإقلاع

 

[الفال الطيب]

القرين في تداولات الأسبوع المقبل راح تكون غير استعدوا للإقلاع

عسى الله يرفع حظك ان شاءالله بالقرين يا قليل البخت , ونشوف القرين فوق فوق , ويديم الخضار على السهم ويبعد عنه حسد الهوامير , عشان الناس تترزق من وراه.

 

[CPA]

القرين في تداولات الأسبوع المقبل راح تكون غير استعدوا للإقلاع

من بؤك الى باب السما يارب

 

[بوخمسين]

السهم قوي و يستاهل الدينار.............بس المحافظ دايماً تسيطر على الاسهم وماتخلي فرصه للواحد يتهنى فيه

القرين في تداولات الأسبوع المقبل راح تكون غير استعدوا للإقلاع

الله يسمع منكم يا أخوان

وبأذن الله أتوقع الاسبوع القادم خضر لسهم القرين

قولوا آميييييييييييين