رؤية لبعض الأسهم المرشحه للصعود .. 3

[Q8 Stock]

السلام عليكم


هذا الموضوع تكمله للموضوع السابق
http://www.indexsignal.com/vb/showthread.php?p=765477


مجهود تشكر عليه اخوي Master-Leo

والله يوفقك دينا واخره
ويبارك لك في مالك وعيالك



بالتوفيق​

 

[بوحمد2]

حلووووووووووووه بما اني اول واااااحد ياريت ماتبخل على بسهم دانه

 

[الكالشو]

لو سمحتو ابي تحليل عن سهم العقارية القابضة

 

[sayer]

اخوي العزيز ليو ادري اني مثقل عليك لكن اعرف انك ان شاء الله تقدر على تحليل هلسهم

ابي منك لو سمحت تحليل سهم : ايفا للاستثمار ، المنتجعات ، الصفوة ، ايفا فنادق أربع اسهم ابي نقاط الدعم والمقاومة كثرت عليك لكن انت اسد وانا ناطر تحليلك

وياليت تشوف مؤشر الستوكاستك لهذه الاسهم المؤشر زين ومشجع

ومشكور مقدما وجزاك الله خير

 

[NBK]

الف الف الف
مبروووووووووووووووووك
على الصفحه
والله يوفقك ويرحم والديك
اخي العزيز ليووووووووووو

 

[Master-Leo]

السلام عليكم ومبروك علينا الصفحه الجديده وان شاءالله نستمر جميعا في خدمة الأعضاء قدر المستطاع

الأخ hamed666 بخصوص الأسهم اللي سألت عنها بالرابط السابق :

غلف انفست : دعم 214 ومقاومه 228 ومؤشرات السهم سلبيه وهناك فجوه على سعر 212 طبعا يعود لها في حال كسر دعم 214 لاسمح الله والدعم اللي بعده هو 194

بيان : دعم 335 ومقاومه 375 ومؤشرات السهم متماسكه ومؤشر الماكد سلبي بدرجة بسيطه
وهو فوق خط الصفر والسهم ممكن نشوفه يصل لسعر المقاومه مع تحرك أجيليتي .

 

[Master-Leo]

حلووووووووووووه بما اني اول واااااحد ياريت ماتبخل على بسهم دانه

دانه : دعم 315 ومقاومه بسيطه على 330 وبعدها مقاومه قوية على 350
المؤشرات تميل للسلبية فإحتمال نشوف تذبذب مابين الدعم والمقاومه

 

[Master-Leo]

لو سمحتو ابي تحليل عن سهم العقارية القابضة

العقاريه : دعم 176 ومقاومه 182 ومؤشراته ايجابيه لكن الحذر واجب لأنها
واصله لمناطق جني أرباح

في حال كسر مقاومة 182 للأعلى فالهدف السعري المتوقع ممكن يصل الى 190 وفي حال كسر دعم 176 فالدعم التالي هو 164

 

[خبير النفط]

سيد شير صبحك الله بالخير

 

[Master-Leo]

اخوي العزيز ليو ادري اني مثقل عليك لكن اعرف انك ان شاء الله تقدر على تحليل هلسهم

ابي منك لو سمحت تحليل سهم : ايفا للاستثمار ، المنتجعات ، الصفوة ، ايفا فنادق أربع اسهم ابي نقاط الدعم والمقاومة كثرت عليك لكن انت اسد وانا ناطر تحليلك

وياليت تشوف مؤشر الستوكاستك لهذه الاسهم المؤشر زين ومشجع

ومشكور مقدما وجزاك الله خير

تفضل اخوي ساير

ايفا : دعم 1000 ومقاومه 1120 ومؤشرات السهم حاليا ايجابيه فإذا تجاوز
المقاومه الحاليه فممكن يصل لهدف مابين 1200-1240

المنتجعات : دعم 248 والدعم التالي 234 ومقاومه 260 ومؤشراته ايجابيه
مقتربه من جني الأرباح لكن لم تعط اشارة خروج

الصفوة : بعد تداول يوم الاربعاء المتوقع يكون عندنا دعم قوي على 118-120
والمقاومة المتوقعه هي 130 ومؤشرات السهم ايجابيه وأيضا في مناطق

جني أرباح فممكن نشوف السهم ينشط في بداية التداول ويهدي تدريجيا
للتأسيس على الاسعار الحاليه الا في حال دخول سيوله جديدة .

ايفا فنادق : دعم 1160 ومقاومه 1280 والمؤشرات بعضها سلبي والآخر ايجابي

فإحتمال وارد أن يتأسس السهم مابين الدعم والمقاومه حتى دخول جديد يكسر حاجز 1280 ويتوجه الى 1320

 

[Master-Leo]

الف الف الف
مبروووووووووووووووووك
على الصفحه
والله يوفقك ويرحم والديك
اخي العزيز ليووووووووووو

الله يبارك فيك ويوفقك دائما ياخوي nbk مشكور والله يقدرنا ونتواصل بخدمتكم ان شاءالله

سيد شير صبحك الله بالخير

صباح الورد اخوي خبير شكلك مثلي ماتحب النوم وايد وتقعد من الصبح نشيط هههه الله يعطيك العافيه

 

[Master-Leo]

للرفع و للتذكير أيضا هذي بعض الاسهم المتوقع لنا نشاط وصعود لهذا الاسبوع ان شاءالله :

- عقار : دعم 130 ومقاومه 144 واحتمال كبير اذا تجاوز 136 بتداول عالي ان نشوفه يوصل للمقاومة 144 ومؤشرات السهم بعضها ايجابي والآخر متماسك .

- الثمار : دعم 126 ومقاومه 138 اذا اجتازها فممكن يوصل الى 144-146 ومؤشرات السهم
ايجابيه جدا .

- جراند : دعم 340-345 ومقاومه 370 وفي حال كسرها ممكن يتوجه الى 400 ومؤشرات السهم
بعضها ايجابي والآخر متماسك

يفضل الدخول عند اسعار الدعم أو قريب منها والبيع قبل المقاومه ووقف الخساره في حال كسر

الدعم أما الطماع فيبيع بعد المقاومه مع اني مانصح بالطمع بالوضع الحالي والله يوفق الجميع

 

[NBK]

الله يعطيك العافيه

 

[قنوع ؟]

اخوي ليووو
الله يعطيك العافيه ويصبحك بالخير
ابي دوليه م ا

 

[jeme_E]

السلام عليكم ورحمة الله وبركاته

مبروك البيت الجديد الله يجعله منزال مبارك

ومشكور على الاسهم المتوقع لها حركه الاسبوع القادم

مارأيك اخوي في تمدين عقاري عقب ما كنسلوا العقد

وصرقعونا عدل

 

[السور]

دانه : دعم 315 ومقاومه بسيطه على 330 وبعدها مقاومه قوية على 350
المؤشرات تميل للسلبية فإحتمال نشوف تذبذب مابين الدعم والمقاومه

يعنى حغ المضارب تصلح !!

 

[Master-Leo]

اخوي ليووو
الله يعطيك العافيه ويصبحك بالخير
ابي دوليه م ا

الله يعافيك اخوي

دولية م أ : دعم 275 و 265 ومقاومه 305 المؤشرات الفنيه بعضها ايجابي
والآخر سلبي فممكن نستمر برؤية السهم محصورا مابين الدعم والمقاومة

لكن لاننسى إن الاعلان لأرباح النصف الأول قادم وقد يكون له تأثير أيضا
على تداول السهم صعودا أو نزولا ولو نلاحظ تداول جروب البحر

قاعد يرفع من اسعار شركاته وحده وراء الثانيه فكانت دولية م أ وعقارات
الكويت يرتفعون بالسابق والحين دور جيزان والمنتجعات

فممكن يأتي الدور قريبا للدولية م أ مره ثانيه مع اعلان الارباح ومع قرب تصفية محفظة الباب ان شاءالله موفق

 

[Master-Leo]

يعنى حغ المضارب تصلح !!

ليش لأ حاول وإشتر 320 مثلا وإعرض على 325-330 اذا تحب المضاربه اليومية لك نصيب فيها

راح تاخذه واذا مالك نصيب في أسهم غيره

 

[AL.MOUSAWI]

ماستر ليو .... مساك الله بالخير....فاتحة خير انشاء الله وبالتوفيق ... ما عليك أمر عزيزي ممكن تحليل ( تجارة للاستثمار العقاري ) الدعم والمقاومة ومؤشرات السهم ... وألف شكر مقدما .

 

[Master-Leo]

ماستر ليو .... مساك الله بالخير....فاتحة خير انشاء الله وبالتوفيق ... ما عليك أمر عزيزي ممكن تحليل ( تجارة للاستثمار العقاري ) الدعم والمقاومة ومؤشرات السهم ... وألف شكر مقدما .

ياهلا بالسيد الموسوي والله يسمع منك وتكون فاتحه خير ان شاءالله على الجميع

تجارة : دعم 168 ومقاومه 182 والمؤشرات أغلبها متماسك ومؤشر الستوكاستك ايجابي بدرجة بسيطه

وفي حال اختراق 182 ان شاءالله الهدف الى 186-188 والله أعلم وبالتوفيق