الماضي .. او .. الحاضر ..؟

salem.srsr

عضو نشط
التسجيل
12 يوليو 2006
المشاركات
1,826
الإقامة
KUWEIT
اليوم قلت ما ابي اطلع من البيت بصراحة ضايق خلقي

وقاعد بروحي بالبيت.. :(

وتوني شاري حوض سمج ومو مصدق

وفي اربع سمجات حلوين

قعت اطالع فيهم وحركاته الحلوة ... :eek:

وبعدها قعدت اتذكر ايام قبل

ايام ماكنا صغار

الله ياقبل ياحلوك.. يازينك

ما عندك شي

كل اللي تملكة

قاري حلي ... وجيس اتيل .. وشداخة

ومفلس واجلح ومدهن ...:cool:

بس والله كانت ايام و يازينها من ايام

كانت الحياة حلوة و بسيطة.. وسهلة

خمسين فلس مصرفك

لا وزايد عليك

تروح البقالة وتشتري

بيبسي وصمونة يحطلك فيها بيض مفيوح

ويرجعلك الباجي

ياسلااااام خمسين فلس .. بس!!!!

كنا نقعد من الفير وناخذ شداديخنا معانا

ونروح انحبل حق الطيور

ومانرجع ليمن الظهر

حزت الغدا

والعصر خذينا قوطي الاتيل ورحنا البراحة

ياتخسر او تربح

او نلعب مقصي

والشاطر كان اهو اللي يلقف العصاية

وكنا نخمد من الساعة ثمان

كان عندنا تلفزيون ابيض واسود

بو اريل ( v )

والوالدة كانت تصك التلفزيون مبجر علشان ننام

تذكرون .. ؟؟؟

ونقعد من الفير

الحين ولدي يلعب (جنيرال )

على الكومبيوتر

ويقعد لي الساعة ثلاث ويقول تو الناس...:((

لاويلاعب ناس برا الكويت ... شلون ؟؟

تعطية مصروف دينار ... يقعد يخزك

ويقول انا ياهل يبة

الله .......صار الدينار مثل الخمسين فلس قبل

ولا اقل بعد

بورصة ... قروض ...اجار .... اسكان .. مخالفات ..

زحمة ... اسعار نار ... كهربة ... فواتير تلفون ..

شفتوا الماضي شلون حلو ....:)
 

الجديد دائما

عضو نشط
التسجيل
2 أكتوبر 2006
المشاركات
554
الإقامة
دولة الكويت
اااااااااااااااه يازمن ياحلو ايام قبل خبز ايراني وجبن ابيض العصر الساعه 5

150 فلس مع زيتون وبيبسي.


بس الجيل اللي راح ايي ورانا نفس كلامنا .

الله اعلم
 

Analyst

عضو نشط
التسجيل
4 سبتمبر 2001
المشاركات
768
الإقامة
kuwait
حسبي الله على ابليسك شرقت بالشاي ( او للأمانة بالزعتر ) ليمن قريت مشاركتك .

لا تثير الشجوووووووووووووووووووووووون تذكر الترويح السياحي من عادات الشعووووووووووووووب تذكر اهم الشي الناس قبل حتى اخوانك اللي من امك وبوك ليتزوجوا خلااااااااص جنه قاص تيكيت ون واااي - بصراحة لا نجامل وليطروا اخوك تتذكره لغاية يوم عرسه وبعدها تحس الشريط مدبلج او المخرج تغير والسيناريو غيييييييييييييير

الفريج الواحد وين قبل احترام الكبير وحق الجار واحترام حرمة الناس بنت جيرانكم جنها اختك واكثر الحين لا حول ولا قوة الا بالله
وللحديث بقية

اللهم اجعل يومنا خير من امسنا وغدنا خير من يومنا
وصل اللهم على محمد وآله وصحبه

احد يبي زعتر .... صب يا ولد :d
 

kobr

عضو نشط
التسجيل
8 مارس 2007
المشاركات
903
الإقامة
وطني
ايييييييي والله ذكرتنا بايام عجيبه يازينها والله يستر من الايام الجايه الله يحفظنا بحفظه انشاء الله
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
موضووووووووعك روعه الله يعطيك العافيه :)
 

كويتى وبس

موقوف
التسجيل
19 أكتوبر 2006
المشاركات
337
الله على أيام الكاكو بونجوم وعصير سانكيست مثلج والبفك مع الشطه الله يرحم أيام زمان
 

sa3od29

عضو نشط
التسجيل
6 مايو 2007
المشاركات
1,642
الإقامة
عروس الخليج
اااااااااااااااه يازمن ياحلو ايام قبل خبز ايراني وجبن ابيض العصر الساعه 5

150 فلس مع زيتون وبيبسي.


بس الجيل اللي راح ايي ورانا نفس كلامنا .

الله اعلم

هههههههههههههههههههههههههههههههههههه

ذكرتني بالبياعه الايرانيه......تسوي لنا خبز ايراني وفيها جبن قلاص ودقوس بوديج وبطل بيبسي :) طبعا وناااااااااااااااااااسه ومتعه :) وفي بيتنا كل شي موجود بس لها نكه خاااصه عند ام على :) وداش بالقاري عرض بالشارع ولما يخلص البطل تحذف فيه اقرب عتوي يمشي بالشارع :)

والله لو موجوده ام على لا اخليها تسوي لك خبز ايراني وجبن :) بس بعد التحرير مادري وين راحت :) جنها توفت الله يرحمها :)
 

jemee

عضو نشط
التسجيل
21 أغسطس 2006
المشاركات
1,470
اااااااااااااااه يازمن ياحلو ايام قبل خبز ايراني وجبن ابيض العصر الساعه 5

150 فلس مع زيتون وبيبسي.


بس الجيل اللي راح ايي ورانا نفس كلامنا .

الله اعلم


والله وانت الصادق

انا اتذكرهم ب 50 فلس الله يعز هذيك الايام
 

jemee

عضو نشط
التسجيل
21 أغسطس 2006
المشاركات
1,470
والله ايام ما تنسى حاشتني قشعريره اخ لو ترجع
 

دحيم 06

عضو نشط
التسجيل
23 ديسمبر 2006
المشاركات
853
الإقامة
الكـــويـــــــت
يا حلوووووها من ايام....

كنا نروح بالعيد مدينة الزهرة بخيطان بالباص؟؟؟؟

او اذا محصلين عيادى زينة نتصل بتاكسى الخليج...نروح الابراج.....

والله ايـــــــــــــام بسيطة وحلوة ....

والدشاديش مااذكر كويناها الا لما صارت اعمارنا 18 سنة....

الحين بزر 12 سنة حاط لى قلم ماركة بمخباته...

قمة البساطة اول.....

تحياتى لك....
 

هرقل

عضو نشط
التسجيل
18 مايو 2007
المشاركات
1,336
الله ،،، والله أيام قبل بايخة وماكو هدف ،،، آنا ما أدري اشلون الناس يحنون لها ،،، الحين اذا ما تجابل البلازما 70 بوصة واللاب توب ال أبل ،،، وحاط هالبيبسي البارد ،،، وطايحلة مضاربة بالسوق الامريكي ،،، وكله خسراااان ،،، ويطلعلك سهم يعوضك خسايرك ،،، هذي المتعة ،،،
 

الجديد دائما

عضو نشط
التسجيل
2 أكتوبر 2006
المشاركات
554
الإقامة
دولة الكويت
يا حلوووووها من ايام....

كنا نروح بالعيد مدينة الزهرة بخيطان بالباص؟؟؟؟

او اذا محصلين عيادى زينة نتصل بتاكسى الخليج...نروح الابراج.....

والله ايـــــــــــــام بسيطة وحلوة ....

والدشاديش مااذكر كويناها الا لما صارت اعمارنا 18 سنة....

الحين بزر 12 سنة حاط لى قلم ماركة بمخباته...

قمة البساطة اول.....

تحياتى لك....


لا وازيدك بعد تذكر بملاهي الزهرة نصور وحنا طالعين من الملاهي في واحد عند الباب حاط زولية ايرانية كل الوان الدنيا فيها ونصور واهي ورانا يعني كشخة.

للحين عندي صور قديمة من فتح اخونا العزيز الموضوع فتحت ذكرياتي القديمة وياه .
 

" قاصد خير "

عضو نشط
التسجيل
24 أكتوبر 2006
المشاركات
1,614
أيام قبل !!!!!!!!!!!!!!:confused:

يعني طلعتو مشدقين :eek:

حتى أنت ياسعووووود:p

ياالله حسن الخاتمة :D
 

Bokandar79

عضو نشط
التسجيل
19 مايو 2007
المشاركات
2,535
الإقامة
Q8
الله ،،، والله أيام قبل بايخة وماكو هدف ،،، آنا ما أدري اشلون الناس يحنون لها ،،، الحين اذا ما تجابل البلازما 70 بوصة واللاب توب ال أبل ،،، وحاط هالبيبسي البارد ،،، وطايحلة مضاربة بالسوق الامريكي ،،، وكله خسراااان ،،، ويطلعلك سهم يعوضك خسايرك ،،، هذي المتعة ،،،

حسبي الله على ابليسك...اي يبا طلعت عالدنيا وانت ملك...

ما لعبة مقصي,, ولا بقت قاري بالوون من هندي,,, ولا رحت البراحه وخذيت وياك قوطي الحليب اللي تارسه تيل ومخابي دشداشتك حاط فيهم الرووز,,, ولا بطو راسك اذا نحشت بالتيل,,, ولا رحت بيت ام هاني البياعه بقطعه 12 اللي ريحت بيتها بصل واهي بعد ريحتها ثووم (زافتني علشان شارب من القدو) ماأحبها لي يومك :D جنها ماتت الله يرحمها,,, ولا شربت زقاير من الطفايه :D ويطيح عليك ابوك طبعا ماراح اقولك شنو ردت فعله,,, ولا ركبت وانيت ورحت سوق الحمام يوم الجمعه ولا كشيت حمام حتى,,, ولا بقت فيديو البيت وخذيته بغرفتك بنص الليل طبعا هذي آخر ايامك :D,,,
ولا ولا ولا.... علشان جذي ماتحس بعالم التشرد قصدي شطانت الطفوله

ايييييييييييي والله طفولتنا وشطانتنا كانت بريئه :cool:
:rolleyes:
:D
احنا ولا شي عند هالجيل... عالاقل كان في حياء وطاعه واحترام وديانه
مو الحين مسكرات وسفر وقزززز بالشوارع وتشفط ومغازل واغاني وبلوتوث و لاب توب ومجمعات وقهاوي وشاليهات ومخيمات وتشقح بالبيوت ووو وو وووووووو هالجيل البيت مايقدر عليه,,,, ياخذ 50% او كثر من الشارع tv والافلام والمدرسه وربعه وووووو
الله يحفظ هالديره واهلها... الله المستعان
 
أعلى