السلام عليكم ورحمة الله وبركاته في الكويت للبيع تنكر ماء حمولة 3000 جالون لون الغماره أصفر موديل 1993 بحالة الوكالة على يد شخص واحد من الوكالة النوع رينو وقطع غياره متوفره بـ ( الساير ) والسعر مناسب جدا لشاري للأتصال 6696596 فتح الخط من خارج الدولة 00965 والله ولي التوفيق لنا ولكم
سعره قريب من 5000 دينار كويتي ينقص قليل او يزيد قليل والعمل ولله الحمد يشتغل في شركه ومدخوله باليوم من 16 دينار إلى 24 دينار ويمكن الزياده اذا السائق ممتاز وعمله بالشركه بدون عقد ,, يعني القعد مفتوح
ماشاء الله كل شي تبيون تعرفونه من بعيد ههههههه والله الصافي بشكل بين 300 دينار و500 دينار والرزق من الله سبحانه بس نصيحه مجرب اللي يبي يشتغل لازم يكون جريء واللي يخاف ويسأل كثير عمره ماراح يشتغل كلامي هذا مو عشان سيارتي ولكن نصيحه لله وعسى الله يوفقنا جميعا لما يحب ويرضى
اخوي ماعندي خبرة بالموضوع اعذرني اذا ثقلنا بالاسئلة. ماشاء الله عائد قوي عادة السواق يشتغلون بالعمولة ولا ياخذون رواتب ؟ واسمحلنا اذا ضايقناك
لا بالعكس أخوي انا تحت امرك حبيت اضحك بس لو تسأل الف سؤال حاظر والله انا عندي يأخذ راتب والراتب بشكل عام مابين 110 دنانير إلى 150 دينار طبعا انا قلتلك الصافي مابين كم وبين كم بعد خصم الديزل والراتب وغيره وتقدر تعطي السايق السياره بطريقة الظمان وبينك وبينه ورقه أنه يتحمل اي مخالفه او خراب بالسياره ويا أخذها بظمان مبلغ 250 دينار وانت مالك شغل بأي شي ولك تختار الظمان او الراتب وإذا لك أي سؤال حاظر اعتبرني اخوك وكلي بخدمتك وفقنا الله جميعا
