عايد المناع ومطالبه بأسقاط القروض

[calpe]

هم اقول الحسد مشكلتنا


ولا احنا بخير وعافيه

 

[جوكوزال]

السلام عليكم
اخواني احبابي اعزائي اهل الكويت الغاليه اسقاط القروض يجب ان يكون بدراسه مستفيضه والحرص على عدم تكرار المشكله وكثير من الناس اخذ القرض للحاجه او لمشكله الله لا يمتحنا
وترى الانسان يجب ان يحب لاخيه ما يحب لنفسه واللي ما عليه قرض خير ونعمه والمفروض انه يفرح لفرحة اخوانه اللي عليهم قرض هذا اذا سقطت مو يردد ما يقوله اهل البيزات انه ما فيه عداله وقلعتهم من قالهم يا خذون قرض او ان الناس ما خذه000 القرض للوناسه ترى يا جماعه والله فيه ناس محتاجه ومتضايقه حدها الله يعينا واياكم على الدنيا
ودمتم بود اخوكم ابو حمود

 

[السور]

الله يرزق الجميع ويعز كويتنا واميرنا

 

[alashum]

طيب احد يقولنا شصار بالمقابله من كلام مفيد ؟ قمنا نسولف سوالف !!!!!!!!

 

[q8_chamber]

هم اقول الحسد مشكلتنا


ولا احنا بخير وعافيه

اي والله

الحسد اهو إللي مضيعنا

الله يرزق الجميع ويعز كويتنا واميرنا

آمين يا رب العالمين

 

[خبره بالسوق]

شسالفة هالايام قاموا يعلنون عن اسقاط القروض

أشوف توه الناس على انتخابات مجلس الامه

 

[بوسعود66666]

مستحيل اتطيح القروض؟وهذا وجهى اذا طاحت

 

[smok66]

اتمنى تفهمون كلامي عدل :


1- انا لا تربطني علاقه او صلة قرابه مع نورية الخرافي او عايد مناع او ضيف الله بورمية .
2- أغلب الناس إللي ماخذين قروض , يا شارين سيارة بسعر غالي ((مد رجلك على قد الحافك )) ولا ماخذ قرض حق سفر او ساعه او للتداول في سوق الاسهم . ((انا مو قاعد اتكلم عن المحتاجين ))

3- بدال لا نسقط القروض - لازم ينزلون الفيده على الاقل 2 او 3%
6% واااااااااااااااااااااااايد !!!!!!!!!!!

4- بدال لا نطيح القروض - نزيد عددالمستشفيات في الكويت
5- بدال لا نطيح القروض - يزيدون عدد الاراضي في الكويت - اقل بيت في الكويت بـــ 200 ألف ((لا ويخر بعد))
6- بدال لا يطيحون القروض - لازم يبنون جامعات ويأسسون شركات حيوية ((بتروكيماوية - اتصالات - نقل - تخزين ...... إلخ))


7- اغلب إللي قاعدين يطبلون بفلم اسقاط القروض هدفهم انتخابات او لعب بمشاعر النااااس

للعلم انا عللي قرووووض ​

بصراحه كنت ابى اتكلم بس تكلمت عنى، فعلا انك رجل عاقل وواعى مع احترامى للجميع
لكن ابى ازيد وتكلمت فيه واجد بصراحه، اقول النسبه الى قالها الحميظى بالمقابله ان الى ماخذين قروظ ومتاجينها اقل من نسبة 2% وهذا الكلام صحيح 100%
واحد يكلمنى يقول انا ماخذ القرض محتاج
قلتله اشلون محتاج
قال اخذته ورممت بيتى
يا اخوان اهو جارنا كان الترميم شال طابوق جيرى وحط مزاييك ووسع دار نومه خلاها 9 فى 7.5
الصالات اتقول داش قاعة تشريفات وغيره
ويقول ماخذه محتاج
واحد ماخذ القرض وسافر وياعياله اوربا وبيته واقف له اكثر من 3 سنوات،
واحد يشكى مسكين من القرض واهو بيته بس ناقص يحط الابواب ذهب،
شوفو عاد هذا واحد ماخذ رنج طبعا بقرض من البنك الوطى عشان اذا تعرف على وحده وطقت على الكمبيوتر لقت ان الرنج كاش وايطالب باسقاط القروض
تبون اكمل لى باجر
و99 % من هالنوع
ويطالبون باسقاط القروض
الفلوس الى بيسقطون فيها القروض يعمرون فيها البلد
وشكرا،،،،،،،،،،،،،،،،

 

[smok66]

على فكره عايد المناع وامثاله يبون يشتهرون على حسابكم وصدقونى مافيه قروض تطيح
ترضون اتصيرون مثل(؟؟؟؟؟؟؟؟؟؟؟) والا مانى قايل

 

[بوسعود66666]

شوفو اذا طلع جدى من القبر وتكلم راح اتطيح القروض

 

[alajmiktv]

على فكره عايد المناع وامثاله يبون يشتهرون على حسابكم وصدقونى مافيه قروض تطيح
ترضون اتصيرون مثل(؟؟؟؟؟؟؟؟؟؟؟) والا مانى قايل

اخوي عايد المناع مشهور ومايحتاج يطلع على تلفزيون الكويت عشان ينشهر​

 

[kakpal]

سمعوني برحابه صدر

أخواني أعزائي أعيال الكويت ومستقبلها وأكرامها وابطالها أنتو طالعو البنوك والشركات التمويليه وغيره وغيره من أساليب القروض لاحظو وكأن الحكومه متصله مع البنوك للتربح من المواطنين بشكل دقيق ومخادع وأسلوب لبق الواحد فينا لمن يتوضف جم عمره 18 سنه ألى 22 سنه بالكثير شنو يحصل يلاقيله بنك عشان ينزل معاشه عليه في الوقت نفسه شيسوون البنوك يعرضون عليه كل وسائل التنفيع من ماستر كارد+ فيزا+تأمين حياتي +مميز سحب من المعاش القادم+ قروض + وغيره وغيره ياجماعه حتى الواحد لمن يكون بهالعمر يشوف نفسه انه يبي يكون نفسه يبي يفك الارتباط الابوي من روحه ويكون اهو المسيطر والواحد فينا لمن يشوف هالشي جدامه يروح تراودله أفكار في مخيلاته أكبيره وكثيره اللي يتحلم بالبورصه والارقام وان بعد سنه راح أخذ الدبل واسكر الدين بالطريقه الفلانيه ويكون عندي كيت وكيت واللي يقول ابي افتح مشروع واسوي واسوي او أييبله بضاعه او سيارات من الخليج ويرد يبيعهم بالكويت وهذي اساليب تقليديه قضى عليها الزمن وولا وانتهى ومثل ماتشوفون ناس معينه مالكه السوق الكويتي ومعروفين منو هذيل لاتقولون ولا اقول الحكومه لها أيد بتدهور المعيشه وحاولت أنها تعدل من هالاساليب المتعرجه وبنفس الوقت ترضي طرف النواب وترضي طرف التجار المسيطره على السوق الكويتي والداعم الرئيسي للمنشأت وأنتو عارفينهم بأنها تزيدلنا الرواتب وانتو تعرفون الخدعه اللي اطلقت الخبز بدال لاتخليه سميك خفف من الطحين وخل خبزتك رقيقه من يحوشها شوية هوى صارت يابسه ماتنوكل عالعموم انتو فاهمين مقاصدي وواضح كلامي في تعرجات اكبيره حاصله والمفروض انه اتكون فيه أيد العليا وأهي المركزي الكويتي
1_ تخفيض نسبة الفائده بشكل تدريجي على الودائع والقروض بعد خروج العمله الكويتيه من الارتباط مع الدولار المتدهور وبهالطريقه راح تنزل قيمة الاراضي بشكل صحي وتنزل أسعار البيوت كذالك مع نزول فوائد القروض كذالك ولا ننسى أسعار المواد الأستهلاكيه والزيادات المطرده كذالك راح تنزل وهذا أجباري .
2_ بيع الدولار والاعتماد على سله عملات لأخذ الحيطه أكثر للعمله الكويتيه من النزول مثل ماصار مع الريال السعودي والتدهور الحاصل الان عندهم بحيث في حال نزول الدولار يتم البيع وشراء اليورو او الين الياباني بكميه كبيره وهكذا يتم التخلص من 80% من خزينة الدوله المتصله بالدولال مع زياده نسبه صرف الدينار من قبل المركزي لأضعاف المضاربين على العمله الكويتيه والسيطره من قبل المركزي.
3_ وضع ضوابط وقوانين صارمه وملزمه للبنوك والشركات الكويتيه باللجوء ألا الصكوك الشرعيه والغير شرعيه وأنتاج منتجات بنكيه وأساليب أخرى لتغطيه ضعف القروض الاستهلاكيه واللتي بنظري الشخصي لا تأخذ حيز 8% من أرباح البنوك السنويه.
4_ دعم الشركات لأحياء المدينه الكويتيه من مشاريع حيويه وخدماتيه وبنا تحتيه وأدخال سيوله حكوميه لرصد صكوك لانشاء هذه المشاريع ليستفيد البنك من السيوله المدخله للبنوك وبنفس الوقت لتحريك الشركات الخامله وكذالك أدخال ارباح لها وماننسى زيادة الاصول البنكيه بسبب هذه الصكوك .
5_ اعتقد كلامي واضح وسهل وصريح جدا لاكن العمل عليه يتطلب من 3 ألا 5 سنوات لتحقيقه انا لاني مفتي ولاهم يحزنون شهادتي رابعه ثانوي وعسكري والقروض داقتني دق لاكن حدث العاقل بما يعقل وهذي الامور لها قبظه من حديد تسيطر على مجريات المعيشه الواقعيه وأغرف يابحر كثر ماتقدر وعارفين شنو اقصد .......>> ألله يحفظج يابلادي

 

[بوسعود66666]

اخوي عايد المناع مشهور ومايحتاج يطلع على تلفزيون الكويت عشان ينشهر​

عدل كلامك اخوى

 

[فهد الفهود]

ارجو اغلاق الموضوع

الأخوة المشرفين الكرام

يمكن موضوع إسقاط القروض انفتح 20 مرة ودايما يتحول الى نجرة ومداحر
مثل ما احنا شايفين حاليا

وعشان جذي ... أرجو منكم ومن أناملكم الكريمة إغلاق الموضوع​

 

[alajmiktv]

الحسد

على الطاري (( حدس )) شخبارهم ​

 

[بوسعود66666]

أخواني أعزائي أعيال الكويت ومستقبلها وأكرامها وابطالها أنتو طالعو البنوك والشركات التمويليه وغيره وغيره من أساليب القروض لاحظو وكأن الحكومه متصله مع البنوك للتربح من المواطنين بشكل دقيق ومخادع وأسلوب لبق الواحد فينا لمن يتوضف جم عمره 18 سنه ألى 22 سنه بالكثير شنو يحصل يلاقيله بنك عشان ينزل معاشه عليه في الوقت نفسه شيسوون البنوك يعرضون عليه كل وسائل التنفيع من ماستر كارد+ فيزا+تأمين حياتي +مميز سحب من المعاش القادم+ قروض + وغيره وغيره ياجماعه حتى الواحد لمن يكون بهالعمر يشوف نفسه انه يبي يكون نفسه يبي يفك الارتباط الابوي من روحه ويكون اهو المسيطر والواحد فينا لمن يشوف هالشي جدامه يروح تراودله أفكار في مخيلاته أكبيره وكثيره اللي يتحلم بالبورصه والارقام وان بعد سنه راح أخذ الدبل واسكر الدين بالطريقه الفلانيه ويكون عندي كيت وكيت واللي يقول ابي افتح مشروع واسوي واسوي او أييبله بضاعه او سيارات من الخليج ويرد يبيعهم بالكويت وهذي اساليب تقليديه قضى عليها الزمن وولا وانتهى ومثل ماتشوفون ناس معينه مالكه السوق الكويتي ومعروفين منو هذيل لاتقولون ولا اقول الحكومه لها أيد بتدهور المعيشه وحاولت أنها تعدل من هالاساليب المتعرجه وبنفس الوقت ترضي طرف النواب وترضي طرف التجار المسيطره على السوق الكويتي والداعم الرئيسي للمنشأت وأنتو عارفينهم بأنها تزيدلنا الرواتب وانتو تعرفون الخدعه اللي اطلقت الخبز بدال لاتخليه سميك خفف من الطحين وخل خبزتك رقيقه من يحوشها شوية هوى صارت يابسه ماتنوكل عالعموم انتو فاهمين مقاصدي وواضح كلامي في تعرجات اكبيره حاصله والمفروض انه اتكون فيه أيد العليا وأهي المركزي الكويتي
1_ تخفيض نسبة الفائده بشكل تدريجي على الودائع والقروض بعد خروج العمله الكويتيه من الارتباط مع الدولار المتدهور وبهالطريقه راح تنزل قيمة الاراضي بشكل صحي وتنزل أسعار البيوت كذالك مع نزول فوائد القروض كذالك ولا ننسى أسعار المواد الأستهلاكيه والزيادات المطرده كذالك راح تنزل وهذا أجباري .
2_ بيع الدولار والاعتماد على سله عملات لأخذ الحيطه أكثر للعمله الكويتيه من النزول مثل ماصار مع الريال السعودي والتدهور الحاصل الان عندهم بحيث في حال نزول الدولار يتم البيع وشراء اليورو او الين الياباني بكميه كبيره وهكذا يتم التخلص من 80% من خزينة الدوله المتصله بالدولال مع زياده نسبه صرف الدينار من قبل المركزي لأضعاف المضاربين على العمله الكويتيه والسيطره من قبل المركزي.
3_ وضع ضوابط وقوانين صارمه وملزمه للبنوك والشركات الكويتيه باللجوء ألا الصكوك الشرعيه والغير شرعيه وأنتاج منتجات بنكيه وأساليب أخرى لتغطيه ضعف القروض الاستهلاكيه واللتي بنظري الشخصي لا تأخذ حيز 8% من أرباح البنوك السنويه.
4_ دعم الشركات لأحياء المدينه الكويتيه من مشاريع حيويه وخدماتيه وبنا تحتيه وأدخال سيوله حكوميه لرصد صكوك لانشاء هذه المشاريع ليستفيد البنك من السيوله المدخله للبنوك وبنفس الوقت لتحريك الشركات الخامله وكذالك أدخال ارباح لها وماننسى زيادة الاصول البنكيه بسبب هذه الصكوك .
5_ اعتقد كلامي واضح وسهل وصريح جدا لاكن العمل عليه يتطلب من 3 ألا 5 سنوات لتحقيقه انا لاني مفتي ولاهم يحزنون شهادتي رابعه ثانوي وعسكري والقروض داقتني دق لاكن حدث العاقل بما يعقل وهذي الامور لها قبظه من حديد تسيطر على مجريات المعيشه الواقعيه وأغرف يابحر كثر ماتقدر وعارفين شنو اقصد .......>> ألله يحفظج يابلادي

مشكور على الكلام الحلو والصريح ويعطيك الف عافيه بس عندى طلب اصغير متى راح تنزل سعر العقار والاراضى؟؟يعنى بعد كم سنه تقريبا؟؟

 

[kakpal]

أخ عزيز وغالي العجمي

العقار صعب نزوله معني أشوف السوق العقاري على كثر العمارات الشاهقه والأسلوب الفني والذوق في الديره سواء المهبوله او حولي او السالميه تعداد الكويت نفس ماهو بزياده بسيطه ومع ذالك الاسعار نار وفي أرتفاع مطرد العقار ماينزل ألأا بتوجهات من البنك المركزي بطريقه وأسلوب محترف وأهم عارفين شنو الطريقه وقادرين والدليل الفوائض العاليه جدا سنه بعد سنه ومع ذالك لم يتم بناء او تشييد مشروع ضخم من بعد الغزوا غير الملعب الاولمبي أستاذ جابر الاحمد تغمدت روحه الجنه وأسكنه فسيح جناته ودمتم أخواني

 

[El_Stocky]

شكله برشح نفسه بالإنتخابات

 

[ماسنجر كويتي]

شكله برشح نفسه بالإنتخابات

يعني اللى رشحو أنفسهم في المجلس أحسن منه خل يرشح

واذا طاحت القروض أنا أول واحد أعطيه صوتي

 

[على قاسم على]

الله يعز اميرنا وحكومتنا والشعب اجمعين قولوا امين ..ياجماعة الخير بسكم تخبط بالكلام الي أخذ قرض يمكن كان محتاج ويمكن كان الله مغني علية اقصد يلعب بالفلوس كثير من الناس يملكون ويأخذون بالأقساط...... واسقاط الديون ليش مو كل المواطنين يستفيدون منه سواء مقترض او غير مقترض