هل تتزوج بفتاة كنت على علاقه بها ؟

[Moshaks_777]

سؤالي للشباب :

س : هل تتزوج بفتاة كنت على علاقة بها سابقا عن طريق النت أو مكالمات أو مقابله وتطورت الامور الى حب ولو كنت واثق منها ؟


سؤالي للفتيات :

س :اذا كانت لك علاقه مع شاب عن طريق النت أو مكالمات أو مقابلات وتطورت الى حب هل اذا اتى شخص آخر لخطبتك توافقين او تنتظرين من تربطك به علاقة ليأتي لخطبتك؟

س : اذا كانت لك علاقه مع شاب عن طريق النت أو مكالمات أو مقابلات وتطورت الى حب واتى لخطبتك وبنفس الوقت اتى شخص اخر يخطبكي ايهما تختارين؟



ارجو من الجميع أبداء برأيه بكل صراحة لأن الهدف هو تكوين فكرة عامة .​

 

[ذو الفقار]

الي عنده فلوس اكثر

 

[سهم مرتاح]

ماعتقد احد يرضى يتزوج وحده خانت اهلها عشانه
واعتقد كثرة الطلاق بسبب الزواج اللي يسبقه علاقه محرمه(يحرمه ديننا ويحرمه مجتمعنا)

 

[بوغمازات]

سهم مرتاح خليك مرتاح 80% من الشباب يتزوجون اللي يعرفونهم اي اللي لهم علاقه معاهم وهذا شي واقع .... الحين ماكو زواج عن طريق الاهل وصار موضه قديمه وسبب الطلاق الرئيسي الخيانه من الطرفين سواء الزوج او الزوجه ... وانا اتكلم من واقع عملي اللي انا فيه وشكرا

 

[سهم مرتاح]

(ماكو) يعني مافيه :d
شنو شغلتك بوغمازات اللي مدخلتك كل البيوت ماشاءالله
انا اتكلم عن الكويت
مادري انت اتكلم عن اي دوله

 

[من الكويت]

كلاااااااااااااااااااااااامك سليم

 

[بوغمازات]

انا اشتغل خطابه هههه ... ومادري شنو تقصد لما اتقول انا اتكلم عن الكويت!!!!!

 

[سهم مرتاح]

هههههه لان ماشوف الا القليل اللي يتزوجون عن حب
لا ويستحون يقولون بعد
احنا نصيدهم
عطنا رايك انت ولا تتبع احد من الناس

قال رسول الله صلي الله عليه وسلم : " لا يكن أحدكم إمعه يقول أنا مع الناس إن أحسن الناس أحسنت وإن أساءوا أسأت ولكن وطنوا أنفسكم إن أحسن الناس أن تحسنوا وأن أساءوا أن تجتنبوا إساءتهم " رواه الترمذي .

انا واحد من الناس يعجبني الزواج التقليدي حسب الشريعه الاسلاميه طبعا (ذبح اسلامي)

 

[salem.srsr]

كل زمن ولة طبيعتة

اول البنت ماكانت تطلع من البيت

ولا كانت تشتغل ولا كانت تركب سيارة

ولا كان شي اسمة تلفونات حتى بالبيت ما كان فية تلفون

وكان الرجل اذا اراد ان يتزوج يختار زوجتة بناءا على ذكر مواصفاتها

من امة او اختة ... .. يعني حظك نصيبك ...

الحين اختلف الوضع ووسائل المواصلات متوفرة بكل الوسائل

يعني الرجل هو الذي يختار زوجتة

سواء رؤيتها بمكان العمل او السيارة او اى مكان عام

وهذا هو الواقع

والنت او التلفون من الوسائل اللي كثير من الناس تزوجوا عن طريقهما

ولا افضل انا هذا .... لكن هذا اللي حاصل

والولد لمن يبي يتزوج الحين هو اللي يختار وليس الام او الاب مثل السابق

اذا كيف اختار زوجتة ....؟؟....... اكيد شايفها ........

السؤال . وين شافها ...؟...( ....... )!!!!!!!!

وسلامتكم

 

[العكش]

لايصح الا الصحيح ، ورحم الله امرإ ذبّ الغيبة عن نفسه !!!!!!!

لو افترضنا جدلا أنه لو تم الزواج من خلال الوسائل المتعددة اللي تفضل بها اخونا صاحب الموضوع ، وربما بعد ذلك مستقبلا سيساور الشعور بعد ذلك احد الأطراف المعنيين بسلوك كل واحد منهما !!!!! وبالتالي يكون شريط الذكريات هو المعيار الذي ينظر إليه !!!!!!!!!

مع تحياتي

 

[سهم مرتاح]

الاختيار ليس له علاقه بالموضوع
لان الاختيار كان من قبل اصلا
ان الرجل يختار شريكة حياته ولكن الوقت الحالي تغير الوضع
بانه يقدر يشوفها اكثر من قبل
ولكن هل انه يكون على علاقه اتصال بينهم قبل الخطبه !! <---

مادري ليش شاد حيلي بهالموضوع واحس اني متحمس
حتى اللي كتب الموضوع حطه وراح

 

[ذو الفقار]

والله حيره

1)تآخذها عن طريج التليفون وتقعد معاها عشرت 3سنين ولما تطمن وترتاح منها....
يلومونك هاااااااااااا..شلون متزوج وحده (مرقمها)...!!!!!!!

2)تآخذها عن طريج الاهل وله ياااااااااااااستار
ماكو احد بالفريج من قبلك مو مكلمها ,, هذا بعد اذا ماكان صاير شي بعد

اعوذ بالله.....والله حيره.

 

[saeed]

ندلى بدلونا بهذا الموضوع

الزواج قسمه ونصيب وهذا لاشك فيه

اما الطريقه اللى اشوفها انك تدور ناس تعرفهم وتاخذ منهم مثال بنات خالتك بنات عمتك بنت جيرانك نسايبك يعنى ناس تعرفهم عدل وتعرف اشلون مربين اعيالهم والتوفيق من الله

 

[q8_chamber]

لا






لا

 

[DENALI_Q8]

السلام عليكم

بالنسبه للموضوع اللي تطرق له الاخ والله انا اشوف انه هالشي يعتمد على تربيه الشاب او الفتاه وعلى المجتمع اللي اهم عايشين فييه
فتلقون اللي اهله يلزمونه على بنت عمه او بنت خاله المهم يعني وحده من الاهل
وتلقون اللي اهله يقولوله انت اشر بس يعني تك ات ايزي
وتلقون اللي رافعين اييدهم من كل شي
اما بالنسبه للبنت اهو عموما عندنا غلط انه اهي اتدور على نصيبها
بس مو غلط انه تنطر نصيبها لين اييها
اما بالنسبه لمساله الحب قبل الزواج يؤدي للطلاق ؟
احنا اهني ما نحكم على الزوج او الزوجه ..... احنا نشووف الاسباب بعدين نحكم يمكن الخلل مو ليش انه كانو يحبون بعض قبل الزواج
تلاقون في مشاكل عائليه او في ضروف عند احد الطرفين وممكن اسباب صحيه وممكن يكون احد الطرفيين مو كفووو ولا يستاهل انه ينحب وطبعا هالشي تم اكتشافه بعد الزواج فالواحد يبحث عن الاسباب فتبان الشغله .

واما بالنسبه للاخ اللي قال تاخذ وحده عن طريق الاهل ويكتشف انه ما بقى احد مو مكلمها فهالشي قسمه ونصيب
وما اقول الا لا حول ولا قوه .

فيا شباب كفايه انه الانسان بالزواج يكون اتم نص دينه

ويزاكم الله خير على هالموضوع والله يوفقكم جميعا انشالله

 

[دحيم 06]

سهم مرتاح خليك مرتاح 80% من الشباب يتزوجون اللي يعرفونهم اي اللي لهم علاقه معاهم وهذا شي واقع .... الحين ماكو زواج عن طريق الاهل وصار موضه قديمه وسبب الطلاق الرئيسي الخيانه من الطرفين سواء الزوج او الزوجه ... وانا اتكلم من واقع عملي اللي انا فيه وشكرا

اخوى تقول 80% يعنى مو 79% ولا 81%

ممكن مصدر الاحصائية لو سمحت...

والرابط لو تفضلت ....

تحياتى لك...

 

[محمد2000]

انا افضل وبقوة الزواج التقليدي
اما اتعرف عليها عن طريق التلفون او النت وتكلمني وبعدين اتزوجها فهذا كلام مرفوض .
والبنت الشريفة العفيفة ما تكلم رجال آخر الليل واللة يعلم شنو نوع هذا الكلام .
المهم البنت اللي تخون اهلها اكيــــد بتخون زوجها بالنهاية .
ابوها وامها اللي ربوها وتعبوا عليها وسهروا الليالي عليها ما خافت علي سمعتهم ... بتخاف علي سمعت الزوج .
نصيحة للاخوان المقبلين علي الخطبة (( أسأل عن ام البنت عدل عدل ))
اذا الام شريفة وسمعتها طيبة البنت علي امها علي طول .
سلامتكم وبالتوفيق للجميــــع

 

[سهم مرتاح]

انا افضل وبقوة الزواج التقليدي
اما اتعرف عليها عن طريق التلفون او النت وتكلمني وبعدين اتزوجها فهذا كلام مرفوض .
والبنت الشريفة العفيفة ما تكلم رجال آخر الليل واللة يعلم شنو نوع هذا الكلام .
المهم البنت اللي تخون اهلها اكيــــد بتخون زوجها بالنهاية .
ابوها وامها اللي ربوها وتعبوا عليها وسهروا الليالي عليها ما خافت علي سمعتهم ... بتخاف علي سمعت الزوج .
نصيحة للاخوان المقبلين علي الخطبة (( أسأل عن ام البنت عدل عدل ))
اذا الام شريفة وسمعتها طيبة البنت علي امها علي طول .
سلامتكم وبالتوفيق للجميــــع

صح لسانك

كلام العاقل اعتبره



عظزمه على عظزمه ياعم الحاج

 

[دحيم 06]

صح لسانك

كلام العاقل اعتبره



عظزمه على عظزمه ياعم الحاج

تحياتى لك...

 

[xENGx_1]

المره الي خانت اهلها وكلمتك من ورى أهلها لا تستبعد تخونك انت من وراك مع الايام لانها شبت على هالشي وأأأأأكيد راح شابت عليه.........


وجهة نظر