ودي تساعدوني يا ناس

[big_n_tall]

السلام عليكم

ودي تقولونلي شنو الأسهم إللي ممكن أستثمر فيها على مدر 4 - 6 أشهر ؟؟

و شنو الأسهم إللي ممكن أضارب فيها و إللي عليها أخبار طيبة ؟؟

و شاكر لكم

 

[فهد الفهود]

للإستثمار :
- الصفوة
- ام القوين

 

[مضـــارب]

السلام عليكم

ودي تقولونلي شنو الأسهم إللي ممكن أستثمر فيها على مدار 4 - 6 أشهر ؟؟

و شنو الأسهم إللي ممكن أضارب فيها و إللي عليها أخبار طيبة ؟؟

و شاكر لكم

وعليكم السلام

تبي النصيحه اذا عندك فليسات أحفظها أبركلك ترى البورصه أكثرها مخاسير تربح اليوم وتخسر باجر تتقدم خطوه وترجع عشره لي ورى واذا مو مصدق اسأل أكثر المتداولين يعلمونك على فكره ترى فيه نسبه كبيره منهم ناوين يطلعون من البورصة بس ناطرين يعوضون الخساير

 

[Bo_NaJeM]

ادنك
كميفك
ص متحده
الاهلية


وو اخوي في شركات بعد وايد زينه للاستثمار بس انا عندي هذوول فيهم خووش رزقه باذن الله تعالى

 

[موفق خير]

الصناعات المتحده
غراند
عربيه عقاريه

والله الموفق

 

[***بومحمد***]

السلام عليكم

ودي تقولونلي شنو الأسهم إللي ممكن أستثمر فيها على مدر 4 - 6 أشهر ؟؟

و شنو الأسهم إللي ممكن أضارب فيها و إللي عليها أخبار طيبة ؟؟

و شاكر لكم

والله أعلم ((للإستثمار))
وحسب ما أعرف وبناءا على المده الي ذكرتها فأرشحلك .

1) الصفوه
2) الدار
3) تمويل خليجي

4) مشاعر وخصوصا اذا تاخذ أرباحه ((المنحه)) وتكمل المشوار معاهه شوي .

بس وخر عن الآجل وبيع وشتر بفلوسك لا طالب ولا مطلوب .

والله يرزقك والجميع

أما المضاربه فماني راعيها

 

[((بن حسين))]

اذا ما كنت اتعرف بالبورصة..

فأنصحك ادخل فلوسك بصندوق استثماري سنوي او نصف سنوي

أحسن لك من المجازفة​

 

[jeme_E]

السلام عليكم


اخوي للمضاربه الاخوان في موضوع المتابعه اليوميه للسوق
كل يوم اسهم جديده وسعر الدخول والخروج
لان كل يوم في اسهم جديده


ودائما اشتر على الدعم او قريب منه وبيع على المقاومه


واحرص على كلام
كويت ستوك

ليو

ميكانيكي

الساحل



بخصوص الاستثمار

اشوف انابيب ربحها 82 فلس حلو مع العلم نسبه منها غير محقق
حاول تصيدها على 540-550


وجراند سعرها روعه 345-340

انجازات عليها توصيات سعر الدخول 330-335


واطلع على صفحات هل اسهم وشوف شنو مكتوب عنهم
ولكن تذكر انت بأي سعر شاري
واهتم على الاطلاع على راي المحللين

ولو مبلغك كبير قسمهم بين اثنين منهم افضل
واحد يشيل الثاني

اتبع خطواتي وبذن الله ماتخسر وتشوف شي يسرك

ونسال الله لنا ولكم التوفيق

والله يعلم اننا اخلصنا لكم النصيحه

ملاحظه البيع والشراء مسوليه شخصيه علينا الاجتهاد ومن الله التوفيق

 

[_عبدالعزيز_]

السلام عليكم

ودي تقولونلي شنو الأسهم إللي ممكن أستثمر فيها على مدر 4 - 6 أشهر ؟؟

و شنو الأسهم إللي ممكن أضارب فيها و إللي عليها أخبار طيبة ؟؟

و شاكر لكم

اسمع عدل وقرا كلامي عدل بختصار شديد السهم اللى تبي تستثمر فيه اهو القرين للبتروكماويات اشتريه لو باجر معلق الااستثمار فيه زين ومافيه خطوره ابد ابد ابد وبأذن الله عن قريب جدا بيكون سعره متراوح بين 600 و650 لانه سهم تشغيلي وله مستقبل قوى ولا تنسى انه سهم نفــــط هذا بخصوص استثمارك اما بخصوص سهم ثاني اعتقد واجزم كل الجزم ان تحاول تشتري بطاقات اخوانك اهلك ربعك منيه مناك ناس تثق فيهم مالهم نيه يكتتبون بدال ماتكون بطاقاتهم مركونه وماستفادم منها انصـــــــحك نصيحت اخوى ان تشتري بطاقاتهم وتدش فيها اكتتاب عـــــــــــــــــــــــــام حــق شركة الااتصـــــــــــــــــالات الثــــــــــــــــالثه واللــــــــــــــه اني نــــــــــــــــــاصح من قلــــــــــــب - الله يوفق الجميع امين

 

[السور]

الكل يغنى على ليلاه !!

عمى فى واحد بالمنتدى اسمه ليو ماستر لحقه وانت تربح او استثمر بصندوق وفك نفسك!!

 

[talal555]

وعليكم السلام

تبي النصيحه اذا عندك فليسات أحفظها أبركلك ترى البورصه أكثرها مخاسير تربح اليوم وتخسر باجر تتقدم خطوه وترجع عشره لي ورى واذا مو مصدق اسأل أكثر المتداولين يعلمونك على فكره ترى فيه نسبه كبيره منهم ناوين يطلعون من البورصة بس ناطرين يعوضون الخساير

إنت خوفته


يمكن يوكن رزقه في البورصة ،، خله ياخذ فرصته


أنا أرشحلك لآخر السنه

1- ص متحدة

2- دانه

3- عارف

4 - أم القيوين

5- ع عقارية

6- عقارات الكويت ( هذه ليلاي بس )

 

[مضـــارب]

إنت خوفته


يمكن يكون رزقه في البورصة ،، خله ياخذ فرصته

صدقني اذا الله سبحانه كتب له رزق في البورصه راح ياخذه راح ياخذه والله تعالى مجري الأمور باسبابها وأنا أشوف الدخول في البورصه فيه مخاطره كبرى وللعلم انا دخلت البورصه اساسا اكتتاب واستثمار وليس مضاربه فالمضاربه عندي استثناء وليس قاعدة (( لايغرك النك )) بس عن جد اللي عنده خرده خل ينحاش عن البورصه صحيح فيها أرباح ولكن مع نسبه عاليه من المخاطره والعاقل لا يدخل البورصة الا بالقليل من ماله ولكن خوفك من الطمع فالأفضل اذا عدم الدخول الا لبيع أو استثمار الاكتتابات

 

[big_n_tall]

مشكور لجميع الإخوة الذين ردوا على الموضوع

 

[***بومحمد***]

مشكور لجميع الإخوة الذين ردوا على الموضوع

العفو وكلنا اخوان نعين ونعاون ونستفيد من بعضنه ....

وبصفه عامه سواءا كنت مضارب أو مستثكر لاتعشم روحك بالربح الوفير من سنا أولى ولكن حب حب وسنه ورا سنه الى أن تبدأ وتلاحض أن راس مالك الأساسي صار بعيد وبمنطقت الأمان بفضل الله .
أصلا لو تفتحلك أي محل تجاري بغض النظر عن نشاطه راح تقعد على الأقل ست شهور الى سنه وانت تدفع من جيبك الخاص وتفوت عليك السنه الأولى والثاني والأرباح لاتذكر وماتسوا شقاهه كلش ((من واقع تجربتي)) .

بينما ولله الحمد بالبورصه كثير من الأسهم راهيه على ال15% بين منحه ونقدي من أول سنه ولو تكمل معاهه بتزيد ان شاءالله .

 

[السور]

هده خله يتحده

 

[yoyo1983]

مزااااااااااااااااااايا

والله اعلم

 

[كويتى وبس]

الصفوة وبيت التمويل الخليجى نهاية السنة

 

[بوراشد جروب]

السلام عليكم

ودي تقولونلي شنو الأسهم إللي ممكن أستثمر فيها على مدر 4 - 6 أشهر ؟؟

و شنو الأسهم إللي ممكن أضارب فيها و إللي عليها أخبار طيبة ؟؟

و شاكر لكم

شركات لا تشتري أسهمها


> مجالس ادارات سيئة السمعة وتركيبة ملاكها غير جديرة بالثقة
> مرهقة بالقروض والتمويل
> ضعيفة الشفافية والافصاح
> تعاني من خسائر التشغيل باستمرار
> تضخم اسعار اسهمها مقابل (P/E) و(P/P)

شركات أسهمها للمضاربة

> قليلة رؤوس الأموال
> كثيرة الأخبار والشائعات
> محدودة كميات الأجل فيها
> المسيطر على 70% منها فما فوق
> غير المتحفظة في بياناتها المالية

شركات أسهمها للاستثمار

> ملاكها وجديرون بالثقة
> أرباحها متنامية وعقودها متوالية
> ملاءتها المالية عالية.. وشفافيتها أيضا
> قادرة على الابتكار وتعمل وفق استراتيجية
> على سهمها صانع سوق.. والتداول منطقي بلا تذبذب​

​

 

[فهد الفهود]

شركات لا تشتري أسهمها


> مجالس ادارات سيئة السمعة وتركيبة ملاكها غير جديرة بالثقة
> مرهقة بالقروض والتمويل
> ضعيفة الشفافية والافصاح
> تعاني من خسائر التشغيل باستمرار
> تضخم اسعار اسهمها مقابل (P/E) و(P/P)

شركات أسهمها للمضاربة

> قليلة رؤوس الأموال
> كثيرة الأخبار والشائعات
> محدودة كميات الأجل فيها
> المسيطر على 70% منها فما فوق
> غير المتحفظة في بياناتها المالية

شركات أسهمها للاستثمار

> ملاكها وجديرون بالثقة
> أرباحها متنامية وعقودها متوالية
> ملاءتها المالية عالية.. وشفافيتها أيضا
> قادرة على الابتكار وتعمل وفق استراتيجية
> على سهمها صانع سوق.. والتداول منطقي بلا تذبذب​

​

حقيقة معلومات مختصرة ومفيدة
طبعت الصفحة لأجل الفائدة للزملاء

مشكور اخوي

 

[DR_ARMY]

المدينة والله يوفقك يارب