ليش يا ترى شركة الاتصالات المتنقلة تنقل مقرها!!!!

[فني بورصه]

والله عيب ... بعد ما حضنتهم ورعتهم وكبرتهم يبون ينتقلوووووووون ... والله عيب

هل يعقل بأن شركة الأتصالات MTC والأجلتي يهددون بالإنتقال طيب ليه.... سؤال يطرح نفسه ؟

إذا كانت الكويت الله يحفظها تبي تجعل فيه منافسه حره وتتمتع بالشفافيه بالسوق وتبي تعمل نشاط حركي بالإقتصاد ... وهذا كله من أجل المصلحه العامه للكويت وتدعم الحركه الإقتصاديه في كويتنا ... ومن شان هالهدف يطلع علينا البراك الله يهديه ويبارك فيه ويقول نبي ننقل المكتب الرئيسي للشركه خارج الكويت والأجلتي بعد معاهم طيب ليش علشان أن الحكومه وافقت على أنشاء الشركه الثالثه للإتصالات وشركه أخرى للتخزين طيب وين المطالبه بالإنفتاح الأقتصادي والمنافسه الشريفه بين الشركات .

ولا ننسى رد فعل MTC عندما وافقت الحكومه على إنشاء الشركه الثانيه آنا ذاك وكلنا نتذكر شنو صار وقتها .

و الله عيب هذا جزاء الإحسان .............



أرجوا المشاركه بالردوووووووود


وشكـــــــــــــــراً[/COLOR]

 

[abuhbib]

فعلا اخوي كلامك صحيح ومنطقي


اغلب الناس مافكرت بهالطريقه


صار تفكيرها اسعار اسهمها


اتفق معاك بكل حرف كتبته

 

[q8tee]

ابشرك ماراح ينقلون مقرهم وراح يصدر بيان توضيحي من الشركه

 

[rahaly]

حتى لو ينقلون مقرهم... شدعوة قالبين الدنيا !!!!

خو بينتقلون الادارة فقط ... يعني عشرين موظف

أطمأنوا ... ماكو الا الخير

 

[BO-MUBARAK]

ياجماعة الخير اذا المواطن العادي يبي يهاجر من البلد بسبب المجلس والحكومة والشعب تشبع بالديون وصار بالماينس تبون الشركات تقعد
البلد من اسوأ الى اسوأ
قبل شوي حاطين برنامج الامن الاجتماعي من شافة شي يحبط قالوو المشاكل من غير الحل لها
نائب وضابط كبير وصحفي اعلامي كبير قالو المشاكل من غير الحلول شلون تبون الوضع اكيد هذه شركة وتبي مستقبل اوفر وامن وامان على قراراتها وحرية في منتجاتها يعني البلد طارده للاستثمار
حولوها جاذبة للمجرمين البنغال والباكستانيين والايرانيين لانهم يدشون البلد ويطلعون محد يدري عنهم حسافة يا لكويت ضعتي

 

[makandari]

انا الي قريته ان المقر الرئسي ل سيلتل و هي شركه تابعه سينتقل للبحرين و ما قالوا من وين سينتقل اما بالنسبة لمقر ال mtc الاصلي في الكويت محد تكلم عن نقله الى البحرين.

 

[almaymoni2007]

مستحيل ان سعد البراك يصرح علي كيفة وبدون علم الخرافي


يبة سعد البراك هو صبي الخرافي والي يقوله الخرافي ينفذة البراك بالحرف الواحد

الساده المشرفين لماذا لا يتم شطب هذا الكلام اللي ماله داعي

 

[almaymoni2007]

يقول المثل الحب يطلع على بذره لاكن هذا الحجى كان قبل ما يعرفون الطفرات الجينيه والمثل الثانى يقول النار ماتارث الا الرماد
البراق-2 ما تعرض لا حق عايلة البراك ولا حق قبيلته علشان يفزع بعض الناس

فهمنا كلامك لكن صدقني عمرنا ما طالعنا النعامه أذا ترضى أحد يقولك صبي شي يرجعلك عموما أحترم رأيك بشده مشكور حبيبي وما قصرت على هذا الدفاع
فيه مثل يقول الطيور على أشكالها تقع
مشكورين

 

[بورصراتي]

ترستوا المواضيع وكل واحد قاعد يألف واخر شي الخبر طلع منفي :d

 

[ميثاق]

المفروض الحكومة تفتح الباب لجميع الشركات الاجنبية وتخفض قيمة الضريبة ولا اول سنة بدون ضرايب وتقضب مجلس الامة الباب وتفرض على الشعب ضرايب وتخفض الرواتب وتعمل تحصيل شهري للماء والكهرباء على الجميع وتلغي الشاليهات وتسوي مزاد على الاراضي الحكومية وتشدد في فيز الخدم موكل عايلة اربع فيز خلهم 2 كاافي و...و...و....تعلن الكويت مركز مالي

 

[someone_80]

الصراحة كلام البراك صحيح وسليم 100 % بكل اللي قاله

 

[bo-3boud]

بسكم اشاعات

اقرووو الخبر هذا وخلكم من التوقعات الخاطئه
http://www.argaam.com/frontend/CompanyNewsDetail.aspx?id=61465

 

[البحرين]

الاخبار الاكيدة هي ان mtc اشترت بناية في السيف ب 18 مليون دينار بحريني . الاخبار المتداولة ان mtc تحضر لنقل 400 موظف مع عوائلهم الي البحرين لتجميع الادارة في مكان واحد وادارة اعمال الشركة في السعودية من البحرين.

 

[المؤشراتي2]

الى هذي الدرجه السوق حساس .المخازن وmtcشركات عالميه ؟بس من الواضح ان قيادة الشركتين تراجعوا ولكن السؤال المهم لكل مستثمر ليش تراجعت نوايا الشركتين نقل مقر الاداره العليا

 

[المؤشراتي2]

الهواتف رفعت السوق من 9400 الى12700وهي نفسها راح ترجعنا الى الدعم التاريخي 11400 والايام بيننا حتى نهاية السنه

للتذكير هذا التحليل يوم 1 /9/2007 وان شاء الله ما يصح الا احنا طالعين باقل الخسائر