نترك الاتصالات المنتنقلة قبل ان تتركنا

الموضوع في 'السوق الكويتي للأوراق الماليه' بواسطة ابو رغوده, بتاريخ ‏30 أغسطس 2007.

  1. ابو رغوده

    ابو رغوده عضو نشط

    التسجيل:
    ‏13 يونيو 2005
    المشاركات:
    1,454
    عدد الإعجابات:
    0
    مكان الإقامة:
    الكويت
    ياشباب الكل بالديرة زعلان من شركه شبعت و اجمعت ثروات من ديرتنا أم الخير الكويت والحين الشركه بتنتقل لبلد آخر وتترك الديرة
    وقبل ان تترك البلد ضربت الاقتصاد الكويتي ضربه قاسيه وقالت الكويت لاتصلح مركز مالي لماذا نحن ككويتيين لا نضرب الشركه الضربة القاضيه ونقاطعها
     
  2. barbarian

    barbarian عضو نشط

    التسجيل:
    ‏19 ابريل 2005
    المشاركات:
    5,068
    عدد الإعجابات:
    1,558
    تأكد كل ما يزيد الكلام عن شركه معينه...يعني فيها صعده قويه

    وتذكر جم شروها القطريين وجم سعرها الحين
     
  3. ذو الفقار

    ذو الفقار عضو جديد

    التسجيل:
    ‏4 أغسطس 2007
    المشاركات:
    541
    عدد الإعجابات:
    0
    اليوم واحد يقولي قاطع الوطنيه...القطريين سبو الكويت...!!

    والحين بارك الله فيكم توصون بمقاطعة الهواتف.!!

    قولولي بله...؟

    انتكلم بقواطي سانكست وخيط!!!!!!!!!!!!!!!!!!!!!!!!
     
  4. ((بن حسين))

    ((بن حسين)) عضو جديد

    التسجيل:
    ‏30 ابريل 2007
    المشاركات:
    1,399
    عدد الإعجابات:
    0
    صح كلامك ..
    بالنسبة لي انا الغيت كل خطوط MTC واستبدلتها بخطوط الوطنية وذلك بسبب الفواتير اللي احس فيها سرقة.

    واكتفيت بخط E-go حتى ينتهي العقد السنوي الخاص بها
     
  5. ابو رغوده

    ابو رغوده عضو نشط

    التسجيل:
    ‏13 يونيو 2005
    المشاركات:
    1,454
    عدد الإعجابات:
    0
    مكان الإقامة:
    الكويت
    وانا كذلك بس باقي E-GO
     
  6. ابو رغوده

    ابو رغوده عضو نشط

    التسجيل:
    ‏13 يونيو 2005
    المشاركات:
    1,454
    عدد الإعجابات:
    0
    مكان الإقامة:
    الكويت
    شفيك في شركه ثالثه نقول للاخوان يسمونه Mtcونخلي زين تنفعهم
     
  7. Q8 TrAdEr

    Q8 TrAdEr عضو جديد

    التسجيل:
    ‏26 ديسمبر 2005
    المشاركات:
    191
    عدد الإعجابات:
    0


    احسنت بارك الله فيك
    ههههههههههههههههههههههه
    دعاية قوية للثالتة
     
  8. بوعيد

    بوعيد عضو مميز

    التسجيل:
    ‏8 يوليو 2005
    المشاركات:
    816
    عدد الإعجابات:
    0
    اخوي بارك الله فيك

    لاتاخذ الامور وكأنها حرب ترى المسأله بسيطه جدا شركه وغيرت مقرها الرئيسي فقط
    اما ماذكرته ان الكويت غير جاذبه للاستثمار فهذا الكلام صحيح
    فالقوانين الاقتصاديه معطله ، ومجلس الامه استجواب باستجواب
    القطاع الخاص من حقه ان يبحث عن ماينفعه بعيدا عن البيروقراطيه والتعطيل والحسد
    مثال :
    افتح لك مصنع وشوف شلون تلاقي دعم للمنتج الوطني راح تشوف تجار يجلبون البضائع من الخارج وبأقل وانت تدفع وماتلاقي الدعم ؟؟

    تأكد اخي خروج شركه او شركات يجب ان يكون فرصه للشركات الاخرى والحكومه والمجلس مطلوب منهم التعاون لتفعيل رغبة الامير في جعل الكويت مركز مالي
    صدقني لو كانت هناك قرارات وقوانين تشجع الاقتصاد لوجدت الكل يتدافع للاستثمار في بلدنا مثل مايحصل في دول الخليج الاخرى

    وجهة نظر
    اخوكم :
    بوعيد
     
  9. ابوفيصل77

    ابوفيصل77 عضو نشط

    التسجيل:
    ‏16 ابريل 2007
    المشاركات:
    680
    عدد الإعجابات:
    3
    ياجماعه انا مشترك بخدمة جي بي ار اس النظام القديم اشتراك 9 دنانير بالشهر ؟؟.... ومن مميزات النظام القديم اوبن ... بس انا ملاحظ شغله فواتيري كل شهر ادفع 120 زايده مع العلم ان مكالماتي عاديه حيل ولا اطول بالتلفون ؟ انا يتراوالي انهم يحسبون علي الانترنت فوق 9 دناينر .!! منو عنده الاشتراك القديم يفيدنا جزاه الله خير.
     
  10. المضاربه فن

    المضاربه فن عضو نشط

    التسجيل:
    ‏26 سبتمبر 2004
    المشاركات:
    1,323
    عدد الإعجابات:
    0
    اخوي
    العمل التجاري والاستثمار لا يعرف المجامله
    خلوا عنكم العواطف يعني الهواتف ولا بقاله أذا الله وفق صاحبها ورزقه السبب في هذا هو الحكومه ولا البلد طبعا لا الرزق بأيد رب العالمين هو الي يوزع الارزاق
    يا أخوان كبروا عقولكم المسأله ليست عاطفه ووطنيه
    المسأله هي أننا نتكابر ونتكلم بعواطفنا الوطنيه
    وانا بأعتقادي اننا لا نختلف علي محبة البلد ولا نساوم عليها
    المسأله
    هيه الروتين الخاص بالاستثمار لا يشجع حتي علي أبسط الاعمال التجاريه
    والله انه شيئ يحز بالخاطر
    أمس ذكرت بعض الامثله للتطفيش علي مستوي بعض الوزارات من ناحية المراجعات الوزاريه بموضوع البراك الكويت طارده للاستثمار
    واليوم بعطيكم مثال توني تذكرته
    عندي واحد صديق عنده محلات بالكويت والله رازقه والحمد لله
    يقول بالكويت اذا بطلع رخصه تجاريه ومراجعات بين البلديه وغيرها من جهات ثانيه يبيلك من شهرين الي ثلاث اشهر
    يقول رحت دبي واخذت محل ابي افتحلي فرع
    يقول جيت بطلع رخصه رحت للتجاره وقالولي وين العقد عطاهم العقد خلص منهم قالولوه روح البلديه قالهم وين البلديه قالوله الكونتر الي جنبي راحلهم وخلص منهم قالوله روح الداخليه قالهم وين قالوله الكونتر الي جنبنا خلص منهم قالولوه روح افتح محلك خلصت الاجراءات
    انصدم كل المسأله ما خذت وياه ساعه او ساعه الا ربع

    يعني بذمتكم
    بالعقل في مقارنه ما بين ثلاث اشهر اطامر بين وزاره واخره وبين بلد اخر يخلصك بساعه وحد
    لا تاخذكم العاطفه
    الكويت ربي يحفظها ويخليها لنا ويستر عليها كلنا نحبها ولن نوفيها حقها لو مهما فعلنا
    ولكن
    ليش ما تنحل العقد
    ليش ما يصير عندنا تسهيلات مثلهم
    ليش الحسد
    وبعدين أهي جت علي الاتصالات بس أغلب التجار فلوسهم بره مستثمرينها بالسعوديه والامارات والبحرين وقطر
    شوفوا قطر
    الي توها طالعه ما شاء الله عليهم شلون حطوا لهم بصمه علي الخريطه قبل منوا يدري عنها شوفوا الحين شلون صارت سبقونه واجذبوا رؤوس الاموال وعمروا بلدهم
    ليش ما نستفيد من الي سبقونا
    ليش ما ناخذ منهم الزين ونترك الشين
    بذمتك هذا شيئ مو يقهر
    لا تقولولي المجلس هو السبب

    صدقوني لو المجلس هو السبب
    الحكومه تقدر تمشي الامور الي تري ان المجلس اعاقها مثل ما تقول
    عن طريق مرسوم بقانون

    نعم
    بالعطله هذي كانت تقدر تمشي كل شيئ وتمشيه واثناء انعقاد المجلس تعرضه عليهم واذا كان في مصلحه للبلد صدقوني ما راح يعارض عليه من اعضاءالمجلس
    ولكن الله اعلم بالنوايا​
     
  11. بوحمد2

    بوحمد2 عضو نشط

    التسجيل:
    ‏5 يونيو 2005
    المشاركات:
    768
    عدد الإعجابات:
    0


    والله ولااطعن في امانة الشركه لاكن هناك زيادة في كل فاتورة شهريه لدي ربما تكون لخبطه ربما هناك عطل ربما انا مضيع

    لاكن الاكيد ان هناك شي ما في هذه الفواتير
     
  12. بورصة جمبزه

    بورصة جمبزه موقوف

    التسجيل:
    ‏5 ابريل 2007
    المشاركات:
    1,017
    عدد الإعجابات:
    0
    هدوا اشوى اخواني الاتصالات ام تي سي تبي تطلع وتروح بلد ثاني ما تشوف شر ولكن عندها افرع وعسي ما صرحوا يبون يطلعون بره ويقولون الكويت طارده للاستثمار كيفهم الشرباكه صايره بين كبار ليش تعورون قلبكم شوفوا الي قاعد يصير بالكبار وخلوهم يتهاوشون كله من الحسد وانتو تحجوا بتيليفوناتكم واخذوا راحتكم ام تي سي الوطنية الاتصالات الثالثه كل الطرق تادي الي روما وتقدر تحاجي الوالده من اي خط تبي وخلوهم انت تتكلم وتدفع مكالمات بفلوسك واله تحجه ابلاش اكيد بفلوسك والي ما يعجبه من الكبار يطق راسه بالطوفه كله يبون لهف وبوق وما ى يشبعون موفقين جني خرته اشوي موفقين:D:D:D:D:rolleyes::rolleyes::rolleyes:
     
  13. ((بن حسين))

    ((بن حسين)) عضو جديد

    التسجيل:
    ‏30 ابريل 2007
    المشاركات:
    1,399
    عدد الإعجابات:
    0
    من ناحية اللخبطة ... على مزاجهم اليوم وبعد ما كتبت المشاركة انقطع عندي e-Go ولما استفسرت قالوا لي عليك اشتراكات من شهر مارس مو دافعا مع العلم انا دافعها في فرع المطار وما خذ وصل بتاريخ 28 يوليو وكل ما اقول لهم انا دافع وبزيادة ..قالوا ماكو شي بالسيستم ... فقلت لهم الاستقطاع تم وعندي كشف حساب من البنك والوصل مالكم عندي ... وكان الموظف يتكلم بنفسية بعد .. فطلبت منه تحويل المكالمة لمسئولة المباشرة وتم التحويل .. فتفهم المسئول الوضع وقام وشغل الخدمة على الفور.

    فالرجاء من الأخوة الاحتفاظ بفواتير الاتصالات عند الدفع علشان ما اتكون الشغلة اشكرة عيني عينك.

    للعلم . عندي زميل بالعمل صارت وياه نفس العملية قبل يومين.
     
  14. adelsaqer

    adelsaqer عضو جديد

    التسجيل:
    ‏22 يونيو 2007
    المشاركات:
    2,133
    عدد الإعجابات:
    0
    انتوا من صجكم تصدقون هالفلم اللي اخرجه البراك ؟؟؟ اصلا خير الام تي سي والخرافي كله من الكويت
     
  15. MFD

    MFD عضو جديد

    التسجيل:
    ‏19 أكتوبر 2001
    المشاركات:
    20
    عدد الإعجابات:
    0
    مكان الإقامة:
    Saudi Arabia Khobar
    :)انا اتفق كليا ان البزنس لا يقبل المجامله
    الفشل او النجاح يحدده تطبيق القرار ممكن ان الشركه سوف تتطور اكثر بالذهاب الى البحرين وهذا سوف ينعكس ايجابيا على المشتركين
    لنحكم بعد سنه
    وقرار الانتقال لا ينقص من وطنيه الشركه من شيئ
    ارجوا التوفيق للكل.
     
  16. ابو رغوده

    ابو رغوده عضو نشط

    التسجيل:
    ‏13 يونيو 2005
    المشاركات:
    1,454
    عدد الإعجابات:
    0
    مكان الإقامة:
    الكويت
    انا معاك بقرار الانتقال ويمكن لمصلحه الشركه ولكن لماذا التصريح اللي فجر فيها الاقتصاد الكويتي وقال الكويت بلد لا يصلح مركزا ماليا ليش التهجم هذا على البلد ماشافوا من الكويت الا كل خير
     
  17. البيت الخليجي

    البيت الخليجي عضو نشط

    التسجيل:
    ‏1 يونيو 2005
    المشاركات:
    1,479
    عدد الإعجابات:
    1
    ياجماعة الحكومة تملك بالشركة 24% فليش ما تعترض على القرار ؟؟
     
  18. يقولون

    يقولون عضو نشط

    التسجيل:
    ‏31 يوليو 2006
    المشاركات:
    1,558
    عدد الإعجابات:
    0
    عدل كلامك

    والله عل كلامك اذا بغيت تفتح محل يسوون لك قصه طويله وانا اذكر بهالمناسبه الله يرحمه المطرف يوم بغه يفتح محل تسجيلات اللي بحولي سووله قصه وقالوا له ممنوع لازم يكون عندك شهادة ثناويه عامه علما انه اهو غير موظف بالحكومه وحاول وماكو فايده وراح دخل على فيصل المالك وقاله فعلا ممنوع لازم عندك ثناويه عامه فا رد عليه المطرف وقاله ما تبي اجيب لك نسبه بعد ؟ ! :) ئي والله وعقب جم واسطه وافقوا له مع انه فتح المحل عقب سنه طلع الرخصه
     
  19. بو هادي.

    بو هادي. عضو نشط

    التسجيل:
    ‏31 يوليو 2006
    المشاركات:
    281
    عدد الإعجابات:
    7
    شوف أهم حرامية حرامية هذي ما فيها خلاف بس تقدر تشوف بالإنترنت حساب كل رقم بروح وكم عليه من فلوس عن طريق سايتهم

    بس المشكلة لما تصيد عليهم يعطونك رقم رفرينس ويقولولك راح نشوف المشكلة ونحلها بس أقبض من دبش الله يعينك
     
  20. بوشعيب

    بوشعيب عضو نشط

    التسجيل:
    ‏6 يوليو 2005
    المشاركات:
    433
    عدد الإعجابات:
    2


    يا جماعه اهم حراميه 100% وانا متأكد من كلامي

    خصوصا خدمات التوفير والاستقطاع من رواتب الموظفين

    لانه عليهم قرض اشلون ايسددون . ؟؟ لازم على ظهر المستهلك.

    للعلم في الخارج ما يبوقون ايخافون لانه في مافسين اقوياء.

    انا انصح كل واحد يستقطعون من راتبه انه يكنسل الخط احسله

    يا قافلين لكم الله.