ماهي الاسهم المتضخمه؟؟

[خبير النفط]

صراحه الموضوع اكثر من ممتاز
المهم احذر من الشركات الى نسبه الارباح الغير محققه كبيره فيها لان اى نزول كبير للسوق يعنى اختفاء الارباح بل وممكن ظهور خسائر كبيره , كذالك انتبه للشركات الى نسبه دوران السهم صغيره يعنى ماعليها تداول يذكر وهذى تلقاها دائما معروضه فوق ومطلوبه تحت يعنى اذا ابتلشت فيها راح تشترى فى العالى وما تقدر تبيع الا فى النازل
واخيرا خل بالك من اسهم التصعيد الى تلقلى متداولين وحده او ثنتين والسهم متعلق فوق.
ومسك الختام اذا بط السوق راح تلقى حتى الاسهم الممتازه البلو جيبس راح تتأثر وهذى فرصه العاده لاتتكرر

 

[ابوفيصل77]

مس الخير بوفيصل
تبي الرااي وانا خووك............لاشفت اقسااطك انتهت وصفيت علا الرااتب والكم بيزه في السوووق
اطلع وانا خووك واشتر عقاار مدخوول ثاابت (وكاان الله غفوور رحيم)
يمكن تقول ليش ماتسويهاا........ لو ماني مخنووق من الاقسااط كان واالله طلعت ولاعورت رااسي
وتقبل مروري ومشكور علاتبطيلة الصفحة لفاايدة اخوااانك

فحبيت اشااارك يوم تبي الاعضااء المحترمين

اخوي مشكور على مشاركتك القيمه واتمنى يطيحون القروض علشان يطيح قرضك وتطلع من السوق وتشتري عقارات والله يوفق الجميع

 

[ابوفيصل77]

صراحه الموضوع اكثر من ممتاز
المهم احذر من الشركات الى نسبه الارباح الغير محققه كبيره فيها لان اى نزول كبير للسوق يعنى اختفاء الارباح بل وممكن ظهور خسائر كبيره , كذالك انتبه للشركات الى نسبه دوران السهم صغيره يعنى ماعليها تداول يذكر وهذى تلقاها دائما معروضه فوق ومطلوبه تحت يعنى اذا ابتلشت فيها راح تشترى فى العالى وما تقدر تبيع الا فى النازل
واخيرا خل بالك من اسهم التصعيد الى تلقلى متداولين وحده او ثنتين والسهم متعلق فوق.
ومسك الختام اذا بط السوق راح تلقى حتى الاسهم الممتازه البلو جيبس راح تتأثر وهذى فرصه العاده لاتتكرر

مشكور على مشاركتك وصراحه نتمنى منك ومن الاعضاء التوضيح لنا شنو الاسهم المرتفعه علشان لاحد يدش فيها ونبي الاسباب وهم بعد ياليت يذكرون الاخوان شنو الاسهم اللي فيها فرصه قويه للارتفاع مع ذكر السبب علشان الكل يستفيد والله يوفق الجميع ويرزقه بسهم يدوبل عشر مرات

 

[بــلد الخير]

سجل عندك سهم امتيازات ارباحه حلوه واسهمه شويه سهم استثماري درجه اولى ... وسهم عقار سعره رخيص واسهمه شويه وفيه طلعه حلوه وقروب الجناعات اسعاره بالحظيظ وعندك سهم ذهبي ومامنه خوف سهم مزايا ادارته قويه وتوقع منه الافضل ....وايضا فيه سهم مامنه خوف تمويل خليج سهم استثماري درجه اولى

 

[المؤشراتي2]

اسواق /الوطنيه للاتصالات /بنك برقان /الدار استثمار مميز

 

[المؤشراتي2]

اسهم البحر مرتفعه؟ ولا هو سعرها العادل انتبهو لايصيدكم. على كيفه هو يرفع وينزل لامقاومه ولا دعم ولا مؤشرات فنيه ولا بطيخ هالشركات تخوف اضرب واهرب ...... اما الشركات اللي اسعارها مندمره وارباحها حلوه مجموعة البدر والمجموعه الذهبيه المخازن وربعها وضيف معاهم مزايا وامتيازات

كلام منطقي

 

[بــلد الخير]

كنت اتمنى كلامي يطلع غلط
بس اللي صار متوقع من البحر وامثاله
مره يقول الوليد بن طلال شريكي
ومره يقول نبي ندرج شركاتنا بلندن
ومره يقول نبي نندمج
وبالاخر كله فشوش
الله يعوض ملاك اسهمه
لكن ابشركم اسهم البحر فيه طلعه قويه
هذي سوالفه يبط السهم لي تحت علشان الاجل
مثل ماقلنا بالاول اسهمه متضخمه ومرتفعه ابشركم الحين باذن الله فيه طلعه قويه
بس تكفون لاتطمع مع البحر وضارب وياه

 

[ولد البورصه]

اللى طالع من السوق لايرد الا بعد الارتداد الحقيقى

 

[بــلد الخير]

اسهم البحر مرتفعه؟ ولا هو سعرها العادل انتبهو لايصيدكم. على كيفه هو يرفع وينزل لامقاومه ولا دعم ولا مؤشرات فنيه ولا بطيخ هالشركات تخوف اضرب واهرب ...... اما الشركات اللي اسعارها مندمره وارباحها حلوه مجموعة البدر والمجموعه الذهبيه المخازن وربعها وضيف معاهم مزايا وامتيازات وجلوبل

هالمشاركه قلناها بتاريخ 31 _8
اكبر المحللين فشلو بمعرفة نقاط الدعم والمقاومه لاسهم البحر
والسبب بسيط لان البحر مايمشي على التحليل
اللي قاعد يسويه البحر جريمه وادارة البورصه اداة الجريمه في حق صغار المساهمين
وانا متاكد ان البحر عاجبه اللي قاعد يصير
لو انه بطل وقف بكل قوه للدفاع عن اسهمه بس هو بعيد عن المواقف البطوليه
علشان جذي اقولكم لاتامن البحر اضرب واهرب
والله يعوض الخسرانين

 

[حمد حمادة]

تبون الكلااااام الي يجمد علااا الشارب والااجابه الي لااتسعلون غااارها
كل الاسهم متضخنه ومرتفعه وسعرهاا غاالي ومااتصلح للستثماار

انا اقول روح نام احسن لك

 

[ابوفيصل77]

اغلب المحللين يقولون التصحيح ضروري لان في اسهم متضخمه ويجب نزووولها

ياجماعة الخير علمونا شنو الاسهم المتضخمه

كل الشركات محققه ارباح قياسيه ولاشركه عندها خساير

والا حطينها شماعه حق النزوول

ابي واحد من المحللين يذكرلنا شنو الاسهم المتضخمه اللي طيحت السوق؟؟

بس نسمع كلمة اسهم متضخمه ولا يذكرون لنا اسماء الشركات المتضخمه ؟؟

انا اعتقد المحللين اللي يقولون هالكلام يضللون المساهمين

ما اشوف ولا سهم متضخم كل الاسهم اسعارها حلوه؟؟

طيب ليش النزووووول؟؟

 

[al7mly]

اغلب المحللين يقولون التصحيح ضروري لان في اسهم متضخمه ويجب نزووولها

ياجماعة الخير علمونا شنو الاسهم المتضخمه

كل الشركات محققه ارباح قياسيه ولاشركه عندها خساير

والا حطينها شماعه حق النزوول

ابي واحد من المحللين يذكرلنا شنو الاسهم المتضخمه اللي طيحت السوق؟؟

بس نسمع كلمة اسهم متضخمه ولا يذكرون لنا اسماء الشركات المتضخمه ؟؟

انا اعتقد المحللين اللي يقولون هالكلام يضللون المساهمين

ما اشوف ولا سهم متضخم كل الاسهم اسعارها حلوه؟؟

طيب ليش النزووووول؟؟

كلامك صحيح 100% ... واحب اضيف لو تقارن بين اسعار الاسهم بالكويت مع السعوديه تلاقي الفرق كبير احنا اغلي سهم هو زين بقيمة 4 دنانير ونص وصل ....اما الشركات السعوديه فيها اسهم فوق العشر دنانير وارخص سهم دينار ... واحنا اسهمنا تحت النص دينار اغلبها ... وهذا سعرها من بداية التداول في البورصه ترتفع شوي وترجع ... مع انها متأسسه من السبيعينات ... انا مااشوف سهم متضخم غير زين بس فقط لاغير من وجهة نظري

 

[ابوفيصل77]

كلامك صحيح 100% ... واحب اضيف لو تقارن بين اسعار الاسهم بالكويت مع السعوديه تلاقي الفرق كبير احنا اغلي سهم هو زين بقيمة 4 دنانير ونص وصل ....اما الشركات السعوديه فيها اسهم فوق العشر دنانير وارخص سهم دينار ... واحنا اسهمنا تحت النص دينار اغلبها ... وهذا سعرها من بداية التداول في البورصه ترتفع شوي وترجع ... مع انها متأسسه من السبيعينات ... انا مااشوف سهم متضخم غير زين بس فقط لاغير من وجهة نظري

اخوي

السعوديه القيمه الاسميه للسهم 10 ريال بالكويت 100 فلس

بس طبعا الشركات الكويتيه افضل بتوزيع الارباح

وشكرا على الرد

 

[عصويد]

أخوي الاسهم الكويتية متجزئة علي 100 فلس سنة 84,, بيت التمويل سنة 78 أول مانزل بسوق ب14 دينار وعز سوق المناخ وصل 45 دينار والوطني كان ب21 دينار ووصل 80 دينار يعني فوق ألف ريال وبعدها جت أزمة المناج والشيكات بدون رصيد والمقاصة وتجزئت الاسهم وصاروا الناس يملكون ورق وهي شبيهه بسوق السعودي لاكن الفرق أن السوق السعودي تعافيه بسرعة له عدة عوامل منها ارتفاع البترول وفرة السيوله وغيرها وغيرها أما سوق الكويت كانت الاوضاع السياسة سيئه,, ولا ألي مر علي السوق السعودي شي موسهل انيار بمعنى الكلمه أفتح أسعار السوق السعودي طالع صافولا بس يكفي علشان تعرف الانهيار كيف يكون سهم قيمته بعد التجزئه ب477 ريال يوصل الان ب39 ريال ولافي عالم البني ستوك شي ألله لايوريكم هذا الانهيار .

 

[بوعبدالهادي]

الاسهم اللي ما اخذت حقها بالصعود اذكر الاسهم اللي املك فيهم لانها الاسهم الوحيدة اللي اتابعها

اسهم تنزل وما ترتفع

1. المستثمر د: نزل من 540 فلس ووصل 200 فلس تقريبا.. ومن أواخر 2005 والسهم في نزول الى ان وصل الى هالسعر وماشفت له صعود ابدا

2. العقارية: اعلى سعر كان عليه 345 فلس في اواخر 2005 وظل ينزل الى ان وصل الى 148 او اقل وبدا يصعد ولكنه لم يصل الى حد التضخم لانه وصل الى 232.

3. العراق القابضة: سهم كان يحتضر والآن اعتبره في عداد الاموات سهم مايعرف الصعود وكله نازل.. ووصل سعره اقل من النص وذلك مقارنة بأعلى سعر وصل اليه وهو 120 فلس وبعدها ظل ينزل الى ان وصل الى 40 او 41 فلس.

اسف على الاطالة

والسلام عليكم

 

[السور]

اسهم قليلة اللى متضخمة واعتقد ان اولهم المدينة ونور والصفاة بس فى اسهم كثيرة جدا مو سعرها ونازلة اشلون يقولون السوق متضخم !!

 

[blashetab]

أتمنى لو كنت أعرف المعادلة التي تبين السعر الحقيقي للسهم بناء على بيانات الشركة أو أرباحها حتى نتمكن من الجزم أي الشركات سعرها متضخم و أيها سعرها عادل و أيها تتداول بأقل من سعرها العادل.
ياليت أحد الأخوان أو المشرفين إفادتنا بذلك و كيفية تطبيقها لكون هذا الموضوع مهم جداً و لنكون جميعا على بينة.
شكرا للجميع

 

[هداف]

أسهم متضخمة: أسهم البحر -البنك الدولي-اكتتاب-زين-لؤلؤة-التعمير ك-ميادين
أسهم للاستثمار: أجيليتي-الدار-سلطان-جروب البدر-اتصالات-زين (تحت 3500 )

 

[Black]

التضخم مالازم الواحد يقوله بس مجرد كلام ينقال على اسهم ما انحبها او مالنا اسهم فيها ، لما تتكلم على اسهم البحر بتلاقي غالبيتها ما وصل سعر السهم فيها الى ربع دينار و هو مبلغ يعد لا شي بالنسبة لاي شركة صار لها سنوات من التعامل و الارباح الكبيرة و التي تجاوز بمجموعة أضعاف رأس مال الشركة .
و بالسبة للبنك الدولي (العقاري سابقا) شنو نوع التضخم اللي تتكلم عليه مع العلم ان جميع البنوك تصاعدت اسعارها و تجوازت الدينار و ذلك سعر بنك بوبيان حديث التداول قد تجاوز سعر البنك الدولي و هذا السعر صارله فترة طويلة جدا لم يتغير .
بالنسبة لشركة زين مع انها من اغلى اسعار الاسهم و لكن سعره قليل اذا تم مقارنته بحجم الاستثمارات التي تقدر بأكثر من 30 مليار دولار و هو رقم يقدر بميزانيات دول .
بالسبة لسهم لؤلؤة صحيح ان السهم صعد من 130 الى 220 و لكن لم يتسائل احد او يذكر ان الشركة تم تأسيسها سنة 1975 و تم ادراجها بالسوق سنة 1987 و ان السهم كان يتداول اغلب اوقاته من سنة 2003 الى الربع الأول من سنة 2006 فوق سعر 200 فلس و ان وصل في يوم ن الايام الى سعر 370 فلس و نفس القصة لو تم حساب الارباح للشركة على مدى السنوات لكانت اضعاف كثيرة لراس المال و ى ننسى ان العقار في الكويت و المنطقة يشهد نشاط مو طبيعي و ارتفاعات قياسية .
بالنسبة لتعمير ك هذا السهم سعره 154 فلس و هو لشركة عقارية تأسست قبل 20 سنة و تم ادراجها بالسوق في آخر 2005 و ماهي قيمة 154 فلس لسهم في شركة عقارية لها ارباحها الكبيرة و اريد ان اذكر نقطة مهمة ان شركة تعمير تمتلك فيها شركة المصالح 50% و شركة المصالح كانت مشاركة في معرض عقار بأحد الدول المجاورة و قامت ببيع عقارات بأرباح مامجموعة يفوق قيمة 40 مليون دينار و هو 200% من رأس مال الشركة و الذي يجب ان ينعكس بشكل ايجابي كبير جدا على شركة تعمير ك و مع هذا نسمع ان السهم متضخم ، كيف يتضخم سهم لشركة لها من العمر 20 سنة و تعمل في العقار الذي هم اكثر التجارة ارباح في هذه الايام و عندما يصل سعر السهم الى 154 او 200 او اكثر اقول ان السهم فيه تضخم
يعني عصير كوكتيل (مثلج مو فريش) = عدد(2) سهم لشركة عقارية
و بالنسبة لتمدين نفس الحالة
الله يعين
و الأرزاق على الرزاق

 

[ketoo]

يا اخوانى من الواضح ان شماعه هذا النزول هى الأسهم المتضخمه لأن لازم لكل نزول سبب!!!!!!
و هذه الشماعه يختلقها محللون الصناديق و المحافظ و الشركات المضاربيه لتعود عليهم بالفائده.
يا أخوانى نظره سريعه و مقارنه باسعار الأسهم سنه 2005 و أسعار الأن سوف نتأكد انه لايوجد اى تضخم سوى فى قليل من الشركات و اغلبها شركات الخرافى