محد عنده شي سريع ينزل الوزن حق الريجيم ؟

Q812356

عضو جديد
التسجيل
21 أغسطس 2007
المشاركات
6
السلام

محد عنده شي او برنامج سريع ينزل الوزن حق الريجيم ؟

او يعرف انواع من الادويه مجرمه حق تنزيل الوزن اتكون زينه او مكان زين حق شفط الدهون.

وشكرا...
 

اوكيشن

عضو نشط
التسجيل
17 سبتمبر 2005
المشاركات
407
مالك الا دايت كير

ميه ميه

الشباب ما شاء الله قعدو جم شهر والله من غير رياضه ونزل وزنهم حيل

يعني لو تشترك معاهم وتسوي رياضه يصير جسمك مقسم وما طبقها من الشباب الا واحد وما شاء الله عليه كان وزنه 120 والحين 81 ويبي يوصل 70
 

Q812356

عضو جديد
التسجيل
21 أغسطس 2007
المشاركات
6
دايت كير عباره عن شنو واشلون يطبقونه

ورفيجك جم خذه فيه على ماوصل من 120 لي 81
 

scusa83

عضو نشط
التسجيل
24 فبراير 2007
المشاركات
783
الإقامة
kuwait
حبيبي تبي نصيحه وخر عن السكريات و النشويات و نص ساعه مشي احسن شي
و عندي واحد من الربع امجرب كان 172 و الحين 152 ابشهرين
 

bo fawaz

عضو نشط
التسجيل
25 يونيو 2006
المشاركات
4,890
السلام

محد عنده شي او برنامج سريع ينزل الوزن حق الريجيم ؟

او يعرف انواع من الادويه مجرمه حق تنزيل الوزن اتكون زينه او مكان زين حق شفط الدهون.

وشكرا...

اذا تبى اشياء مجرمه لازم تركض عشرين كيلوا الساعه وحده الظهر

لمده خمس ايام وبعدين تراجع:eek:
 

sam

عضو نشط
التسجيل
10 فبراير 2005
المشاركات
658
السلام عليكم

اخوي انا كان وزني 140 ونزلت لل 70 كيلو خلال سبع شهور فقط

تبي الطريقة - خفف اكل ولا تتغدي وتنام ولا تتعشي ابدا والى يقولك اكل بس تفاحة ومادري شنو لا تسمع هل الكلام واذا تبي طريقتي مع العلم انو انا الان لا استطيع بأن اعملها مرة اخري ولكن راح اقولك اياها بس رجاءا لا تعملها الا ما تستشير الطبيب - اخوي انا واعوذ بالله من كلمة انا عشت سبع شهور على التونا ( سمك معلب ) وكنت اكل باليوم الواحد علبة تونا بالماء وليس بالزيت ولا افطر ولا اتعشي وكنت اشرب ماء ساخن ما يقارب 2 ليتر باليوم الواحد والف الحمد للة - بس في ملاحظة اصغيرة انا لم اكن امارس الرياضة وهذا خطأ اسمع مني ؟
 

sa3od29

عضو نشط
التسجيل
6 مايو 2007
المشاركات
1,642
الإقامة
عروس الخليج
افضل ريجيم موجود بالعالم حاليا وفي السابق وفي المستقبل

قول الرسول صلى الله عليه وسلم.....نحن قوم لا ناكل حتى نجوع واذا اكلنا لا نشبع او كما قال
والمعدة بيت الداء..........ثلثها للماء وثلثها للطعام وثلثها للهواء.....طبق الكلام هذا وان شاء الله راح ينزل وزنك وحاول تبعد عن السكريات والنشويات كثر ماتقدر ولا تشبع اذا اكلت بس هذا افضل ريجيم عشان ماتحرم نفسك من اي شي وماتشوف شر ان شاء الله
 

اوكيشن

عضو نشط
التسجيل
17 سبتمبر 2005
المشاركات
407
صح لسانك سعود

واخوي دايت كير هذي شركه تشترك معاهم واهم يحللون دمك

وبعدها يدزون لك كل يوم ريوق وغدا وعشى

وعلى شرط ماتاكل غيرهم

وصاحبي نزل بأربع شهور

اذا بغيت رقمهم اسال لك
 

بومشاري

عضو نشط
التسجيل
20 أغسطس 2005
المشاركات
2,011
الإقامة
الـكــــــــــــو يـــت
تبي نصيحه ولو طبقتها راح تستفيد الكثير
وتدعيلي
اول شغله لازم يكون عند العزيمه على عمل
تنزيل الوزن مو بنص الطريج تبنجر
رتب لك ساعه ونص باليوم اختار لها وقت ثابت وبشكل يناسبك
يوميا وحاول قدر الامكان الالتزام فيه
جهز نفسك بلبس وحذاء رياضي للمشي اعزك الله
ودور على نوعيه جيدة ومريحه
حاول قدر الامكان تخفف من الاكل
اختار ممشى يناسبك ومريح لك باى منطقه
امش يوميا ساعه ونص
صدقني مع الايام بتحس بنزول الوزن وفوقه تحس بنشاط
وحيويه وصحه
برنامج المشي المنظم والعزيمه والالتزام
افيد لك من الادويه والريجيم القاسي والانديه الصحيه
ومع الايام صدقني بتتعود على المشي وبترتاح
اكرر العزيمه والالتزام والتنظيم امر مهم ونتائجه بتشوفها بنفسك
وبالتوفيق
 

ولد البورصه

عضو نشط
التسجيل
5 يوليو 2006
المشاركات
1,883
الإقامة
فى بيت ابوى
تبي نصيحه ولو طبقتها راح تستفيد الكثير
وتدعيلي
اول شغله لازم يكون عند العزيمه على عمل
تنزيل الوزن مو بنص الطريج تبنجر
رتب لك ساعه ونص باليوم اختار لها وقت ثابت وبشكل يناسبك
يوميا وحاول قدر الامكان الالتزام فيه
جهز نفسك بلبس وحذاء رياضي للمشي اعزك الله
ودور على نوعيه جيدة ومريحه
حاول قدر الامكان تخفف من الاكل
اختار ممشى يناسبك ومريح لك باى منطقه
امش يوميا ساعه ونص
صدقني مع الايام بتحس بنزول الوزن وفوقه تحس بنشاط
وحيويه وصحه
برنامج المشي المنظم والعزيمه والالتزام
افيد لك من الادويه والريجيم القاسي والانديه الصحيه
ومع الايام صدقني بتتعود على المشي وبترتاح
اكرر العزيمه والالتزام والتنظيم امر مهم ونتائجه بتشوفها بنفسك
وبالتوفيق

100%
ومشكور على هالنصيحه
لان انا سويتها ونزل وزنى من90الى74وصار 100%
واضيف عليهم بعد كل مجهود رياض تشرب حليب خالى الدسم
لان بعد المجهود يحتاج الجسم الى كميه اكل عشان السعرات الحراريه
ف لما تشرب خالى الدسم يتغذى الجسم على الدهون
وافضل وقت للمشى بعد صلاة المغرب مباشرة وبالشتا بعد صلاة العصر مباشرة

ودعى لنا بعد3شهور
المتوقع 7كيلو بالشهر

وبالتوفيق
 

دحيم 06

عضو نشط
التسجيل
23 ديسمبر 2006
المشاركات
853
الإقامة
الكـــويـــــــت
شوف أخوي يقولك سالفة حقيقية وأنت أحكم بنفسك....

جارنا سجل بالحرس الوطني وماقبلوه لأن وزنه كان 113 .....

قالوله ماراح نقبلك اذا وزنك فوق المية كيلو.....والدخول كان بعد أسبوعين بالضبط....

صراحة كان يمشي يوميا ساعة تقريبا ...أشوفه على الشارع العام العصاري مرات...وكان شاد حيله (ترى العزيمة لها دور)...

المهم عقب أسبوعين راح يفحص بالحرس الوطني طلع وزنه 115 :eek::eek::eek:

والله ياجماعة زاد وزنه 2 كيلو...

سألته شنو السبب وانت تمشى كل يوم؟

قال كنت امشي ساعة العصر ...وأنا راد البيت أمر الجمعية على دربي واخذ لى 2 شاورما وببسي!!!!وجنك ماتدري 1 كتكات و1 مارس....

يعني اللى يبي ينزل وزنه لازم يمسك بطنه شوي...

تحياتي لك...
 

alashum

عضو نشط
التسجيل
28 أبريل 2006
المشاركات
587
عليك بالصوم منه صحه وعافيه ومنه أجر جرب وشوف وربنا يعينك
 

ذو الفقار

عضو نشط
التسجيل
4 أغسطس 2007
المشاركات
541
آنه اقولك طريقه وانت قاعد بالبيت.....

حط كل حلالك بالمجموعه الدوليه

واقعد فكر وتحسر..ماراح تشوف نفسك إلا وكل يوم19 كيلو نزول..!!!

ونصيحه اخويه..

اذا شفت السهم بلش يشتغل بالصعود بيعه على طوووووووول

عشان لاتستانس وترد تمتن مره ثانيه..

وبهالطريقه مبروك عليك...
 

كويتى وبس

موقوف
التسجيل
19 أكتوبر 2006
المشاركات
337
آنه اقولك طريقه وانت قاعد بالبيت.....

حط كل حلالك بالمجموعه الدوليه

واقعد فكر وتحسر..ماراح تشوف نفسك إلا وكل يوم19 كيلو نزول..!!!

ونصيحه اخويه..

اذا شفت السهم بلش يشتغل بالصعود بيعه على طوووووووول

عشان لاتستانس وترد تمتن مره ثانيه..

وبهالطريقه مبروك عليك...

لايمعود لا تقول اليوم دشيت على المجموعة شكلى على الأحد زايد40 كيلو الله يستر
 

alajmiktv

عضو نشط
التسجيل
23 ديسمبر 2004
المشاركات
557
الإقامة
kuwait
تبي نصيحه ولو طبقتها راح تستفيد الكثير
وتدعيلي
اول شغله لازم يكون عند العزيمه على عمل
تنزيل الوزن مو بنص الطريج تبنجر
رتب لك ساعه ونص باليوم اختار لها وقت ثابت وبشكل يناسبك
يوميا وحاول قدر الامكان الالتزام فيه
جهز نفسك بلبس وحذاء رياضي للمشي اعزك الله
ودور على نوعيه جيدة ومريحه
حاول قدر الامكان تخفف من الاكل
اختار ممشى يناسبك ومريح لك باى منطقه
امش يوميا ساعه ونص
صدقني مع الايام بتحس بنزول الوزن وفوقه تحس بنشاط
وحيويه وصحه
برنامج المشي المنظم والعزيمه والالتزام
افيد لك من الادويه والريجيم القاسي والانديه الصحيه
ومع الايام صدقني بتتعود على المشي وبترتاح
اكرر العزيمه والالتزام والتنظيم امر مهم ونتائجه بتشوفها بنفسك
وبالتوفيق

اخوي كلام بو مشاري 100%

بس بزيد عليه شغلتين

1- حاول تبتعد عن السكريات والنشويات
2- خلي عشاك بدري (( الساعة 6.30 )) ولو يكون سلطات افضل

وشوف الراحه شلون
 
التسجيل
30 أغسطس 2007
المشاركات
225
افضل ريجيم موجود بالعالم حاليا وفي السابق وفي المستقبل

قول الرسول صلى الله عليه وسلم.....نحن قوم لا ناكل حتى نجوع واذا اكلنا لا نشبع او كما قال
والمعدة بيت الداء..........ثلثها للماء وثلثها للطعام وثلثها للهواء.....طبق الكلام هذا وان شاء الله راح ينزل وزنك وحاول تبعد عن السكريات والنشويات كثر ماتقدر ولا تشبع اذا اكلت بس هذا افضل ريجيم عشان ماتحرم نفسك من اي شي وماتشوف شر ان شاء الله



صدقت يا سعود و أنا مجرب هالرجيم و فاد معاي

المشكلة يا إخوان كل واحد فينا يبي سنة ياكل كل شي و يبي يسوي رجيم خلال إسبوع يبين معاه

الرجيم أهم شي الإلتزام و الصبر خلال 3 شهور على الأقل ستجني إنشاء الله النتائج
 

sa3od29

عضو نشط
التسجيل
6 مايو 2007
المشاركات
1,642
الإقامة
عروس الخليج
جسم الانسان يحتاج الي كل ماهو موجود ولكن بالصوره الصحيحه فجسم الانسان يحتاج الي املاح طبيعيه كطماط والخس والورقيات...ويحتاج الي سكريات كالفاكهه او قليل جدا مثال السكر في الشاي او القهوه ويحتاج الي دهون وليست الدهنيات كشحوم وزيوت قلي الاكل بل الي الدهون الموجوده في اللحوم الطبيعيه وهي تعوض.....اذا كان الوزن زايد عند الانسان وهي تعتبر دهون وكلوسترول الاسود فوق الحاجه ومخزنه في الجسم..وهي تشكل الوزن الزائد لدي الانسان...فطريقة الخلاص منها الابتعاد عند جميع المأكولات كالحلويات والدهنيات الشحوم والاكثار من اكل اللحوم البيضاء وذلك لقلة الدهنيات بها وعدم اكلها مقليه يستحسن ان تكون مطبوخه او مشويه والابتعاد الكلي عن المقليات انا لدي جدول جيد للرجيم اود ان افيد بها الاخوان في المنتدي


الفطور
يكون بيض مسلوق وعدم اكل صفار البيض وذلك لكثرة الكلوسترول به....مع عصير برتقال فرش وخبز اسمر او ربع خبزه عاديه او جبن قريش منزوعة الدسم او عسل وقشطه بربع خبزه عاديه

الغداء
يكون لحم او دجاج او سمك مسلوقه او مشويه بكميات قليله مع سلطه او مع فواكه ماعدا الموز والفراوله ويستحسن الاكثار من البطيخ والرقى وذلك لانه يملئ المعدة ويعطي احساس بالشبع

العشاء
ودائما يكون العشاء خفيف جدا ويستحسن ان لا تتعشى او اذا اردت العشاء ان تاكل نوع واحد من الفواكه او سلطه باي كمية اردتها

وهناك مثل لدي العرب ويقول (افطار فطارك لوحدك....وشارك اهلك في غداءك ....واترك لعدوك عشائك) :)

وافضل انواع تخفيف الوزن هو من اتبع هذا البرنامج مع الالتزام باوقات الاكل بان تكون بين الفطور والغداء 5 ساعات وبين الغداء والعشاء 5 ساعات وبان تتعشى مبكرا ولا تنام بعد العشاء مباشرة وافضل شي لحرق الدهون والسكريات في الجسم بان تمارس رياضة المشي لمدة اكثر من نصف ساعه قبل النوم.....وسوف ترى الفرق بعد اسبوع من الراحه والحيويه والنشاط والراحه في النوم والجلوس بالنشاط وان نمت قليلا
 
أعلى