استفسار عن بيع وشراء اسهم وكمياتها

ويه الخير

عضو نشط
التسجيل
22 أغسطس 2007
المشاركات
110
الإقامة
"دانة الخليج" الكويت
السلام عليكم

عندي استفسار عن طريقة بيع وشراء الاسهم,
هل انا بحاجة الى كمبية معنية من الاسهم (1000 سهم مثلا ومضاعفها) علشان اقدر ابيعهم او اشتريهم ؟
لان عندي اسهم ودي ابيعهم فيها كسور, مثلا 5324 سهم, 2684 سهم, 2483 سهم وهكذا...
خبرتي بالاسهم على قدي لكني سمعت ان اذا كنت ببيع كمية اسهم قليلة فسعر البيع بيكون اقل من السعر الرسمي ب10 فلوس او اكثر , يعني فرضا عندي 850 سهم بالوطنية للاتصلات وسعر السهم اليوم مثلا 2,800 واذا ببيعهم فبيكون السعر اقل من هذا, هل هالكلام صحيح ؟
طيب واذا كانت شركة متواضعة مثل عربية عقارية الي سعر السهم 170 فلس هل ينطبق عليها نفس المبدأ والعكس اذا كانت سعر السهم عالي مثلا فوق ال 3 دنانير ؟

ولا عادي اقدر ابيع او اشتري اي كمية اسهم على السعر الي اشوفه بالشاشة ؟



قلت اتسلح بشوية علم من خبرتكم قبل ما استعجل بالتداول واتوهق ويعطيكم العافية ......
 

Q8 Stock

مشرف
طاقم الإدارة
التسجيل
12 يونيو 2005
المشاركات
25,895
الإقامة
Q8
السلام عليكم

السوق الرسمي لابد التقدي بالوحدات
لانه لك سعر له وحده الخاصه ومضاعفتها

مثلا 520 وحدها 5.000 سهم ومضاعفاتها

اما سوق الكسور
لك الحق في شراء الكسر و بيعه
ولا يحق لك شراء جزء من الكسر :)

السعر يختلف بالكسور عن الرسمي
مثل ما تفضلت اقل من الرسمي او اكثر <<<< قليل يصير

ماله شغل السعر
كله نفس الشي
مثلا السعر 2.800 يكون اقل 2.760
انت تعرض واللي يبي يشتري يشتري بكيفه :)
اما 170 تعرض مثلا 166 او 168 او نفس السعر
اللي يبي يشتري حياه الله :)


بالتوفيق
 

khaled_y

عضو نشط
التسجيل
21 يونيو 2007
المشاركات
323
انا اقترح عليك تتصل بوسيط يصرفهم لك بس راح يكون الفرق بسيط جدا لايذكر
 
التسجيل
26 أغسطس 2006
المشاركات
1,878
اخوي مو شرط يكون سعر بيع السهم في سوق الكسور اقل من السوق فالكثير من الصفقات تتم بنفس سعر السوق الرسمي وبالنسبه لاسهمك احتمال فانت تقول ان عندك اسهم بعدد 2684 سهم فلو كانت هذه الكميه لاسهم الوطنيه للاتصالات مثلا فالوحدة هنا ستكون 1000سهم يعني تقدر تبيع 2000سهم بالسوق الرسمي والباقي 682بسوق الكسور ، وهذا المثل ينطبق على عدد الاسهم 5000 فما فوق الذي ذكرتها فلو كان سعر السهم 520 فلس فانك تستطيع بيع 5000 سهم بالسوق الرسمي ومازاد تبيعه بسوق الكسور
 

ميثاق

موقوف
التسجيل
1 فبراير 2003
المشاركات
595
ملاحظة هامةسوق الكسور عرض السهم فيه يكون بسعر اخر صفقة بالسوق الرسمي وبعد 5 دقايق تقدر تغير سعر السهم ترفعه
 

زمان اقتصادي

عضو نشط
التسجيل
22 ديسمبر 2005
المشاركات
17,609
ملاحظة هامةسوق الكسور عرض السهم فيه يكون بسعر اخر صفقة بالسوق الرسمي وبعد 5 دقايق تقدر تغير سعر السهم ترفعه

السلام عليكم:)
يعطيك العافيه أخوي ميثاق كلامك 100%

طيب هل يتأثر السوق الرسمي بسعر سوق الكسور؟

السلام عليكم:)

العكس صحيح أخوي ويه الخير
 
أعلى