كمبيوتر Desktop للبيع - (مميزات قويه)

[meshal1974]

كرستال بالكويت الاسعار حرق تدري انت بعد خاصة القطع اللي الريال مركبها يا عند بست باي ولا عند كونتاكت وانا شايف اسعارهم هناك يشلعون فوق من جذي تحجيت ولا لو جهاز ثاني جان عادي سهالات, انا كان تعليقي ان في سومه قبلكم بس ولا الجهاز يسوى ما يسوى هذا شي راجع لكم الله يسلمك وبالتوفيق ان شاء الله

 

[الابراهيمي]

يااخ مومشكلا انت الظاهر تبي تعمل مشكله يعني من ردودي على الموضوع انا قلت اني موكاسر فيه طبعا سعري اقل من السعر الحقيقي لكن هو حر يبيع مايبيع والجهاز يعتبر مستعمل يعني لازم سعره يقل عن السوق على الاقل 30% وكل واحد وظروفه ولاتنسى اني صاحب اعلى سومه
ولاتنسى بعد ان صاحب الجهاز اختفى ولاتزعل انا حبيت اوضح فقط

 

[momoshkla]

مو مشكله يالبراهيمي ولا بسوي مشكله لنشالله بس هذي اهي الفكره الي بوصلها مثل ما تفضلت((لكن هو حر يبيع مايبيع)) يعني اي سومه البياع اهو المعني بالرد عليها الي راح وخلانا زلق مزالق هني ههههه
عسى الداعي خير انشالله. وماكو زعل يالحبيب وبالتوفيق للجميع

 

[CrystaL]

meshal1974 : ما قصرت يالغالي على الرد الحلو .. وادري والله الاسعار نار بس تدري ياخوي الجهاز اذا صار مستعمل على طول سعره يطيح حتى لو مستعمل دقيقه بالضبط بره المحل طاح سعره .. مثلا جهاز لاب توب سوني تشتريه ب 830 دينار لو باجر تبي تبيعه راح تلقاه ب 550 دينار !! صح كلامي ولا لأ ؟ يعني 300 دينار على الراحه لانه مستعمل .. وغير هذا ترى AMD تدري سعره اقل من الانتل .. كمستعمل ,

صاحبي قبل جم يوم مسويله جهاز روعه انتل و 4 غيغا وسوالف وكرت الصوت كريتيف طلع عليه بحدود 600 .. لكن .. كرت الصوت بروحه 90 دينار تقريبا ..
عموما ما نختلف هذا مجرد توضيح لا اكثر ولا اقل .

التوفيق للجميع ان شاءالله .

 

[meshal1974]

صح كلامك كرستال يعطيك العافية

 

[الابراهيمي]

اسحب السومه لعدم تجاوب صاحب الموضوع

 

[meshal1974]

دام سحبت السومة عيل انا اسوم اب220 دينار و شكرا.

 

[fikimostafa]

Kd 230

 

[UNIX]

حرام تبيعه بأقل من 350 دينار... هذول شريطيه و يبون يكسرونك. انا عندي انك تحرقه و لا تبيعه لهم.

 

[CrystaL]

Unix على الاقل لما تتكلم تكلم عن شي اتعرفه .. اذا عندك الجهاز يسوى 350 دينار روح اخذه منه وعطه فلوسه !!

شريطيه قال !! ياخي دام انك ما تعرف الموجودين لا تتكلم .. ويقول حرقه ولا تبيعه .. اللي ايده بالماي ..

صاحب الموضوع اصلا انحاش .. لو يسكرون الموضوع احسن .

 

[meshal1974]

كرستال من صجك ترد عليه بعد, لا تعطيه أكبر من حجمه خله يتكلم على كيفه

 

[CrystaL]

صاج والله ياخوي يا مشعل انا بس يمكن من الجوع بروح اتغدا هاهاها

تسلم يا مشعل

 

[UNIX]

صح انا ما أفهم

 

[fikimostafa]

)

--------------------------------------------------------------------------------

ما يحتاج ارسل ايميل الله يبارك فيك

والله ما اغش احد لو بدينار ، ولا ارضى بدينار حرام

الجهاز مع الويندوز الاصلي كلفني 360 دينار

سومه طيبه يا tlateh

صحيح انا مو ناوي ابيع الجهاز بنفس السعر اللى اشتريته فيه ، والجهاز لو مستعمل يوم يسمى مستعمل

لكن ما ترضون لى الخساره

Hada howa rad Al Akh Akonami fee montada akher lenafes el gehaz , ishlon tabeena nedfa3 350 kd we howa aslan dafe3 360 KD Ishlon ya Akh Unix ya fahman

 

[UNIX]

يعني كلامي صح يسوى فوق ال 350 دينار. هذا المهم عندي عاد انت اذا تبي تشتريه ب 100 فلس هذا شي راجع لكم

و لو سمحت ماله داعي تقولي فهمان و مو فهمان و بطيخ. انا لو ابي اتفلسف كان رشيتك من بيتنا لبيتكم شهادات. كل اللي بالموضوع اني طرحت رأيي بالموضوع سواء وافقتني او عارضتني و بالنهاية هذا رأي و احترم رأيي. فهمت يا اّلهة الطب و الهندسة و الفلك انت مع الشريطية الثانيين؟

 

[fikimostafa]

howa sharaeee el gehaz bee 360 Gedeed we inta tabeena inena neshtree meno el gehaz mosta3mel bee 350
Ishlon bass Allah Hadak

 

[meshal1974]

akhoya mostafa sebak meno.

 

[fikimostafa]

Y3teek Alef 3afeea Akhoya Mesh3el

 

[CrystaL]

Unix تبينا نحترم رايك !! وين الراي اللي قلته انتا دشيت فينا بالطوفه ..
اخوي انا بس بقولك شغله ترى انا مو شريطي مالي شغل بغيري انا واحد احب التغيير و الكل يعرفني اهني .. اخسر بالشهر 200 او 300 دينار وين الشريطي ..

وشهاداتك اذا وراهم طريقه كلامك هذي هممم من وين هالشهادات ؟؟ هاهاها

حبيبي روح تعلم تتكلم اول بعدين تكلم مع الناس .

 

[Akonami]

السلام عليكم اخواني

يعلم الله انا ما انتبهت لردودكم في الموضوع ، لاني مشترك في الموضوع عن طريق التبيه الفوري بالبريد الالكتروني عند الرد على الموضوع بس ما وصلني شي للاسف ، فأعتذر للجميع

الجهاز كلفني 360 باللي فيه ، وانا حديت الجهاز بـ 300 دينار

ويعلم الله الجهاز ما شغلته من اول ما عرضته للبيع ، ولا راح اشغله الا لما اتاكد اذا راح ينباع او لا

اسف على التاخير