الاوسط للتداول الالكتروني؟!

jeme_E

عضو مميز
التسجيل
18 فبراير 2007
المشاركات
5,339
الإقامة
تخيل بالكويت ((اذكر الله لاتحسدني ))
السلام عليكم

اخوي انا نفسك

واخيرا اخذت قرار الاربعاء الماضي

وفتحت حساب ببنك الكويت والشرق الاوسط

يوم الاحد اشتغل حسابي وكان جاهز للتداول

المطلوب

تروح معاك 50 دينار تفتح حساب اذا ماعندك

وبعدين تقول للموظف ابي تداول انترنت

يقولك اوكي ويفتحلك حساب

ويقولك لما تدخل فلوسك يتفعل

ولك مجانا شهر برنامج الاوسط ابرو للتداول اعجبك اشتراكه الشهري 20

-----

البنك افضل من وجهة نظري لانه بنك وهو الاب لشركة الشرق الاوسط

فيه اجل بالتلفون والتجديد تمرهم او تدز لهم فاكس مو متاكد منها

تشتري وتبيع بالانترنت على راحتك

تقدر تمول المحفظه ببطاقة الكنت مو لازم مالتهم مالة اي بنك

تفيدك لو تبي تشتري وناقصك شي بسيط مره طافني 500 لان ماعندي 3 دنانير توهقت :)
ويمكن هذا احد اقوى الاسباب اللى خلاني اشترك بالاوسط والحمدلله مو مقسومه

عندي كاش قبل ما يمدي ادخله الحين يمدي :)

تقدر تبيع وتشتري بالتلفون لو كان ماعندك كمبيوتر
كنت مره مسافر واحتجت ابيع ماعندي كمبيوتر ماقدرت ابيع

بخصوص شاشة المراقبه ماجربتها لان الحين عندي شركتين فاراقب من وحده واشتري بالاوسط

مولازم تسكر خدمة الانترنت اذا انت مشترك بشركه ثانيه
لانهم ما يحتاجون رقم تداولك بالبورصه تتداول على رقم البنك نفسه
الا اذا كنت مشترك بشركة الاوسط لازم تسكرها اعتقد

اذا تبي اي استفسار ثاني رقم
البنك 802000

او راسلني على الخاص بأي شي وانا حاضر

:)

واسمحلي على القصور اتمنى اني شرحة بشكل كافي
 

Discovery

عضو نشط
التسجيل
20 يونيو 2004
المشاركات
191
مساكم الله بالخير

شنو الفرق بين شاشه مباشر التابع لكفيك والاوسط برو وكم تكلفه الاثنين لاني بصراحه زهقت من نظام الجافا الي بالسوق بطيء وبلع صفقات واذا في برامج ثانيه غير الاوسط وكفيك

افيدونا عنها جزاكم الله خير
 

ويه الخير

عضو نشط
التسجيل
22 أغسطس 2007
المشاركات
110
الإقامة
"دانة الخليج" الكويت
مشكور جيمي على المداخلة الحلوة :)



صج الطبع يغلب التطبع هذا انا رديت على طير يالي وقمت اشتريت اسهم من مكتب التداول
متعيز اروح البنك احط فلوس بمحفظة الاوسط دوت كوم هيهيهيهيهيهيهيهيه
 

jaminq62

عضو نشط
التسجيل
12 أغسطس 2007
المشاركات
39
السلام عليكم :

ياجماعة انا كنت بالاوسط البنك وطلعت بسبب تاخير ادخال الاوامر خسرني مرة 200 دينار ولما كلمتهم قالواي الحين الموظف بيحط الاوامر وانجبرت اني اشترك مع متداول رحت التمويل والوطني مشترك مع متداول قالولي مو كل الشركات تضارب فيها الا الشركات المتحجبة واتمنى من الوسطاء ايروحون ايشوفون برامج وسطاء سوق دبي كل كامل الحرية وبدون تاخير وهالمسجات والمراسلة البريدية​
 

borsa73

عضو نشط
التسجيل
8 أغسطس 2007
المشاركات
197
يعطيكم العافيه ...اليوم الدلال حقرنا وطنشنا وطوف علينا جم صفقه :((
فقررت الإشتراك عن طريق النت..شنو أختار الوطني أو الأوسط ؟
 

dhatter

عضو نشط
التسجيل
9 سبتمبر 2006
المشاركات
120
عندي استفسار بالنسبه للبيع والشراء بالتلفون في بنك الأوسط ... شلون يتأكدون انك صاحب المحفظه ؟؟ ممكن اي واحد يتصل ويبيع ويشتري باسمك ؟؟؟
 

makandari

عضو نشط
التسجيل
12 أبريل 2007
المشاركات
378
عندي استفسار بالنسبه للبيع والشراء بالتلفون في بنك الأوسط ... شلون يتأكدون انك صاحب المحفظه ؟؟ ممكن اي واحد يتصل ويبيع ويشتري باسمك ؟؟؟


نفس لما التدق على الدلال بالبورصه ماكو فرق. مو ممكن واحد عنده رقم التداول مالك يدق و يبيع اسهمك .
 

ويه الخير

عضو نشط
التسجيل
22 أغسطس 2007
المشاركات
110
الإقامة
"دانة الخليج" الكويت
عندي استفسار بالنسبه للبيع والشراء بالتلفون في بنك الأوسط ... شلون يتأكدون انك صاحب المحفظه ؟؟ ممكن اي واحد يتصل ويبيع ويشتري باسمك ؟؟؟
لما تشترك مع الاوسط بيعطونك رقم تداول (مختلف عن رقم تداول البورصة)
وعن طريق هالرقم تبيع و تشتري ....
 

مستعيل

عضو نشط
التسجيل
7 فبراير 2006
المشاركات
104
مشكلة الاوسط الي لايمكن يحلونها بسبب ظعفهم
ان لو تحط الامر من قبل اسبوع حق شهرين جدام لوشنو يصير امرك متاخر
مايصير نشط الا لما يفتح السوق وتروووح عشر دقايق ولا ربع ساعه بعدين يصير نشط
الا الطيور طارت برزاقها وانت بس تسب وتلعن بالبنك
 
أعلى