سؤال بخصوص اليوكن ؟؟

[al.dosari]

عساكم على القوه والله يعطيكم العافيه وكل عام وأنتم بخير وصحه ,,,

انا والله يالربع ناوي ابي أشتري يوكن بس مادري اي الأحسن الدبل وألا من غير دبل مع العلم اني ماني راعي بر اللهم الكشتات البريه القريبه في الكويت بس راعي خطوط وسفر ... ابي شوركم يا أخوان وجزاكم الله كل خير​

 

[kuwait-40]

وعليكم السلام


شوف اخوي

الدبل جير مشاكله وايد

يعني لو يخرب عليك واحد من الاكسات الاماميه السياره ترجف رجفه قوبه وقيمة الاكس بالوكاله فوق اميه وثمانين دينار من غير تركيبه

والدبل جير السياره دائما تحس انه فيها رجفه بالسكان خفيفه

تبي النصيحه بدون دبل افضل بوايد اخذ راحه بالطريق وخاصه بالسفر

اعتبره صالون بس اكبر بالحجم

واذا ماانت راعي بر الا بالكويت وقريب بدون الدبل افضل


مع العلم ان الدبل اغلى بالوكاله ترى بوايد

وبالبيع الدبل ارغب من اللي بدون دبل هذه الفكره معروفه عند اهل الكويت والخليج


والله يوفقك بالسياره المباركه ويكفيك شرها ان شاء الله

 

[al.dosari]

مشكور أخوي kuwait-40 على المعلومات الوافيه والله يجزيك كل خير ويوفقك يارب​

 

[UNIX]

انا أخالفكم الراي للأسف... بالعكس محد اشتكى من الدبل لأنه مو مصنوع من تكنلوجيا عالية و اّليتة قديمة فراح تلقاه يكد و يمد بدون مشاكل. و الشي الثاني الدبل يعطي ثقل للسيارة فتلقاه أثبت على الدروب خصوصا اذا صار هوا. توكل على ربك و خذ اللي فيه دبل و على ضمانتي بإذن الله تعالى.

 

[momoshkla]

وجهات نظر مختلفه و الاثنين مقنعين. بس مع احترامي للكل انا اميل بالراي ل اخونا kuwait-40
لان احتياجات الدبل قليله جدا و لازم تعمل لها صيانه دوريه ( قريز و تنظيف ) ولا يجيم و بعدين اتصير بلشه السالفه. غير عن انه السيارات الي فيها دبل ما تظبط فيها سحكيه التواير و عادة ما تلف فوق تحت عدل يعني وانت لاف تحس التاير بيطلع من مكانه و هذا رأيي.

 

[UNIX]

وجهات نظر مختلفه و الاثنين مقنعين. بس مع احترامي للكل انا اميل بالراي ل اخونا kuwait-40
لان احتياجات الدبل قليله جدا و لازم تعمل لها صيانه دوريه ( قريز و تنظيف ) ولا يجيم و بعدين اتصير بلشه السالفه. غير عن انه السيارات الي فيها دبل ما تظبط فيها سحكيه التواير و عادة ما تلف فوق تحت عدل يعني وانت لاف تحس التاير بيطلع من مكانه و هذا رأيي.

لا غلطان ترى كله دبل... مو Intelligent Adaptive Transmission صدقني بدون تدبل راح تكرها لأنه خفيف و يهف بسرعة و وقت البيع ما اييب شي. واترك عنك سالفة سحقية و ميزان و ما يلف و تزييت و تشحيم، هذا كلام كله ما هو صحيح.

ادفع زيادة و انعم بالدبل حتى لو ما تستخدمه، راح اييك يوم تستخدمه.

 

[momoshkla]

لا غلطان ترى كله دبل... مو Intelligent Adaptive Transmission صدقني بدون تدبل راح تكرها لأنه خفيف و يهف بسرعة و وقت البيع ما اييب شي. واترك عنك سالفة سحقية و ميزان و ما يلف و تزييت و تشحيم، هذا كلام كله ما هو صحيح.

ادفع زيادة و انعم بالدبل حتى لو ما تستخدمه، راح اييك يوم تستخدمه.

صحيح و نص و عن تجربه يالحبيب. و بعدين التجربه خير برهان سوق الاثنين و شوف الفرق بالنعومه. و كأثبات زياده شوف السوبربان الي فيه دبل اغلى وهو يديد و اذا مستعمل العادي يكون اغلى. و ليش يدفع زياده على شي مو عملي و راح يكلفه صيانه و تصليح اهو في غنى عنه.

اهو دبل بس مو all weel drive AWD الي شغال على طول هذا يكون اثبت صح. دبل عادي يعني راح يكون راكب عالفاضي ثقل زياده على غير معنى

 

[سهمى خضر]

سلام عليكم اخالفكم الراى كلكم مع احترامى شديد لوجهات نظركم , اللى يبى سياره حق الدروب قرازات استهلاك بحر بر.... الخ ما يخذ يوكن ياخذ يابانى سفارى او لاندكروز او برادوا بحكم تجربه واسمحولى داش عرض عليكم بس حبيت ابدى وجه نظرى باليوكن اليوكن سياره للمدن بس بر دروب اطعوس قرازات ماتنفع نهائيا . :d

 

[UNIX]

سلام عليكم اخالفكم الراى كلكم مع احترامى شديد لوجهات نظركم , اللى يبى سياره حق الدروب قرازات استهلاك بحر بر.... الخ ما يخذ يوكن ياخذ يابانى سفارى او لاندكروز او برادوا بحكم تجربه واسمحولى داش عرض عليكم بس حبيت ابدى وجه نظرى باليوكن اليوكن سياره للمدن بس بر دروب اطعوس قرازات ماتنفع نهائيا . :d

انت تتكلم عن جيبات الملوك تويوتا و نيسان

 

[nasser_q8i]

الدبل راح يفرق معاك وقت البيع بسسسسسس

اما بر الكويت ماله داعي الدبل
حتى الصمان ماتحتاج دبل كلها ارض يابسه

لكن مثل ما قلت لك وقت البيع بتلوع جبدك لان مافيه دبل ( اسأل مجرب)

وبالتوفيق

 

[@ابوهادي@]

السلام عليكم
انا مع الدبل واليوكن جبار السنين الاخيره انا اشوف انه ينافس الاندكروز والنيسان وجيب بدون
دبل مايسوى اخذصالون احسن

والله يوفقك