مسابقة رمضانيه لإختيار أفضل مدراء محافظ بالمنتدى

[albostan]

خلاص ليو أنا بشارك
شراء أجلتي السعر 1,800 الكميه 20,000 البلغ المدفوع 36,000
شراء المستثمر الدولي السعر 228 الكميه 60,000 المبلغ المدفوع 13,680

 

[كـــيـــــوت_25]

فكره حلوه

و الحلو ما يطلع منه الا الحلو ​

 

[jeme_E]

السلام عليكم ورحمة الله وبركاته

فكره رائعه من انسان رائع اخونا الحبيب واستاذنا لو

ونشكر ادارة المنتدى على التعاون لجعل المسابقه تنافسيه وبها

جوائز حلوه فجزاهم الله كل خير

نبدأ بالاشتراك بالمسابقه

وشباب التنافس على المراكز الثاني وما بعد

انا الاول

اوامر اليوم ادخلها حق باجر

تمدين عقاري 30 الف سهم بسعر 500 ---15000
انابيب 20 الف بسعر 580 ---11600
منتجعات 30 الف بسعر 260 ---7800
جراند 40 الف بسعر 355 -- 14200

القيمه 48.600

اعتمدت سعر الاقفال اليوم لانه على الاغب يكون باجر المعروض عليه
والله ولي التوفيق

ارجو من المشرفين حذف مشاركتي السابقه لان فيها اجل
وهو خارج المسابقه ولهم جزيل الشكر والتقدير والاحترام

 

[albostan]

خلاص ليو أنا بشارك
شراء أجلتي السعر 1,800 الكميه 20,000 المبلغ المدفوع 36,000 دينار
شراء المستثمر الدولي السعر 228 الكميه 60,000 المبلغ المدفوع 13,680 دينار

إجمالي المبلغ المدفوع 49,680 دينار
المبلغ المتبقى 320 دينار
بس ما عليه ليو سامحني بهالسؤال أقدر خلال التداول أبيع وأشتري سهم ثاني أو نفس السهم

 

[الساحل]

بسم الله الرحمن الرحيم


يا الله ارزقنا ​

1- ايفا 20000 سعر الشراء 1060 = 21200 دك

2- الساحل 20000 سعر الشراء 440 =8800 دك

3- بوبيان ب 10000 سعر الشراء 1020 =10200 دك


المجموع = 40200 دك

النقد المتوفر = 9800 دك​

كل واحد يسوي محفظه في سايت البورصه

 

[Master-Leo]

كفو والله السمي الساحل مشكور على ارفاق صورة من المحفظة اللي بموقع البورصه ليستفيد

منها الأخوه اللي مايدرون عنها وصراحه حلوه عشان الواحد يتذكر شنو عنده من أسهم افتراضية

انا راح استخدمها

الزميل العزيز albostan ايي نعم تقدر تبيع وتشتري خلال وقت التداول بشرط تشتري من المعروض

للبيع واذا بتبيع راح تبيع على السعر المطلوب هذا تسهيلا للحسابات طبعا وأنا أفضل الواحد

فينا هني لايزيد عن 3 أسهم عشان لايتخربط بين محفظته الحقيقيه والافتراضية

 

[boalons]

خوش فكرة وان شاء الله راح اشارك فيها لكن متى ماتوفرت فرصه بالسوق !

 

[Master-Leo]

بسم الله وعلى بركة الله هذي طلباتي ليوم غدا مع أسعار الشراء :

- اسمنت أبيض : 60 ألف على 166 = 9960 دك

- المال : 30 ألف على 370 = 11100 دك

- عقارات الكويت : 40 ألف على 270 = 10800 دك

- مشاعر : 10 آلاف على 1280 = 12800 دك

- مستثمر دولي : 20 ألف على 224 = 4480 دك

- مجموع الشراء في حال اتمامه جميع الصفقات = 49140 دك

والفرص موجودة يوميا تقريبا يا اخوي boalons حياك معانا بأي وقت

 

[almwhoob]

السلام عليكم , الله يعطيك العافيه اخوي ماستر ليو على الفكره الحلوه , ومبارك عليكم الشهر

اجليتي :20000 , 1,800= 36000

المواساه :60000 , 190= 11400

المجموع :47400

 

[almwhoob]

اخوي ليو عندي سؤال ما عليك امر , شلون اعرف انه الاسهم الي طالبها اني اشتريتها يعني مثلا انا طالب المواساه على سعر اقفالها اليوم هل خلاص اعتبر شريت السهم او على حسب العرض والطلب باجر ؟ والله يجزاك خير

 

[Master-Leo]

هلا اخوي الموهوب ... على حسب الطلب والعرض افرض انت طلبت الحين اجيليتي

على 1800 وبدأ التداول باجر عليها بسعر 1820 فمالك حق تطالب فيها لأن طلبك على 1800 ماتنفذ الا اذا

نزل تالي الى 1800 وانباع منها 20 ألف أو اكثر فلك حق فيها

الأمر اللي تحطه اليوم لازم يكون حق تداول باجر لأن المسابقة ادخال الأوامر فيها من اليوم وتبتدي أساسا من باجر كل واحد وحسب أسهمه والعرض والطلب عليها

ولنفرض أيضا ان أنت في طلبك لأجيليتي الكمية كانت 20 ألف سهم ونفرض بدأ التداول عليه باجر

وصارت صفقه وحده على 10 آلاف فقط بسعر 1800 وبعدين صعد السهم فمالك حق تطالب ب 20

الف سهم لأن أساسا ما حصلت من العرض غير 10 آلاف .

وعندي توضيح أخير لو غيرك طلب 10 آلاف سهم في اجيليتي حق باجر فالأولوية تكون للعضو

اللي أدخل الأمر قبل العضو التالي بالتوفيق واتمنى الصورة وضحت للجميع واذا فيه أي استفسار حاضر

 

[almwhoob]

الله يعطيك العافيه الصراحه الموضوع وايد حلوو والله يعينك لانه متعب الصراحه ,ما عليك امر عندي سؤال خارج الموضوع اذا تكرمت , شلون اذا بقيم شخص ؟ والله يعطيك العافيه

 

[Master-Leo]

الله يعطيك العافيه الصراحه الموضوع وايد حلوو والله يعينك لانه متعب الصراحه ,ما عليك امر عندي سؤال خارج الموضوع اذا تكرمت , شلون اذا بقيم شخص ؟ والله يعطيك العافيه

على حد علمي مافي تقييم شخصي بالمنتدى أعتقد فقط تقييم آلي

حسب المشاركات والنقاط فقط موفق وان شاءالله نشوفك من الموهوبين

والمتميزين بعد المسابقه

 

[FOREVER]

ماستر شلونك

انا ما اشبك وقت السوق اكون بالبورصه شلون ابيع

 

[FOREVER]

اطلب 100000 الف علي 405 ص متحده


وعلي فكره فكروا بالمركز الثاني

 

[Master-Leo]

ماستر شلونك

انا ما اشبك وقت السوق اكون بالبورصه شلون ابيع

حط أمر البيع قبلها بيوم يا بوسيف مو مشكله إلا اذا تبي تشتري وتبيع

بنفس اليوم بدون ماتكتب لنا بالمنتدى بعد هذي مانقدر نسوي فيها شي

ومافي مانع انك تشتري سهم واحد بس وتخليه طول شهر رمضان وتبيعه

قبل لايخلص بيوم يمكن يصير وياك دبل شدراك وتصير بالمركز الأول دون منازع موفق حبيبنا

 

[FOREVER]

حط أمر البيع قبلها بيوم يا بوسيف مو مشكله إلا اذا تبي تشتري وتبيع

بنفس اليوم بدون ماتكتب لنا بالمنتدى بعد هذي مانقدر نسوي فيها شي

ومافي مانع انك تشتري سهم واحد بس وتخليه طول شهر رمضان وتبيعه

قبل لايخلص بيوم يمكن يصير وياك دبل شدراك وتصير بالمركز الأول دون منازع موفق حبيبنا

بس شلون راح تحسبون الصفقات اتوقع راح تصير غلطات

 

[Master-Leo]

بس شلون راح تحسبون الصفقات اتوقع راح تصير غلطات

بوسيف وضح شلون راح تصير غلطات عشان نقدر نتفاداها مع اني ماتوقع راح يكون فيه أي غلطات لأني راح أتابع محفظة كل شخص يوميا للتأكد من صحة بياناتها

اقرأ بنود المسابقة في الصفحه الأولى وفي أكثر من توضيح ذكرته أيضا فإن شاءالله ماراح يكون فيه أي غلط

والأمر كله تقديري بالنهاية يعني نسبة الدقه راح تكون بحدود 90-95% ان شاءالله وأعتقد انها كافية لتحقيق هدفنا من المسابقة

 

[الساحل]

ليو اذا زاد عدد المشتركين عن 25 متسابق انا راح اكون المساعد مالك


واذا تبي المساعده من الحين انا حاضر

 

[Master-Leo]

ليو اذا زاد عدد المشتركين عن 25 متسابق انا راح اكون المساعد مالك


واذا تبي المساعده من الحين انا حاضر

تسلم حبيب يا السمي ماتقصر بس ماعليك برمضان انا بليل قاعد فاضي لا

أتابع مسلسلات ولا غيره فراح تلقاني صاير خفير قاعد مجابل المنتدى

واذا احتجت مساعده ان شاءالله مانستغنى عنك وراح أطلبك وانت ماتقصر أكيد