مــــــلاحظه !

[ابو مالك]

يا اخوان انا شايف فى ناس اتعرض بضاعه تسوى ومحد يسومها او يكسرون سعرها وفيه ناس اتعرض بضاعه مو شي يعطونها فوق سعرها شسالفه بفهم انا ممكن احد يفهمنى ؟​

كل عام وانتم بخير

 

[UNIX]

عادي شريطية

الايميلات المجانية من هوتميل قاعدة تنباع على 50 دينار. يا خوفي باجر يبيعون فنايل ام علاق مستعملة ب 100 دينار.

 

[meshal1974]

يا اخوان انا شايف فى ناس اتعرض بضاعه تسوى ومحد يسومها او يكسرون سعرها وفيه ناس اتعرض بضاعه مو شي يعطونها فوق سعرها شسالفه بفهم انا ممكن احد يفهمنى ؟​

كل عام وانتم بخير

وانت بخير وصحة وسلامة
الشباب يعرضون بضايعهم والمشكلة في الناس اللي تشتري وكل واحد وحاجته انا ما اتكلم ان اللي يسوونه صح أو غلط ولكن هذا السوق واللي بيشتري شي المفروض يسأل بالسوق ويكون يعرف الأسعار على شان مايشتري بأغلى من سعر السوق اليديد أو المستعمل وبالتالي اللي بيرفعون سعر سلعه ما تسوى بيخربون على نفسهم وعلينا نبين للناس بأي موضوع يكون فيه شي غالي بس بإسلوب حضاري ما نقلب الموضوع هوشه ويعطيك العافية.

 

[عابر الافاق]

يا اخوان انا شايف فى ناس اتعرض بضاعه تسوى ومحد يسومها او يكسرون سعرها وفيه ناس اتعرض بضاعه مو شي يعطونها فوق سعرها شسالفه بفهم انا ممكن احد يفهمنى ؟​

كل عام وانتم بخير

وانا معاك ياخ>ابو مالك

بس بعض من شباب يعطون الشي فوق حقه

او ناس تسوم اي شي وبنفس

الوقت هو
مايشتريه

انتما تلحظون المعروض
وتشوفونه


مع العلم هذي فئه قليل الوجود معنا بالمؤشر


بس هذا راي
ولكم حق التعبير


وشكرا

 

[NMB]

وانا معاك يا أخ - ابو مالك
ناس تسوم و ماتشتري
ولا يكون قد السوم
وهالنوع بس يخرب
و اذا كسر في بضاعتك هم ما يشتري

 

[asm78]

مبروك عليكم الشهر
الله يجزاك خير أخوي أبو مالك على هذا الموضوع الطيب وأن يغير العنوان الى وقفه قبل البيع والشراء وأن يثب.
نعم للأسف كثير من الشباب لا يعرف أحكام البيع فيدخل في كثير من المحرمات وهو لا يدري
مثل النجش وهو الزياده بغير غرض الشراء
وكذلك البيع على بيع بعض وهذا يكثر يحث يقول بعضهم بالمكان الفلاني بكذا وقد نهى النبي صلى الله عليه وسلم في قول ((ولالا يبع بعضكم على بيع بعض))
وكذلك البائع للأسف يخفي كثير من العيوب في السلعه أو يدلس على المشترين
وهذا غيض من فيض
نسأل الله أن يوفقنا وإياكم لما يحبه ويرضاه

ملاحظه : هذا كلام عام في البيع والشراء لا يخص به أحد معين ولا منتدى معين

 

[Master-Leo]

انا اللي يضيق خلقي في بعض الأعضاء يقطون نغزات أو يطنزون على الأعضاء اللي يعرضون بضائعهم

ليش عاد هالأسلوب تبي تسوم سوم ماتبي خلاص مولازم تشارك وتقط نغزات على الناس

 

[خسران جداً]

اتمنى انهم يثبتون هالموضوع

في ناس تسوم ولا تشتري وتخرب على اللي يبي يشتري...وتخلي البياع يصدق نفسه

 

[ابوعامر]

الحل بسيط اعرض بضاعتك وسعرك وكذا محد يقدر يسوم واكتب السعر نهائي

وسلامتكم

 

[DENALI_Q8]

الحل بسيط اعرض بضاعتك وسعرك وكذا محد يقدر يسوم واكتب السعر نهائي

وسلامتكم

والله يا بو عامر هم ماكو فايده حته لو اتحط السعر هم بيطلعلك واحد يقولك انا شراي بهالسعر (طبعن انزل من سعرك بوايد) وتلاقيه يحن ويسال بالاخير يكسر فيك بالسعر واحنا اصلا ما طلبنا منه يحط سعر بالله هذا شتقوله ولا اييك واحد يناشبك فبضاعتك ويقولك سعرك غالي تنباع عند فلان وعلان او بهالمحل بهالسعر اوكيي يبا محد قضبك دام انه السعر اقل من سعري روح اشتر منه يعني شووف هم ماكو فايده ما اعتقد في حل الا اذا تدخلت الاداره اهني وحطت شروط في السوم يعني بضاعه محطوط سعرها ما ايينه واحد يقول انا اسوم بهالسعر

ومبارك عليكم الشهر وشباب ترا بكلامي هذا ما اخص احد معين انا اتكلم كنظره وشي انا اشوفه عموما قاعد يصير من قبل بعض الافراد من الكل

 

[maue7bd]

السلام عليكم ورحمة الله وبركاته كل عام وأنتم بخير يا أخوان والله هو الحق أولاً وأخيراً بهذا الموضوع على صاحب البضاعة لازم يحط سعره النهائي مثل ما قال أخوي أبو عامر وهيك ما أحد يكسر ببضاعته وبنفس الوقت اللي يريد يشتري يصير يشتري بسرعة مو مثل ما قام يحصل تضل بعض البضاعة أسابيع وما عم تنباع ولا عم ينحذف موضوعها وشكراً