ابى قرض إسلامى جزاكم الله خير

الموضوع في 'السوق الكويتي للأوراق الماليه' بواسطة stillhamad, بتاريخ ‏16 سبتمبر 2007.

  1. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    السلام عليكم

    يا أخوان أريد شركه تعطى قروض أو أيا يكن أسمها تورق .. قرضه حسنه .. سلفه .. صدقه جاريه ..

    المهم أننى أريد مبلغ من المال وقد رحنا لبيت التمويل لناخذ تورق وقالولنا الموظفين أبشروا بسعدكم وعين غطا وعين فراش ويادهينه لا تنكتين وأذا ما شالتكم الأرض تشيلكم عيونا ولا يخدم بخيل وأدهن السير يلين ..

    المهم الأخوان ما قصروا جزاهم الله خير وبس ناقص توقيع جم ورقه قبل لا يدبسون القرض قصدى التورق بظهورنا ..

    لكن قلت خلنى أسئل الشباب ذوى الخبره فى دق القروض لعل وعسى أن يفيدونا بشركه شرعيه أو بنك شرعى يعطينا قرض بمبلغ 6 ألاف دينار وتكون فوائدهم أقصد مرابحتهم لربما أقل من بيت التمويل يعنى يكون هناك بدائل لكى نقارن الجيد والأاكثر جوده أو السيء والأكثر سؤا ..

    وأذا حد يبى منكم يعطينى هالمبلغ وأقاسطه عليه هم ماكو مانع كنوع من التفريج لكربة رجلن مسلم اللى هو أنا ..

    شكرا جزيلا لحسن أستماعكم وألتقيكم عن قريب بمشيئة الله .
     
  2. NBK

    NBK عضو نشط

    التسجيل:
    ‏29 مارس 2006
    المشاركات:
    5,313
    عدد الإعجابات:
    38
    مكان الإقامة:
    الكويت الحبيبه
    عندك شركة المنار
     
  3. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    مشكور اخوى الوطنى بس وين صايره المنار بأى منطقه وقريبه يم شنو ؟؟
     
  4. سليمان الضيف

    سليمان الضيف موقوف

    التسجيل:
    ‏11 يناير 2006
    المشاركات:
    1,912
    عدد الإعجابات:
    0
    مكان الإقامة:
    الــكــويـــت
  5. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    متشوفش وحش حولى يا الغالى :D

    وأسعد الله صباحك باليمن والخير والمسرات .
     
  6. MUTDAWEL

    MUTDAWEL عضو جديد

    التسجيل:
    ‏3 ديسمبر 2004
    المشاركات:
    154
    عدد الإعجابات:
    0
    اخوي لو سمحت جم ياخذون منك فايده بيت التمويل على 6 الاف؟
     
  7. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0

    رجاء أخوى لا تقول فايده ترى أزعل منك قول مرابحه .. قول تورق بس أهم شي لا تقول فايده لأن الفايده حرام وبيت التمويل ناس يخافون الله وما يحبون الحرام فلا تظلم بختك ولا تحط بذمتك هذا أولا ...

    أما ثانيا التورق يا محفوظ السلامه راح يطلع بحدود الألفين يعنى يطلع المجموع 8 ألاف دينار .. لكنى أردت المقارنه بين الشركات الأخرى ..
     
  8. Zero

    Zero عضو نشط

    التسجيل:
    ‏17 ديسمبر 2006
    المشاركات:
    1,320
    عدد الإعجابات:
    9
    والله شي جميل... بس الفين

    بس عندهم عيب بسيط بيت التمويل , البنوك الربويه تعطيك قرض وبعد فتره تسدده كاش الفوائد اطيح ... لكن بيتك لو شتسوي المرابحه موجوده ياليت لو يسون شي مثل هذا بيت التمويل بيكون شي رائع والله ,, يعني نقدر نقول (حق رد السلعه)
     
  9. ولد البورصه

    ولد البورصه عضو نشط

    التسجيل:
    ‏5 يوليو 2006
    المشاركات:
    1,864
    عدد الإعجابات:
    38
    مكان الإقامة:
    فى بيت ابوى
    المنار بنت التمويل ماطحت الا انبطحت
     
  10. SMoOoKY

    SMoOoKY عضو نشط

    التسجيل:
    ‏28 يناير 2006
    المشاركات:
    1,001
    عدد الإعجابات:
    0
    مكان الإقامة:
    بدار أبو مبــــارك
    تبي اسلامي مالك الا بيت التمويل تورق بس مثل ماقالوا بتسدد تسدد الكل ويمكن يطيحولك قسط قسطين يسمونهم هديه اذا حبوك:)
    وعندك البنوك الباجيه والي انصحك اذا بتروح روح بو جمل ....عشان لايقولون سوينا دعايه...
    الله يعينك ويفك ضيجتك ان شاءالله...
     
  11. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait

    القرض الربوي = الزني

    المرا بحة غير عن التورق والمرابحة مافيها خلاف لكن اللي تقصده التورق

    التورق = جماع شرعي

    الفرق بين الزني وبين الجماع الورقة الرسمية وايضا بين العرفي وبين العقد المحكمة الرسمي لايختلف شي غير طريقة رسمية وطريقة غير رسمية

    الحلال والحرام في اغلب الحالات تكون فرق بسيط جدا جدا ولاتقدر عقولنا على ادراكه الا اللتي بين المشرع سبب تحريمه لكن نؤمن ايمان كامل بانه هو الطريق الصواب واكبر دليل ماحدث لبنوك كثيرة في امريكا واستراليا ونيوزلندا قبل فترة بسيطة وايضا لشركات العقار والرهن العقاري

    اخي الكريم طريقة تعليق اقصد بالتورق بعد ذكرك القرض استهزاء

    وهذا الاستهزاء بالدين والدين مشرعه ربنا عزوجل

    فانت تهستهزء بشريعة الله والرسول صلى الله علية وسلم قال بمعنى الحديث كلمة لايقلي المرء لها بال تخسف به في جهنم سبعين خريف فاتق الله عزوجل واووزن كلماتك ورحم الله عثمان لما قال بما ورد عنه ان تكون له رقبة طويلة حتى يحاسب الكلمة قبل خروجها الف مره

    وايضا على لسان المثل المحلى زل بديك ولاتزل بلسانك :)

    عموما انتبه اخي الكريم وهذه نصيحة لك ولاغلب الاخوان الذي ينسون هذا الموضوع

    وللمرة الاخيرة اعيدها لا اختلاف باي نوع من انواع التعامل الاسلامي وللعلم التعامل الاسلامي النقدي له اكثر من 6 انواع هذا ما اعرفه بالضبط وللعلم فيه توسع لوا اذكر احد من العماء اختلف في التورق فانتبه اخي الكريم وللعلم من اختلفوا فيه قالوا للضرورة مع الكراهية
     
  12. zgombi

    zgombi عضو جديد

    التسجيل:
    ‏13 أغسطس 2004
    المشاركات:
    456
    عدد الإعجابات:
    0
    اخوي الريان القرض الربوي مو زنا .لا الا اغتصاب وهتك عرض والزاني البنوك الربويه .
    الله ياكثرهم اللي اغتصبوهم البنوك الربويه قبل بيت التمويل .:)
     
  13. أبو دعيج

    أبو دعيج عضو جديد

    التسجيل:
    ‏19 يوليو 2005
    المشاركات:
    194
    عدد الإعجابات:
    0

    بارك الله فيك وجزاك الله خير الجزاء .
     
  14. NBK

    NBK عضو نشط

    التسجيل:
    ‏29 مارس 2006
    المشاركات:
    5,313
    عدد الإعجابات:
    38
    مكان الإقامة:
    الكويت الحبيبه
    اخوي العزيز
    المنار تاخذ التورق على 3 سنوات واذا سددت يخصمون من الفوائد
    طلع عليك المبلغ 8 آلاف على كم سنه
     
  15. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة


    بارك الله فيك .. شيخنا ..

    ان شاء الله ما انسى الاوراق باجر .. لما اراجع البورصة !!! :D

    حولت بحسابي شي؟!! ولا اكنسل الشغل :cool:
     
  16. Trend Hunter

    Trend Hunter عضو جديد

    التسجيل:
    ‏8 ابريل 2007
    المشاركات:
    465
    عدد الإعجابات:
    0
    مكان الإقامة:
    الكويت
    روح بيت الزكاة عندهم شغله اسمها قرض حسن بدون فوائد
     
  17. بوسعود66666

    بوسعود66666 عضو مميز

    التسجيل:
    ‏1 أغسطس 2007
    المشاركات:
    15,265
    عدد الإعجابات:
    5
    مكان الإقامة:
    مجلس الوزراء
    انا دايم اسمع عن هالقرض ولا اشوفه حبيبى اذا عندك واسطه قويه عطوك واذا ماعندك مسكوك الباب:eek:
     
  18. Trend Hunter

    Trend Hunter عضو جديد

    التسجيل:
    ‏8 ابريل 2007
    المشاركات:
    465
    عدد الإعجابات:
    0
    مكان الإقامة:
    الكويت
    اخوي مو كل واحد يعطونه هالقرض اولا لازم يشوفون مستوي دخلك جيد ويغطي القسط ولا يوثر علي مستوي معيشتك او لا ثانيا سبب حاجة القرض اذا ترميم بيت او تاثيث الخ يعني شغله مهمه ويجب ان لايقل راتبك عن 600 دينار ولايكون عليك التزامات هذي بعض شروط منح القرض وعموما الموضوع يعرض علي لجنه وتدرس جميع مستنداتك
     
  19. بوسعود66666

    بوسعود66666 عضو مميز

    التسجيل:
    ‏1 أغسطس 2007
    المشاركات:
    15,265
    عدد الإعجابات:
    5
    مكان الإقامة:
    مجلس الوزراء
    يامعود الى لجنه اى بطيخ انا اعرف ناس وايد عليهم اديون وفى ناس عليها محاكم ومحتاجه حق الفلس ولا عطوها :((
     
  20. c200

    c200 موقوف

    التسجيل:
    ‏9 فبراير 2006
    المشاركات:
    1,187
    عدد الإعجابات:
    0
    خلاااااص بحااول اضبطك قرض ب 1000 ديناار بدون فوايد والقسط 50دينار وتدفع شهر وتطوف شهرين وبعد سنه من تااريخ القرض تكتب كتااب استرحاام لعضو من الجمعيه ويطيحه عنك وانشاالله اقدر اضبطك اب 3 جمعياات وتااخذ 3 الااف بدون فواايد وحلااااااااااااااااااااال واهم شي انهم حلاااال وتدفع نصهم ويطيح نصهم بدون فوايد وخراابيط وش قلت نتفق