تصويت للمطالبة بدوام مسائي للبورصة

[kwt.to.kwt]

نظرا للوضع الاقتصادي المميز ولله الحمد الذي يمر به سوق الكويت للأوراق المالية في الفترة الحالية والتوقعات المرتقبة لتجاوز المؤشر لأسعار غير مسبوقة وأرقام قياسية وتجاوز حاجز 13ألف نقطة إن شاء الله

ولدخول مستثمرين خليجيين للإستحواذ على نسب مؤثرة لبعض الشركات الصاعدة كمجموعة الصفاة مثلا والوطنية للإتصالات

بالإضافة لتسرب اخبار عن ضخ اكثر من 5مليار دولار في البنوك المحلية لمحافظ عالمية للإستثمار والمضاربة بسوق الكويت للأوراق المالية

لذلك اقترح أن يتم زيادة اوقات عمل البورصة لإستيعاب رؤوس الأموال القادمة من دول الخليج والدول العالمية
ولتتماشى مع توقيتات جميع دول العالم
فأقترح فتح تداول مسائي مثلا من الساعة 4 مساءً إلى الساعة 8 مساءً
فساهم بالتصويت لنجعل بورصة الكويت بورصة عالمية.​

 

[نجدي2]

خلنا جذي زينين يمعود

 

[باش مهندس]

أنا أؤيد وبشدة

حتى لو من الـ 5 الى 7

راضييين

 

[kwt.to.kwt]

على فكرة الموضوع يخدم الموظفين بالحكومة اللي ظروف دوامهم ما تسمحلهم

 

[Bubyan]

يا جماعة الخير شنو لحق بعدين؟ البورصة الكويتية والخليجيات والامريكية بالليل
خلونا جذي واجد زين

 

[بومشاري]

صباحي أفضل
وجهه نظر​

 

[al7bebe]

اعتقد انها فكره غير مناسبه

اولا:- توفر طرق التداول الاكتروني
ثانياً:- الشارت العام اسبوعي وجميع الاسهم صعودها او نزولها تأخذ ايام والصفقات بالشراء او البيع اكثر الاسهم بالفلس . ولاتسحق اخذ وقت زيادة في وقت السوق.
-

 

[الاديب]

اناا اؤيد،،بس يقللون من فترة الصبح،،ويساوون فترة المساء مع الصبح وشكرااا

 

[kwt.to.kwt]

يا اخوان الفترة المسائية لا تلغي الفترة الصباحية
مثلا
الفترة الصباحية 9 إلى 12
المسائية من 5 إلى 8

 

[abuhbib]

انا معاك لو يصير التداول مسائي وفتره وحده بس


من 9 مساءا لغاية 12.30 منتصف الليل

 

[البراق2]

انا معاك لو يصير التداول مسائي وفتره وحده بس


من 9 مساءا لغاية 12.30 منتصف الليل

اذا هذة فترة التداول

عيل عز الله محد راح يروح لي دوامه


لان ماراح يرد البيت الا الساعة 1:30 بالليل وعلي ما يتعشا وينام الا صارت الساعة 3 الفجر

 

[البراق2]

انا اقول ان الفترة المسائية ما تنفع لنا بالكويت


شوفوا السعودية كان عندهم فترة مسائية ولغوها بسبب المشاكل العديده




خلونا علي شغلنا ابرك وايد

 

[kwt.to.kwt]

انا معاك لو يصير التداول مسائي وفتره وحده بس


من 9 مساءا لغاية 12.30 منتصف الليل

بالعكس وجهة نظر محترمة
ليش لا فترة ثالثة بعد اعتماد الفترة الثانية !!!
حتى المصريون ما يعلقون علينا بالجملة المشهورة (إنتم شعب يصحى في وقت واحد ويداوم بوقت واحد ويقبض معاشه بوقت واحد ويحلق بوقت واحد ويدفع قسط الشركات بوقت واحد ويدفع اشتراك المصبغة بوقت واحد ....​

 

[dhatter]

انا اؤيد وبشده ... افضل وقت العصر من 4 - 8 ... تغدي وتجابل البورصه

بس ليش اغلب البورصات العالميه بس شغلهم الصبح (حسب توقيتهم)

يمكن المسأله داخل فيها تنسيق عالمي

 

[kwt.to.kwt]

انا اؤيد وبشده ... افضل وقت العصر من 4 - 8 ... تغدي وتجابل البورصه

بس ليش اغلب البورصات العالميه بس شغلهم الصبح (حسب توقيتهم)

يمكن المسأله داخل فيها تنسيق عالمي

فعلا بدلا من الديوانيات والغيبة والنميمة بالعالم

 

[abuhbib]

اذا هذة فترة التداول

عيل عز الله محد راح يروح لي دوامه


لان ماراح يرد البيت الا الساعة 1:30 بالليل وعلي ما يتعشا وينام الا صارت الساعة 3 الفجر

ماله داعي يروح البورصه

يتداول بالبيت او بالدوانيه ويطلب عشا وينام بعد التداول على طول

 

[الغول]

لو هي على كيفي ... آيبااااااه

جان من الساعة 11 الصبح ولغاية الساعه 3 العصر اعتقد انه وقت جدا مناسب اووووووووووووه على كيف كيفك


سلم لي على صاحب الموضوع .... وعقلية صاحب الموضوع .... وفكرة طرح صاحب الموضوع

وعندك واحد شاي وصلحوه هم لصاحب الموضوع

 

[قرطبى]

والله خوش فكره بس اعتقد تطبيقها صعب شوى انا اقول من الساعه 10 صباحا الى الساعه 4 عصرا افضل الواحد ورى الدوام يقدر اروح البورصه وخلص اموره فيها ساعتين زمان مو شويه

 

[الصافي@]

فكره طيبه

 

[FOREVER]

احسن وقت من الساعه اربع العصر لساعه 7 بالليل اقصد بعد رمضان وتكون فتره وحده لان مرات يكون السوق دايخ الواحد يتمنا يسكر تبون الوقت يطول عشان الي خبري خبركم يخظون بطونكم مرتين باليوم