تكفون ياأهل المنتدي مصيبه

أعوذبالله من المصيبة والله يستر عليكم,لكن والله ألي يشوف كتابات بعض الأخوة يتحسر من تصريحات وكتابات مالها داعي بس يبث الرعب بين الشباب ياخوي خاف ربك والله ماتعلم الغيب يمكن واحد يسمع كلامك يبيع بخساره وبعدين يطلع السوق وتاخذ أثامه ..نرجوا من الاخوة المراقبين شطب أي موضوع فيه أفراط في التخويف أو التهويل عن أي شي .

 

:d:d:d مينو مخوفك؟؟؟ الله يكون في عونك

 

تكفا ترى تكفا تهز الرجاجيل لولا ضروف الوقت ماقلت تكفا

طمني عن مركز مالي يا خوك​

 

من قال لا اعلم فقد فتاااااااا

 

منو مخوفك بعد ... !! بلغنا الله يخليك

حنا قلنا خلصنا من ما يجامل وقفوه المشرفين بارك الله فيهم

اللحين طلع في واحد ثاني !

بس إذا تبي نصيحتي خلك صخر ولا تخاف اللي يعجبك أخذه
واللي ما يعجبك قطا ورا ظهرك

وبعدين في ناس طيبة معانا بالمنتدى وحريصة عليك وعلى الأعضاء خذ بكلامهم ورح أتعرفهم
من خلال هالموضوع

http://www.indexsignal.com/vb/showthread.php?t=81397

ملاحظة :
يا خوي في ناس تلجعت وتكسرت من طيحة السوق بال2006 وصاروا يخافون من أي شي
فلا تواخذهم اليوم السوق سكر نازل جم نقطة وخايفين أنه ما يقاوم ويبط بس أبشرك
أرباح الربع الثالث قربت وشركات واجد عندها أرباح غير محققة من الربع الثاني رح تظهر على الربع الثالث
وشركات ثانية محققة أرباح طيبة , بس أنا أقولك لو الله يفكنا من ضربة إيران أحنا نكون بخير
والسوق بينقز فوق إن شاء الله وحنا بناقز وياه هاهاهاهاهاهاهاهاهاها

 

مررور

اى والله منوووووووووو مخووفك ؟؟؟؟؟؟؟؟

 

أرعبتني....

عصويد !!! شفيك خرعتني ......وارعبتني وارهبتني
هدي هدي مافي شيء كل شيء تمام ................
شفيك ؟؟؟ حلمان علمان ؟؟ كلنا طقطقنا....

ماتشوف شر حبيبي ونوم الهنا والعوافي خلك حديدياااااااااعصويد

 

البحر فر مخنا معاااه الله يكون بالعون الصبر الصبر فأن بصبر خير

 

ترى سوق من غير خوف وأخبار واشاعات واختلاف آراء وربح وخساره
مايتسمى سوق
هذا بالعكس شي طبيعي

 

الله يستر من الايام

 

عصويد تبي تربح في سوق الاسهم رجح التشائم على التفائل

وخل كاش التعديل دائم جاهز لا دش بكل فلووسك

وخل قلبك قوى وادخل على اسهم قويه كالبنوك والاسمنتات والاتصالات
اما اذا انت كل كلمه تخوفك في منتدى او غيره اطلع من السوق بكره وريح بالك
ترى الصحه ما تقدر بثمن
اخوك الروقي

 

والله لمى شفت العنوان عبالي في شي خطير مكتوب بس لمى قريت كلامك قلت الحمدلله والشكر لك يارب

 

أنا قلت الحين فيك شي وتبي فزعه خرعتنا الله يهديك ما يصير السوق كله مرتفع ولا محد يستفيد تعوذ بس من الشيطان وسم بالرحمن ومالك إلا العافيه

 

كلام الأخ عصويد صحيح يجب على الأخوان عدم التهويل واحد يقول الحرب جاية الثاني يقول المؤشر .... البورصة,,,,,,, وآخر شي تطلع بس أوهام من ناس مرعوبة

سؤال عصويد (منين جايب النك هذا)

 

كان فيه فلم بدوي سعودي ظهر في منتصف أو أواخر الثمانينات وكأن أبن الشيخ يسمى ((عصويد ))كانت شخصيته ظريفة,شكرا لكل من رد علي الموضوع صج والله قاعدين نشوف كتابات مالها داعي واحد يكتب* الحقيقه المره لسوق الكويتي وثاني يقول الحرب والاخر ووووو .شباب أهم شي الشارت.

 

شفيك عصويد !!!!

كل السالفه ان السوق بينهااااااار وان الحرب قادمه لا محاله

 

كاااااااااااك انت اضحك والله:d:d:d

 

ارجو من اللي عنده خبر نزول أو صعود .. يتفضل و يدعمه بتحليل فني يردون ويوافقون عليه مجلس محللين المنتدى ...

أما من يرمي خبر بدون اثبات لتخويف الاعضاء انذكره بالحديث الشريف:
" من أخاف مؤمن أخافه الله يوم القيامه"

يا جماعة الفتنة أكبر من القتل ... والفتنة في المنتيات الاقتصادية هي الاشاعات الكاذبة ...

ونسأل الله أن يجعل كيد من كاد صغار المتداولين في نحره​

 

ذكرتني بالخوالي...........

 

شرايك بهالخبر ياعصويد توهم ذايعينه بالجزيره اتوقع يرضيك: تم تأجيل فرض عقوبات جديده على ايران حتى شهر نوفمبر لحين التأكد من مدى تعاون ايران مع الوكاله الدوليه للطاقه الذريه وقد سبق ان اعلن نجاد عن استعداده لوضع الملف تحت تصرف هذه الوكاله وتم اغلاق الملف يعني بالعربي إبشر ياعصويد ماكو حرب بحول الله