تصفـــــــــــــــــــية عامــــــــــــــــــــــة

[أحمد ظاهر]

ما شاء الله عليك اخوي Man-utd .. عضو جديد وبدايتك هالشكل

حبيبي اشكرك على مشاركتك الطيبة هذه وسآخذها على انها من حسن النية ومن باب النصيحة

واسمح لي ارد عليك كالتالي:
أولا: السعر اللي تقول عليه خاااااااااااااااااااااااارج الكويت طال عمرك .. واحنا ما دمنا داخل الكويت الحبيبة، اذا احنا محكومين وملزومين بالسوق الكويتي .. لو قلت اني ابيع بسعر أعلى وأغلى من سعر الكويت يكون لك حق تقول أي شي .. يعني مو بس تنصح، لا والله يكون لك حق تهاجم وتتهم بالنصب والاحتيال بعد

ثانيا: لما جهاز مثل جهازي يكون معروض بالوكيل وبالغانم بسعر ألف دينار وأكثر، ويكون جهازي مع المزايدة واصل الى 575 حتى الان .. اظن ما اكون قاعد اضحك على الناس .. ولا أنا غلطان؟

ثالثا: الجهاز سعره مثل ما تفضلت حضرتك سعره 470 دينار "برة الكويت" .. حضرتك نسيت اجور الشحن والبريد .. هذا غير عن الجمارك اذا حجزته عندهم!!! .. بالتالي المحصلة سعر جهازي مع المزايدة اللي واصلة حتى الان 575 دينار .. يكون روعة ورائع جدا جدا جدا .. ومثل ما يقولوا احبابنا المصريين لقطة

والجهاز جديد وبالكارتونة ومكفول طال عمرك

وحياك الله مرة ثانية اخي الحبيب .. ومو زعلان منك حتى اسامحك

 

[MAN-UTD]

الحمد لله دايما احب ابدى قوي والقوه لله

اشكر فيك تقبلك للنقد اخوي وهذا كان بس مساعده للاعضاء ولك ايضا اذا حاب تييبه بالسعر الي انا لقيته وتبيعه بمكسب بسيط

ثانيا: موضوع برا الكويت هذا كلام مردود عليه اخوي لاني ماقلت لك بامريكا او اوروبا. انا قلت بالامارات الي صارت جنها الخيران الناس رايحه راده كل يوم. وجهازك وين مصنوع مثلا بالشويخ يعني؟؟ اكيد ياي من برى الكويت لا و من الامارات بعد يعني نفس الشي
وعلى فكره فدكس تاخذ 8 دنانير و تييبه لك بنفس اليوم. ويصير الجهاز داااااااااااااخل الكويت و كفااااااااااااله الوكيل3 سنوات وجديد فرش بعد و 478دينار
لا و ازيدك من الشعر بيت ماكو عليه جمرك بعد توحيد جمارك الخليج اخاف تقولي جمارك بعد.

بعدين من وين يايب سعر الالف دينار الظاهر يا بن ظاهر انت واقف على اسعار السنه الماضيه. وفي ستين موديل نزل عقبه
انا اتحداك اذا هذا الجهاز اكثر من 600 دينار عند الغانم و غيره الي انت ساويت نفسك فيهم من حيث السعر مع انهم شركات و انت فرد عادي مع احترامي لك.

وفي النهايه هذه المشاركه لا تتعدى قصد المساعده والنصيحه للاعضاء. حرام نشوف ناس تعطي شيئ اكثر من قيمته بدون درايه و نسكت وحنا قادرين نساعد.
وما نبي من ورا هالمساعده غير الدعاء فقط (بس مو علينا)

 

[Faris]

لابتوب توشيبا كوزمو
Toshiba Qosmio G30-194​

المواصفات:
- بروسيسور : Core 2 Duo 2.33 GHz
- ذاكرة : 2 GB
- قرص صلب : 320 GB
- كرت الشاشة : 256 MB
- حجم الشاشة : 17" TruBrite
- HD DVD ROM
-Wireless Lan BlueTooth &
- TV-Tuner
- Memo Card Reader

الملحقات:
- ريموت كنترول.
- شاحن بيت مع وايرات اثنين.
- واير هاتف مع فيشة.
- واير ايريال.
- أريال تلفزيون للقنوات الأرضية.
- واير للتوصيل مع الرسيفر والستالايت.
- كفالة دولية.

الحالة : جديدة ولم يستخدم مع كفالة دولية لمدة سنة، بدأت بتاريخ: 18/8/2007.
السعر : 900 دينار كويتي

علما بأنه يباع في الوكالة بسعر 1200 دينار كويتي وخارج الوكالة بسعر 1025.

توجد امكانية للشراء بالاقساط.​

هذى المواصفات بـ600 دينار جديد !!! وين على ايديك يا أخ MAN-UTD
أنت متأكد أخوي ولا تضحك لا تبى تطيح بالرجل ؟!! يا أخوي الجهاز إلى تكلم عنه ما يقل عن 1000 دينار وينه هذا بو 600 إذا القديم الـF30 بـ680 !!
أشلون الـG30 بنفس المواصفات إلى ذكره الأخ أحمد بـ600 تأكد الله يرضى عليك . ون تأكدت عطنا المحل عشان نشوفه من بعدك ؟!

 

[Faris]

أخوي أحمد الله يوفقك بالبيعه الجهاز رائع ومواصفاته أروع ووفقك الله

 

[أحمد ظاهر]

الحمد لله اخونا فارس رد عليك وسبقني .. والحمد لله اخونا فارس شهد شهادة الحق مع اني لا اعرفه ولا يعرفني وجزاه الله عني وعن الجميع كل خير

اما اخونا Man-utd فرح ارد عليه باختصار شديد لأنه السالفة طولت بلا داعي.

أولا: الجهاز مو شاريه من الامارات ..واللي يحب يشتريه من الامارات او امريكا او حتى من الهند يروح يتشري من وين ما يبي .. ما حد جابرك لا انت ولا غيرك انكم تشترون من عندي
ثانيا: تقول اني اتكلم بأسعار العام الماضي، فروح حبيبي شوف الاسعار بالغانم وغيره وبعدين اعترض وانتقد .. وانا ادري انك منت شراي، لا مني ولا من غيري .. وبعدين شوف كلام اخونا سطام قبل مدة صغيرة ايش كاتب، وبكم اعطوه سعر الجهاز في الغانم بعد الخصم .. والحمد لله هو بعد شهد بالحق مع اني لا اعرفه ولا يعرفني .. وجزاه الله كل خير هو بعد
ثالثا: فدكس ياخذون 8 دنانير!؟ .. رح اعطيك رقمهم وأبيك تتصل فيهم وتسألهم بنفسك .. وللعلم - معلومة ممكن تكون جديدة عليك - الجهاز هذا مع كارتونته وملحقاته وووووو .. يطلع وزنه 8 كيلو .. روح اسأل كل شركات الشحن كم يكلف شحنه للكويت

وأخيرا أقول انا ما ألومك .. بلاك ما تعرفني لأنك جديد على المنتدى .. بس اقول لك اسأل الشباب الطيبة عني واسأل كل من تعامل معي سواء بالبيع او الشراء

اشكر اخوي ابو فارس على كلمة الحق وشكر الله لك وجزاك الله كل خير يا بو فارس ..

 

[Faris]

ماقلنا شي يطولى بعمرك . لانه فعلا جهازك قيمته معروفه وجدا رائعه مواصفاته الكوزميو الكل يعرفه وخاصتا فئة G30-194 من افضل واقوى الأجهزة فى السوق . ويشهد الله على كلامى وتشهد علي أصابعى يوم القيامة أنه الأخ احمد لا أعرفه ولا يعرفنى . ويا جماعه لا تبخسوا أغراض أحد لأنه ما يجوز الله يرضى عليكم وكل واحد حر فى بيعه وشرواه. والجهاز فعلا ممتاز انا والله ما تكلمت إلا علشان الاخ Man-utd صدمت من رده وبخسه فى الجهاز . جملة أخيره الجهاز فعلا قوى ولا زال يباع فى أمريكا أقل من مواصفات جهاز الأخ أحمد بـ650 دينار هذا من غير الشحن ومستعمل والنت موجود . وفقكم الله ووفقك الله يا اخ احمد وسامحنا على الاطاله طال عمرك

 

[أحمد ظاهر]

جزاك الله كل خير بوفارس .. يا فارس يا إبن الفارس

 

[أحمد ظاهر]

يا شباب ترى السعر النهائي للجهاز 650 دينار كويتي فقط لا غير

وبالنسبة لوسائد التبريد باقي فقط حبتين والسعر النهائي مع التوصيل للمناطق القريبة هو 5 دنانير فقط

واللي جاد جدا بالشراء يتصل على هذا الرقم 9209967

والله يوفق الجميع

 

[مرابط]

الله يكرمك يا أخ أحمد

 

[أحمد ظاهر]

اخواني وحبايبي المزايدة على الجهاز وصلت الى 600 دينار .. من قال 620 ؟؟

والوسائد مثل ما قلت باقي فقط حبتين

اللهم يسّر ولا تعسر

 

[أحمد ظاهر]

يرفع للتفاعل

 

[مرابط]

للرفع

 

[أحمد ظاهر]

مشكور اخي مرابط

جزاك الله خير