النفط زيادة من 300 الة 600 .. يالله بالـ 50 بس

الموضوع في 'إستراحة المنتدى' بواسطة ابو غانم, بتاريخ ‏29 سبتمبر 2007.

  1. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    نعم الشعب كله حس بالظلم وهو يرى زيادة لموظفين النفط تترواح مابين 300 الى 600 دينار للموظف الواحد وأكثر بعد .. ورواتبهم بالأساس قوية بمعنى ان راتب موظف القطاع النفطي يعادل رواتب ثلاث موظفين بالحكومه ... والحكومة لم تلتفت الى موظفين الحكومه المساكين اللي معاشاتهم من 350 الى أعلى واحد فيهم 800 بس .

    نحن نرتجي الــ 50 دينار بس هذي اللي كل شوي نشوفها بالجرايد .

    انا لاأحسدهم وأقول الله يزيدهم ولكن

    اذا عطونا الــ 50 نقول هناك شي من العدل .. اما اذا لم تكون هناك زيادة فأقول ظلم أن نرى زيادة بالقطاع النفطي ونحن لالالالالالالالالالالالالا .

    لحد يقولي القطاع النفطي دوام وتعب ومووووت ... لحد يقص علينا ترى ربعنا كلهم يداومون بالنفط ومافيه الا العافيه .

    حالهم حال موظف مجمع الوزارات اللي مايدش الا بكرت ولا يطلع الا بكرت وياويله ان تأخر دقيقه ومعاشه 450 دينار .

    اللي يقولي ترى القطاع النفطي تعب ومووت راح أقوله ياخوي وظفني بالقطاع النفطي أنا أبي التعب هذا والموت اللي تقولون عنه ... على ايدكم .

    احنا رواتبنا ماتتعدى 800 دينار ونصها أقساط بعد وفيزا .

    عطونا الــ 50 بس

    الله المستعان
     
  2. سارهKUW

    سارهKUW عضو جديد

    التسجيل:
    ‏23 سبتمبر 2007
    المشاركات:
    28
    عدد الإعجابات:
    0
    صح لسانك
     
  3. al.jamly91

    al.jamly91 عضو نشط

    التسجيل:
    ‏7 مارس 2006
    المشاركات:
    1,392
    عدد الإعجابات:
    0
    ومن شر جاسد اذا حسد

    اعتقد انت لو تداوم يومين بالنفط وهذا تفكيرك راح تموت من الحسد
    وينك ما تكلمت سنة 88 لما انفجر خط الغاز ومات اللى مات
    ووينك سنة 2000 يوم افجار الاحمدى وماتو ربعنا بس كنا نسمع الله يرحمهم والله شغلهم خطر
    وانفجار الروضتين وماتو كويتيين وغيرهم بس كنا نسمع مساكين والله
    اعتقد لو تطلب الزياده من غير تفكيرك بالناس كان وايد ابرك
    لا والاخ راد عليه صح لسانك :d
    وكل زيادات الكوادر الاطباء المهندسين وغيرهم اهل النفط محد تكلم
    الحين صار حرام علينا
    الحمد لله على النعمه بس
     
  4. مهندس البورصة

    مهندس البورصة موقوف

    التسجيل:
    ‏30 أغسطس 2007
    المشاركات:
    225
    عدد الإعجابات:
    0
    منو قالك إن معاشات النفط,

    أنا مهندس و بالنفط و إللي بالوزرة ياخذون أكثر مني ب 280 دينار و اللود أقل مني بوايد
     
  5. مهندس البورصة

    مهندس البورصة موقوف

    التسجيل:
    ‏30 أغسطس 2007
    المشاركات:
    225
    عدد الإعجابات:
    0
    وبعدين ليش تشوف زيادة النفط شوف زيادات الوزارات إللي سبقونا شوف هيئة الصناعة شوف التطبيقي و غيره غيره

    بعدين ليش زعلان قدم على النفط و إنشاء الله ياخذونك
     
  6. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    الله واكبر احس بالظلم......
    محد قالك لا تدش البترول...اللي يشتغلون بالبترول اهم اكثر ناس يوفرون فلوس للدوله وناهيك عن الشغل اللي فيها

    شفتات باطينه بط لا نشوف احد ولا احد يشوفنه حتى اهلنه ما انشوفهم و 8 ساعات قاعد بالدوام ازعاج و غازات سامه يعني ما تصك الاربعين الا والامراض لاعبه فيك لعب ولا اكو اي وسيلة ترفيه وكل شي ممنوع لا تلفون لا جريده لا خرابيط ولا شي.......و قرارات قاسيه جداً

    يا عمي قاعدلي بمكت ويداوم على كيفه ويبي معاشه نفسنا......اصلا قبل الزياده في ناس وايد استقالو من البترول و راحو الوزارات والزياده مستحقه ومن زمان المفروض هالزياده ........بدال لا تقول يعطيهم العافيه تقولي ظلم والله زمن
    ولا ابشرك ال50 دينار اللي بيزيدون الموظفين الكويتيين ترى راح تحوشنا وقول ظلم حزتها

    واحد كل حياته دوام في دوام ومعاشه 890
    و واحد ما يعرف الدوام وكلا نايم معاشه 820

    اتكلم عن المهندسين بهالمعاشات...........ويقولي الاخ ظلم.......روح شوف الشغل شلون صاير اهناك وخطورته وتعبه وبعدين قولي ظلم ..من الظلم انك اتكلم عن موظفين البترول وانت ما تدري شنو صاير عندهم
    وازيدك من الشعر بيت لما انقطعت على الكويت الكهربا السنه اللي طافت برمضان......من التعب الشباب افطرو المسؤولين منزلين ماي حقهم ...يقولي ظلم قاعد فبيتهم ويقولي ظلم

    اي اكيد ظلم شلون انا اخذ معاش مثل معاشك والا اقل منك ب100 دينار وانت مو قاعد تداوم اصلاً؟..........
     
  7. q8_chamber

    q8_chamber عضو مميز

    التسجيل:
    ‏24 سبتمبر 2005
    المشاركات:
    7,553
    عدد الإعجابات:
    0
    مكان الإقامة:
    الكويت
    عليهم بألأف عافية :)


    و ان شاء الله يقرون الزياده لباقي موظفين الحكومةو الطاع الخاص :)
     
  8. ALSERHAN

    ALSERHAN عضو نشط

    التسجيل:
    ‏25 فبراير 2007
    المشاركات:
    2,289
    عدد الإعجابات:
    2
    أي والله
    والله أحنا الربع ساعه محسوبه علينه..
    وآنه مطافي بعد وطفّي شنو غازات ممكن تنفجر وآنه رايح وداري أو زيت وكبرت وهذا غير الغازات السامه والله يعين..
     
  9. تويجر

    تويجر عضو نشط

    التسجيل:
    ‏6 ابريل 2004
    المشاركات:
    748
    عدد الإعجابات:
    0
    مكان الإقامة:
    الكويت
    الرازق بالسما والحاسد بالارض
     
  10. ولد البورصه

    ولد البورصه عضو نشط

    التسجيل:
    ‏5 يوليو 2006
    المشاركات:
    1,864
    عدد الإعجابات:
    38
    مكان الإقامة:
    فى بيت ابوى
    اكيد الله يرحمهم شنو تبينا نقول
    واذا على العمل ترى الكل يخدم البلد فى خطر رجال المطافى النفط الشرطه الجيش خفر السواحل
    المباحث كلهم فى خطر لايغرك شغلك على بالك بس انت ناس تشتغل من اجل البلد وتنهان بالشارع وماطالبوا بشى لانه عسكريه
    مخفر الفحيحيل اخرة لما دشوا واعتدوا
    بالجهراء لما رجل المباحث دخل العنايه
    الدكتور اللى على اعصابه 9ساعات بالمستشفى ويبونه ينتج ويشتغل صح بدون اخطاء
    الربع بالنفط ونعرف شغل وتقسيمات العمل وقسم الانتاج اهو الوحيد اللى يشتغل صح والباقى زيطه زمبليطه
     
  11. الهاجـري

    الهاجـري موقوف

    التسجيل:
    ‏26 يناير 2007
    المشاركات:
    148
    عدد الإعجابات:
    0
    يا إخوان الأرزاق من الله سبحانه

    يقول رسول الله صلى الله عليه وسلم

    لن تموت نفس حتى تستوفــــــــــــــي رزقهــــــــــا وأجلهـــــا

    او كما قال عليه الصلاة والسلام

    يا إخوان باركوا لإخوانكم أهل البترول وقولوا لهم جعـــــل فيه العافية
     
  12. Misho

    Misho عضو جديد

    التسجيل:
    ‏12 يوليو 2007
    المشاركات:
    131
    عدد الإعجابات:
    0
    المسلم من يحب لأخيه ما يحب لنفسه


    والحسد مو زين .. ادعي بأن الزيادة تييكم .. وخل نيتكم صافية .. عشان ربك يسهلها عليك


    وبعدين لا صارت ساعات عملكم مثلنا .. ولا طبيعة عملكم نفسنا .. تقدر تقارن وتتكلم ..


    كل دول العالم .. تميز القطاع النفطي عن غيره .. ما يت علينا في الكويت بس .. و مو معقولة هالشي بدون سبب ولا بس مني والطريج .. صح ولا لأ ؟؟


    وترى قبل الزيادة كان معاشي أقل من معاشات زملائي اللي بالوزارة " الطاقة " .. بفارق أكثر من 200 دينار " معني اداوم اكثر منهم ب 4 ساعات يوميا .. وماعندنا اجازات عارضة وطارئة وأذونات وتزريق ونوم وسوالف الوزارات هذي .. الدوام دوام على طوول وأي تأخير أو غياب بخصم "


    لا تتكلم بشي انت ما تعرفه ألا يخليك .. وانشالله الزيادة يايه لكم بس انت اطلبها بنية صافية ومن غير حسد
     
  13. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    ياشباب أشوفكم حطيتوا السالفه حسد في حسد .

    أستغفر الله رب العالمين من هذه الصفة .

    أبسط المطالبة بالحقوق سميتوها حسد !!!!!!!!

    الحين لما طالبنا بأسقاط القروض قلتوا أصلا مافيه عداله شلون ناس تسقط عنهم وناس ماعندها قرض شلووون !!!!!

    والحين أنا أسألكم أين العداله بزيادة 300 و400 و600 للقطاع النفطي ونحن موظفين الحكومه حامض على بوزنا 50 دينار !!!!!!!!


    انا أصلا لو أحصل زيادة 200 دينار عبارة ان أقساطي طاحت لأن أصلا قسطي 190 :)

    بس نقول يالله بالــ50 تفك أزمه شوي

    يالله تكلموا الحين وطالبوا بزيادتنا وخلوا الردود توصل 70 مثل مطالبتكم بزيادتكم !!!!!!!!

    انا الحين اقولكم حبوا لنفسكم مثل ماتحبون لنا بعد .

    وشيلوا سالفة الحسد هذي منكم

    يعني بالقروض مافيه عداله ولا حسد بعد والزياده هذي أم العداله وفيها حسد من موظفين الحكومه .

    الحمدالله رب العالمين بس
     
  14. ولد البورصه

    ولد البورصه عضو نشط

    التسجيل:
    ‏5 يوليو 2006
    المشاركات:
    1,864
    عدد الإعجابات:
    38
    مكان الإقامة:
    فى بيت ابوى
    الله يخليج ميشوا اللى يسمعك يقول اسكت ويهه ناشف من الشغل وعيونه مبققه من التعب وحاله ضعيف من الهم والسهر

    الربع كلهم بالنفط من مهندسين الى فنيين ومشغلين مصفاة وقسم انتاج
    الوضع متعب بحاله البعد ومنقطعين الا بالنت متوفر لهم متسلين ومستانسين
    ومقسم العمل
    خليت شغلكم مايقدر عليه احد
    بحولك التجنيد وبشوف شتقول عن التعب
     
  15. Misho

    Misho عضو جديد

    التسجيل:
    ‏12 يوليو 2007
    المشاركات:
    131
    عدد الإعجابات:
    0
    ^

    الله يهداك اخوي .. ما تعرف تحترم اللي تكلمه شوي ؟؟


    بعدين اعيد واقول .. لا تييب كلام من عندك وتجمع فيه .. احنا قاعدين نداوم في رمضان ونطلع بالمواقع بعز الحر والغبار .. من 7:30 لي 3:30 .. يعني 7 ساعات .. حضرتك تداوم من متى لي متى ؟؟ من 10 لي 1 في مكتبك مرتاح .. يومين في الأسبوع ؟؟!


    نفس الشي قبل رمضان .. يوميا غصبن علي لازم اداوم من 6 لي 4 .. غير نص ساعة رايح نص ساعة راد .. وما عندنا تأخير ولا تزريق لأنه ملزومين بمواصلات الشركة .. انت تداوم نص ساعات عملي ؟؟

    يوميا بسبب التعب من طول ساعات العمل .. مالي خلق شي بالليل ويا دوبك اقعد ساعتين ثلاث بالليل مع أهلي .. وإذا عندي مشوار خلاص اعتبر يومي منتهي ومو محسوب من العمر .. وما اقدر اطلع بنص الداوم اخلص شغله بره وارجع .. لأني أداوم ببقعة معزولة بوسط الصحراء ولا سيارة ولا شي


    انا واحد ما اتغدى مع أهلي إلا يومين في الأسبوع .. اليمعة والسبت .. غير جذيه ما اشوفهم كل يوم إلا بعد العصر .. والصبح أطلع قبل لا يقومون من النوم وقبل لا تطلع الشمس حتى .. قولي هالأشياء اللي ذكرتها ما استحق عليها تقدير وزيادة عليها في معاشي ؟؟

    انا ما قلت محد يقدر على الشغل .. لكن بنفس الوقت ما تقدر تنكر حضرتك انه فيه تعب .. عيل على شنو المعاشات أعلى من الوزارة .. وهالشي مو في الكويت بس .. لكن في كل دول العالم أيضا وعلى فكرة المميزات لموظفي النفط في الكويت قليلة جدا مقارنة بدول المنطقة .. تتوقع يزيدوننا ليش بس جذيه عبط ؟؟ صدقني ما فيه فلس يوصلك " في أي وظيفة " زيادة عن غيرك .. إلا وراه تعب وشغل عشان تاخذه وتستحقه


    ياليت نرتقي بنقاشنا وأسلوبنا .. ونبتعد عن التهجم الشخصي والتجريح .. خصوصا واحنا بالشهر الفضيل


    وحياك بالنفط ما دام ما عندنا شغل وبس لعب وانترنت .. منو ماسكك ؟؟ مو تقعد بالبراد وتذم الناس اللي تتعب وتشتغل بالحر .. خلك قدها ويالله تعال حق الراحة والفلوس والماكو شغل على قولتك انت والربع ..


    وسلم لي على الربع كلهم ..
     
  16. الشاطر

    الشاطر عضو نشط

    التسجيل:
    ‏20 يونيو 2004
    المشاركات:
    1,357
    عدد الإعجابات:
    4
    والله انا بعيد عن موضوعكم شوى

    احمدوا ربكم انكم مو بوزاره المواصلات تشوف الظلم عينك عينك

    اثنين تعينوا مع بعض واثنيهم بقسم واحد ونفس الشهاده ونفس الخدمه واحد يفرق عن الثانى 90 دينار ليش يقولولك حظ هذا يستلم بدل موقع وانت ماتستلم وهذا اخذ كل علاواته وانت تنقص لك علاوه تتكلم يقولون ارفق اسمك وخل المدير يوقع عليه عشان تاخذ بعد سنه يقولون اللى يستحق ياخذ واللى مايستحق ماياخذ المشكله اللى يشتغل ماياخذ واللى ينام فى بيتهم ياخذ الحمد لله على كل حال الكويت قمه بالفساد الادارى والظلم بسبب المحسوبيه

    تبى تشتكى محد يعطيك وجه وماتدرى وين تروح