ستاربكس يزيد اسعاره 15%

[baselko]

الظاهر ستاربكس سمع بزيادة ال50 دينار فرفع اسعار منتجاته 15% .. قبل شوي ذهبت لستار بكس لشراء قهوتي المفضلة (اسبريسو كومبانا ) وكان سعرها 950 فلس وعند المحاسبه اعطيت الموظفة دينار جان تقولي بعد 150 فلس قلت لها ليش العادة سعر القهوة 950 ليش صارت 1100 جان تقول لي خلاص من شهر رمضان رفعنا الاسعار بسبب غلاء السوق .
شرايكم شباب للحين تبون الزياده

 

[بوسعود66666]

البوق عينى عينك وعدل كلامك وانا من رواد ستاربكس ودريت انه رفع سعره بس وين بتروح مردك له الله المستعان

 

[kandaaa]

شباب سعر الهيزلنت لاتيه تول 1.350دينار وبمصر 17.5 جنيه (900 فلس) مع العلم ان الشايع هو الوكيل بمصر .

 

[بوسعود66666]

الشايع هو وكيل ستاركبس فى الشرق الاوسط

 

[السور]

من زينه قاص على الناس يبه بسيطة لا تروحون له

 

[Buffett]

الله يعافي ( جيس النسكافيه 3+1 ) حطوه إبـ ( ماق ) وشوية ماي حار ..

وأحلى ستار بكس منزلي .. ( قص على روحك مو غلط )

وتغني عقبها .. ( من صنع إيديا وحياة عينيا )

​

 

[بوسعود66666]

احلى شى عندهم وايت موكا اتهبل

 

[عندك سلف]

الشركة أمريكية والدولار نازل على راسه...
بعد اشماله رفع الاسعار.....

تبون تأدبونه وتخلونه ما يفكر يرفع أسعاره...

المقاطعه​

وأنا أو واحد بقاطع

 

[باش مهندس]

الخباز
كنت اشتري منه كيكة الكاكاو "المفضة لدي" بـ 3 دنانير

الحين صارت بـ 6 دنانير ... الكيكة نفسها ما تغيرت

شرايكم

 

[بوسعود66666]

حبيبى صح انها شركه امريكيه بس المردود المادى يرجع للشايع ومالها شغل امريكا وهذى معلومه انا متاكد منها

 

[AutoCad]

والله يا شباب أنتو ما عندكم سالفة اسمحولي...

آنه شخصياً أعتبر قهوة ستاربكس زبالة امكرم السامع (القارئ) ....

سو قهوتك ابنفسك ...

جرب ما اتخسر شيء ....

كيلوا قهوة نيبارية (هندية) درجة ماسوم Aa
كيلو قهوة نيبارية (هندية) درجة ماسوم Aaa
كيلو قهوة هراري أثيوبي

طبعاً القهوة خضره هالثلاث كيلوات يكلفونك أقل من 3 دنانير

احمسهم بكميات متساوية حسب حاجتك والسوق متروس مكائن اسبرسو وصدقوني لي جربت القهوة الفرش الحقيقية اللي اتسويها ابنفسك راح تتحسف على كل فنجان قهوة شربته في ستاربكس

هالمنتدى منتدى اقتصادي بحت ... بس لو يسمحون لي المشرفين أعطيكم كل التفاصيل علشان تشربون فنجان قهوة حقيقي مو سائل أسود يسمونه قهوة وتدفع فيه 1100

وسلامتكم واتعيشون

 

[q8_chamber]

انا اعلنت مقاطعة ستاربوكس


و راااح ارووح كاريبوووو

 

[بوسعود66666]

متى اشرب قهوه عندك

 

[بوسعود66666]

انا اعلنت مقاطعة ستاربوكس


و راااح ارووح كاريبوووو

فديتك ستاربوكس تنكتب جذى ستاربكس

 

[baselko]

والله يا شباب أنتو ما عندكم سالفة اسمحولي...

آنه شخصياً أعتبر قهوة ستاربكس زبالة امكرم السامع (القارئ) ....

سو قهوتك ابنفسك ...

جرب ما اتخسر شيء ....

كيلوا قهوة نيبارية (هندية) درجة ماسوم Aa
كيلو قهوة نيبارية (هندية) درجة ماسوم Aaa
كيلو قهوة هراري أثيوبي

طبعاً القهوة خضره هالثلاث كيلوات يكلفونك أقل من 3 دنانير

احمسهم بكميات متساوية حسب حاجتك والسوق متروس مكائن اسبرسو وصدقوني لي جربت القهوة الفرش الحقيقية اللي اتسويها ابنفسك راح تتحسف على كل فنجان قهوة شربته في ستاربكس

هالمنتدى منتدى اقتصادي بحت ... بس لو يسمحون لي المشرفين أعطيكم كل التفاصيل علشان تشربون فنجان قهوة حقيقي مو سائل أسود يسمونه قهوة وتدفع فيه 1100

وسلامتكم واتعيشون

حط الخلطه جنك ماتدري

 

[ولد بطنها 2]

بيبسي - سفن آب -ميرندا

السحارة كانت بدينار ... و من اليوم صارت بدينار و ميتين فلس ..
خووووش زياده (( كدينا خير )) من اليوم و رايح بشرب ماي ماني شارب بيبسي ..

 

[الشرقاوي]

يصراحه اسوأ قهوه شربتها بحياتي عند ستاربكس لو تروحون اوروبا ماعندهم ستاربكس الا محل او محلين

 

[بوسعود66666]

انزين اشرايك فى كوستا؟؟

 

[أرزاق]

ماهي اول زيادة

بصراحة ترى هذي ماهي اول زياده
اهم باقل من سنه زادو الاسعار والحين بعد!!!!!!؟؟؟؟؟

بس مانقول الا سلامات يا وزراة التجارة وحرامية المستهلك
اللي فعلا مالهم دور بالمرة

 

[AutoCad]

انزين اشرايك فى كوستا؟؟

كوستا أفضل .... ولكن..................


القهوة مشروب مزاج ... صح ولا لأ ؟

وهذول أول وتالي تجار يعني الربح هو الأهم عندهم .... يعني القهوة يخلصونها يخلصونها مستحيل يقطونها ....


مرة رحت ستاربكس طبعا مشواري ما كان علشان ستاربكس بس صادف المكان إللي آنه فيه ودخلت في نقاش مع مديرة الفرع (فلبينية) طبعاً اتضح لي ضحالة معلوماتهم عن القهوة ...


المسألة بسيطة جداً ....

مرة مرتين وتنسون ستاربكس