للبيع جيب بليزر 82 ((( جمس )))

[خمسة اقمار]

للبيع بليزر موديل 82 لون أبيض باب واحد مفصول الدبل

الجير والماكينة والرنكات والخشه الأماميه موديل 91

شرط الفحص وتراني بياع ينفع بر وبحر والقلص أنا أشهد له

شنو أفضل السومات عندكم

 

[احمد 1976]

300

 

[ولد_ديرتي]

اخوي جير عادي ولا اوتوماتيك ؟


والجيب على حسب خبري ماتنحطله بيمه عدل معلومتي وله لا؟

 

[سهمى طاير]

اخوي لو توضح شوي بخصوص الموتر

في مكيف اهم شي الدبل بس مفصول

حط سعرك للاخر او كلمني على الخاص

ولك جزيل الشكر

 

[خمسة اقمار]

عساك على القوه أخوووي أحمد ومشكور عالسومه

 

[خمسة اقمار]

مساء الأنوار يااااولد _ديرتي ترا مافي سياره ماتتبيم وأكيييد تشوف السيارات بالشارع
موديلات قديمه ومعلوماتك غير صحيحه وممكن تراجع الفحص الفني بالمحافظه القريبه عليك
والسياره جير أتوماتيك

 

[احمد 1976]

رد

عساك على القوه أخوووي أحمد ومشكور عالسومه

اخوي السيارة موديل قديم ولايصير بخاطرك شيء لان صاحبي بايع 97 يوكن 650نظيف وانا قست عليها واااااااااااااااسفين

 

[سهمى طاير]

اخوي خمسة اقمار الموتر مافيه مكيف

وما رديت الدبل مفصول او خربان

ردعلي !!!!!!

 

[خمسة اقمار]

أأأأأأأأأخوي أحمد ترا الزعل غير وارد فما بيننا وبالذات بالمنتدى لأن المشرفين على المنتدى يجزيهم
أأأأأأأأألف خير معطين مجال للناس تعرض وتتعرف على بعض بهالمنتدى وعليه الزعل غير وارد
أأأأأأأأما بخصوص سيارة صاحبك الله يوفقه ويوفق كل قارئ هذه الرساله فبعيته على مزاجه
وووووأسال أهل البر والبحر عن جيبات البليزر من 1991 لتحت تراه أحسن من الموديلات اليديده

 

[خمسة اقمار]

ياريت يا سهمي الطاير تطير سهي للعالي أماااا بخصوص المكيف ماأدري عنه
لكن باجر قبل الفطور واااحد ياي يشوفه وإنشاء الله أجرب المكيف
والدبل مفصول وماأدري عنه لكن يسحب الطراد ومجرب عليه بوستن ويلر 26 قدم وعليه
ماكنتين 200 وبدون دبل

 

[سهمى طاير]

اخوي احمد 1976 عطاك 300

شوف علي 400 بس شرط

جير مكينه دبل ومكيف

 

[خمسة اقمار]

ياسهمي طاير سبق وقلت الدبل مفصول وما أدري عنه وباجرأفحص المكيف
وال 400 وللحين بعيد عن سعري وراح أنشوف سومات باقي الأخوان

 

[سهمى طاير]

رد

ياسهمي طاير سبق وقلت الدبل مفصول وما أدري عنه وباجرأفحص المكيف
وال 400 وللحين بعيد عن سعري وراح أنشوف سومات باقي الأخوان

++++++++++++++++++++++++++++++++++++++++++



اخوي عطيتك 400وما قلتلي عن المكيف والدبل

يعني سيارتك ما تدري عنه ؟؟

زين اخوي حط الصوره ؟؟؟

ابي اشوف البدي +الداخليه+الصبعه

والله ما ابي اضلمك

وبعدين عن باقي الاخوان محد عطاك

غير سومتي وانت قلت على السوم

على العموم انت حط الصوره والله كريم

 

[خمسة اقمار]

السلام عليكم للجميع
ياسهمي طاير

إنشاء الله الصوره بأقرب وقت

 

[سهمى طاير]

رد

السلام عليكم للجميع
ياسهمي طاير

إنشاء الله الصوره بأقرب وقت

اخوي ماسار صوره لو بجزيره ودورة مايه كان وصلت

علشان اعطيك الابتوب وازيدك حط الصوره

 

[خمسة اقمار]

ياسهمي الطاير أخيرا صورت السياره بس للأسف دورت على كلمة تعديل

عشان أضيف الصوره ماشفت وللعلم المكيف إحتمال ناقص غاز لأن الكمبريسور ماأشتغل لكن أحاول

أوديه يشوفونه وآمن بالله إن ماعندي وقت عشان أوديه لكن إنشاء الله يوم السبت

علمني إشلون أحط الصوره دام إنك راهي بهالشغله مع العلم الصوره الحين بالكمبيوتر

 

[خمسة اقمار]

إشرايك بالصوره كلووووووش أخيرا أضبطت معاي

يلا يابطل أشوف سعرك الحين بتغيره ولا وعلى فكره

وعلى فكره أهل البر والبحر مومحتاجين مكيف يعني ياحلات

الواحد بيروح البحر ولا البر بهالسياره وأهو في قمة السكبه (

 

[سهمى طاير]

مشكووووووووووور على الصوره ما بغيت

وبعنالك الجهااااز ما استاهل 450 شراي اخوي ابو يوسف ترى والله محد

يسوم الا انا توكل بييييييييييييييع

 

[سهمى طاير]

يعطيك العافيه ابو يوسف

انت عطيتني سعر والله يرزقك وانا اقولك سعري

النهائي 0000وعلى فكره بس انا الي ازييييييييييييد

بعت الموتر على 550

غيره الله يرزقك

 

[خمسة اقمار]

مشكور على السومه لكن للحين بعيد السعر
وعلى فكره ترا قرب وقت هالموتر للشباب البر وأهل البر ترا يقدرونه أكثر