مشكلة بدون حل

الموضوع في 'السوق الكويتي للأوراق الماليه' بواسطة 1st choice, بتاريخ ‏6 أكتوبر 2007.

  1. 1st choice

    1st choice عضو جديد

    التسجيل:
    ‏12 يوليو 2007
    المشاركات:
    763
    عدد الإعجابات:
    0
    اليوم الصبح ومثل العادة اتصلت بالوسيط اللى اتعامل معاه لاتأكد من الاوامر

    اللى نفذتها يوم الخميس...فاجأنى بانى بايع سهم انا اساسا ما املكه وهو سهم بورتلاند بسعر 1460 وهو قفل على سعر 1480 ....

    اتصلت على طول بصديقى الدلال وقلتله السالفه...

    الحل مثل ماقالى انى لازم اشترى السهم من السوق(اشوه مو كسر)...فى حالة الشرا بنفس السعر او اقل(1460)راح يحسبون على العمولة ومبلغ التسوية(20د.ك) واى فرق بالارباح يروح للمقاصة...

    اما فى حالة الشراء بسعر اكبر من سعر البيع فالعبدلله يدفع الفرق...

    بالله عليكم يعنى الغلطة مو غلطتى ويحملونياها شلــــــــــــوووون فسروها لى

    المفروض يكون الحل بالنظام اذا ماعندك مايقبل البيع...
     
  2. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    يا حبيب قلبي احنى 2007
    وانتم ليلحين تتعاملون مع مكاتب الوساطه اشترك بتداول بيت التمويل وريح نفسك
    مكاتب الوساطه مسخره في مسخره
    مكتب الخليج شاري لي سهم ما طلبت منه وخسرت فيه ولما ادق عليهم ابي ابيع محد يرد
    انا اتعامل مع السوق السعودي من فتره طويله عن طريق النت ابيع وانا بيتي واحول فلوسي من محفظة الاسهم الى الحساب الجارى بضغطة زر0000
    الحل انك تشترك وتفارق مكاتب الدجه
     
  3. Surrawi 3jeeb

    Surrawi 3jeeb عضو جديد

    التسجيل:
    ‏28 ابريل 2007
    المشاركات:
    1,005
    عدد الإعجابات:
    0
    حاشتني هذي من زمان.

    ليش ما تبطل من الدلال والوسيط وتشتغل بروحك عن طيرق تداول الـ Online مع أي من (الخليج للوساطة، الأوسط (كميفك)، الوطني ...) ترى أحسن وايد وتشوف محفضتك على جهازك :cool::cool:


    واذا حصل وكنت بعيد وتبي تسوي صفقة، يا عن طريق الموبايل أو تكلم الدلال.
     
  4. alcaptin

    alcaptin عضو نشط

    التسجيل:
    ‏30 ابريل 2006
    المشاركات:
    221
    عدد الإعجابات:
    4
    مكان الإقامة:
    kuwait
    الحل روح للاوسط وريح مخك

    عمى روح للاواسط وريح مخك الاوسط ميزته ما يشترى ولا يبيع شى ما تملكه البورصه جننونى قبلك الدلال كله يغلط وانا اتحمل
     
  5. 1st choice

    1st choice عضو جديد

    التسجيل:
    ‏12 يوليو 2007
    المشاركات:
    763
    عدد الإعجابات:
    0
    والله ياحبايب اللى مخلينى مع الدلال انه صديقى ومعاه على طول
    بالموبايل...لكن الظاهر مع اللويه والزحمة صارت هالغلطة...

    حقيقة عرضت الموضوع حق يحتاطون الاخوان ويشيكون بعد اى تداول...

    وعقب هالسالفه راح افكر جديا بالتحويل...وفعلا بلا عوار راس
     
  6. Storm X

    Storm X عضو نشط

    التسجيل:
    ‏6 أكتوبر 2005
    المشاركات:
    319
    عدد الإعجابات:
    9

    اللي راح يصير معاك انه البروكر راح يشتريلك السهم
    وبعدها يا انت او البروكر يوقع على تعهد
    من اداره الوسطاء ...
     
  7. barbarian

    barbarian عضو نشط

    التسجيل:
    ‏19 ابريل 2005
    المشاركات:
    5,002
    عدد الإعجابات:
    1,435
    الفلوس ماكو فيها صديقي...هذا حلالك لازم انت تباشره وتخاف عليه

    الحل: التداول بالنت وبس
     
  8. قاروه

    قاروه بوعبدالعزيز

    التسجيل:
    ‏22 نوفمبر 2005
    المشاركات:
    7,976
    عدد الإعجابات:
    3,656
    قبل فتره واحد من الربع حصله نفس الخطأ

    مع سهم كان سعره بحدود 4 دنانير والسهم بنزول والكميه بحدود200 الف !

    رفع قضيه و الحمدالله بالاخيركسبها
     
  9. بوسعود66666

    بوسعود66666 عضو مميز

    التسجيل:
    ‏1 أغسطس 2007
    المشاركات:
    15,265
    عدد الإعجابات:
    5
    مكان الإقامة:
    مجلس الوزراء
    لو يحصلى نفس صاحبك وشارى 200الف سهم وبالغلط عزالله كدينا خير وانا بصراحه مرتاح مع الوطنى ادق عليهم ويردون على لانى ماادخل النت لان دوامى صباحى ادرى طولتها عليكم بس شنو اسوى صايم وباقى ساعه وشى على الفطور قلت اسولف معاكم بس خلاص يابوسعود سويت لويه :dبالمنتدى بس اشرايكم فى مشركاتى 1000
     
  10. Master-Leo

    Master-Leo عضو مميز

    التسجيل:
    ‏27 نوفمبر 2006
    المشاركات:
    10,156
    عدد الإعجابات:
    0
    مكان الإقامة:
    الكويت
    شهالسالفه شنو هالنظام اللي يقبل إن الواحد يبيع سهم ماعنده اياه !!

    انا عانيت مع الدلال .. وعانيت مع الأوسط ... والحين بشوف متداول مع الوطني ....

    بشوف بعد ان عانيت مع الوطني احسن لي افتح مكتب دلالة !
     
  11. مستثمر فقير

    مستثمر فقير عضو نشط

    التسجيل:
    ‏24 يوليو 2003
    المشاركات:
    281
    عدد الإعجابات:
    0
    مكان الإقامة:
    مِنْهَا خَلَقْنَاكُمْ وَفِيهَا نُعِيدُكُمْ وَمِنْه


    الله يعينك ...

    بالنسبه للوطني .... سريع وسهل واي مشكله تحوشك تقدر تتصل عليهم
    وهم يحطولك الاوامر... وتقدر تنقل من المحفظة الي الحساب والعكس صحيح ونت بمكانك بدون اي تعب واي مراجعه للبك

    بس اهم شئ انك ما تحط امر اولويه ... لانه اوامر الاولويه راح تعلق وياك
    ربع ساعه بعد بداية التداول واحتمال اكثر
     
  12. BMW2007

    BMW2007 عضو جديد

    التسجيل:
    ‏17 مايو 2006
    المشاركات:
    2,293
    عدد الإعجابات:
    1
    تبووون الحل يااشباااب.................اللي لادقيت علاا الدلاال ماارد عليك

    فعلا هذي تحصل معي اكثر من مره وكاانت اسهم مغريه وتدق علا المكتب مليون مره مايردوون

    ....................................الحل........................................
    انك تتعرف علاا واااحد يومياا عندهم وتدري انه مايفاارقهم سوااء يشتري والا لاا

    وتطيح المياانه بينك وبينه ....(وتاااخذ رقم تلفوونه).......ولاصاار شي تبي تشتري والاتبيع
    ومااردواا عليك المكتب دق علااا صاااحبك ووصه او ان كاانت الدعوه سريه قوله عطني الدلااال
    شرااايكم:)

    تقبلوو مرووري وتحياااتي
     
  13. عقاب

    عقاب موقوف

    التسجيل:
    ‏20 أغسطس 2007
    المشاركات:
    200
    عدد الإعجابات:
    0
    شلكم بالدوخه

    حط فلوسك بالشمس واقعد بالظلال

    تداول بيت التمويل الكويتي

    127شركه تقدر تشتري وتبيع فيهم

    رن.....رن.....رن.....رن................................. هم مايرد الدلال

    انت تحط اوامرك بنفسك

    مانت منت احد

    :cool:
     
  14. Surrawi 3jeeb

    Surrawi 3jeeb عضو جديد

    التسجيل:
    ‏28 ابريل 2007
    المشاركات:
    1,005
    عدد الإعجابات:
    0
    أخوي Master - Leo آنا والله مرتاح مع الخليج للوساطة بعد ما سويت عملية تدوير الرصيد