ألأسبوع ألأسود

[bu3zoz]

مرحبا شباب اه او الف اه على الى جاى هل اسبوع

شباب انا اعتقد هل اسبوع فى نزول قوى والسالفه اكثر من يوم واحد

يعنى نزول طول الاسبوع او جنى ارباح او حركة تصحيحيه قويه

او راح تشمل كل الاسهم الا يمكن بعض الاسهم القويه


ان شاء الله توقعى مايصدق اتمنه جذى او الله يوفق الجميع

ويفوز باللذه كل مغامر ويموت بالحسره كل جبان (

 

[أبو عبدالمحسن]

هل من اسباب

سلام عليكم اخوي بو عزوز فكرة النزول وارده في كل لحظه وعلى كل سهم وفي كل سوق لكن هل من اسباب واضحه خلتك تطلق كلمه الاسبوع الاسود ! عموما انا ما اتوقع السوق يمشي على هواء النفس والسوق الكويتي لا يعتمد بشكل مباشر على اخبار مثل السوق الامريكي فارجوا انك اتفيدنا من وين كونت هالفكره الاسبوع الاسود ولك تحياتي وبالتوفيق جميعا

 

[saeed]

السلام عليكم

صحيح كلام بو عبد المحسن ليش مو متفاءل بالاسبوع هذا ؟

وعمومن المؤشر يقترب من المقاومه على 4400 نقطه

وكسر المؤشر يبشر باسعار جديده واذا ما كسر المقاومه راح يستمر
السوق متقلب لحين ما تعلن الشركات الارباح وينتهى مو سم اشاعات الارباح ويدش بعدها شهر رمضان ويركد السوق


والله الموفق

 

[bu3zoz]

النزول صحى للسوق ياشباب

بسم الله النزول كان متوقع من زمان بس محد عارف متى والسوق

للحين فى ايجابيات وايده وعتقد انه المحافظ والصناديق قاعده اتلم

الاسهم الى صغار المستثمرين قاعدين يبيعون من الخوف ويردون

يشترون باسعار اعلى بعد جم يوم او يمكن باجر التصحيح ماراح يطول

ياشباب وعتقد البعض امكيش ويقول يارب السوق ينزل لاتبيعون مسكو

اسهمكم ونتوا الربحانين ويرزقنا وياكم الرزق الحلال

(( ويفوز باللذه كل مغامر ويموت بالحسره كل جبان))

 

[bu3zoz]

بسم الله الرحمن الرحيم

اول شى لاتخافون من عنوان الموضوع بس لازم نقول سلبيات السوق مثل مانقول ايجابياته احب اضع هنا كل المعلومات والافكار الى عندى ولكم الخيار بالبيع او الشراء او الاستثمارت الطويل وهو الخيار الامن فى الوقت الحاضر عندى معلومات ان شاء الله ماتكون صحيحه ان السوق مقبل على نزول كبير لاكثر من 400 نقطه وذالك قبل توزيع الارباح

اولا- السوق لم يصحح من فتره كبيره كل الاسواق فى العالم تقوم بعمليات تصحيح كبيره للاسهم المتضخمه وفى سوق الكويت الكثير منهاوفى الكويت السوق يصحح على جميع الاسهم المتضخمه والغير متضخمه

ثانيا- حاجة الصناديق والشركات للسيوله لتوزيع الارباح وعتقد عن طريق بيع بعض الاسهم

ثالثا-ارتفاع الاسعار قبل التوزيع مشكله للشركات يعنى سعر سهم 740 عند التوزيع راح يتفصخ على كم نفترض 550 هل السهم قادر على الصعود الى فوق ال740 لكى نحقق الربح ماعتقد لازم السعر ينزل قبل التوزيع الى ال550 لكى يصبح السهم قادر على تكملة مشوار الصعود وعتقد بعد نزول السوق صعود هل سنه الى اكثر من 5500 نقطه شباب وضعت الافكار ليس للتخويف وانما للحذر ثم الحذر واتمنه انه كلامى يطلع غلط او ماينزل السوق والى عنده اى افكار خل يظيفها هنا لكى تعم الفائده على الجميع وتمنه للجميع التوفيق ان شاء الله والله اعلم ويرزقنا وياكم الرزق الحلال

 

[bu3zoz]

بسم الله الرحمن الرحيم

المؤشر اليوم خسر اكثر من 55 نقطه وعتقد والله اعلم النزول راح

يستمر لاسابيع او شهر او اكثر مع احتمال ارتداد المؤشر للاعلى ثم

النزول الدعم على5100 اذا الدعم انكسر فهو الى ال500 والدعم


الثانى قوى وعتقد راح ينزل المؤشر تحت ال500 راح يكون هناك بيع

فى السوق الاجل مما يسبب ضغط كبير على سوق النقدى وتمنه انه

الاعضاء كيشوا من فتره لما هو متوقع ان يحدث وهناك سبب اخر غير

التصحيح وهو الاستجواب لوزير الماليه وهى الشماعه التى يعلق عليها

الكثير من المستثمرين والمحافظ والصناديق سبب نزول السوق والنزول

متعمد لتجميع الاسهم باقل الاسعار لانطلاقه قويه بعد النزول والله اعلم ويرزقنا وياكم الرزق الحلال

 

[jamal alotaibi]

الله يعطيك العافيه يا bu3zoz
و شرايك انت ؟
عندك نصيحه ؟ نشتري و لا لا
انا من يوم شفت السوق قاعد يرتفع الصراحه خفت و بعت اللي عندي و مسكت حلالي
و الحمدلله

الحين نشتري و لا نصبر بعد ؟



تحياتي


ابوناصر

 

[boalons]

الي يفكر يصرف الي عنده يبيع اول السوق

كل مره لما يصحح اول ربع ساعه السوق يثبت بعدين ينزل

واحتمال يكمل يصعد

والله سوق محد يعرفله

 

[bu3zoz]

بسم الله الرحمن الرحيم

الله يعافيك اخوى بوناصر دام ماسك فلوسك خلك ماسكهم لبعد العيد

راح اتشوف السوق بيكمل نزول ولا صعود وعتقد والله اعلم السوق

بنزول لبعد العيد خاصه انه هناك استجواب قادم وهذه فرصه الكبار

لصطياد صغار المستثمرين لحثهم على البيع بدافع الاستجواب وحل

المجلس ونصح الاخوان بالاستثمار بالاسهم الجيده للاسثمار الطويل فى

الوقت الحالى والله اعلم ويرزقنا وياكم الرزق الحلال

 

[jamal alotaibi]

ما قصرت اخوي ابو عزوز على ردك
و الاسهم الجيدة للاستثمار الطويل مثل شنو تعتقد ؟
اقدر اقول الوطنيه للاتصالات من ضمنهم ؟


تحياتي


ابوناصر

 

[bu3zoz]

بسم الله الرحمن الرحيم

مساكم الله بالخير ابدأ مشاركتى الاولى بعد الاجازه القصير الى

اخذتها من السوق الكويتى والامريكى والدينار العراقى

السوق مقبل على تصحيح كبير لفرز الاسهم الجيده عن الرديئه وعتقد

والله اعلم حان وقت التكيش ومراقبة السوق لحين اعلان جميع

الشركات عن رباحها والتوزيعات المقترحه لكى تتخذ القرار المناسب

للشراء واكثر من مصدر اخبرنى بهذا الكلام وهناك شى يجرى بالخفاء والله اعلم والفرص فى السوق

الكويتى لن تنتهى ابدا والربح القليل الان افضل من خسارة جزء من

راس المال وبالنسبة لى محتفظ بالسيوله لحين وضوح الصوره بعد

الاعلانات لجميع الشركات اخوكم بوعزوز ويرزقنا وياكم الرزق الحلال

اخوى بوناصر اسمحلى على التاخير الاسهم المناسبه للاستثمار الطويل
فى الوقت الحالى
الكيبلات- الهواتف- الاتصالات- العقارى- الصناعات الوطنيه

 

[ملك التحدي]

اتفق مع العزيز بو عزوز

نصيحه يفضل الاستفاده من الارتفاع البسيط والتكييش قبل وصول المؤشر الى المقاومه 5313.4

 

[boalons]

والله يابوعزوز الطمع ينسينا التصحيح وابو التصحيح


انا معاك 100% بس انا سمعت كلام من ناس اثق فيهم ان التصحيح المحترم يالله اخر 3 تقريبا الى حتى ما تقدر تبيع فيه


بس الحين يكون بين صعود وهبوط


والله اعلم والله يرزقنا اجمعين

 

[bu3zoz]

بسم الله الرحمن الرحيم

تحيه عطره لكل اعضاء المنتدى المحترم

مثل ماذكرت فى السابق المؤشر راح يخترق حاجز الدعم 5100 عن

قريب ومن ثم الى الدعم الثانى 5000 مسلسل النزول مستمر لاجل

غير مسمى وعتقد والله اعلم هناك ارتداد لاعلى لفتره بسيطه ثم

يستمر السوق بالنزول هناك كثير من الاسهم المتضخمه والسوق

مستمر بفرز الاسهم الجيده عن الرديئه وهناك خلاف جديد بين الوطنيه

العقاريه والمخازن سوف يرمى بظلاله على السوق اتمنه انه كل الاعضاء

كيشوا من فتره ونصح الاخوان بالتريث فى الشراء فى الوقت الحالى لحين

وضوح الصوره اكثر وعتقد انها بعد اعلانات الربع الاول والله اعلم ويرزقنا

وياكم الرزق الحلال

 

[ساره]

ابو عزوز كلامك يخوفنا اسود واحمر .

 

[bu3zoz]

بسم الله الرحمن الرحيم

ادرى ماتعجبج هل الوان تبين فوشى او تركواز لوووووووووووووول

بالعكس كلامى مايخوف بس هذا الواقع او هم فى اكثر من عامل راح يساعد على نزول السوق وهو الاستجواب واسهم المنحه وعدم وجود الشفافيه فى بورصة الكويت

 

[خوش ولد]

خطر خطر خطر خطر !!

فعلا مو بس هالاسبوع حتى الاسبوع الي وراه راح ينزل المؤشر بالحظيظ وراح ياكلها صغار المستثمرين حالتنا انا انصح كل الاخوه خصوصا اسهم الخدمات والاستثمار اي طلب على اي سهم زتوه بحلوجهم واذكروا كلامي هذا !!!!!!!!

 

[hanikwt]

Re: بسم الله الرحمن الرحيم

الرسالة الأصلية كتبت بواسطة bu3zoz
تحيه عطره لكل اعضاء المنتدى المحترم

مثل ماذكرت فى السابق المؤشر راح يخترق حاجز الدعم 5100 عن

قريب ومن ثم الى الدعم الثانى 5000 مسلسل النزول مستمر لاجل

غير مسمى وعتقد والله اعلم هناك ارتداد لاعلى لفتره بسيطه ثم

يستمر السوق بالنزول هناك كثير من الاسهم المتضخمه والسوق

مستمر بفرز الاسهم الجيده عن الرديئه وهناك خلاف جديد بين الوطنيه

العقاريه والمخازن سوف يرمى بظلاله على السوق اتمنه انه كل الاعضاء

كيشوا من فتره ونصح الاخوان بالتريث فى الشراء فى الوقت الحالى لحين

وضوح الصوره اكثر وعتقد انها بعد اعلانات الربع الاول والله اعلم ويرزقنا

وياكم الرزق الحلال

وان عدتم عدنا

 

[bu3zoz]

بسم الله الرحمن الرحيم

اخوانى كسر المؤشر لحاجز الدعم 5000 خطير او راح يكون هناك

استنزاف جديد للمؤشر مع ارتداد خفيف للاعلى والنقطه الثانيه للدعم 4800 كل الدلائل تشير بانه

التصحيح مستمر لاجل غير مسمى لحين وضوح الرؤيا بالنسبه لعقود

الشركات وارباح الربع الاول والتوسعات التى سوف تقوم بها الشركة

وسوف ارفع الموضوع عندما يصل المؤشر للقاع ويحين وقت الشراء والله اعلم

ويرزقنا وياكم الرزق الحلال

 

[بوحسن]

الصبر هم مفتاح

هذي اول مشاركة لي يا اخوان بس انا متابع قديم وقررت اشارك عشان مثل ما استفدت مرات هني منكم قلت ... قلت اقول كلامي ..وخيركم من يستمع القول فيتبع احسنه ،،،

انا دوم امشي على احساسي واغلب المرات يصدق هالاحساس وهالسوق ما يبيله الا احساس لانه بدون منطق يمشي ...

شوفو يا اخوان .....

النزول الياي مو الحين ولا يه وقته ولا في نزول قوي موليه هالسنه كلها ..... وراح تشوفون ان النزول راح يوقف اذا مو بنهاية هاليوم مليون بالميه باجر ويرتفع من السبت اشوي اشوي
صدقوني نزول قوي قوي ما راح يكون ....
نصيحتي للاخوان .... اذا فيك صبر لا تبيع وانطر واذا محتاج بيع نهاية الاسبوع الياي وترقب شهر 4
انشالله يصدق احساسي مثل اغلب المرات