شباب احد فتح محل اكسسوارات وشنط نسائية ؟؟

[saam]

مرحبا شباب

انا ناوى افتح محل اكسسوات وشنط نسائية

حصلت المحل بس للاسف من وين احصل موزعين للبضاعه مانى عارف

فيا ليت اذا احد عنده خبره فى الموضوع يفيدنى او احد يوصلنى الى منتدى متخصص فى مثل هالامور ؟؟

 

[المستثمر22]

يعطيك العافيه اخوى..

بدايتا الله يوفقك لرزقه الحلال..

اخوى فى محلات بالمباركيه تحت محلات البشوت بالسرداب تبيع اكسسوارات..

وفى محلات هم بالمباركيه يم سوق الحريم يبيعون جنط ..

وطبعا اغلبهم بالجمله..

واذا تبى شى حلو ازرق دبى او تايلند احسن وتلقا شغلات حلوه وجديده ورخيصه وتشترى

كميه تكفيك جم شهر وتترس محلك بضاعه يعنى تجيب شنطتين ثلاث متروسين اكسسوارات

كافى اعتقد كبدايه واهم شى التوفيق من الله..

وطبعا الشغل يعتمد على المكان وموقعه وايجاره اذا كان مناسب ولا لا والخلو بعد..

موفق خير..

 

[sporty]

السلام علكيم

الله يوفقك ويرزقك

سوق السلاح اتحصل

وتايلند بس لازم وياك حرمه فاهمه بالموضه

 

[bo-s3od]

اخوي انا عندي اتيليه نسائي اقدر افيدك
من عبايات وملافع وجنط وابواك
اذا تبي اي شي دزلي رقمك على الخاص علشان نتفاهم

 

[مصمم مواقع]

والله روح تايلند اتعامل معه محلات يبعوون جمله وشغلاتهم حلوه وانا شاري صوغات منهم باانكوك حي العرب محل فريده علي وداودد محلاتهم كلها مووضه يديده

والله يوفقك حبيب قلبي

 

[خسران جداً]

روح الصين قوانزو وخل عنك تايلند........و ادعيلي

 

[saam]

تسلمون على الرد

شباب البضائع الموجود فى محلات الاكسسوارات هل تكون من موزع مختص فى المجال بالكويت وان كان فهل منك اخوانى من يرشدنى الية ؟؟


ام كل محل يجلب بضائعه من الخارج ؟؟


ولكم جزيل الشكر والامتنان

 

[كويتي 24]

اخوي سام عندنا بضايع بالجمله ساعات وجنط تقليد ماركه درجه اولى
للاتصال عل هالرقم 6050335 حمد