هل لديك مشكله مع سيارتك ؟؟ تفضل واعرضها وان شاء الله تنحل

[wal3li 2]

والله خووووووووووش فكره عجبتني عسااااكم على القوه

 

[bo-s3od]

يا شباب ردوا علينا ولا ما تعرفون

دق على هذا الرقم انشالله يفيدك انا كلمته لك قال انشالله موجود

9794401 جهاد

 

[cc555]

انا صارتلي دعمة خفيفة من صوب باب السايق تحت صار فيها مثل ما يقولون طعجه بسيطة رحت حق دنت سنتر اللي بمركز ناصر قالولي لازم تصبغ الباب كله ولازم اتييب ورقة من المخفر ومادري شنو مع انها دعمة خفيفه بس مأثر بحديد الحماية ضد الصدمات بس مافيه زلغ مولية!!

انا ابي كراج فنان يضبط هالمكان بدون صبغ ولا شي

سيارتي جيب انفينيتي اسود

 

[الفودري]

[/السلام عليكم
يعطيك العافيه اخوي .... عندي تاهو موديل 2001
عندي رنج بالمكينه مكسور + الدبل فارط على كلام الفحص + داخليه السيارة جلد ويبيلها تنجيد بالكامل حتى السقف + فيها زلقات من برا خفيفه ... باختصار السياره معروضه علي بسعر معين وبشوف كل هالشغل جم بيكلفني ؟؟؟؟؟
ومشكورين وماقصرتوا]

 

[Nagooshy]

السلام عليكم

الله يعطيك العافية اخوي


عندي لكزسس ls430

عندي مشكله بالدسكات والسفايف

وين احسن مكان خراطه لدسكات اللكزسس

وشكراا ​

 

[DENALI_Q8]

السلام عليكم يعطيك العافيه على هالخدمه الطيبه

انا عندي يوكن ووديته للفحص كل شي تمام الحمدالله بس قالي في شغله وحده انه فييه ونه بالبككس ويوم ودينه حق قراج كونكورد قالي يبيلي بس اغير الكرونه بينيون لانه اهي اللي تسبب هالشغله فابي رايك وبنفس الوقت ابي قراج زين ثقه يضبطلي الشغله هذي

 

[UNIX]

يا شباب ردوا علينا ولا ما تعرفون

بما ان ال ABS يحتاج تبديل عندك، أنا أنصح انك اتييب القطعة من الوكالة "أصلية" أو اتييبها من الشركة الأهلية لقطع الغيار "الغنام" و احرص انها تكون أصلية.. ما يخالف اشترها شوي أغلى بس شي مضمون ان ما تعرضك للتهلكة.

 

[UNIX]

انا صارتلي دعمة خفيفة من صوب باب السايق تحت صار فيها مثل ما يقولون طعجه بسيطة رحت حق دنت سنتر اللي بمركز ناصر قالولي لازم تصبغ الباب كله ولازم اتييب ورقة من المخفر ومادري شنو مع انها دعمة خفيفه بس مأثر بحديد الحماية ضد الصدمات بس مافيه زلغ مولية!!

انا ابي كراج فنان يضبط هالمكان بدون صبغ ولا شي

سيارتي جيب انفينيتي اسود

أنصحك بكراج بستكي اللي يم ألمنيوم الوليد بالشويخ،، معروف ان كراج بستكي متعاقد مع عدة شركات تأمين لتصليح السيارات المدعومة من قبل عملاءهم. شغلهم بروفشنال و نظيف حيل هذا اذا مو أنظف من الوكالة و تقريباً نصف سعر الوكالة.

 

[UNIX]

[/السلام عليكم
يعطيك العافيه اخوي .... عندي تاهو موديل 2001
عندي رنج بالمكينه مكسور + الدبل فارط على كلام الفحص + داخليه السيارة جلد ويبيلها تنجيد بالكامل حتى السقف + فيها زلقات من برا خفيفه ... باختصار السياره معروضه علي بسعر معين وبشوف كل هالشغل جم بيكلفني ؟؟؟؟؟
ومشكورين وماقصرتوا]

روح الشركة الأهلية لقطع الغيار و أسألهم عن أسعار القطع اللي تحتاج تبديل على حسب كلام المصلح و زيد عليهم 100 دينار شغل ايده. و أما بالنسبة للتنجيد على حسب نوعية الربل أو الجلد أو الخام فسعره يتفاوت من 50 الى 300 دينار. و على حسب الجودة و أنصح بمنجد الوطن بمنطقة شرق

 

[UNIX]

السلام عليكم يعطيك العافيه على هالخدمه الطيبه

انا عندي يوكن ووديته للفحص كل شي تمام الحمدالله بس قالي في شغله وحده انه فييه ونه بالبككس ويوم ودينه حق قراج كونكورد قالي يبيلي بس اغير الكرونه بينيون لانه اهي اللي تسبب هالشغله فابي رايك وبنفس الوقت ابي قراج زين ثقه يضبطلي الشغله هذي

خذ الكرونه من أي محل قطع غيار أمريكي أصلي مع اني أفضل الغانم أو بهبهاني أو البديع. و ركبها عند أي كراج يصلح جيرات أمريكي بالشويخ و لأن الكرونه و البككس مو شي معقد فالمصلح مو شرط يكون خبير، عادي يكون مبتدئ. و أنصحك بتركيب كرونة حجمها أكبر من اللي عندك حالياً علشان تعطيك نعومة و ممشى خط أحسن، الكرونة الحجم الصغير تعطيك قومة قوية و حنة و رنة اذا سرعتك تجاوزت ال 120، خذ الكبيرة أريح للمكينة و أنعم حقك و أمور السباق ابعد عنها.

 

[BOKNDOR]

مرحبا شباب أرجو المساعده!!!
عندي لاندكروزر يطلع دخان أول المشي وهو بارد
وديته للفحص قالولي يبيله تبديل ربلات الصبابات .
هل الكلام صحيح ؟
وفي أحد يدلني على كراج ممتاز ؟
مع الشكر للجميع ،،،،،

 

[UNIX]

مرحبا شباب أرجو المساعده!!!
عندي لاندكروزر يطلع دخان أول المشي وهو بارد
وديته للفحص قالولي يبيله تبديل ربلات الصبابات .
هل الكلام صحيح ؟
وفي أحد يدلني على كراج ممتاز ؟
مع الشكر للجميع ،،،،،

شنو لون الدخان ؟ و كم ماشي؟

 

[BOKNDOR]

شنو لون الدخان ؟ و كم ماشي؟

أزرق فاتح ولما تحتر الماكينة ينقطع الدخان نهائي.
وماشي 185000 كم

 

[sarheed]

مشكور

دق على هذا الرقم انشالله يفيدك انا كلمته لك قال انشالله موجود

9794401 جهاد

مشكور وراح اتصل بالريال واضبط معاه

 

[ابو حمزة]

مرحبا شباب أرجو المساعده!!!
عندي لاندكروزر يطلع دخان أول المشي وهو بارد
وديته للفحص قالولي يبيله تبديل ربلات الصبابات .
هل الكلام صحيح ؟
وفي أحد يدلني على كراج ممتاز ؟
مع الشكر للجميع ،،،،،

صح كلامك ربلات

 

[UNIX]

أزرق فاتح ولما تحتر الماكينة ينقطع الدخان نهائي.
وماشي 185000 كم

السلام عليكم...

اللون الأزرق يدل على احتراق زيت الماكينة داخل غرفة الاحتراق و الأسباب عديدة.. بس أهمها كليبسات البساتن يمكن يكونون متاّكلين فالزيت يتسرب الى غرفة الاحتراق. و قد تكون بداية صرفية.. لأن السيارة ماشية وايد مع العلم أن أغلب المكاين عمرها الافتراضي يتراوح من 250 ألف الى 300 ألف كم.

اذا كانت ربلات الصبابات متاّكلة راح يطلع عندك دخان أسود و ريحة بانزين طول الوقت. لأن الصبابات شغلها تدخل البانزين مخلوط مع الهوا للاحتراق و بعد الاحتراق تطلع الدخان للعادم "اسود ثم يصفى بدبة الاكزوز"

أنصحك تودي السيارة عند ميكانيكي زين،، يفك لك الراس و يشوف شنو المشكلة.. بس قبل كل هذا افحص سيارتك بالكمبيوتر و خذ تقرير كامل عن كفاءة الماكينة و عمرها.

و بالتوفيق.

 

[BOKNDOR]

السلام عليكم...

اللون الأزرق يدل على احتراق زيت الماكينة داخل غرفة الاحتراق و الأسباب عديدة.. بس أهمها كليبسات البساتن يمكن يكونون متاّكلين فالزيت يتسرب الى غرفة الاحتراق. و قد تكون بداية صرفية.. لأن السيارة ماشية وايد مع العلم أن أغلب المكاين عمرها الافتراضي يتراوح من 250 ألف الى 300 ألف كم.

اذا كانت ربلات الصبابات متاّكلة راح يطلع عندك دخان أسود و ريحة بانزين طول الوقت. لأن الصبابات شغلها تدخل البانزين مخلوط مع الهوا للاحتراق و بعد الاحتراق تطلع الدخان للعادم "اسود ثم يصفى بدبة الاكزوز"

أنصحك تودي السيارة عند ميكانيكي زين،، يفك لك الراس و يشوف شنو المشكلة.. بس قبل كل هذا افحص سيارتك بالكمبيوتر و خذ تقرير كامل عن كفاءة الماكينة و عمرها.

و بالتوفيق.

السلام عليكم أخوي Unix
يطلع عندي دخان أسود وصاير نيكل الاكزوز لونه أسود
و ريحة بانزين طول الوقت وبط الراس
يعني معناه كلامك صحيح أبدل ربلات الصبابات؟؟؟.
بس ياريت أحد يدلني على كراج زين..

 

[DENALI_Q8]

خذ الكرونه من أي محل قطع غيار أمريكي أصلي مع اني أفضل الغانم أو بهبهاني أو البديع. و ركبها عند أي كراج يصلح جيرات أمريكي بالشويخ و لأن الكرونه و البككس مو شي معقد فالمصلح مو شرط يكون خبير، عادي يكون مبتدئ. و أنصحك بتركيب كرونة حجمها أكبر من اللي عندك حالياً علشان تعطيك نعومة و ممشى خط أحسن، الكرونة الحجم الصغير تعطيك قومة قوية و حنة و رنة اذا سرعتك تجاوزت ال 120، خذ الكبيرة أريح للمكينة و أنعم حقك و أمور السباق ابعد عنها.

يعطيك العافيه ولد عمي على ردك الطيب وانشالله شورتك وهدايه الله

 

[UNIX]

السلام عليكم أخوي Unix
يطلع عندي دخان أسود وصاير نيكل الاكزوز لونه أسود
و ريحة بانزين طول الوقت وبط الراس
يعني معناه كلامك صحيح أبدل ربلات الصبابات؟؟؟.
بس ياريت أحد يدلني على كراج زين..

مو انت بالمشاركة السابقة قلت لون الدخان أزرق؟ شلون قلب أسود؟ وشلون قلت الدخان يطلع اول ما تشتغل السيارة و بعدين يختفي؟ شلون الحين ريحة البانزين باطه راسك طول الوقت؟

شي محير فعلاً...

 

[BOKNDOR]

مو انت بالمشاركة السابقة قلت لون الدخان أزرق؟ شلون قلب أسود؟ وشلون قلت الدخان يطلع اول ما تشتغل السيارة و بعدين يختفي؟ شلون الحين ريحة البانزين باطه راسك طول الوقت؟

شي محير فعلاً...

أخوي Unix
لا محير ولا شي الدخان الازرق أول المشي وبعدين ينقطع
بس اذا زورت على السيارة بالخط يطلع دخان اسود
وريحة البانزين على طول تطلع لما تكون السيارة شغالة في حالة الوقوف.
وبصراحه هذا الي صاير معاي!!!