هل لديك مشكله مع سيارتك ؟؟ تفضل واعرضها وان شاء الله تنحل

[UNIX]

للتثبيت... و لخدمة الأخوة الأعزاء أعضاء المنتدى

 

[B.A]

عندي مشكله

السلام عليكم

يعطيكم العافيه اول شي على الموضوع الحلو وردكم على الاسأله وماشاءالله عليكم فاهمين بالسيارات

شباب انا عندي كابرس 2000 سويت فيه حادث صوب السايق فبدلت كل شي تتصورونه من طرف السايق شيالات معاونات اكسات رنقات تواير بوبرنقات ذراع والطرمبه مالت البانزين مكسوره من اثر الحادث وجسر مكينه كل هذا بدلته والحين طلعلي شي يديد اللي اهو ونة البككس جم واحد قالي تبديل بككس ماكو فايده ان تعدله او شي مادري هل كلامه صحيح او لا وبس حبيت اعرف جم سعر البككس بالسكراب مع التركيب ... وهم حبيت اعرف يعني بعد كل هالاشياء اللي بدلتها تتوقعون راح تطلع خرابات بعد بالسياره عشان اعرف ابيعها ولا اخليها

ادري طولت عليكم ويعطيكم العافيه ماتقصرون شباب

 

[UNIX]

السلام عليكم،،

شوف حبيبي ونة البككس ماله أي شغل بالحادث كون الحادث صار من الجهة الأمامية، و بالغالب ونة البككس من الكرونة،، و تصليحها مو مكلف كونها شفر و تبي القطع مستعملة من السكراب، و كون السيارة صارلها أكثر من 7 سنين و هي أمريكية يعني راح خيرها، أنصحك تصلحها و تبيعها و تاخذ بدالها كراون فكتوريا كونها مشابهة للشفر

و عسى الله يوفقك و يبعدك عن شرور الطرق.

 

[اهم1]

للتثبيت... و لخدمة الأخوة الأعزاء أعضاء المنتدى

مساء الخير اخوي العزيزunix
الموضوع مهم لجميع الاعضاء وقاعدين اعضاء كثيرين يستفيدون ويدلون بعض الاماكن والكرجات والشركات واسعار التصليحات واحسن الكراجات من الموضوع هذا واضم صوتي لصوتك للمشرفين انهم يثبتونة لخدمة اخواننا الاعضاء وتقبلوا مني كل تحية واحترام وتقديررررررررر

 

[ALWATAN]

السلام عليكم

يعطيكم العافيه اول شي على الموضوع الحلو وردكم على الاسأله وماشاءالله عليكم فاهمين بالسيارات

شباب انا عندي كابرس 2000 سويت فيه حادث صوب السايق فبدلت كل شي تتصورونه من طرف السايق شيالات معاونات اكسات رنقات تواير بوبرنقات ذراع والطرمبه مالت البانزين مكسوره من اثر الحادث وجسر مكينه كل هذا بدلته والحين طلعلي شي يديد اللي اهو ونة البككس جم واحد قالي تبديل بككس ماكو فايده ان تعدله او شي مادري هل كلامه صحيح او لا وبس حبيت اعرف جم سعر البككس بالسكراب مع التركيب ... وهم حبيت اعرف يعني بعد كل هالاشياء اللي بدلتها تتوقعون راح تطلع خرابات بعد بالسياره عشان اعرف ابيعها ولا اخليها

ادري طولت عليكم ويعطيكم العافيه ماتقصرون شباب

الونة مالها شغل بالحادث كلش..

انا بعطيك جم حل..


روح حق الوكاله - قسم قطع الغيار وود دفتر السياره عشان يعرفون رقم الشاصي
قوله ابي دواء ببككس للونه و اخذ علبتين , و روح حق قسم الخدمه السريعه اللي اب من الدعاميه لي الدعاميه بشويخ صوب تغيير الدهن .
قوله خل يزيد على البككس الدواء اللي شريته ( علبتين) و خل يجيك على البكسس مره وحده وانشالله اتروح

او

تبدل كرونتك وتصكر البككس بمعجون Gm لا تستعمل غيره ..

او

قط كرونتك واشتر كرونه ثانيه الي تبيها اشتر لك كفر عليه براغي ومخ سبشل كله يطلع عليك 400 وشي مع شغل ايد وكل شي لو تبي ادوس صفر ماكوا مشكله الي تبيه وانسه الونه واحسن مكان عند بوعدنان

او

انك تروح عند بو عدنان مقابل سوبر شوب بالشويخ معروووف عند الشباب كويتي فناااااااان بالكرونات

وقبل لا تسوي شي روح عند بو عدنان واهو يضبطك

اسم قراجه العوده

 

[khalid_geo]

مرحبا صديقي العزيز
طال غمرك انا عندي مرسيدس اس 500 موديل 2001 و السيارة فيها 3 شغلات:
اول وحدة السيارة تهز لما توصل لسرعة 100 لحد 110
الثانية الناحية الامامية تصارص و تطالع صوت لما تطلع على مطب او طريق مو مستوي
الثالثة البروجرام تبعها باللغة الالمانية و السيدي لما تغير للاغنية الثانية مانوال يعلق
ابي منك طال عمرك حل لهالمشاكل و اذا فيه مجال تدلني على حد موثوق يفهم بالمرسيدس و جزاك الله خير

 

[ChuCky]

عندي جاكوار و عندما اضغط حد السليتر يطلع دخان و من ثم يذهب مع الخط ؟
ملاحظه الدخان فقط بحاله الضغط على حد السليتر !!

 

[Solid_investor]

سيارتي تطلع صوت متقطع لما اشغل التكييف اكتشفنا ان الصوت من الكمرسر ..... المكيف بارد وما عليه كلام بس اشلون اصلح هالمشكلة بدون تبديل الكمرسر اللي قالولي انه وايد غالي .... السيار نيسان باثفيندر 2002

منتظرين نصايح اهل الخبرة
وشكرا

 

[Solid_investor]

للرفع

 

[ChuCky]

عندي جاكوار و عندما اضغط حد السليتر يطلع دخان و من ثم يذهب مع الخط ؟
ملاحظه الدخان فقط بحاله الضغط على حد السليتر !!

للرفع

 

[UNIX]

مرحبا صديقي العزيز
طال غمرك انا عندي مرسيدس اس 500 موديل 2001 و السيارة فيها 3 شغلات:
اول وحدة السيارة تهز لما توصل لسرعة 100 لحد 110
الثانية الناحية الامامية تصارص و تطالع صوت لما تطلع على مطب او طريق مو مستوي
الثالثة البروجرام تبعها باللغة الالمانية و السيدي لما تغير للاغنية الثانية مانوال يعلق
ابي منك طال عمرك حل لهالمشاكل و اذا فيه مجال تدلني على حد موثوق يفهم بالمرسيدس و جزاك الله خير

المشكلة الأولى: افحص الاطارات مع الترصيص و افحص الرنجات اذا مموجين (اعوجاج)

المشكلة الثانية: جرب تشحم الهيئة الامامية و اذا ما فاد افحص المعاونات.

المشكلة الثالثة: روح حق أي محل مسجلات بشارع الزينة و جرب حظك.

و بالتوفيق ان شاء الله.

 

[UNIX]

سيارتي تطلع صوت متقطع لما اشغل التكييف اكتشفنا ان الصوت من الكمرسر ..... المكيف بارد وما عليه كلام بس اشلون اصلح هالمشكلة بدون تبديل الكمرسر اللي قالولي انه وايد غالي .... السيار نيسان باثفيندر 2002

منتظرين نصايح اهل الخبرة
وشكرا

صوت الونة طبيعي بالكمبريسور في بعض السيارات و يطلع بعد مدة من الاستعمال، نصيحة اذا كان مكيفك بارد و فعال لا تتعبث بالكمبريسور و تعايش مع الصوت.

 

[UNIX]

عندي جاكوار و عندما اضغط حد السليتر يطلع دخان و من ثم يذهب مع الخط ؟
ملاحظه الدخان فقط بحاله الضغط على حد السليتر !!

شنو موديل السيارة و نوعها؟ و شنو لون الدخان؟

 

[Solid_investor]

صوت الونة طبيعي بالكمبريسور في بعض السيارات و يطلع بعد مدة من الاستعمال، نصيحة اذا كان مكيفك بارد و فعال لا تتعبث بالكمبريسور و تعايش مع الصوت.

جزاك الله خير

 

[khalid_geo]

هلا صديقي العزيز.....مشكور لردك على سؤالي الاول و ما قصرت.
فيه عندي استفسار طال عمرك.....فحصت السيارة على الكمبيوتر طلع عندي قطعة مسؤولة عن تشغيل مروحة التكييف و الها رقم......الكمبريسور شغال بس ما فيه تيار هوا يدخل لجوا.
فيك تدلني على مكان يحصلي القطعة من دون ما ارجع الوكالة و اتكلف بسعرها و تركيبها؟
سؤال ثاني...لما اشغل السيارة فيه صوت تنفيس مثل ضغط الهوا بسمعو بعد ما اشغل السيارة و بيستمر لمدة دقيقتين تقريبا....طبيعي و الا السيارة فيها شي؟
مشكور و جزاك الله خير

 

[UNIX]

هلا صديقي العزيز.....مشكور لردك على سؤالي الاول و ما قصرت.
فيه عندي استفسار طال عمرك.....فحصت السيارة على الكمبيوتر طلع عندي قطعة مسؤولة عن تشغيل مروحة التكييف و الها رقم......الكمبريسور شغال بس ما فيه تيار هوا يدخل لجوا.
فيك تدلني على مكان يحصلي القطعة من دون ما ارجع الوكالة و اتكلف بسعرها و تركيبها؟
سؤال ثاني...لما اشغل السيارة فيه صوت تنفيس مثل ضغط الهوا بسمعو بعد ما اشغل السيارة و بيستمر لمدة دقيقتين تقريبا....طبيعي و الا السيارة فيها شي؟
مشكور و جزاك الله خير

قطع الغيار دور في السكراب "أمغرة" مع اني ما انصح الا بتركيب القطع الاصلية و الجديدة من الوكالة علشان تحصل على الضمان.

و بالنسبة للمشكلة الثانيه، افحص وصلات الشوتة و بعض المرات يكون طبيعي بالسيارات الألمانية و بوش فيها نفس الحركة الي تطلع معاك.

 

[bo-s3od]

هلا صديقي العزيز.....مشكور لردك على سؤالي الاول و ما قصرت.
فيه عندي استفسار طال عمرك.....فحصت السيارة على الكمبيوتر طلع عندي قطعة مسؤولة عن تشغيل مروحة التكييف و الها رقم......الكمبريسور شغال بس ما فيه تيار هوا يدخل لجوا.
فيك تدلني على مكان يحصلي القطعة من دون ما ارجع الوكالة و اتكلف بسعرها و تركيبها؟
سؤال ثاني...لما اشغل السيارة فيه صوت تنفيس مثل ضغط الهوا بسمعو بعد ما اشغل السيارة و بيستمر لمدة دقيقتين تقريبا....طبيعي و الا السيارة فيها شي؟
مشكور و جزاك الله خير

اخوي افحص الاكزوز الظاهر في تهريب خفيف صوب المنيفولد (الهدرز)
طبعا الصوت يطلع لما السياره تكون بارده فقط
اما اذا طالع مشوار وطفيتها وشغلتها مرها ثانيه يختفي عدل؟؟

 

[ChuCky]

شنو موديل السيارة و نوعها؟ و شنو لون الدخان؟

jaguar 12 cylinders sport >> smoke color brown to gry maybe !

 

[ابن عامر 2]

السلام عليكم

بصراحة فكرة ممتازة وجزاك الله خير أخوي أهم 1 وموضوعك مهم

عندي كورلا في بعض تهريبات الزيوت بور وماكينة

وين أحسن كراج تنصحوني فيه

وعساكم سالمين ،،،

 

[UNIX]

jaguar 12 cylinders sport >> smoke color brown to gry maybe !

افحص بلاكات السيارة + الوايرات كخطوة أولى.