من يعارض اسقاط القروض يدخل للنقاش ويقنعني ،،،

[هرقل]

كثرت هذه الايام مقولة ،،، انا مع عدم اسقاط القروض ،،، فمن يملك السبب المقنع الذي يدعم كلامه يتفضل بالمشاركة وأنا أرد عليه سواء بعدم العدالة أو من أي وجهة نظر هو يراها ،،، وسأرد على الكل ان شاء الله ،،،​

 

[UNIX]

أنا ضد اسقاط القروض.

 

[هرقل]

أنا ضد اسقاط القروض.

اشرح وجهة نظرك أخوي Unix لأتمكن من الرد عليك ؟؟؟ لماذا أنت ضد اسقاط القروض ؟؟؟

 

[alajmiktv]

انا ضد اسقاط القروووض .. ولكن مع عمل تسوية لهذه القروووض (( إعادة جدولة ))

انا عندي قرض 6 آلاف واخوي قرضة 120 ألف على إلي عنده شرى فيها عمارة بسلوى ... انا شنو ذنبي يسقطون عني 6 آلاف واهو يسقطون عنه 120 الف اهو شاري عمارة وانا شاري فورد .. بالنهاية الله يرزقة ويستاهل بس شنو الهدف من اسقاط القروض ووين العدالة ..

____________________________________

واحد من الربع قرضة 60الف شرى حوت اول نزلتة وست شهور سوى حادث .. وباع الحوت سكراب وجدد القرض وشرى الوحش من القهره على الحوت وعقب سنة سوى بالوحش حادث وماقدر يصلحة وباعة على الدعمة برخص التراب والحين أكثر من نص راتبه للقرض عشان الطيب يكشخ والحين كل يوم يطالب بسقاط القروض .. ويزعل اذا قلت له انا ضد اسقاط القروض .. والله شي غريب


وعلى فكرة بهالقضية كلن يسحب النار صووب قرصة


وسلامتك وتعيش .. بالله عليك كم قرضك ووين صرفت فلوس القرض ؟؟؟​

 

[ضحية المخازن]

اولا الاقتراض من البنوك حرام حرام حرام
ثانيا ماهي الحاجه التي دعتك للاقتراض هل هي حاجه ماسة ومن اساسيات المعيشه ام اقترضت للسفر او لشراء سيارة احدث موديل ام مثل بعض النساء التي تقترض لاجراء عملية تجميل لوجهها او لعمل قرقيعان فخم لعيالها.
ثالثا انا اعيش على قد حالي ولا اقصر على نفسي واشتري الحاجات الضرورية واترك الكماليات التي ليست لها داعي والحمد لله ماني بحاجه للاقتراض
رابعا لو فرضنا انا مقترض مبلغ 10 الاف دينار مثلا وشخص مقترض 30 الف دينار هل من العداله ان تسقط القروض عن الجميع وبالمثل شخص غير مقترض مثلي وشخص مقترض .
خامسا كل شخص يريد اسقاط القروض فهو يشارك بجريمة ان يجعل الناس تقترض وهم ليس بحاجه فقط لاسقاط القروض فيما بعد
سادسا لو فرضنا انت مقترض مبلغ فلماذا تسقط القروض عنك هل لا تستطيع ان دفع القسط الشهري لك.

اتمنى منك الاجابه على كل نقطه من النقاط المذكورة اعلاه حتى اتمكن من مناقشتك
مع احترامي لك وتقديري

 

[kwt.to.kwt]

ضد الاسقاط لعدت اسباب
1- يساعد المبذرين على العودة من جديد
2- يكلف الدولة مبالغ طائلة لو تحول لمشاريع تنموية لكان أفضل
3-عدم وجود عدالة في الصرف (فهل تكافىء المسرف وتعاقب المنضبط )
4-يساعد على انتشار المعاصي والذنوب
5- مخالف لقوانين البنك الدولي مما يؤدي لفرض عقوبات اقتصادية على الكويت دوليا

فالحل الوسط
اسقاط فوائد البنوك
ومنح الذين لم يستفيدوا نسبة من اسهم الدولة بالشركات المدرجة

 

[ياسر الروقي]

السلام عليكم اخوى هرقل انا ضد اسقاط القروض
والسبب واضح وجوهرى لا توجد عداله بالقضيه
فكرت بالهموضوع فعلآ لن يقنعني احد 0000
الحكومه اشغلتنا بهل القضيه بسبب نوابها المحسوبين عليها
يا رجل حنا من ازمه لازمه بدون لاندرى الاسكان الان تعدة مرحلة الازمه ووصلة للكارثه يعني الكويتي ماهو لاقي سكن في موطنه انت عارف معنى انك لا تلقى سكن في دولتك معناتها كارثه وطنيه عواقبها راح تمتد لاجيال متعاقبه
وانتم معاهم اشغلتونا بالقروض ونسيتوا الاهم وهو السكن000 ولعل للحديث بقيه

 

[أبو فلسين]

ماكو شى اسمه اسقاط القروض لانه مافيها عداله لو يسون جدوله افضل

 

[سهمى خضر]

الله المستعان

 

[برلمان]

اخي الكريم
هرقل
ياليت تعدل موضوع النقاش مع اسقاط فوائد القروض او ضد
لان اسقاط القروض اقتراح تم رفضه ؟؟
في اقتراح ثاني
سوف يقدم باول الانعقاد
شراء الحكومه المديونيه واعادة جدولتها على المقترضين مع اسقاط الفوائد ؟؟
وهالاقتراح الاكثر عداله
سوف يحرج الاعضاء والناس اللي قالو ان الاقتراح الاول مافيه عداله ؟؟
نبي نعرف هالمره شنو راح تكون ردة فعلهم ؟؟

 

[ALSERHAN]

أنا مع إسقاط فوايد القروض

بس على طاري إسقاط القروض أخوي هرقل إذا طاح قرضك أنت في ناس راح تزعل !!!!!!!!!!!!!!!!!!!

!

 

[محمد2000]

يستاهلون اهل الكويت كل خير
نطالب باسقاط القروض عن المواطنيين الكويتيين
ونطالب بزيادة الرواتب للمواطنيين الكويتيين
الكويت بلد خير ونعمة لا تقصرون عن المواطنيين الكويتيين

يستاهلون يستاهلون واللة يستاهلون اهل الكويت كل الخير

 

[هرقل]

انا ضد اسقاط القروووض .. ولكن مع عمل تسوية لهذه القروووض (( إعادة جدولة ))

انا عندي قرض 6 آلاف واخوي قرضة 120 ألف على إلي عنده شرى فيها عمارة بسلوى ... انا شنو ذنبي يسقطون عني 6 آلاف واهو يسقطون عنه 120 الف اهو شاري عمارة وانا شاري فورد .. بالنهاية الله يرزقة ويستاهل بس شنو الهدف من اسقاط القروض ووين العدالة ..

____________________________________

واحد من الربع قرضة 60الف شرى حوت اول نزلتة وست شهور سوى حادث .. وباع الحوت سكراب وجدد القرض وشرى الوحش من القهره على الحوت وعقب سنة سوى بالوحش حادث وماقدر يصلحة وباعة على الدعمة برخص التراب والحين أكثر من نص راتبه للقرض عشان الطيب يكشخ والحين كل يوم يطالب بسقاط القروض .. ويزعل اذا قلت له انا ضد اسقاط القروض .. والله شي غريب


وعلى فكرة بهالقضية كلن يسحب النار صووب قرصة


وسلامتك وتعيش .. بالله عليك كم قرضك ووين صرفت فلوس القرض ؟؟؟​

يعني أخوي العجمي لو انت ماخذ ال 120 الف راح اتوافق انه يسقطون القروض ؟؟؟ بعدين أخوك استثمر القرض بعمارة اليوم اجارها 1500 دينار و بعد سنتين راح يكون أجارها 1000 وبعد 4 سنين راح يوصل 750 دينار مثل ما صار مع أخوي ولا يزال يدفع قيمة القسط ،،، بالنسبة لصديقك سواء خذا حوت أو استثمرهم بالبورصة و خسرهم أو خذاهم وسافر فيهم ترا حاله من حالك آنا أقولك بعد انت ليش شاري فورد ليش ما شريت سيارة كيا بألفين دينار ،،، كل واحد خذا القرض اللي كان حاس انه محتاجله ولو كان محتاج أكثر لأخذ أكثر ،،، على العموم من شروط تسديد القرض هو دفع القسط وليس تسديد القرض ( مثلا معاشك 1000 دينار و قسطك 300 دينار أي يمكنك ان تأخذ قسط آخر ب 200 دينار ليتحقق شرط نصف الراتب ، تدفع الحكومة قسطك البالغ 300 دينار لغاية ما ينتهي وبذلك لا يمكنك أخذ قسط آخر بأكثر من 200 دينار ،،، أما من كان قسطه 500 دينار فيدفع قسطه من قبل الحكومة ولا يستطيع أن يأخذ قرض آخر لأنه سيتعدى نصف سقف الراتب )

 

[هرقل]

أنا مع إسقاط فوايد القروض

بس على طاري إسقاط القروض أخوي هرقل إذا طاح قرضك أنت في ناس راح تزعل !!!!!!!!!!!!!!!!!!!

!

هلا أخوي السرحان ليش يزعلون ؟؟؟ ولا اهي سالفة حسد انزين احنا اللي بعد الغزو كنا ندرس و الاخوة الموظفين أخذوا رواتب 7 شهور ،،، في أحد تكلم ،،، العدالة كلمة مطاطة و مستحيل أن تحقق العدالة بنسبة 100% ولكن هناك عدة اقتراحات لتتحقق العدالة منها ( يعطى لكل اسرة تتكون من زوج وزوجة 50 الف دينار ولكل طفل بالاسرة 10 الاف دينار توزع كالآتي يسدد بها قروض الاسرة واذا تبقى من المبلغ يضاف لقرض التسليف و اذا الاسرة تملك منزل يخصص للترميم )

 

[ضحية المخازن]

والله ياخوي هرقل اجاباتك للاعضاء غير مقنعه ولو تجاوب على اي بند من اسألتي لك.

 

[alajmiktv]

يعني أخوي العجمي لو انت ماخذ ال 120 الف راح اتوافق انه يسقطون القروض ؟؟؟ بعدين أخوك استثمر القرض بعمارة اليوم اجارها 1500 دينار و بعد سنتين راح يكون أجارها 1000 وبعد 4 سنين راح يوصل 750 دينار مثل ما صار مع أخوي ولا يزال يدفع قيمة القسط ،،، بالنسبة لصديقك سواء خذا حوت أو استثمرهم بالبورصة و خسرهم أو خذاهم وسافر فيهم ترا حاله من حالك آنا أقولك بعد انت ليش شاري فورد ليش ما شريت سيارة كيا بألفين دينار ،،، كل واحد خذا القرض اللي كان حاس انه محتاجله ولو كان محتاج أكثر لأخذ أكثر ،،، على العموم من شروط تسديد القرض هو دفع القسط وليس تسديد القرض ( مثلا معاشك 1000 دينار و قسطك 300 دينار أي يمكنك ان تأخذ قسط آخر ب 200 دينار ليتحقق شرط نصف الراتب ، تدفع الحكومة قسطك البالغ 300 دينار لغاية ما ينتهي وبذلك لا يمكنك أخذ قسط آخر بأكثر من 200 دينار ،،، أما من كان قسطه 500 دينار فيدفع قسطه من قبل الحكومة ولا يستطيع أن يأخذ قرض آخر لأنه سيتعدى نصف سقف الراتب )

وين الإقناع .. وانت تقصد بكلامك الي اخذ 100 الف تساويه مع إلي قرضة 1000 ... وبعدين شنو اجار العمارة 1500 وبعد ست سنوات اجارها 750 ..لا حجي اجارة 3150 وشهريا وقيمة العمارة اندبل ... وبعدين لوانا ماخذ قرض كبير بوقف مع اسقاط القروض هذا مو اسلووب نقاش ..

 

[bo5aled]

سواء قرضي 1000000000000 او 10 لو يسقطونهم خير ونعمة يعني المليارات اللي طيحوهم أشوف محد تكلم ولا اشرايك يالهرقل

 

[bo5aled]

افا ليش يا مراقبين تم ايقاف العضو هرقل

 

[fea014]

السلام عليكم..
ياأخوان والله أنكم مساكين وإسمحولي بهالكلمة وترى كلنا مساكين لله,,,
حكومتنا مسيطر عليها التجار ولا راح ينزل أي قانون ألا يكونون هم المستفيدين الأوائل منه..
وكانت بدايتهم على الوضوح في وقت منحة أمير القلوب رحمة الله عليه..
المشكلة ليس هناك ضبط وربط من قبل الحكومة..
وبكل سهوله كلما إحتاجوا التجار زيادة أرصدتهم تلقاهم يسهلون ويركضون لأي منحة او زيادة في الرواتب..
وصار حاميها حراميها..
إسمحولي طلعت من الموضوع!!!
طبعا" أنا مع إسقاط القروض اللي ماراح يحصل..
ومع إسقاط الفوائد اللي بالأول والأخير إن المستفيد هم التجار وحتى لو مان بعد وقت..
وللأسف حكومتنا عين عذاري تسقي البعيد وتخلي القريب..
عالعموم خلو منا التضحيات اللي ماشفناها من أكبرها وأسمنها
لأن المديونات الصعبة أسقطت عنهم وإستفادوا من خير الديرة
ولما جات علينا سهلوا لنا القروض وأغرقوا المواطن المسكين في الديون وشفطوا دمه..
صدقوني لو الموضوع فيه نزاهة كنت ضد إسقاط القروض لكن بعد كل اللي صار أنا مع إسقاطها
لأن المستفيدين من هالشي فئات كثيرة بالبلد..
إسمحولي طولت عليكم..
بس قبل لا أنهي كلامي لاتفكرون وتتناقشون بإسقاط قروضكم!!
فكروا بإسقاط قروض وتعويضات العراق اللي تعد بالمليارات اللي إحنا أحق منهم فيها كمواطنيين..
أتمنى إني وفيت بالرد وأقنعت اللي مو عاجبه إسقاط القروض

 

[أبو أنفال]

مع إسقاط القروض مع اني لايوجد عندي قسط الحمدلله رب العالمين

لان الحكومة توزع فلوس بالهبل برى كافي صندوق الي ماخلو دولة الا وعطوها كم مليار
يبنون مصانع وطرق وتوليد طاقه بالخارج
وهني يقولوك ماعندنا فلوس ومانقدر بس برى البلد يقدرون يعطون ويتصرفون
من غير رد للميزانية
الي يقولون عنها ماتتحمل اعبى إسقاط القروض ​