ذهبت اليوم للأشتراك بهذة الخدعة ( الخدمة ) التي تطلق عليها الـ MTC خدمة الـ E-Go

[ALJAMAIKY]

ماعليك منه عبدالعزيز اخوي شكله موظف 107 او واحد ماشي على مبدأ خالف تعرف
بس عاد اتمنيت منه اذا حاب يمدح الشركه يمدح براحته بدون ما يجذب الناس
ويطلع الناس عملاء
نسي ان كل شركات العالم لما حطوا خدماتهم للناس الخط بلاش او سعر رمزي والفايده ياخذونها عالمكالمات
ماعدا الكويت من طلعت هالشركه والخطوط بامية دينار لمدة تقريبا عشر سنوات واكثر واهم يحلبون الناس ليما طلعت الوطنيه وصل الخط دينارين ونص
يعنى عشر سنوات ياخذون قيمة الشريحه 40 دبل
وهذا مومدح للوطنيه صبه واحقنه لبن هذا الشبل من ذاك الاسد كلهم نفس الشي
عالعموم هالسلبيات غيض من فيض
وانا لله وانا له راجعون

 

[Abdulazeez]

ماعليك منه عبدالعزيز اخوي شكله موظف 107 او واحد ماشي على مبدأ خالف تعرف
بس عاد اتمنيت منه اذا حاب يمدح الشركه يمدح براحته بدون ما يجذب الناس
ويطلع الناس عملاء
نسي ان كل شركات العالم لما حطوا خدماتهم للناس الخط بلاش او سعر رمزي والفايده ياخذونها عالمكالمات
ماعدا الكويت من طلعت هالشركه والخطوط بامية دينار لمدة تقريبا عشر سنوات واكثر واهم يحلبون الناس ليما طلعت الوطنيه وصل الخط دينارين ونص
يعنى عشر سنوات ياخذون قيمة الشريحه 40 دبل
وهذا مومدح للوطنيه صبه واحقنه لبن هذا الشبل من ذاك الاسد كلهم نفس الشي
عالعموم هالسلبيات غيض من فيض
وانا لله وانا له راجعون

وهذا الي مستغرب منه أنا !! الشركه الي شروها بإفريقيا حسب كلام واحد بدون إشتراك شهري بس تدفع المكالمات ، والشركه عندنا هني وهي الرئيسيه تاخذ إشتراك 4.2 دينار شهريا !!! شغلهم عجيب وغريب

 

[طبيعي]

السلام عليكم من جديد .. سبق ان شاركت باكثر من رد في هذا الموضوع وتكلمنا عن سوء الخدمة في اشتراك e-GO وبعد نهاية الشهر من بداية الاشتراك اود ان اطرح بعض الملاحظات التي لاحظتها . في عطلة العيد الوطني بدأ الخدمة جيدة وبدأ المسنجر يفتح والدانولود ارتفع الي اكثر من 20 (500 الرقم المعلن من الشركة ) ... وبدأت السرعة تزيد لتصل الي 60 ( 1800 الرقم المعلن من الشركة ) يعني الحمدلله قدرنا نشبك بعد مرور شهر من الاشتراك .. صج تعبان بس احسن من قبل صار يشبك على الاقل .. وهنا عرفت السبب الذي كشف نفسه بنفسة .. وهذا يعني ان سفر الناس بالعطلة وانشغال بعض مستخدمي الخدمة بالمسيرات او غيرها زاد من سرعة النت لدي وهذا يعني ان الخدمة موزعه بالتساوي ولكن كمية السيرفرات قليلة جدا .. تماما مثلما تعزم خمسين شخص على سندويشة واحدة.. هل تكفي!
لي رد على الاخ الذي ذكر ان المسنجر لا يفتح واقول له ليس وحدك كلنا نفس المشكله وليس المسنجر فالبالتوك ايضا نفس المشكله ولكن قد يفتح في الايام المقبلة واعتقد والله اعلم ان الشركه تغلق هذه المواقع كنوع من التخفيف على سيرفرها في اسلوب مكشوف وقذر ولا تدري ان الناس مشتركين من اجل هاتين الخدميتن .

 

[بو هادي.]

انا عندي خدمة ال 3G من الوطنيه واخوي عنده نفس الخدمه من الهواتف
نفس السرعه ونفس سرعة التنزيل من الانترنت الدون لود من 15 الى 30
والتصفح من 80 الى 200
الفرق بين الشركتين ان شبكه الوطنيه ال 3 G مغطيه 100% دون انقطاع
اما الهواتف ضعيفه تغطيتهم جدا في خدمه ال 3 G
والفرق الثاني الوطنيه اشتراكهم الشهري 14 مفتوح
اما الهواتف حوالي 20 دينار
ملاحظه الخدمه شغاله عندي من ايام الاشترك 10.5 دينار
واخوي من ايام ال 9 دينار يعني الخدمه شغاله ويانا مو اقل من سنتين
ملاحظه بعض الاجهزه الكمبيوتر ماتشغل الخدمه صح تكون فيها ضعيفه
حلها سهل
خذ نسخة من اي جهاز شغاله فيه الخدمة 100%
مو شرط ضعف الخدمه من الشركة 80% من نظام الجهاز
لاي استفسار
انا حاضر
يدزلي رقمه على الخاص وانا اكلمه[/CENTER][/SIZE][/QUOTE][/COLOR]

عندي سؤال
أنا عندي إشتراك مفتوح مع الهواتف بو 9 دنانير GPRS/EDGE هل يشتغل على شبكة 3g أو إني لازم أبدل الشريحة او أغير الإشتراك.
وشكرا

 

[طبيعي]

عندي سؤال
أنا عندي إشتراك مفتوح مع الهواتف بو 9 دنانير GPRS/EDGE هل يشتغل على شبكة 3g أو إني لازم أبدل الشريحة او أغير الإشتراك.
وشكرا
الجواب لابد من اشتراك جديد بخط داتا لايرسل ولا يستقبل لان خطك الحالي لا تزيد السرعه فيه 70 ولا يعمل على الثري جي ( خبره اربع سنوات وياهم ) ولا انصحك بالااتصالات ابعد ابعد ارجوووووك ترا في الجو غيم

 

[Cha3bar]

للإخوة سكان مناطق جنوب السرة

حسب كلام الربع إلي يوقومون بإختبارات الخطوط هناك حاليا لخدمات الإنترنت (DSL ) السرعة حاليا تصل لأكثر من 12 ميغابت للشركات المشغله عن طريق نظام ال Atm أما شركات ال Ethernet فتصل لي 22 ميغابت

الإختبارات ستستمر لعدة أسابيع قادمة ومتوقع بداية تقديم الخدمة شهر 4 إن شاء الله

 

[شركة استثمار]

al Kuwait Balad Al7raaameeyh
T7yaaah Al7arameyah

الحمدلله والشكر لله على نعمة العقل والله عيب عليك كاتب هالحجي وحاطلي التوقيع سبحان الله وبحمده

اذا تخاف الله ماتقول هالجحي ‏

الحمدلله والشكر لله على هالاوادم قاعدين بالديره ويذمون بالكل ‏

 

[Abdulazeez]

> اطلب من الإدراة إيــقاف إشــتـراك هذا الــعضو
-------------------------------------------------------

وبالنبسه للأخ عبدالعزيز ::

أخوي أنا مابيني وبينك شئ علشان احقد عليك او اجذبك صح ؟ خل ببالك هالشئ

ثاني شئ :: أنـا أقول اللي عندي وأنت تـقول اللي عــندك والــناس اللي تحكم

لاتـاخذ هالموضوع او هالرد بمحمل شخصي

كلــنا كــبار وكــلنا نــفهم : وآسف فيه حـاله إنك فـهمت اسلوبي او طرحي للموضوع بـشكل سيئ

وشكرا

أخوي بالنسبه لتعليقك فماني زعلان ولاشيء وبصراحه طبعي ما احط بقلبي موليه وإذا طلعت من النت نسيت كل موضوع وكل شيء فيه ، ولاكن ردك عليه كان فيه من الخطأ من ناحية الرد وهم إسمحلي بطريقة الإسلوب هم شوي بدون مآخذه ، تبي الصراحه عندنا 2 بالديوانيه يشتغلون بشركه الإتصالات والوطنيه وهم صغار بالعمر ، لو تسمع الفضايح منهم تنصدم ، أنا مو جديد على خدماتهم وعلى النت بالكويت .. ترا لو تشرح حق أجنبي شنو هو آخر خدمه عندنا يضحك علينا لأننا لين الحين متأخرين بخدمة الإنترنت وعندنا مشاكل فيها بدون سبب مقنع .

بشرحلك شوي لو تسمح .... أول ما بدأ خدمات الإنترنت إشتركت فيها ومن البدايه مع kemz أول شيء dialup وبعدها الزاك نت وغيرها وغيرت حق الكواليتي إلى DSL وغيرت بعدها حق الشونت تابع شوتايم ورحت حق الفاست تيلكو حق الكروت وبعدها DSL ولما سكنت جنوب السره لقيت الـ DSL وبقيت على الـ GPRS وحطيت الهواوي مالهم ما ادري شسمه وغير من شركه حق شركه ومن خدمه إلى أخرى وأنا أتكلم عن تجربه تقارب أكثر من 10 سنوات من كل انواع خدمات الإنترنت وعارف شغلهم ، ولما أقولك شغلهم قصدي أني كنت أشتغل بخدمه الشبكات مع صاحبي من جنسيه عربيه كتجاره وعارف فضايحهم ونصبهم وشغلي كان برمجه وعمل شبكات وخدمه شبكات وإنترنت لمجمعات كامله أو عمارات وإستيراد أجهزه وتركيبها وأنا عند كلامي ما يخافون الله وعادي النصب عندهم إذا قدروا عليك .

وللعلم من كم سنه عندي خدمه الـ GPRS القديمه المفتوحه بس قبل أمس لغيتها بعد سنين معاهم ولما سألني في مشكله قلت له مافي أي مشكله إلا مشكله وحده قال لي أساعدك فيها قلت النت موليه ما يشتغل ، ولا يقول حقي واحد ضبط أو مشكله برامج أعرف فيها من قبل ما يفتحون شركتهم وعارف شغلي والعيب منهم ، المشكله أتصلت 3 مرات ويقولون راح يتصل فيك الدعم الفني ، ولا مره أتصلوا وأنا متصل عليهم خلال إسبوعين 3 مرات بس ما أدري إشفيهم علي ما يردون .


وكافي هناك شيء متفق عليه حتى ببعض دول الخليج ... إذا انقطعت الخدمه أكثر من مره فهم ملزومين يعطونك أوقات إضافيه بدل الضايعه ، بس عندنا تنفصل الخدمه كم يوم وإشتراكك ماشيء وحاسبينه عليك ،و دش أي دوله خليجيه ومنتدياتهم وشوف الفرق ، مواضيعهم يتكلمون فيها عن سرعه التنزيل والشبك والتصفح وإحنا مواضيعنا وكلام المشتركين (( الخدمه فاشله ، يشبك معاي ويفصل ، يشبك بس الداون لوود بطيء ، أو يشبك ويعلق أو ما يفتح شيء معاي أو يشبك ويفصل بروحه وأخذ وأقرأ ردوود وشكاوي الناس هني كلها تتكلم عن مشاكل بس.. ما أعتقد لو ما في مشكله أحد راح يتكلم ))

على العموم نفس ما قلت من قبل الخدمه جيده إلى الآن وكلها كم شهر أو إسبوع وشوف المشاكل الي راح تزيد والبطئ ، بعد ما يزيد عدد مشتركين الخدمه ، والله يغفر لنا ويغفر لك على أي خطأ أو زله غير مقصدوه ويرحم والديك ويغفر لك ولنا وللمسلمين كلهم ، وإذا كلامي في بعض الشده والتجريح لك فأنا آسف ولكن هذا واقع الحال ولولا خوفي من الله وخوفي أني أخفي الحقيقه جان ما تكلمت موليه بس مجرد تعليق ولو كان لاذع على الشركه بس عشان يضبطون حالهم ويخافون الله بأموال الناس وحلالهم ، وهم ما يشتغلون ببلاش أو الخدمه مجانيه ، دامهم ماخذين فلوس الناس خلهم يعدلون خدمتهم وعلى كلام أحد الإمريكان وكان يتهاوش بأحد الشركات وكان يقول (( أنتم ماخذين مني بشهر كثر ما ياخذون مني بإمريكا بسنه كامله ، دام خدمتكم غاليه ليش فيها مشاكل ؟؟؟ )) والريال عنده حق بهل الشيء .

 

[HUMMER]

اخواني انا انصحكم بخدمة ال W-net الي بالوطنيه انا مجربها وخدمه ولا مثلها بس لاحد يعتبر كلامي اعلان او دعايه بس صدقوني جربوها وشوفوا الفرق وادعولي

 

[Abdulazeez]

اخواني انا انصحكم بخدمة ال W-net الي بالوطنيه انا مجربها وخدمه ولا مثلها بس لاحد يعتبر كلامي اعلان او دعايه بس صدقوني جربوها وشوفوا الفرق وادعولي

السلام عليكم

عندي كم سـؤال بس ماعليك أمر ...

جم إشتراكهم الشهري ؟ وهل هناك مبلغ أو رسوم حق بداية الخدمة والملحقات ؟؟ وهل الداون لوود مفتوح لك أم محدد ؟؟

 

[3bdullah]

بصراحة بعد تجريب الخدمة لأكثر من 3 اسابيع ونصف ...

انا لي ردود في الصفحة 6 و7 .. وكنت من الناس اللي يشتكون من الخدمة ... لكن الآن ودي ابين بعض الأشياء وباختصار شديد ..

اولاً نقطة ضرورية ان السرعة مستحيل تتعدى 1.8 ميجا ..
ثانياً .. يعني الدونلود اذا وصلتك السرعة بالحد الأقصى لابد يكون 225 ...

وفعلاً هذا اللي صاير وياي ... ولله الحمد والمنة صرت خلال الأسبوعين الماضيين فقط .. صرت احمل ملفات بالجيجا ...
والسرعة صايرة تجيني مية مية .. يعني لا تعليق إلا نادراً .. وهذا شيء طبيعي ...


التعليق متى يصير .. انا اقول لكم اذا زاد عدد المتصلين في نفس الوقت !!! وهذه المشكلة اتمنى من الشركة انها تحلها !!! هو شيء طبيعي يصير ضغط عليهم والله يعين الجميع ...

واللي يبيني اثبت له انا حاضر هذه صورة تبين سرعة الداونلود الآن ... (( شوف المرفق )) .. (( واقل سرعة توصلني للتحميل هي 20 الى 30 )) ... في 85% من الأوقات .. وللمعلومة انا جهازي شغال تقريباً 24 ساعة باليوم .. والقطعة ولله الحمد حرارتها طبيعية الى معتدلة السرعة ^^ لا تزيد إلا قليل ولا تنقص إلا بقدر الراحة المعطاة ...

وللمعلومة ترى سرعة التحميل تعتمد على الموقع اللي قاعد تحمل منه !! يعني يمكن يكون العيب بالموقع ؟؟؟ والكثير يمكن يجهل هذه المعلومة ... لكن الغالب يكون من الأتصال نفسه ^__________^ ...........

صراحة صار لي اكثر من اسبوعين ما عانيت من المشكلة إلا بعض الأوقات في ايام العطلة .. وهذا شيء طبيعي ... لذلك ارى ان تم تحسين الخدمة .. واعتقد والله اعلم .. ان كانت هنالك مشاكل بالبداية والآن يتم التغلب عليها تدريجياً (( والله اعلم )) ...

لذلك فقط حبيت ابين لكم ان الخدمة صارت اوكي ... و للمعلومة انا لاحظت شيء مهم وهو ان سرعة التحميل في برامج زيادة التحميل اكبر بقليل من سرعة التحميل من المتصفح نفسه ...

يعني حاول لما تبي تنزل برامج كبيرة تستخدم برنامج مثل برنامج ..Internet Download Manager .. علشان يعطيك حقك وزيادة ^_______^ ...

واي شيء ثاني انا حاضر للغالين ^^ ... وهدو .. وادعو الله ان يهدي اصحاب الشركات للخير ..

ملاحظة :: انا جربت الخدمة في الطابق الأول من البيت للأسف زفت .. يعني الخدمة شغال مية مية فقط للأرضي .. يعني ارض ارض .. وليس ارض جو ^^ ... يعني مافي مضاد للصواريخ فقط دبابات ...

والسلام عليكم ورحمة الله وبركاته ..

 

[KUWAITI MAN]

الوطنية خدمتهم ماكو عليها

انسى شي اسمه عوار راس

تسحب اللي تبيه وبس تدفع الاشتراك الشهري

 

[دبدوب]

السلام عليكم

الوطنية للإتصالات ولا اروع الصراحة

 

[Chess]

لا تعمل على Windows Vista