اذا تفهم بالتحليل حياك الله

[قرطبه]

صباحكم قشطه يا اهل المنتدى الطيب من اعضاء ومشرفين
والحقيقه الواحد يشتاق لكم شوق المغرم الهاوي

موضوعي الهدف منه مناقشه افضل المؤشرات الفنيه التي يتعين على المحلل
ان يستخدمها في تحليله قبل الدخول على السهم
بمعنى ما هي افضل المؤشرات التي تعطي راحه واطمئنان للدخول على السهم

انا بالنسبه لي استخدم :

1- الدعم والمقاومه
2- خطوط بويلنجر
3- RIS
MACD 4-
ومرات نسب فوبناشي

وطلبي من اهل الخبرة والتجربه يطرح الواحد تجربته مع افضل مؤشرين او ثلاثه مؤشرات ضابطين معاه و ترزق الله منهم
واتنمى التفاعل لتعم الخبره

 

[الجارح]

صباحكم قشطه يا اهل المنتدى الطيب من اعضاء ومشرفين
والحقيقه الواحد يشتاق لكم شوق المغرم الهاوي

موضوعي الهدف منه مناقشه افضل المؤشرات الفنيه التي يتعين على المحلل
ان يستخدمها في تحليله قبل الدخول على السهم
بمعنى ما هي افضل المؤشرات التي تعطي راحه واطمئنان للدخول على السهم

انا بالنسبه لي استخدم :

1- الدعم والمقاومه
2- خطوط بويلنجر
3- RIS
MACD 4-
ومرات نسب فوبناشي

وطلبي من اهل الخبرة والتجربه يطرح الواحد تجربته مع افضل مؤشرين او ثلاثه مؤشرات ضابطين معاه و ترزق الله منهم
واتنمى التفاعل لتعم الخبره

جزاك الله اخوى

 

[قرطبه]

حبيب يا الجارح مشكور على المرور

 

[Q8 Stock]

بالنسبه لي استخدم :

1- الدعم والمقاومه
2- حجم التداول
3- الماكد
4- RSI
5- الاستوكاستيك


الماكد يصدق معاي كثيرا كثيرا
خاصه وقت التقاطع الايجابي مع المتوسط اسفل خط الصفر
والسهم يكون في منطقة دعم او قاع مع ارتفاع في كمية التداول

 

[blashetab]

و الله يا جماعة أعتقد أن موجات أليوت هي أدق لفهم حركة السهم يصاحبها هذه المؤشرات خير و بركة و أفضل.
لكن للأسف صعبة جداً

و الله تعالى أعلم

 

[Master-Leo]

بالنسبه لي استخدم :

1- الدعم والمقاومه
2- حجم التداول
3- الماكد
4- RSI
5- الاستوكاستيك


الماكد يصدق معاي كثيرا كثيرا
خاصه وقت التقاطع الايجابي مع المتوسط اسفل خط الصفر
والسهم يكون في منطقة دعم او قاع مع ارتفاع في كمية التداول

انا مع اخوي بوعلي برأيه وأزيد عليه مؤشر الستوكاستك من تشوفه تحت خط 20 راقب السهم

ومن يبدأ بعمل تقاطع ايجابي فهذا مؤشر لبداية انتهاء التصحيح واذا زادت حركة مؤشر الماكد واقترب من

التقاطع فهذا دليل ثاني لقرب صعود السهم وشراء السهم بهذا المستوى راح اييك يوم وتربح منه بس

المشكله المدة غير معلومه ممكن يوم أو أسبوع لكن الطريقه مجربه وتنفع للمضاربين خاصه

لكن يملك سيولة كبيره وياخذ كميات كبيره للمضاربه اليوميه أو الاسبوعيه

 

[Mr. Eng.]

أخوي لازم تفصل أول ما بين المتداولين بالسوق إذا تبي تعرف نمط السهم

أنماط المتداولين أعتقد 3:-

1 - متداول يعتمد على المدرسة القديمة و أهم عنصر عندهم خطوط الدعم و المقاومة الأفقي منها و المائل بالسلب و الإيجاب

2 - متداول المدرسة الحديثة و أهم عنصر عندهم نسب الفيبوناتشي و ترقيم الموجات

3 - متداول (مع الخيل يا شقراء) يدش السوق و يشوف المضارب وين و يدش معاهم يعني معاهم معاهم عليهم عليهم

قل ما تزيد عدد الأنماط اللي تعتمد عليها تقلل من خسايرك و تزيد مربحتك

الأنماط ال 3 يجب دعمهم بالمؤشرات الأخرى مثل RSI , Stochastic , Moving Averages , MACD , Momentum ......

و هم بعد لاتنسى إنت في أي ربع و كم باقي على إعلان الأرباح و مقارنة ربح أو خسارة آخر ربع مع السنه اللي طافت يعني أمور كثيره

و الله أعلم وفوق كل ذي علم عليم

 

[عصويد]

مع أحترامي الشديد للموشرات بالكويت غير ,,خذها قاعدة أي سهم يتكلمون عنه الناس قطه وأي سهم غافلين عنه الناس أشترفيه ولاسمعت الاشاعات عليه اكثرت وقالولك السهم عندة عقود بالمليارات وراح يدرج بالبورصة الامريكية ب40 دولار وووووقالوا مقيمينة ب10دنانير ((بعد مو المخازن))قطه وخلهم يولون ترا ماعندهم ألاالخرطي أكبر صواريخ موجوده بالبورصة.((ماعدا أكتتاب أنا سامع من واحد ثقه يقول رايحه خمس دنانير بس يبيلها صبر))قووووووووووووووووووووووووويه!! أهم شي لاتنسى القاعدة.

 

[Q8 Stock]

مع أحترامي الشديد للموشرات بالكويت غير ,,خذها قاعدة أي سهم يتكلمون عنه الناس قطه وأي سهم غافلين عنه الناس أشترفيه ولاسمعت الاشاعات عليه اكثرت وقالولك السهم عندة عقود بالمليارات وراح يدرج بالبورصة الامريكية ب40 دولار وووووقالوا مقيمينة ب10دنانير ((بعد مو المخازن))قطه وخلهم يولون ترا ماعندهم ألاالخرطي أكبر صواريخ موجوده بالبورصة.((ماعدا أكتتاب أنا سامع من واحد ثقه يقول رايحه خمس دنانير بس يبيلها صبر))قووووووووووووووووووووووووويه!! أهم شي لاتنسى القاعدة.

واضح من عنوان الموضوع

اللي يفهم بالتحليل الفني حياك الله


وجهة نظر


وحياك الله

 

[ياسر الروقي]

الماكد ممتازلكن اشارته متأخره 000 بالنسبه لي الدعم والقاومه هي الفيصل للمضارب اختراق دخول كسر خروج وقف الخساره (ستوب لوز ) خذوها من اخوكم نصيحه
دمت بود اخواني

 

[Q8 Stock]

كلامك سليم اخوي ياسر
شوف شلون رتبتهم

الدعم والمقاومه ثم حجم التداول ثم الماكد

الماكد يصدق معاي كثيرا كثيرا
خاصه وقت التقاطع الايجابي مع المتوسط اسفل خط الصفر
والسهم يكون في منطقة دعم او قاع مع ارتفاع في كمية التداول

 

[Bo Mostafa]

بالترتيب عندي :

1. 1 الدعم والمقاومة
2. 2 حجم التداول
3. 3 Aroon
4. 4 RSI
5. 5 المتوسطات

هذا من وجهة نظري

 

[الأزدي]

السلام عليكم ورحمة الله وبركاته

موضوع ممتاز بارك الله فيك ياقرطبه ,,,,,,,,,

بخصوص المؤشرات فهي تساعد على قرارك كمضارب ......مثل الماكد / Rsi

وهي جيده قد تعطيك فكره ان السهم متشبع بالبيع او بالعكس

والاهم ان تقارن بين حركة السهم وحركة المؤشرات وليس كما من البعض يجهلون قراءة الماكد

من حيث ان يتقاطع من الاسفل شراء وفي الاعلى بيع هذي نظريه خاطئه ...

 

[blashetab]

موضوع رائع ... كثر الله خيرك

 

[TAKE-OVER]

بالنسبه لي انا استخدم :
1. مؤشر ستوكاستك Stochastic Oscillator
+
2. مؤشر السيوله Money Flow Index
+
3. مؤشر القوه النسبيه Momentum
=
دخول وخروج آمن لن شاءالله

 

[ميكانيكي]

عيل انا الدعم والمقاومه اهم شي

وكلام بو علي 100 %

وزيد عليهم Adx

و Cfm ( مبالغه بالبيع والشراء ) جدا ممتااااااااز

 

[قرطبه]

ميكانيكي ,
mostafa,,
,Q8 Stock ,TAKE-OVER
الأزدي,ياسر الروقي <عصويد
Mr. Eng
انشاء الله ما نسيت احد Master-Leo ,blashetab
اشكر الجميع على المرور والحقيقه الواحد يستفيد من خبرات الاخوان فالمعلومات جدا قيمه
واعتقد من وجه نظر شخصيه واحترم راي المخالف
ان التحليل الفني مفيد جدا لدرجه انك تقامر اذا ما تستخدمه
ويفضل قبله النظر ولو على وجه السرعه في الشركه وارباحها وملاكها الرئيسيين خصوصا اذا كنت من اهل الاستثمار
وباختصار اذا اردت الربح طبعا بعد توفيق الله سبحانه

1- تحليل اساسي سريع
2- تحليل فني فاحص بطيئ بدون استعجال
3- ضبط منهجيه خاصه لك بالتداول فتعرف نفسك وتقيم ادائك خلال السنه

والله اعلم

ادري في ناس تقول سوقنا خبر من واحد واصل وشوف الربح كلام سليم لكن لا يؤخذ على اطلاقه لان مو كل مرة تضبط الاخبار وينعكس ايجابيا على السهم
وياما ناس توهقوا وانقطوا على صخر بسبب الخبر من وين المصدر قال :والله واحد من الربع واصل

 

[Mr. Eng.]

ها بشر نجحنا بالإمتحان ولا لا

 

[قرطبه]

ها بشر نجحنا بالإمتحان ولا لا

فل مارك ناجح والله
ونمط مع الخيل يا شقرة قد يكون ناجح في نطاق محدود لان السباحه لوحدك عكس التيار صعبه

 

[Mr. Eng.]

فل مارك ناجح والله
ونمط مع الخيل يا شقرة قد يكون ناجح في نطاق محدود لان السباحه لوحدك عكس التيار صعبه

هالنمط حلو حق المضارب بشكل يومي بس حق اللي يفهم له