شباب ..... نصيحتكم.....أسرع وأضمن تداول إلكتروني

[AL.MOUSAWI]

أعتقد أن عمولة التمويل مو أكثر من عمولة الأوسط بالاضافة الى عمولة السوق المعروفة.

 

[amr-mohammad]

السلام عليكم ورحمة الله وبركاته....

خدمة " بيت للتداول " ممتازة ماشاء الله

وفيما يلي ما لها وما عليها :-

1- إدخال الأوامر أول السوق يتأخر شوي * ودا مش منهم لأنهم محكومين بنظام البورصة.
2- إدخال الأوامر وقت التداول فوري * الأمر يدخل السوق فور تنفيذك له.
3- يمكنك التداول في سوق الكسور.
4- يمكنك التدوال فقط في الأسهم الشرعية * وهي قائمة الأسهم التي تعمد طبقاً للمعايير الشرعية بناءً على البيانات المالية الربع سنوية.
5- يشترط أن يكون لديك حساب لدى بيت التمويل * وذلك يمكنك من تحويل المبالغ من وإلى محفظتك.
6- خدمتهم عبر الهاتف جيدة جداً * الشباب متعاونين الى أقصى حد.
7- خدمتهم فى تطور مستمر * منذ أن اشتركت معهم لاحظت أنهم دائمي التطوير للنظام وأي مشكلة يقوموا بحلها سريعاً ولا تتكرر بعد ذلك.
8- لم أواجه أي مشاكل تذكر عند إدخال الأوامر أو تغييرها.
9- الخدمة مجانية حتى الآن ، والعمولة نفس عمولة البورصة ، ولايتقاضون أي عمولات أو مصاريف إضافية عن الصفقات * عمولة ومصاريف البورصة فقط.
10- متابعة فورية لجميع صفقات السوق والعروض والطلبات * ولافرق في سرعة النت سواء كان عندك DSL أو Dail-up الصفقات والعروض تقدر تشوفها فوراً بدون تأخير.

وختاما : يكفى إنها خدمة تمنحك التداول عبر الأسهم الشرعية فقط وكفى بها ميزة كبيرة

الله يعطيهم العافية ، ويوفقهم لتستمر خدمتهم على هذه الجودة

وأي استفسار أنا حاضر ... علما إني مشترك معاهم من أكثر من 6 شهور

والله الموفق

 

[AL.MOUSAWI]

بارك الله فيك يا أخ عمر ، شرحك مجزي ووافي ، وفقك الله لما تحبه وترضاه.

 

[STOCK_O]

انا عندي اشتراك بنك الشرق الاوسط وما انصح فيه ومثل ما قال الموسوي مثلا عندما تريد ان تلغي امر ياخذ ربع ساعه يعني لو جاك السهم مدحدر الله يعينك راح تاكلها

 

[K.U]

بس خلص الموضوع؟؟؟

فزه بس نشكى حق بعضنا والصفقات بأول السوق وأخر السوق تطير جدام عيونا واذا انتكس السوق نفس يوم الاثنين الاسود علقت اوامرنا ولا قدرنا نبيع نفس قبل

ياجماعه عدد المشتركين بالمنتدى بالاوسط عدد لا يستهان فيه ولازم نسوي شي حق هالمشكله ما يصير ترا قاعد ندفع 20 شهريا حق الاوسط برو يعني قاعد يدخلهم مبلغ وقدره ولا راضين يطورون هالسستم يقولك ضغط طيب الشركات الثانيه الاوامر ما تعلق وحتى لو علقت ما تطول اكثر من 5 دقايق بس بالاوسط توصل النص ؟؟؟

الموسوي في احد مشاركاته قال انه بعد الاتصال علي الشركه ردو عليه وقالو له :
" مشتركينهم وايد أكثر من 13000وعليهم لود ونحاول نحسن الخدمة "
13000 مشترك خلنا نقول من 13000 نقول 8000 يستخدم لاوسط برو

8000x20= 160000
ولو قلنا مستخدمين الاوسط برو 4000 يعني يدخلهم 60000 الف دينار شهريا

السستم لازم يتغير

والله الي خلاني افتح الموضوع انه من كثر ما علق السستم معاي مرات احط امر على شركه بلغي الامر لازم انطر نص ساعه غير الشركات الي تفوتك بأول السوق واخر السوق

انا طالع من الشركه بروح بيت التمويل او متداول
​

 

[كويتي 777]

بصراحه .. انا لا انصح في التداول الالكتروني ..يامه ضيع علي ربح والسبب البطء في تفعيل الامر..

 

[AL.MOUSAWI]

أخواني جميعا مساكم الله بالخير وشكرا على التواصل ،،،،،،،

الأخ العزيز ماستر ليو وعدنا بأن هناك شركة سوف تنزل السوق احتمال الاسبوع القادم ، ويقولون أن الخدمة راح تكون فيها فوق الممتازة ،،واحنا نقول عل وعسى ، لان من خلال المشاركات للاخوان تبين لنا ان البنوك خدمتها ليست فعالة جدا يعني توجد سلبيات ، ويوجد تأخير ، ونحن بالانتظار!!

 

[نوخذه 777]

انا انصح جميع الأخوان يحولون حق مباشر بر (شرق شرق للوساطه الماليه ماكو عليها صراحه واحسن تداول الألكتروني بالكويت و عن قريب بيسون نظام مسنجر واتسولف عن طريقه وهو برنامج يركب بالكمبيوتر مو مثل الباقي سايت احسن من بيتك والوطني واحسن من الأوسط وارخص منهم ويأخذون نفس عمولة الدلال العاي ممتــــــــــــــازين جدا وتقدر اتشوف انوع التحاليل و تشوف كل الشركات مره وحده مو تشوف وحده وحده مثل الباقي استخدموه وبتدعونلي

100% ممتــــــــــــــاز

 

[temp123]

بيتك للتداول خدمه ممتازه .بس كل مواقع التداول الالكتروني تعتمد على سيرفر البورصه بالنسبه للاسعار و الاوامر

 

[المرسومي]

السلام عليكم

قرأت لأحد الأعضاء في المنتدى أن بنك بوبيان بسوي تداول إلكتروني وهو الأقوى في الكويت

وأنا ما أعلم عن صحة هالمعلومة وان شاء الله تصدق وأكيد بتكون زينة بسبب قلة المشتركين وبنك بوبيان يدعم الشركات الإسلامية فقط

هذا للعلم والله أعلم

 

[قاروه]

السلام عليكم

قرأت لأحد الأعضاء في المنتدى أن بنك بوبيان بسوي تداول إلكتروني وهو الأقوى في الكويت

وأنا ما أعلم عن صحة هالمعلومة وان شاء الله تصدق وأكيد بتكون زينة بسبب قلة المشتركين وبنك بوبيان يدعم الشركات الإسلامية فقط

هذا للعلم والله أعلم

+ شركة نور بصدد طرح برنامج تداول الكتروني لاغلب الاسواق الخليجيه والعالميه

 

[Borsagi]

بيتك وبس طيعني

 

[K.U]

المشكله ان الاوسط برو من افضل البرامج واسهلها بس الخدمه السيئه للشركه اهي الي كرهتنا فيها

الي مستخدم التمويل ومجرب الاوسط برو ياليت يقارن بين البرنامجين وياليت صوره للبرنامج على شان نشوف البرنامج وامكانياته

 

[فهد الفهود]

آنا استخدم الأوسط وعندهم المشكلة الأزلية معاهم اللي اهي ادخال الأوامر قبل واول السوق ما يتنفذ وكذلك بآخر السوق
والأوسط بعد عندهم مشكله مع سوق الكسور

ما تقدر تعرض اسهمك الا بسعر آخر صفقة بالسوق العادي وهذا يحرمنا من بيع أسهمنا على هدفنا ولا نقدر نطلب من سوق الكسور الا انه نشتري من الطلب وهذا ايضا يضيع علينا صفقات .... مادري ليش الأوسط يتحكم فينا وبأسهمنها في سوق الكسور ؟؟؟؟

واحد من الربع يتداول عن طريق موقع متداول ويقول انه مشاكل الأوسط غير موجوده عندهم

 

[white soul]

رضينا بالهم والهم ما رضى فينا

صبرنا على مشكلة التاخير بادخال الاوامر

الحين طلعت لنا مشكلة مانقدر نتداول باول نص ساعه تحط الامر يتعلق نص ساعه الطيور اطير بارزاقها وانت امرك ليما الحين ما تفعل​

 

[lubr02]

انا اقول الاوسط زين من ناحية البرنامج اللى يستخدم من قبل البنك ويعطى اول اسبوع مجاني ويخذ علية رسوم واي واحد عنده هل برنامج وهو شبيه اللى بالبوصه اما بالنسبه للتداول البنك الوطنى ( متداول ) احسن خدمه وللى عنده برنامج الشرق الاوسط انصحه فيه

 

[Master-Leo]

السلام عليكم مع الأسف انا ماوصلني خبر عن الشركة الجديده اللي بتفتح برنامج للتداول الالكتروني

وسمعت عن شركة ماني متأكد منه اسهما اعتقد شركة الشرق للوساطه سمعت ان عندهم

اشتراك الكتروني وأيضا سريع فمادري مدى صحة هذي المعلومه اذا احد عنده خبر خل يفيدنا

 

[K.U]

السلام عليكم مع الأسف انا ماوصلني خبر عن الشركة الجديده اللي بتفتح برنامج للتداول الالكتروني

وسمعت عن شركة ماني متأكد منه اسهما اعتقد شركة الشرق للوساطه سمعت ان عندهم

اشتراك الكتروني وأيضا سريع فمادري مدى صحة هذي المعلومه اذا احد عنده خبر خل يفيدنا

اخوي ماستر ليو الله يجزاك خير على الخبر من بدايته بس اقولك اذا ما نوقف مع بعض ونسوي اعلان مقاطعه للأوسط برو ما لما يستجيبون لمطالبنا احسن من المواضيع الي نكتبها بالمنتدى وبالاخير ما نطلع بشي له فايده


انا اول واحد بيقاطع الشركه وبعطيهم فرصه اسبوع واحد وبعدها بحول لشركه ثانيه والي يبي يشاركني في حياكم الله في هالموضوع

http://indexsignal.com/vb/showthread.php?t=84369

 

[Master-Leo]

اخوي ماستر ليو الله يجزاك خير على الخبر من بدايته بس اقولك اذا ما نوقف مع بعض ونسوي اعلان مقاطعه للأوسط برو ما لما يستجيبون لمطالبنا احسن من المواضيع الي نكتبها بالمنتدى وبالاخير ما نطلع بشي له فايده


انا اول واحد بيقاطع الشركه وبعطيهم فرصه اسبوع واحد وبعدها بحول لشركه ثانيه والي يبي يشاركني في حياكم الله في هالموضوع

http://indexsignal.com/vb/showthread.php?t=84369

ياخوي فكرتك ممتازه للمقاطعه لكن مانقدر نحكم الناس بأنهم يقاطعون

الأوسط أنا من أكثر الناس اللي تضرروا من الأوسط بس ماني شايف

البديل المناسب الى الآن ورحت اشتركت بالوطني لكن الخدمه مو

مثل ماتوقعتها فالأفضل نشوف لنا شركة جديده وماعليها ضغط ونشوف

خدماتها عشان نقدر نفتك من الأوسط وخدماتهم التعبانه

 

[K.U]

ياخوي فكرتك ممتازه للمقاطعه لكن مانقدر نحكم الناس بأنهم يقاطعون

الأوسط أنا من أكثر الناس اللي تضرروا من الأوسط بس ماني شايف

البديل المناسب الى الآن ورحت اشتركت بالوطني لكن الخدمه مو

مثل ماتوقعتها فالأفضل نشوف لنا شركة جديده وماعليها ضغط ونشوف

خدماتها عشان نقدر نفتك من الأوسط وخدماتهم التعبانه

هلا بك الشيخ

احنا ما نحكم الناس الي متضرر يشارك الاوسط تقريبا من افضل الشركات الموجوده ولكن الاهمال الي اهم فيه لازم يتوقف عند حده واحنا قاعد ندفع فلوس حق خدمه والخدمه الي تقدمها الشركه بصراحه سيئه ولما تكلم الشركه تقول ضغط اوامر من البورصه مو عندنا وغيره يقول مشتركين الاوسط يفوقون ال 10000 مشترك ولازم هالمشاكل يعني حتى اعذارهم مو مقنعه

نعم انا فلوسي على قدي وفلوس هامور تدبل فلوسي الف مره بس لو اجتمعنا انا وانت وانت يحسبون لنا الف حساب وتتغير طريقه معاملتهم

ولكم الحريه