الفزعه ..... ارجوا المساعده يا اهل الكويت

[التحليل الفني]

اهنيك والله على الفزعه بس تأكد ان دعوة المظلوم ليس بينها وبين الله حجاب فتخيل لو واحد من اللي تحيك المؤامرات عليهم دعا عليك واستجاب له الله دعائه شنو موقفك ؟؟!! شنو راح يفيدك ابن ديرتك

الله يجزاك خير ويرحم الله ولديك على تنبيهك لخوانك

للتذكيرك الاخ يقولك صارلهم 5 سنوات ويبي يرفع الايجار ياخي وهذا حق من حقوقه وفوق هذا الاخ لم يعطيهم عقود وهذا الشي يسمح له في اي وقت يرفع فيه الايجار والمستاجرين لايرودن رفع الايجار ولايردون الخروج من المنزل ماذا يعني لك هذا وهل هذا يجوز بان المستاجر يقبل بان يسكن بدون عقد يفرط بحق من حقوقه وبعدها يقول لاوريد الزياده والاريد الخروج وبعدين ياخوي 3 غرف وحمامين وصاله كبيره تكييف مركزى سخان مركزى ستلايت مركزى على 150 دينار يرضيك هذا الله يبارك فيك ويجزاك خير

وفي مثل يقول يغريب كن اديب

اتمنى من ابو مالك ارسال رقمه

 

[أحمد ظاهر]

بسم الله الرحمن الرحيم

اخواني الاحبة .. السلام عليكم ورحمة الله

الصراحة انا صار لي يومين قاعد اقرأ حواركم وردوكم على اخونا ابو مالك.

باختصار انا اقول انه على كلا الطرفين ان يتقون الله. على صاحب الملك ان يتقي الله في المستأجرين، والمستأجرين ان يتقوا الله في المالك.

اخي ابو مالك بصفتي مقيم على ارض الكويت الحبيبة منذ اكثر 35 سنة، اقول لك بألا تنجر مثل اصحاب العمارات، ولا تقول بأن اصحاب العمارات زادوا خليني ازيد انا بعد. ومثل ما انت شايف با ابو مالك اغلب العمارات والشقق الان اصبحت محاكر حمام واقل ايجار لشقة بغرفة وحدة بـ170 و180 و200 دينار. فهذه زيادة لا يرضى الله ابدا.

وأذكرك بحديث الرسول عليه الصلاة والسلام، فيما معناه: لا يكن احدكم امعة، ان اخطأ الناس اخطأ ............... إلى آخر الحديث.

فإذا كانت الزيادة بالمعقول فلا احد يلومك فأنت صاحب المال والحلال وربي يبارك لك ويزيدك من نعيمه.

وللاخوة المستأجرين اقول، اتقول الله ولا تضروا صاحب الملك - والملك لله - فمثلما احسن معكم ولكم طيلة هذه السنوات، احسنوا له .. ترى والله الجيرة الطيبة والمالك الطيب والله ما تنشرى بكنوز الدنيا كلها.

وانت يا خوي ابو مالك .. انت رجل طيب وباين عليك اصيل وإبن اصلي وإبن اجاويد .. والاجاويد شرواك ما يصدر منهم الا كل خير .. حاول معاهم مرة واثنين وعشرة وعشرين .. وجادلهم بالتي هي احسن .. وإذا ضاقت عليك الامور القانون بصالحك تقدر تشتكي عليهم وتمشّي امورك بالقانون ووقتها رح يكونوا مجبرين يا الدفع يا الاخلاء .. وأتمنى ما تصل الامور معكم للدرجة هذه.

وأخيرا أنصح نفسي وإياك بالدعاء بالثلث الاخير .. فسهام الليل لا تخطأ بإذن الله

ان شاء الله ما اكون اطلت عليك .. وتكون نصيحتي لك خفيفة على قلبك

ودمتم بحفظ الله ورعايته

 

[التحليل الفني]

لاوريد كثرة الكلام في هذا الحديث الاخ ابو مالك الحق واضح ولايحتاج الجدال ومن يفسر الايات والحاديث في مزاجه اذا حتجت اي خدمه انا حاضر وبالخدمه سوف اوصلك لصاحبنا وهو خبير في هذه الامور وبالخص مع المؤجرين الذين لايستحون واذا تبي عنوان مكتب موجود بالحساوي على شارع ابو القاسم ارسل رقمك وبدون مقابل اي الحبيب

واكرر بدون مقابل ​

 

[(ملاذ أمن)]

ياجماعة الخير شفيكم كلكم وقفتوا مع الرجال ضد المؤجرين ولا واحد فيكم فكر فيهم وبحالتهم ووين يروحون يعيشون ولم تسألوا الرجال كم الايجار وليش يبي يزيد الايجار عليهم وكم راح يزيد عليهم وهل هم مضايقينه بشئ ؟؟؟؟ بصراحه اعتب عليكم ياجماعة لانكم حكمتم عليهم وكل واحد سل سيفه وصار يفكر بالف طريقه وطريقه عشان يطلعهم من مكانهم الي عايشين فيه مده طويله على قولة اخونا ، ويمكن ياجماعة مساكين مولاقين يدفعون اكثر من ايجارهم وخصوصا انهم مثل ماقال بدون وعراقيين واعتقد جميعنا يعرف معاناة البدون وحالتهم المادية والنفسية وجايين انتم تصيرون عليهم .

ضحية المخازن احيي فيك الانسانيه وانا اتفق معاك بكل كلمه قلتها وبالنسبه لك يا اخوي ابو مالك اكسب الاجر واقسم بالله اذا قضيت النظر عن هالعوائل هذي المنكوبه وقنعت بالاجار اللي يعطونه لك الله يرزقكك من حيث لاتحتسب سواء بالدنيا او بالاخره واترك طمع الدنيا واتركها لظروف ولاتسمع اللي يقولك روح المخفر رحلهم لطلحه (ارحم ترحم)ودير بالك من دعوةالمظلوم ممكن انك تربح ملاين بس تفقد اغلا ومنهم بكثير
وانا استغرب من اللي يقول محد ضيع الكويتين الا طيبتهم لابالعكس محد ميزهم الا طيبتهم واذا في شي يبي ايضيعنا لاسمح الله هو الحسد اللي ماله اي داعي وعسى الله يبعدكم عن ظلم

 

[I T C]

اخى كاتب الموضوع انت معاك حق ميه بالميه ولكن ماوقفت مع نفسك شوى وفكرت انك لو ساعدت هذه العائلات ووفرت لهم السكن بالمبلغ اللى اهم موافقين عليه شكثر راح تزيد حسناتك يوم تطلب الحسنه من ابوك وامك واخوك واختك وزوجتك والكل يقوم نفسى يا نفسى اخوى الفئه هذى الله يستر عليها وانت ماتدرى شلون يفرون لك الاجار لاوظائف ولا اثبات ماشين على البركه والله يا اخوى لو تترك فارق المبلغ لله عوضك الله بخير منه ....وجعله الله فى ميزان اعمالك

 

[ابوعامر]

ياجماعه اذا مسكين وعين قويه مايبي يطلع ولا يبي يدفع الاجار حلوها يا اصحاب القلوب الرحيمه

 

[khqreen]

ابو مالك ,, شهادة الهدم لازم تثبت ان العقار قائم لاكثر من 25 سنه

اخوى حتى اذا مافيه عقود ما تقدر طلعهم ,, طالما هم ملتزمين بدفع الايجار قبل تاريخ 20 من كل شهر ميلادى ,, والا وجب على المستاجر اخلاء المكان مع دفع الاجره المتاخره

عاد انت افهم اللى بين السطور ,, وخلك شاطر

ما انصحك تروح لاى محامى ( فى البدايه راح يستقبلك ويودعك من ياخذ الدفعه الاولى ماراح تشوف خشته ) وفر فلوسك ,, والعب مع مستاجرينك بالقانون ,,

 

[التحليل الفني]

السلام عليكم ورحمة الله الاخ ابو مالك انصحك تخلي بيت اولادك جمعيه خيريه للبدون والعراقيين وتحتسب الاجر والله يعطيك على قد نيتك
اتمنى التوفيق للجميع ويفقنا معاكم للعمل الخير

 

[دبي داري]

ان شاءلله تنحل المشكله والاخوان ما قصروا مشاءلله
كلن عطاك رايه

 

[الأرستقراطي]

أخوي بو مالك أنصحك انك لا تستعجل ترا آنا مجرب مثل هذي الامور وأنصحك بتسوية قانونية وبتوكيل محامي يتابع القضية لان هذي الفئة مشاكلهم وايد وراح يوصلونلك لي البيت

 

[ابو مالك]

والله يا اخوان انا غسلت ايدى منهم

وهم وصل فيهم الامر للتهديد والوعيد

اللى يقول اكسر الشقه قبل لا اطلع واللى يقول بنخلى الماي مفتوح

قبل يومين المصعد تعطل دق واحد منهم عباله انا موقف المصعد يهددنى انه ايتم عيالى

والمشكله انا عندى التزامات من بنوك وشركات وفوق هذا كله عندى عائله كبيره واذا ما ارفع الايجار بدش السجن

حسبى الله ونعم الوكيل

 

[almoress]

والله يا اخوان انا غسلت ايدى منهم

وهم وصل فيهم الامر للتهديد والوعيد

اللى يقول اكسر الشقه قبل لا اطلع واللى يقول بنخلى الماي مفتوح

قبل يومين المصعد تعطل دق واحد منهم عباله انا موقف المصعد يهددنى انه ايتم عيالى

والمشكله انا عندى التزامات من بنوك وشركات وفوق هذا كله عندى عائله كبيره واذا ما ارفع الايجار بدش السجن

حسبى الله ونعم الوكيل

لا حول ولا قوة إلا بالله


إن شاء الله ما توصل الأمور لهالمواصيل


بما انك انت محتاج هالزياده والمستأجرين تضرهم


أشوف انك ترفع الايجار بزيادة رمزيه ما تأثر عليهم


وبالنسبة لصاحب التهديد والوعيد خل شغلك معاه قانوني بحت


والله يكون بالعون وان شاء الله ما يصير فيها ظلم لأحد

 

[قاروه]

والله يا اخوان انا غسلت ايدى منهم

وهم وصل فيهم الامر للتهديد والوعيد

اللى يقول اكسر الشقه قبل لا اطلع واللى يقول بنخلى الماي مفتوح

قبل يومين المصعد تعطل دق واحد منهم عباله انا موقف المصعد يهددنى انه ايتم عيالى

والمشكله انا عندى التزامات من بنوك وشركات وفوق هذا كله عندى عائله كبيره واذا ما ارفع الايجار بدش السجن

حسبى الله ونعم الوكيل

بومالك حقك يوصلك بالقانون ودام ما بينك وبينهم عقد ايجار

سهلت الامور للمحامي

روح لاي محامي وموضوعك باذن الله ما ياخذ وقت

والاخلاء يتم عن طريق الداخليه

واذا مهددينك ارفع عليهم قضيه ثانيه

ومن حقك ترفع الايجار

ولا تتهاون معاهم على اساس بدون او عراقيين بحكم ان عليك التزامات وواجب عليك سدادها

 

[المتفوق]

اول مانفتح هالموضوع توقعت صفحه ولا صفحتين وراح ينتهي لاكن الي اشوفه انه في بداية البدايه وعلى فكره ترى المنتدى فيه رجال قانون

واحد منهم كان من متفوقي دفعة​

88​

.

 

[الـــوافـــي]

السلام عليكم ورحمة الله وبركاته
اخوي الكريم ابو مالك

الحل بسيط وانت عقدت نفسك على شي حله بسيط ... والحل هو حسب معرفتي لأني أشتغل بالمحكمه هو مدام مافي عقد اجار ولا في وصل أجار معاهم هو انك تروح للمخفر وتقول هالناس دشوا بيتي بدون موافقتي ..... يعني بتهمة دخول مسكن بدون موافقة مالكه.... وشوف شنو راح يسوي فيهم المخفر راح يسحبهم سحب وصارت مع واحد اعرفه صارله مثل موضوعك بالضبط ولما راح المخفر طلعوا غصبن عليهم .
وإذا تبي تتأكد من كلامي روح لأي محامي فاهم وأسئله وشوف شنو راح يقولك ..... قوله مافي عقد اجار ولافي وصل اجار .... وإذا تبي اعطيك رقم محامي إسئله وشوف شنو راح يقولك .
وشكرا

 

[التحليل الفني]

والله يا اخوان انا غسلت ايدى منهم

وهم وصل فيهم الامر للتهديد والوعيد

اللى يقول اكسر الشقه قبل لا اطلع واللى يقول بنخلى الماي مفتوح

قبل يومين المصعد تعطل دق واحد منهم عباله انا موقف المصعد يهددنى انه ايتم عيالى

والمشكله انا عندى التزامات من بنوك وشركات وفوق هذا كله عندى عائله كبيره واذا ما ارفع الايجار بدش السجن

حسبى الله ونعم الوكيل

ابو مالك حبيبي الله يرحم ولديك بدون محامي وبدون تعب راس ارس رقمك على الخاص وبدون مقابل السالفه سهله الى ابعد الحدود لادوخ نفس ولاتحاتي نعطيهم ابره من ابر الحساوي وفنكر بالشارع

 

[لندن]

حبيبي أهوا مو بكيفك بيوم وليله ترفع الأجار عطهم أقل شي ثلاث أشهر تحذير علأقل يدبرون نفسهم يطلعون أو يدفعون

 

[الدينار]

أخوى بو مالك أنا مستغرب أخوى من مدك للموضوع للدرجة هذه وبعد سماع كل الأخوان بصراحة أخوى هل أنت مطلوب ومتخوف من الذهاب للمخفر أو المحكمة اذا لماذا يا أخى لا تأخذ حقك بالقانون خاصة بعد أن أتضحت الصورة لك والجماعة يهددون فى عقر الدار يا أخى وين قاعدين فى شيكاغو عشان يهدد أنت فى دولة تحكمها قوانين مو فوضى أخوى لا طولها محامى اذا ماتبى الأحتكاك فيهم وخلص نفسك وهذا حقك

 

[Balool]

اشلع الكهرباء و اكسر بايب الماء و شوفهم مثل الجرابيع يطلعون

 

[ابوعامر]

ابو مالك مالك الا التحليل الفني