بخور سوبر للبيع

[التكانة]

السلام عليكم

يا جماعة لقيت واحد من الشباب عنده بخور وعنده كذا نوع ، عنده بخور ماليزي وعنده بخور كلمنتان وعنده كذا نوعية وعنده دهن عود ، بس ماشالله خووش بخور وسعره مناسب بس يبيع من ثمن وصاعد والثمن 10تولات ونص ، وانا أنصح باللي يحب البخور يشوف هالبخور لأنه زين ماشالله أنا عن نفسي شريت واللي وده يدق عليه ينقال له بومحمد ورقمه 5020027

 

[S500]

والثمن 10تولات ونص

مو فاهم شسالفه النص

نص توله او نص دينار

 

[التكانة]

اخوي عشان أوضح لك أكثر ، البخور ينباع بالكيلو وبالنص كيلو وبالربع كيلو وبثمن الكيلو وبالتولة .

الكيلو = 84 تولة
النص كيلو = 42 تولة
الربع كيلو = 21 تولة
ثمن الكيلو = 10.5 تولة
والتولة = 12 غرام
واذا تبي وزن تقريبي للتولة أمسك 150 فلس كويتي ( فئة 100 فلس + فئة 50 فلس ) لأن ال 100 فلس فيها 9 غرام ، والخمسين فلس فيها 3.5 غرام

أتمنى إنك فهمت عدل

 

[سهم استراتيجى]

السلام عليكم

سؤال اذا جربتهم اي الانواع افضل وجم سعر ربع الكيلو ( للمناسبات)

وحق الاستعمال اليومى مو حق عزايم جم سعره

وشكراااا

 

[التكانة]

اخوي دق على بو محمد وسأله لأنه عنده كذا نوع

 

[بوناصر10]

بس اخوى ماقلت الاسامى الطيبه من البخور بس قلت ماليزى
البخور الطيب اول ماتبدى اتقول بخور هندى وبعدين اتقول كمبودى وبعده البورمى
واخر شى هوه الماليزى ولاوسى
ونسيت اقولك بعد فى بخور جنوب تايلند لونه وريحته مثل الكمبودى
هل عنده من هل الانواع اللى ذكرتهم
عساك على القوة

 

[التكانة]

أما عن نفسي عندي كمبودي وبورمي وجنوب تايلند ، والريال اللي ينقال له بومحمد مو آنه طبعا ، أنا شريت منه حقي وحق الوالدة ، عنده ماليزي وعنده كلمنتان - اندونيسي - وعنده لاوسي ، وعنده هندي ، أنا عن نفسي عجبني الماليزي لأنه ريحته طيبه وسعره طيب ولو عندي فلوس جان شريت زود لأن البخور بالسوق غالي جدا جدا

 

[التكانة]

بس اخوى ماقلت الاسامى الطيبه من البخور بس قلت ماليزى
البخور الطيب اول ماتبدى اتقول بخور هندى وبعدين اتقول كمبودى وبعده البورمى
واخر شى هوه الماليزى ولاوسى
ونسيت اقولك بعد فى بخور جنوب تايلند لونه وريحته مثل الكمبودى
هل عنده من هل الانواع اللى ذكرتهم
عساك على القوة

بوناصر مابينت؟ مارديت علي؟

 

[بوناصر10]

موجود طال عمرك بين الايادى
الكمبودى اللى عندك لكسر كلها نفس اللون وله كل كسره لون وذا كان نوع طيب كم تطلع التوله

 

[التكانة]

موجود طال عمرك بين الايادى
الكمبودى اللى عندك لكسر كلها نفس اللون وله كل كسره لون وذا كان نوع طيب كم تطلع التوله

نفس اللون يا بوناصر ، وللأسف حاليا مو ناوي أبيعه

 

[بوناصر10]

عليك بالعافيه ياخوى وذا حصل شى زين بلقنى على الخاص
انا ادور الكمبودى الطيب اللى كسرته قويه مو بسرعه تنكسر
مشكوووووووووووور

 

[التكانة]

السلام عليكم ...

لجميع عشاق البخور ودهن العود في رمضان والعيد ، في واحد ينقال له بو خالد ماشالله عنده دهن عود بورمي وكمبودي ، وكذلك عنده بخور ماليزي ولاوسي وبورمي ، اهو يسافر برة واييب من هناك فاللي وده يشوف البخور او الدهن عود يتصل عليه لأنه عنده بضاعة حلوة وأرخص من سعر السوق وهذا رقمه 6475728 بوخالد
وموفقين

 

[التكانة]

لرفع الموضوع

 

[التكانة]

للرفع