وداعا السوق الكويتي

الموضوع في 'السوق الكويتي للأوراق الماليه' بواسطة مايغشمر, بتاريخ ‏21 أكتوبر 2007.

  1. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0
    ترددت كثيرا في الكتابة عن الموضوع لا لسبب يمنعني سوى
    عدم رغبتي في إثارت البلبلة أو الإحباط لدى المتداولين بالسوق
    ( يكون ناصر الخرافي الطيب ) ههههههههههههه


    ياجماعة أنا والحمد لله تحققت أهدافي هالسنة والحمدلله
    والطمع شين يقولون وبصراحة ببالي السوق القطري أو السعودي
    لأنهم كلوا هوا هالسنه وممكن تضبط وياي بالناقلات القطرية أو سابك
    لأنه غير القطاع النفطي مانستثمر طال عمرك :)

    بعدين الكل متفائل وهذا شئ يخرعني حييييييل
    لأنه ولا مره صحح السوق وكنا نتوقعه يصحح
    كل مره يجي التصحيح في عز التفاؤل !


    -----------------------------------------------------------------------------------------

    صراحة يالمؤشر وجهكم خير علي وما عمري ربحت أرباح مثل هالشهرين
    اللي فاتو ....... والسوق لازال واعد وفيه كم سهم متوقع لهم أرباح
    وأسعار مميزة في المدى المتوسط والله أعلم

    القرين
    خليج متحد
    تمويل خليج
    إستثمارات

    -----------------------------------------------------------------------------------------


    وأخيرا وليس آخرا شكرا لإخوي المارد على تفعيل النك
    ونفخ الغبار من عليه وأستودعكم الله الذي لاتضيع ودائعه





    أخوكم / مايغشمر
     
  2. الاديب

    الاديب عضو جديد

    التسجيل:
    ‏8 ديسمبر 2006
    المشاركات:
    707
    عدد الإعجابات:
    0
    مكان الإقامة:
    kuwait
    السلام عليكم السوق السعودي والقطري مو مكانهم اهنيه،،،،بس بصراحه السعودي يغري،ودبي،،،وشكرااا
     
  3. برلمان

    برلمان عضو جديد

    التسجيل:
    ‏29 سبتمبر 2007
    المشاركات:
    148
    عدد الإعجابات:
    0
    في حفظ الرحمن وبالتوفيق

    نحشت من السوق وتوصي!!

    صج انك مايغشمر :rolleyes:
     
  4. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0
    لا وحط وياهم بعد جراند والمخازن :)
     
  5. kwt.to.kwt

    kwt.to.kwt عضو جديد

    التسجيل:
    ‏29 يونيو 2007
    المشاركات:
    4,266
    عدد الإعجابات:
    0
    احتمال اكون معاك خلال الايام الجاية
    كله كم سهم خسران فيهم بس يردون لرآس المال
    طالع من السوق وسحب تحويشة العمر وعلى بيت التمويل وديعة الاستثمارية المطلقة
    وكل عام وانتم بخير
    ومن طمع طبع

    نبذة عن ودائع بيت التمويل
    الودائع الأستثمارية المطلقة المستمرة
    8.458 %

    حساب التوفير الإستثماري الممتاز
    5.639 %

    ودائع السدرة
    6.578 %

    حساب التوفير الإستثماري - شباب الديرة
    3.759 %

    حساب التوفير الإستثماري - البراعم
    3.759 %

    حساب التوفير الإستثماري بالدولار الأمريكي
    5.500 %

    حساب التوفير الإستثماري بالجنيه الإسترليني
    4.500 %
     
  6. برلمان

    برلمان عضو جديد

    التسجيل:
    ‏29 سبتمبر 2007
    المشاركات:
    148
    عدد الإعجابات:
    0
    هذولا شفيهم بعد

    نازلين
    او
    صاعدين

    ترى الوضع شوي يخوف بس يبيله قلب جامد
    وكل واحد يكون مستعد
    حاط نعلك تحت ابطك واذا شفت السوق قام يتعتع حط رجلك :D:D:p


    ترى اتغشمر مع مايغشمر :)
    ان شاءالله للحين ماكو الا الخير
    عندنا محللين فطاحل عسا الله يخليهم لنا
    اذا فيه شي راح يبلغونا اول باول
    والسوق يبشر بالخير
    والله يرزق الجميع
     
  7. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0
    :)
    إشرايك تاخذ الإنماء العقارية وأرباحها مضمونه فوق النسب اللي ذكرتها
    ومملوكة لبيت النمويل بنسبة عالية ناهيك عن الأصول العقارية الموجودة
    مجرد نصيحة
     
  8. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0

    الأسهم هاذي ماتضخمت ولها فرصة أكثر من غيرها

    والله يوفقكم ويرزق الجميع :)
     
  9. الاديب

    الاديب عضو جديد

    التسجيل:
    ‏8 ديسمبر 2006
    المشاركات:
    707
    عدد الإعجابات:
    0
    مكان الإقامة:
    kuwait
    الانماء مسيطره على العقار بالكويت بشكل مخيف امبروطوريه بيت التمويل،،اما الحفار مايملك الا الحفار واعني بها الجار:):)
     
  10. البراق2

    البراق2 موقوف

    التسجيل:
    ‏27 أغسطس 2007
    المشاركات:
    190
    عدد الإعجابات:
    0
    اي مسيطره الله يهداك ؟

    سهم طايح حظة ومحد يدري عنه
    وارباحه متواضعه

    :)

    اذا الانماء مسيطره علي العقار بالكويت عيل الوطنية العقارية والمتحده وعقارات الكويت ومزايا والتمدين وغيرهم الكثير شنو

    بصراحه الانماء ما تقايش مع هلشركات لا من قريب ولا من بعيد
     
  11. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    العلم عند الله لاكن كم واحد كتب انه صفى محغظته وقعد يطالع ينطر السوق ينزل ومع ذالك راحت عليه فرص كثيره عموما الله يوفقك وانشاء الله يرزقك وين ما تستثمر
     
  12. الاديب

    الاديب عضو جديد

    التسجيل:
    ‏8 ديسمبر 2006
    المشاركات:
    707
    عدد الإعجابات:
    0
    مكان الإقامة:
    kuwait
    بحكم شغلي بالمحاكم كل ما اطلع كشف على عقار اشوف ملك الانماء او بيت التمويل ماشفت من الي تقوله:):):)
     
  13. almared

    almared عضو مميز

    التسجيل:
    ‏17 ابريل 2005
    المشاركات:
    4,154
    عدد الإعجابات:
    0

    مو بكيفك تطلع من السوق :)

    اللي شارك معنا بالمنتدي وربح وحده من ثنتين :

    1- يدفع نصف الربح لي :d

    2- ما يطلع ألا بكتاب براءة ذمة من عندي :d

    يعني موضوعك عندي ..

    وطلعه ما فيه طلعه .​
     
  14. الفارس الجسووور

    الفارس الجسووور عضو نشط

    التسجيل:
    ‏25 سبتمبر 2007
    المشاركات:
    1,273
    عدد الإعجابات:
    53
    أخواني الـــــــــسوق وايد زين وايــــــــــــــد زين وللحين ما أخذ حقه بالصعود وسوق الكويت اثبت ان افضل سوق بالخليج بفضل الله والاسعار الطبيه راح تشوفونها مو هالسنه و راح تشوفونها فى 2008 وان شاء الله مايصير مانع يعرقل نموها
     
  15. kwt.to.kwt

    kwt.to.kwt عضو جديد

    التسجيل:
    ‏29 يونيو 2007
    المشاركات:
    4,266
    عدد الإعجابات:
    0
    كلامك على العين والرآس
    بس احساس داخلي يقولي اطلع من السوق
    وطبعا ليس احباط للشباب
    ولا دعوة للخروج أو البقاء
    لكن أنا احس إن السوق ما يصلحلي
    واقد اشغل كل وقتي بل احيانا ابيع سهم وثاني يوم معلق
    واشتري سهم ثاني وكم يوم وينزل
    فالسوق مبني على التوصيات والعلاقات مع اعضاء مجالس الادارة بالعربي واسطة في واسطة ...
    فالواسطة بالكويت متفشي في كل نواحي الحياة وأنا عندي عقده من الواسطة فقد حرمتني فرص كثيرة اثناء مشواري الدراسي والوظيفي !!
    وآرى رآسها يطل علي من جديد في السوق
    وان شاء الله قبل نهاية السنة كحد اقصى وإذا مو قبلها طالع
    ويكفيني فخرا أن قضيت وقت مفيد وجميل معكم
    وارجوا من الكل العفو والصفح إن جاء مني تقصير أو خطأ
     
  16. ابن صفير

    ابن صفير عضو نشط

    التسجيل:
    ‏13 يوليو 2005
    المشاركات:
    1,688
    عدد الإعجابات:
    1,172
    السلام عليكم
    الله يوفقك
    لكن عندي ملاحظه يمكن تفيدك
    اسواق الخليج كلهم تحركو
    ماعدا السعودي لم يفت شي
    واذ ربك كاتب لك رزقه في اي
    سوق تبي تاخذها لو باجزر القمر
    والله معاك
     
  17. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0
    يالأمير :)

    عقارات متحدة صخر وأقوى من الإنماء من ناحية الأصول :)



    بس الإقتراح كان مبني على فرضية إن أخونا مستثمر ويبي
    يحطها وديعة لمدة سنة لأن نوعية الودائع هاذي أعتقد أقل شئ سنة

    الودائع الأستثمارية المطلقة المستمرة
    8.458 %


    عند بيت التمويل بينما شراء أسهم الإنماء فلوسك عند بيت التمويل
    وفوقها أرباح أحسن من 8% ممكن 10% وأكثر بالسنة
     
  18. الفارس الجسووور

    الفارس الجسووور عضو نشط

    التسجيل:
    ‏25 سبتمبر 2007
    المشاركات:
    1,273
    عدد الإعجابات:
    53



    بارك الله فيك والله يعطيك على قد نيتك الطيبه وبمناسبة كلامك انا صارلي 3 سنين بالسوق ودشيت بمبلغ كبير وللحين قاعد ادعم المبلغ عشان اعوض بس للحين ما
    طلعت راس مالي وان شاء الله يتعوض مع العلم اني تاجر بسيط وكنت اربح عند تشغيل نفس المبلغ اللي شريت فيه اسهم من خلال تجارتي اكثر من البورصه اللي تلفت اعصابي وعطلتني وانا نواي اكون مستثمر بعد ما اطلع راس مالي والفال للجميع ان شاء الله
     
  19. مايغشمر

    مايغشمر عضو جديد

    التسجيل:
    ‏1 أكتوبر 2004
    المشاركات:
    279
    عدد الإعجابات:
    0


    هههههههههههههههههههههههههههههه

    تم طال عمرك .......... يشرفنا يابوسلمان الخسارة والربح معاك

    والرزق على الله :)
     
  20. kwt.to.kwt

    kwt.to.kwt عضو جديد

    التسجيل:
    ‏29 يونيو 2007
    المشاركات:
    4,266
    عدد الإعجابات:
    0
    وفيك بارك
    ولا أملك إلا الدعاء واسأل الله العظيم أن يتقبله مني
    اللهم أرزق اخي الفارس خير الدنيا والأخرة
    وأغنه بحلالك عن حرامك