سببب نزووووول السوق ..........

[دكتور بورصة]

ممكن أحد يفسر لنا ما هو سبب نزول السوق اليوم ؟؟؟؟؟؟ (

 

[بورش]

يقولون بسبب الاستجوابات
مايندرى

 

[حسين بن عاقول]

علي قولتهم والله اعلم ( تصحيح ) وذبحونا بهالكلمه كل ما نزل السوق

 

[بومشاري]

انا اقول بسبب مشكله مزمنه عند المتداولين
نفس موضع الاعتداء على مبنى ال ام بي سي
لو تتذكر
المشكله هي الرعب عند المتداولين من يسمعون خبر
يبدون بالبيع عمياني
اليوم اسمعوا بموضوع الاستجوابات
واشتغلت الحاله المزمنه
مافيه سبب ثاني الشركات زينه وارباحها زينه ليش الخوف !!
لو الناس تمسك شوي جان ماصار هالنزول الصاروخي​

 

[دكتور بورصة]

يقولون بسبب الاستجوابات
مايندرى

والله دوخونا هالأستجوابات وكل يوم طالعين لنا طلعة

 

[بورش]

والله دوخونا هالأستجوابات وكل يوم طالعين لنا طلعة

أخاف منها فايده بس !
تكفه مثلا استجواب الجراح .. ولا استجواب معصومه
شنو فاد ؟؟ مصالحهم بس

ماشوف شي يديد بالوزارتين

خلها على الله

الحمدالله على كل حال

 

[دكتور بورصة]

أخاف منها فايده بس !
تكفه مثلا استجواب الجراح .. ولا استجواب معصومه
شنو فاد ؟؟ مصالحهم بس

ماشوف شي يديد بالوزارتين

خلها على الله

الحمدالله على كل حال

والله يا أخوي بورش محد مستفيد من هالشغلة الا الأعضاء
والفقير دايما ضايع بينهم ما أقول الا الله كريم يارب

 

[BO-MUBARAK]

بسبب وجه الفقر الحميضي

بسبب وجه الفقر الحميضي يوم صرح الكويت تمر بازمة اقتصادية !!!!!!

 

[الانوار الخمسه]

ياجماعة الخيرهذا تمرين لوسمح الله صار شى موزين الواحد يعرف شلون يتصرف

 

[كويتي صعب]

يا جماعه ماكو إلا العافيه مافي سوق بالعالم مافيه أرتفاع دائم ........لابد من طلوع ونزول وما نقول إلا الحمدلله على كل حال .......نصيحه للربحان ومقتنع ياخذ رزقه ويريح وإلي مو مقتنع يكمل المغامره...... والخسران الله يعوض عليه بأسرع وقت إن شاءالله........يايقتنع بالخساره ويطلع.....وإلا ينتظر حظه ؟ والله الموفق

 

[الفال الطيب]

يارب يحلون مجلس الامه ونفتك من هالشماعه , ويحلون عنا هالاعضاء اللي شايفين نفسهم كل واحد بيصير فتوة بالاستجواب , والله العظيم ملينا , مصخوها حيل ................. والشكوى لله.

 

[Q8 Stock]

راجع الخاص اخ دكتور اسهم

 

[دكتور بورصة]

علم طال عمرك
جزاك الله خير أخوي كويت استوك

 

[دكتور بورصة]

يارب يحلون مجلس الامه ونفتك من هالشماعه , ويحلون عنا هالاعضاء اللي شايفين نفسهم كل واحد بيصير فتوة بالاستجواب , والله العظيم ملينا , مصخوها حيل ................. والشكوى لله.

والله كلامك عدل أخوي الفال طيب
مايفيد فيهم الا الحل المجلس وعقبها شوف السوق شلون راح ينتعش
الله كريم

 

[الفال الطيب]

اثبتت التجارب ان بورصتنا الموقرة ( المتمثلة بالمتداوبين ) حساسة جدا , اي ريحة خبر يسمعونه المتداولين ختى لو موصحيح فورا هروب جماعي وقطيعي ....
لكن يبقى السؤال المهم هل هذا من صالح الكبار بالسوق هل يخسرون بسبب هذا الامر ؟؟؟؟؟
لان هذا الاسلوب هم اللذين ابتكروه , والان يطبقه صغار المتعاملين جميعا وبكل جدارة , هروب جماعي لاي خبر سيئ.

 

[كويتي صعب]

حتى قناة العربيه خوارى.........تحدثت مراسلة العربيه الإقتصاديه عن أسباب النزول فذكرت 3 أسباب منها واحد غير صحيح وذللك بسبب مقتل الجنديتين الأمريكيتين في البحرين.....والصحيح لسبب القتل ماهو إلا مجرد مشاجره بين الجنود انفسهم داخل المعسكر ......حيث قام الجندي بإطلاق النار على نفسه بعد مقتل زميلتيه ........منقول عن موقع إيلاف منذ الساعه ال8 صباحا........للعلم

 

[UNIX]

جني أرباح.. السوق كله صاعد؟ شلون الواحد يشتري؟

 

[talal555]

قرأت في أحد المنتديات الإقتصادية بالأمس أن هناك تصحيح خلال 48 ساعة من أحد أعضاءه واسمه المخضرم .

يعني معناته أن هناك نية مبيته والأمر دبر بليل (

وهذا رابط العضو اللي ذكر الكلام

http://www.kuwaitystock.com/vb/showthread.php?t=420

 

[دكتور بورصة]

قرأت في أحد المنتديات الإقتصادية بالأمس أن هناك تصحيح خلال 48 ساعة من أحد أعضاءه واسمه المخضرم .

يعني معناته أن هناك نية مبيته والأمر دبر بليل (

وهذا رابط العضو اللي ذكر الكلام

http://www.kuwaitystock.com/vb/showthread.php?t=420

نعم أخوي طلال أنا كذلك قريت هذا الخبر البارحة ولكن قلت أن ممكن تكون اشاعة

انا اقول السوق ان شاء الله فيه خير وهذا الي كان اليوم اعتقد جني ارباح طبيعي

الله كريم ...

 

[1st choice]

الاسباب باختصار...
حادث الجنود
الاستجوابات
النية المبيته بجنى الارباح
استغلال يوم الاثنين الاسود

الارتداد اليوم اللى صار من نقاط الدعم سواء للمؤشر او الاسهم
يطمئن بيوم اخضر غدا باذن الله