ماهي الحلول التي ترونها لمنع التجار من زياده اسعار السلع

[boalons]

ماهي افضل الحلول لمنع التجار من زياده اسعار السلع بشكل جنوني ؟

 

[ksr911]

قطع اليدين​

 

[UNIX]

ابحث عن البدائل.. كمثال:

لا تشرب عصير ك دي دي ،، اشرب عصير أي بي سي

و امش على السلع جذي

 

[STOCK_O]

مقاطعة من بدأ بزيادة الاسعار

 

[dhatter]

الحل بكل بساطه دائما بيد المستهلك ...

اشتر البديل الأرخص دائما واترك لهم بضاعتهم يبتلشون فيها

هذا اسمه وعي استهلاكي ... لو أغلبية المستهلكين يطبقونه جان شفت حال ثاني

 

[الريان]

ماهي افضل الحلول لمنع التجار من زياده اسعار السلع بشكل جنوني ؟

حلين الاول نزول اسعار النفط الي اقل من سعرها الحالي مع استمرار انخفاضها لفترة كم سنة وهذا الامر راح يضر الدولة بشكل كبير وهو الاساس الاول لارتفاع التكاليف

الامر الثاني وهو داخلي وله عدة امور منها :

بتفعيل مشاريع حيوية كبيرة باسرع وقت منها قضية الاسكان والثاني اللجوء الي تشريعات اسلامية منها الغاء الفوائد وايضا فرض الزكاة وتشريعات اسلامية اخرى سوف تحافظ على عدم استغلال حاجة الشعب للتجارة واللي اعرفه قليل راح يرضون بالتشريعات الاسلامية والسبب بانها لاتميل لقلوبهم ولاحول ولاقوة الا بالله قريت كتاب عن فرض التشريعات الاسلامية بالاقتصاد كانت عبارة عن دراسة واهم مميزات هذه الدراسة انها تحد على التضخم بشكل كبير ولكن صعب جدا الغاء التضخم والسبب تعلقه دوليا والثاني بشريا والسبب يرجع الي الاجور

 

[كويت2]

الحل بكل بساطه دائما بيد المستهلك ...

اشتر البديل الأرخص دائما واترك لهم بضاعتهم يبتلشون فيها

هذا اسمه الوعي الاستهلاكي ... لو أغلبية المستهلكين يطبقونه جان شفت حال ثاني

كلام جميل .. كلام معقول .. ماقدرش أقول حاجه عنه .. لكن منو يطبق ؟؟

جان زين الناس عندها وعي استهلاكي .. الأجانب عموما أحسن منا بالمسألة هاذي

 

[حياة الأسد]

يتم الغاء شي أسمه وكيل , , , كل واحد فيهم محتكر سلعه معينه وقاعد يحط السعر اللي براسه

 

[kokoko]

يتم الغاء شي أسمه وكيل , , , كل واحد فيهم محتكر سلعه معينه وقاعد يحط السعر اللي براسه

1 - ما في احتكار للسلع في الكويت( ما عدا الطحين )

2 - ماكو حمايه للوكيل في الكويت ( ما عدا السينما )

برجاء الالمام بالموضوع قبل الحديث

 

[الوافي ابو محمد]

أدعي علي التجار بعد كل صلاة واللة يستجيب لنا إنشاء اللة

 

[Falcon]

يا kokoko شلون ما في وكلاء لسلع الغذائية

يعني تقدر تدخل بيبسي سعودي للكويت.... أو تقدر تبيع أي نوع من الحليب ..أختر ما يناسبك من الاسماء بدون أخذ أذن من الوكيل المعتمد داخل الكويت.

" نظام دولة الكويت الاقتصادي..... عائلي أشتراكي"

بالتوفيق

 

[azzd]

1 - ما في احتكار للسلع في الكويت( ما عدا الطحين )

2 - ماكو حمايه للوكيل في الكويت ( ما عدا السينما )

برجاء الالمام بالموضوع قبل الحديث

تقصد اقدر اورد جين قلاسات كرافت ؟؟؟ او كورن فلكس الاصلي ؟؟؟
للعلم ما تقدر تصرف بضاعة في الجمعيات لها وكيل !!!!

 

[مايغشمر]

الحل بتوحيد أسعار السلع في جميع التعاونيات حاليا
مايصير جمعية فيها السلعة 415 وبالثانية 620 وبسوق بو 100 فلس تلقاها
مرتزه .....يبونك تروح الفرضة بالشويخ ومن بعدها سوق السمك بالديره
ومن بعدها على الفحيحيل ( أسعارهم نازله ) وراكب قطارك وراد بيتكم
ويا قليبي لاتحزن !


أعتقد لو إعتمدوا على الشهادة الجمركية لبعض السلع بالكميات والأسعار المباعة لمنع المضاربة بالعملة

يفكونا من سالفة الين نزل واليورو مرتفع والسعر تغير !

للجمعيات ممكن يوقفون التلاعب بطلب شهادة من المورد يكون بايع
فيها البضاعة من قبل بالسعر المذكور بعرض السعر لااااا وفوق البيعة
يوقع تعهد مايبيع أنزل من السعر اللي عرض فيه سلعته عندي
وإلا ياويله يدفع غرامة وتعويض

 

[kokoko]

يا kokoko شلون ما في وكلاء لسلع الغذائية

يعني تقدر تدخل بيبسي سعودي للكويت.... أو تقدر تبيع أي نوع من الحليب ..أختر ما يناسبك من الاسماء بدون أخذ أذن من الوكيل المعتمد داخل الكويت.

" نظام دولة الكويت الاقتصادي..... عائلي أشتراكي"

بالتوفيق

تقصد اقدر اورد جين قلاسات كرافت ؟؟؟ او كورن فلكس الاصلي ؟؟؟
للعلم ما تقدر تصرف بضاعة في الجمعيات لها وكيل !!!!

أي تقدر . مو اكو سيارات تجاري . ما في قانون يحمي الوكيل

 

[makandari]

تقصد اقدر اورد جين قلاسات كرافت ؟؟؟ او كورن فلكس الاصلي ؟؟؟
للعلم ما تقدر تصرف بضاعة في الجمعيات لها وكيل !!!!

نسوي مثل امريكا اذا كان فيه زيادة غير مبررة ينصك الوكيل غرامه تفلسه و تخليه عبره لغيره.
او مثل ما قال الاخ وعي استهلاكي بس للاسف في الكويت كل التجار يزيدون مع بعض جنهم متفقين علينا مما يلغي فائده هذا الحل.

 

[كويت2]

أي تقدر . مو اكو سيارات تجاري . ما في قانون يحمي الوكيل

أخوي انت مختلط عليك الأمر ..

بحكم القانون ممنوع الأتجار بأي سلعة لها وكيل بالكويت
سواء مواد غذائية أو عطورات أو أجهزة كهربائية حتى السيارات

 

[kokoko]

أخوي انت مختلط عليك الأمر ..

بحكم القانون ممنوع الأتجار بأي سلعة لها وكيل بالكويت
سواء مواد غذائية أو عطورات أو أجهزة كهربائية حتى السيارات

غلطان اخوي .

 

[خبير النفط]

قبل ما تشترىاى شىء من الجمعيه تاكد من ثلاث امور
تاريخ الصلاحيه
المواد المستخدمه
السعر
اذا لقيت فيه اختيار اختار البضاعه الغير منتهيه صلاحيتها والتى تحتوى اكبر نسبه من المواد الطبيعيه والتى سعرها اقل ولا تسأل عن اسم المنتج ولا الماركه

 

[BuFawaz]

الجمعيات لازم تتعامل معاهم بشكل افضل... ممكن البضايع الي ترتفع اسعارها يتم عرضها في ارفف معينة او ركن واحد حتى يلاحظها المشتري..

 

[ولد البورصه]

الحل بكل بساطه دائما بيد المستهلك ...

اشتر البديل الأرخص دائما واترك لهم بضاعتهم يبتلشون فيها

هذا اسمه وعي استهلاكي ... لو أغلبية المستهلكين يطبقونه جان شفت حال ثاني

لازم يكون فى وعى استهلاكى
واهم شى تقارن بالاسعار وتشوف البديل الارخص ومع الوقت ينزلون بسعرهم

لما تروح تشترى تشوف ارفف مليانه بضاعه محد شراها
عساهم على هالحال وردا