شنو إهو التصحيح

[noor11]

السلام عليكم
آنه جديده علي السوق واسمع وايد عن التصحيح آنه شاريه شركتين وصار لهم يومين خفس
إشتنصحوني أبيع ولاأنطر
ومتي صار آخرتصحيح

 

[بوسعود66666]

اهلا وسهلا فيج وياليت اتقولين شنو الاسهم اللى انتى داخله عليهم والشباب ماراح يقصرون

 

[TAKE-OVER]

التصحيح يعني جني ارواح اقصد جني ارباح

 

[noor11]

السلام عليكم
السهم الاول الصفوة 176 ف الثاني اسمنت الخليج 540ف وما تقصر

 

[بوسعود66666]

السلام عليكم
السهم الاول الصفوة 176 ف الثاني اسمنت الخليج 540ف وما تقصر

انا اقول لا تبيعين انطرى وان شاء الله راح اتبيعين بربح بس لا احد ينسانا بالحلاوه

 

[Lost]

غريبه سالفت التصحيح منين جبتيها؟؟ مع اني اشوف السوق قاعد يكسر هايات جديده ويرتد من مناطق دعم واضحه؟؟ حاولي تنطرين على الاسهم مالتج يمكن تتعدل وهذا شارت السوق الكويتي يبين لج شلون محترم مناطق الدعم وقاعد يرتد منها ..

 

[سوق خضرة]

ان شاء الله لاتخافين اسهمج حيل ممتازة واسعارهم مو بعيده


والتصحيح ((بفلسفتي الزايدة))


" اهو نفس السيارة لما تدوسين بانزين مره وحدة راح تلقين ضغط المكينة يرتفع وينزل شوي ويرتفع مره ثانية عشان تزيد السرعة "


صح اخوي ميكانيكي

واذا ما تسوقين سيارة روحي طلعي استمارة وروحي الشركة الكويتية لتعليم قيادة السيارات واخذي ليسن وبيعي اسهمج واشتري سيارة احسن من عوار القلب والاسهم

 

[Buffett]

غريبه سالفت التصحيح منين جبتيها؟؟ مع اني اشوف السوق قاعد يكسر هايات جديده ويرتد من مناطق دعم واضحه؟؟ حاولي تنطرين على الاسهم مالتج يمكن تتعدل وهذا شارت السوق الكويتي يبين لج شلون محترم مناطق الدعم وقاعد يرتد منها ..

ههههه الله يهديك اخوي الحين اهي كلمة تصحيح مو فاهمتها .. تقولها هاي ما هااي

يعطيك العافيه اتغمشر خيووو​

 

[noor11]

كل ما دخلت منتدي سمعنا تصحيح كل ما نزل السوق إشوي قالو ا تصحيح
غير اللي يقول ر اح يروح السوق السعودي حتي اللي ماخذين عنده الدوره يقول شكله السوق بيصحح
الله يرحم يدتي لما تخرعنا تقول ياك الذيب
الحين يقولون ياك التصحيح

 

[Lost]

سهمج اسمنت الخليج عجبني وفيه فرصه دخول ممتازه .. السهم كسر مقاومه على سعر 520 واغلق فوقها والحين نزل وثبت السعر على منطقه الدعم 520 وهو تقريبا على دعم ترند صاعد + مثلث يعني مكون بارتن حلو عموما هدفج ان شاء الله تقريبا 580 لانه الكسر على 520+60 فلس الفرق بين اضلاع المثلث اذن الهدف 580 وان شاء الله يحققها ..
بس اذا ربحتي عطيني كوميشن هههههه
وهذا الشارت يبين لج الزبده بس تذكري اي اغلاق تحت 520 يعني خروج

 

[ضحية المخازن]

والله يااختي نور فعلا السوق الكويتي مقبل على تصحيح لانه من شهر مارس على مااعتقد واهو في صعود مستمر ووصل نقاط لم يصلها في تاريخ البورصه الكويتيه وخصوصا ان الوضع الان غير مستقر سواء الوضع الداخلي السياسي او الخارجي مع ايران ، وبالنسبه لاسهمك فانا اعتقد ان الصفوة ارتفعت بما فيه الكفاية واعتقد ان هذا سعرها وماتصعد اكثر من جذي هذا اذا مانزلت والسهم الثاني بصراحه ماني متابعة ولا اعرف عنه شئ بس الصفوة كانت 108 فلوس يعني تقريبا صعدت بنسبة 90% خلال فترة وجيزة لا تتجاوز الشهر والنصف .

عفوا انا ماقصدي اخرعك ولا توصيتي للبيع وياليت تسالين احد غيري ذو خبرة اكبر وان شاء الله الجماعة مايقصرون وياك بشئ.

شغله اخيره التصحيح اهوه انه يوجد اسهم صعدت بما فيه الكفاية وتضخمت وهي اعلي من سعرها المفترض تكون فيه فلا بد ان يكون هناك جني ارباح فتبدأ الناس تبيع وبذلك ينزل السهم ويأثر ذلك على البورصه بصفة عامة وتنزل

 

[الجارح]

السلام عليكم
السهم الاول الصفوة 176 ف الثاني اسمنت الخليج 540ف وما تقصر

انا اقول ابتعدى عن الاسهم المنتفخه

وانتى راح تربحين حتى لو نزل السوق

 

[ضحية بدون قضية]

السلام عليكم
آنه جديده علي السوق واسمع وايد عن التصحيح آنه شاريه شركتين وصار لهم يومين خفس
إشتنصحوني أبيع ولاأنطر
ومتي صار آخرتصحيح

عفواً اختي أنا راح أقولج عن حالات السوق علشان تعرفين تفرقين بينهم صح لأن هناك بعض الاخوان يخلطون ما بين بعض المفاهيم:
وهذه حالات السوق

1- الانهيار


قد يحدث أنهيار للسوق بسبب بعض الاحداث السياسية او الاقتصادية او الحروب

ثم لا يلبث ان يتم التصحيح بعد أستيعاب هذه الاحداث أو زوال اسبابها .

2- التصحيح

ويتم عادة بعد أرتفاع السوق لفترة طويلة من الزمن مثل ماحدث من قبل
فترة حيث استمر السوق بالارتفاع وكذلك أسعار الشركات بصورة متواصلة

ولفترة طويلة فكان لابد من التصحيح وأنتهاء دورة للسوق من أجل بدء دورة جديدة

ونكتشف بداية التصحيح عندما تكسر المتوسطات المتحركة متوسطات 9 أيام و 14 يوم

و50 يوم لذلك لابد من متابعة قراءة هذه المتوسطات .

3- جني الارباح

ويتم كل يوم من خلال البيع والشراء ولكن قد يكون في بعض الاحيان تأثيرة قوي

وتتغلب قوى البيع على قوى الشراء ويؤدي الى أنخفاض في المؤشر والذي سيؤثر

على بعض النفسيات وخصوصا المبتدئين وبعض المحترفين الذين يحاولون الضغط

على النفسيات من أجل الحصول على أسعار افضل وقد يتبعهم القطيع (التبع)والذين يتخذون سياسة نفذ أمر البيع ثم أسال عن السبب .

ولكن في بعض الاحيان يستوعب السوق جني الارباح ولذلك لا يشعر بها من يتأثر بسياسة القطيع لذلك يقع في الخطأ القاتل وهو الشراء بينما السوق هو جني ارباح

ولكن بسبب قوى الشراء استطاعت التغلب على قوى البيع .