ارجو الااختيار - القرين - اما بنك بوبيان ؟

[_عبدالعزيز_]

السلام عليكم ورحمة الله وبركاته واسعد الله مساكم اخواني الكرام الحقيقه محتار جدا ولا ادري شنو اختار اتمنا الااختيار منكم وعلى اختياركم الااغلبيه راح اشتري اما بنك بوبيان اما القرين للبتروكماويات والله محتار بين الااثنين ابي رايكم وعلى رايكم راح اقرر وشتري ان شاء الله وماعندي مانع استثمار 3 شهور او 6 شهور والف شكر لكم مقدما - والله يوفق الجميع ويرزقكم ويرزقني

 

[البراق2]

القرين افضل بكثير


بنك بوبيان تشبع صعود


القرين ارباح قوية متوقعة له بعام 2008 وصاعد

 

[ميكانيكي]

انطر عالاقل اسبوع خل يتضح وضع السوق

 

[al7bebe]

لكل منهما نشاط استثمار مختلفان

بنك بوبيان وشركة القرين لكل منهم اختصاص وأنشطة تجارية تختلف عن بعضهما البعض على الساحة المحلية والعالمية.
ولاتنطبق شارت اسهم البنوك مع شارت اسهم الصناعات.
--
للتوضيح.............

 

[سايق الخير74]

انطر عالاقل اسبوع خل يتضح وضع السوق

إجابة رجل محترف.

 

[خبير النفط]

صحيح الانتظار زين لاكن مهما كانت النتيجه فحتما القرين افضل من بنك بوبيان على المدى القصير 3-9 شهر لان السهم ما اخذ حاصله من الارتفاع على عكس سهم بوبيان الى صار وضعه يخرع

 

[الساحل]

اخوي ليش تسال عن شركتين ما صار لهم سنه بالسوق ؟!

في شركات ارباحها وايد احسن من الثنتين وخاصه انك ذاكر انه استثمار لمده 3 او 6 اشهر


لو قايل بخليهم استثمار لمده سنتين اقولك اكيد البنوك احسن بس 6 شهور الثنتين مو زينين !

وخاصه اذا صار في تصحيح بالسوق

 

[ضحية بدون قضية]

أنا أقول حطهم بهالصناديق الطيبة اللي تعطيك 25% وانت نايم ومرتاح شلك بعوار القلب واذا كنت غاوي اشتر من أسهم الاكتتابات (الغير مدرجة) وجمع من هالفقارة اللي محتاجين يبيعون بس لا تخسف فيهم حرام زيدهم علشان الله يباركلك وعليك في بعض الأسهم اللي طا يحيله تجمع من هالشريطية مثل:
السور والصينية والوطنية

ومربحهم باذن الله مضمون وادراجهم على الأبواب بس تأكد من مدى شرعية الصينية والله يرزقك ويرزق الجميع

 

[K.U]

حللت السهم امس بالليل حق واحد من الربع تفضل هالتحليل على الاقل يكون عندك اطلاع على مساره في حال نزوله او صعوده

وموفق ان شاء الله

 

[K.U]

هلا بك اخوي جمال تفضل التحليل

السهم حاليا على دعم 460

ومقاومات السهم 470 كسرها راح ياخذنا الي 475 و 485

السهم متردد ما بين 460 و 475 من شهر اغسطس تقريبا هذا الي اشوفه ياخوي على السهم
السهم ليما الحين في منطقه حيره وننطره لما يعطي اشاره قويه للدخول ان شاء الله

اسمحلي ما في شي بالشارت يشد الانتباه على شان ارفقه لك والسموحه على القصور

اخوك K.u

 

[alashum]

كلهم حلوين ياويلي عليهم امسكهم ولاتفرط فيهم نصيحه

 

[خالدالمطيري1]

أنا أقول القرين أفضل من بوبيان

 

[بوسعود66666]

أنا أقول القرين أفضل من بوبيان

هلا بالمطيرى ممكن اتقول ليش القرين احسن من بوبيان

 

[سايق الخير74]

في سهم بشهر 3 الياي راح يكون مدبول سعره بإذن الله وهو سهم بيان وسعره الحالي 325 وعندك سهم الأمان على مدى 4شهور ويمكن أقل فيه بحدود400 فلس ان شاء الله وسعره الحالي 248 وهالكلام من ناس في قمة الثقه بإذن الله تعالى و راح يدخلون عليهم والله يرزقك.

 

[بوسعود66666]

في سهم بشهر 3 الياي راح يكون مدبول سعره بإذن الله وهو سهم بيان وسعره الحالي 325 وعندك سهم الأمان على مدى 4شهور ويمكن أقل فيه بحدود400 فلس ان شاء الله وسعره الحالي 248 وهالكلام من ناس في قمة الثقه بإذن الله تعالى و راح يدخلون عليهم والله يرزقك.

انت راح تشترى هالاسهم ولالا؟؟:d

 

[سايق الخير74]

انت راح تشترى هالاسهم ولالا؟؟:d

حاليا يابوسعود لأ بس بعدين يمكن لأنه طلب الأخ يبي يستثمر على مدى 6 شهور وانا ماحب أنطر واذا عندك كاش قولي وأقولك شنو تاخذ هاليومين جم بوسعود عندنا بس اللي فهمته من مشاركاتك إنك متوهق في مركز سلطان

 

[بوسعود66666]

اى والله ذابحنى هالسهم انت عندك اى معلومات عنه حتى لو بالجذب بس ابى شى يفرحنى
وياليت اتقول لى شنو الاسهم اللى بشتريها هاليومين؟؟

 

[سايق الخير74]

في سهم بشهر 3 الياي راح يكون مدبول سعره بإذن الله وهو سهم بيان وسعره الحالي 325 وعندك سهم الأمان على مدى 4شهور ويمكن أقل فيه بحدود400 فلس ان شاء الله وسعره الحالي 248 وهالكلام من ناس في قمة الثقه بإذن الله تعالى و راح يدخلون عليهم والله يرزقك.

بالإضافه الى بنك بوبيان آخر السنه من دينار و100 إلى دينار و200 والله تعالى أعلم.

 

[سايق الخير74]

اى والله ذابحنى هالسهم انت عندك اى معلومات عنه حتى لو بالجذب بس ابى شى يفرحنى
وياليت اتقول لى شنو الاسهم اللى بشتريها هاليومين؟؟

حاشانا نجذب يابوسعود وحاشاك ماينجذب عاللي مثلك وشرواك وللأسف ماعندي أي معلومه عن سلطان والله يعوضك ان شاء الله

 

[_عبدالعزيز_]

اول الف شكر للجميع ولكن قررت بأذن الله ابيع باجر بنك بوبيان وشتري القرين على سبيل المثال ان عندي بنك بوبيان 30 الف سهم لو ابيعهم واشتري فيهم القرين يطلعلي 50 الف سهم مجرد حسبه بسيطه والله يوفق الجميع امين ووالله العظيم ماعرف شي بالسوق ولكن قاعد اتبع احساس قلب وملاحظ السهم بالفتره اللى طافت وبنك بوبيان مافيه شك بيكون من البنوك الرياديه ولكن انا طـــــــــامع ان كمية الااسهم تزيد عندي والقرين اعتقد على حسب اعتقادي وحساسي انه بيكون لها شأن بالفتره الجايه ومنها بيكون عندي زيادة بالاسهم عن بنك بوبيان مره اخرا الف شكر لكم الجميع وعسى الله يوفقكم ويوفقني