((الماكد السلبي و الماكد الايجابي)) من يعطيني شرح عنهم ؟

[q8_chamber]

الماكد السلبي

الماكد الايجابي

من يعطيني شرح عنهم


اكون له مشكووووووور ​

 

[Lost]

سؤالك مو مفهوم اخوي ممكن توضح اكثر او تفيدنا فيه ..

 

[q8_chamber]

انا اشوف بعض المحللين يقولون ماكد متقاطع ايجابي او سلبي و ماني فاهم شنو يقصدون ؟؟َََ!!!!!!!!

 

[Lost]

اي قول جذيه انت تقول ماكد ايجابي وسلبي .. وانت تقصد استخدام المؤشر لمعرفه اشارات الدخول والخروج ..
عموما هذا مؤشر الماكد مهم بصراحه وهو مثل باقي المؤشرات اللي يستخدمونها في تتبع حركه السعر ومعرفه الاتجاه او توقعه ..

شرح للمؤشر :
مؤشر الماكد Macd هو عباره عن خطين ويعطي اشارات دخول وخروج ويعتمد على المتوسطات المتحركه وله اعدادات تستطيع تغيرها على حسب الاشارت التي تختارها او الاستراتيجيه التي تتداول بها بس غالبيه المضاربين يفضلون هذا الاعداد 26,12 اما من ناحيه كيفيه تكوينه واحتسابه ومعادلاته الرياضيه فلا يهمنا هنا الاهم كيفيه استخدامه وهذا مانحن بصدده ..
عموما نكمل الشرح
تستطيع من خلال هذين الخطين ان تعرف اشارت الدخول والخروج وهما الماكد ومساعد الماكد ..

وتستطيع تحديد اشاره الشراء او تقاطع الماكد الايجابي من خلال :
اشارات الشراء ايجابيه :
1.قطع خط الماكد لخط مساعد الماكد للاعلى .
2.قطع خط الماكد ومساعد الماكد للصفر للاعلى .
اشارات البيع سلبيه :
1.قطع خط مساعد الماكد لخط الماكد للاسفل .
2.قطع خط مساعد الماكد وخط الماكد للصفر للاسفل


هذي مقدمه اقراها وراح اوضحلك الامر اكثر :d

 

[Lost]

نكمل شرح ارتجالي على مؤشر الماكد ..
شوف هذا شارت المخازن استخدمته للتوضيح مو اكثر

الحين عرفنا انه المؤشر خطين عدل؟ خط كبير وهو مؤشر الماكد او الخط الرئيسي وخط صغير اللي اهو المساعد زين ووضحنا الطريقه لمعرفه التقاطع اذا كان ايجابي او سلبي ..
الدوائر الزرقاء كان تقاطع ايجابي للماكد وشوف وين راح السعر والدوائر الحمراء هو تقاطع سلبي للماكد وشوف وين راح السعر ..

وان شاء الله تكون وضحت الصوره على قولت المثل الصيني الصوره تعبر عن الف كلمه ​

 

[Lost]

طبعا المؤشر مهم للمحلل الفني وهذا مو كلامي كلام الاغلبيه .. بس شوف لازم تعرف شغله انه مجرد مؤشر يتبع السعر ولا يتنبئ به على عكس خطوط الترند ومستويات الدعم والمقاومه ولكن تقدر تجيك عليه عشان تتطمن بس ..
الكلام وايد عن هالمؤشر واذا فيه شي اسال عادي وانا بالخدمه ..
وللاستزاده عندك هالموقع شرح كامل له بالانجليزي http://www.stockcharts.com/education/IndicatorAnalysis/indic_MACD1.html
واذا استفدت منه او اي واحد من الاخوان ابيك تدعيلي بس

 

[q8_chamber]

الله يعطيك العافيه

الصراحة ما ادري وين ارووح من جزاااك


بارك الله فيك و كثر الله من امثالك

 

[Lost]

ماسوينه شي واذا في شي اسال لاني انا استفيد بعد من النقاش بس للاسف قليل اهني اللي يحبون يتعلمون وصدقني مثل ما انت تستفيد انا بعد استفيد عموما اذا تبي شرح مؤشرات ثانيه او طرق مضاربه او غيره حاضرين ..

 

[q8_chamber]

تسلم يا بعد قلبي

 

[بـو بدر]

صباح الخير ..
أخي q8-CHAMBER
في هذا الملف المرفق تجد كل ما يتعلق بالماكد وكل القراءات الخاصة بالماكد
انتمى من الجميع الأستفاده منه
وشكرا

 

[q8_chamber]

الله يعطيك ألف عافية اخوي بوبدر

 

[Sword^Fish]

يعطيكم العافية جميعا على هالمعلومات القيمة ..... بس عندي استفسارات ؟ شنو البرنامج المستخدم ؟ شنو الداتا المطلوبة حق البرنامج ؟ وين انحصله ؟
شاكرلكم تعاونكم او اسمحولنا اذا ثقلنا عليكم .