لاند كروزر vxr موديل 2001

[خبز مسمسم]

للبيع لاند كروزر vxr موديل 2001 اللون كحلي ماشي 160 الف كم
بحاله ممتازه.
كم فتح السوم؟

 

[بوعلي25]

بسم الله نفتح السوم 6000 شرط الفحص

 

[nasser_q8i]

للعلم ترى الريال اعرفه واعرف موتره
من طلعه من الوكالة الى اليوم وهو ما يركب على قطعة غيار إلا اصلي
والتجاري ما يدور عند بوحمـــّود

والموتر شهادة انه نظيف

مو قاعد ارّفع حق صاحبي

بس عشان تتضح الصورة

وياليت تنزل لنا صورته


والله يبارك للشاري والبايع

 

[سيدالموقف]

السلام عليكم ورحمة الله وبركاته


اخوي الموتر مصبوغ او حايشته دعمه؟؟؟؟؟ لا سمح الله

وشنو لونه من داخل ؟ وهل هو جلد او مخمل؟

 

[خبز مسمسم]

اشكرك يابوبدر انا ماكان ودي امدح الموتر عشان لا يظنون الناس اني برفع حق موتري.

 

[سيدالموقف]

ما جا وبتني يا بوحمود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

 

[خبز مسمسم]

الموتر من داخل بيج وجلد وسي دي, ايي نعم حايشته دعمه بسيطه عشان ما اجذب عليك الزاويه اليمين بالخلف.

 

[خبز مسمسم]

بسم الله نفتح السوم 6000 شرط الفحص

اشكرك عالمشاركه لكن مو هذا سعره واذا بتتنفع مو بهالطريقه, بارك الله فيك

 

[بوعلي25]

ههههه هدي أعصابك تر الموتر عندك وفلوسي بجيبي انت حر ياعزيزي

واحنا فتحنا السوم ماقلنا مايسوى أكثر من 6000

 

[خبز مسمسم]

حياك ربي بوعلي.

 

[بوعلي25]

يحيك والله يوفقك بالبيعه .......

 

[basha]

اشكرك عالمشاركه لكن مو هذا سعره واذا بتتنفع مو بهالطريقه, بارك الله فيك

السلام عليكم

6000 سعر طيب و سومه عدله وبعدين ما اظن راح يزيد احد على سياره موديل 2001 ومدعوه .......!!!


الله يوفق الشاري والبائع

 

[nasser_q8i]

up up upppppp

 

[خبز مسمسم]

الموتر مريحني واااااايد فاذا مايابلي سعر طيب بخليه حق سفرات وطلعات بر ولا ابيع بالسعر المذكوور.
واذا شبعت منه برفع بونش فوق البيت نفس السياره اللي فوق شركة الساير

 

[بوعلي25]

هههههههه بالتوفيق خبز

 

[basha]

يا جماعه ترا ناصر هو نفسه خبز مسمس علينا هل سوالف لووووووووووول

 

[التكانة]

يا جماعه ترا ناصر هو نفسه خبز مسمس علينا هل سوالف لووووووووووول

كلامك غلط وموصحيح وظن خاطئ ، أنا أعرف هالشخصين عدل ، وللعلم فإدارة المنتدى تعرف هل شخصين أو شخص واحد من خلال رقم الآي بي وغيره ، إنما إنت عبالك ذكي وصايد الحركة فمن تخمينك حكمت إن خبز مسمسم اهو ناصر فاتق الله وأذكرك بكلام الله سبحانه (( يا أيها الذين آمنوا اجتنبوا كثيرا من الظن إن بعض الظن إثم ...)) يقول الطبري في تفسيره :يقول تعالى ذكره: يا أيها الذين صدّقوا الله ورسوله, لا تقربوا كثيرا من الظنّ بالمؤمنين, وذلك أن تظنوا بهم سوءا, فإن الظانّ غير محقّ, وقال جلّ ثناؤه : ( اجْتَنِبُوا كَثِيرًا مِنَ الظَّنِّ ) ولم يقل: الظنّ كله, إذ كان قد أذن للمؤمنين < 22-304 > أن يظن بعضهم ببعض الخير, فقال : لَوْلا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنْفُسِهِمْ خَيْرًا وَقَالُوا هَذَا إِفْكٌ مُبِينٌ فأذن الله جلّ ثناؤه للمؤمنين أن يظنّ بعضهم ببعض الخير وأن يقولوه, وإن لم يكونوا من قيله فيهم على يقين.

ونقل الطبري عن ابن عباس, قوله ( يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ ) يقول: نهى الله المؤمن أن يظنّ بالمؤمن شرّا .

وقوله ( إِنَّ بَعْضَ الظَّنِّ إِثْمٌ ) يقول: إن ظنّ المؤمن بالمؤمن الشرّ لا الخير إثم, لأن الله قد نهاه عنه, ففعل ما نهى الله عنه إثم.

 

[خبز مسمسم]

يا جماعه ترا ناصر هو نفسه خبز مسمس علينا هل سوالف لووووووووووول

اشكرك يالتكانه على الرد الوافي والشافي, ويا اخ basha ترى احنا ناس نخاف الله وماعندنا سوالف النجش بارك الله فيك, ولا تستذكي علينا وتسوي نفسك بوالعريييف وانك صايدها , لا تشد حيلك وايد ترى ماراح يحطونك مشرف بالمنتدى اذا عبالك بهالطريقه بحطونك مشرف بالمنتدى,
ويعطيك العافيه عالمشاركه.

 

[nasser_q8i]

صاير لي المحقق كونان يعني

اهم شي خبز مسمس خخخخخخخ

عالعمووووم ما اقول إلا up up up

وترى خوش موتر ياجماعة

 

[رهش]

يا جماعه ترا ناصر هو نفسه خبز مسمس علينا هل سوالف لووووووووووول

أنا أقول كلّن يرى الناس بعين طبعه، فإذا أنت مسوّيها من قبل لا تظن كل الناس نفسك ومسوّينها؟

ناصر، شالسالفة حتى سايقّكم باشووه شرّكته؟
ليش تبيه يرفّع لك حق البليزر؟

أقول باشا خبز مسمس نلقاه عند أيْ تنّور؟

وجزا الله خير التكانة على النصيحة والتذكير،.