مطلوب دخول جميع الاعضاء دون استثناء

[الساحل]

السلام عليكم

اخواني صارلي فتره افكر في موضوع ممكن يفيد جميع اعضاء المنتدى بس كنت افكر في صيغه لهذا الموضوع !


ماشاء الله اعداد الاعضاء في ازدياد دائم في المنتدى


واتوقع ان الاعضاء موزعين في جميع القطاعات الحكوميه والخاصه


واتوقع ان الكثير من الاخوان عندهم مواضيع تخص الشركات اللي يعملون فيها او توصلهم معلومات من داخل الشركات عن طريق اقاربم


فعندي اقتراح ان نحط صفحه خاصه للمواضيع اللي تكون من داخل الشركات

وممكن يكون اسم الصفحه معلومات غير مؤكده من داخل الشركات


وطبعا انا عارف ان في كثير من الاخوان يخافون انهم ينعرفون وين يعملون وكل واحد منهم يتمنى انه يوصل المعلومه وخايف !


فاذا الاقتراح تم الموافقه عليه انا متكفل بان انقل جميع الاخبار من الاخوان باسمي ويتم مراسلتي على الخاص

طبعا في ناس ممكن انها تحاول بث معلومات مغلوطه ! فبدوري سانقلها للاخوان المشرفين لاتخاذ اللازم

الهدف هو تجميع اكبر قدر من المعلومات اللي قد تكون سريه ولا يعلمها الا ادارات الشركات واللي بدورهم يوصلونها لكبار الملاك واحنا آخر من يعلم وبعدين نتحسر على حالنا ونقول الكبار يلعبون فينا


هي مجرد فكره واذا احد عنده اي اضافه يتفضل ونسمعها

 

[ياسر الروقي]

امممم يعني بتصير رئيس استخبارات
لكن تحتاج مرسوم لتعيين

 

[بكوش]

والله بصراحة الاسهم تعتمد على المعلومات .... وأنا موافقة على المقترح

 

[خبير النفط]

السلام فكره ممتازه

 

[NBK]

موضوع رائع

واتمنى ان تنجح الفكره

 

[jemee]

فكره جميله

وفقكم الله ​

 

[الصافي@]

توكل على الله انا معاك فكره ممتازه

 

[بوسعود66666]

وانا هم معاكم

 

[shanab]

فكره ممتازه
بس دير بالك اتخش عنا الاخبار السنعه:

 

[اكسلانس]

اكسلانس.

 

[بوعبدالله _ 66]

فعلا السوق يعتمد على المعلومه اكثر من التحليل فكره طيبه

وانا بعد وياكم​

 

[عقاب]

فكره ممتازه

ناقصهه التطبيق

وعساك عالقوه

 

[ابوعبدالله لابتوب]

اخواني الاعزاء

انا اايد هذا الكلام بس المشكلة ان فيه بعض من صناع السوق او من يعملون تحت مظلتهم يطلعون اول باول شنو قاعد ينكتب بالمؤشر نت والنوادي لتغيير التوقيت بالدخول والخروج من أجل تصريف الانتباه على ان الخبر اللي تم نقله غير صحيح
والمثل يقول مو كل طير اللي ينوكل لحمه

 

[بوغمازات]

خوووش فكره ...يبيله

 

[ويه الخير]

اييييييه شكلك بتاخذ المعلومات وتستفيد منها وبعد ما تخلص تقطها علينا .....اتغشمر ....

طيب وش الاستفادة الي بيستفيدها ناقل الخبر الي يخلينه يشاركنا الاخبار؟

ولو ان الفكرة طيبة لكن ................

 

[WishToWin]

أنا موافق وأحيي الفكره بشدة

والخطوه اللي وراها تكوين قوة محفظه لحمايتنا من عبث المحافظ في حال اضطر الأمر

ليش ما نكون ايد وحده؟؟

والله ولي التوفيق

 

[TAKE-OVER]

انا اثق فيك يالساحل
ومعااااك

 

[سوق خضرة]

انا اشهد انكم بتستفيدون مني


(( مابين الغرور والثقة بالنفس شعره))



انا موافق واقترح وضع (قسم) ان الواحد يقسم بأنه نقله للمعلومة بداعي الافادة وليس التضليل وان يكون ما نقله صحيحاً وحسب ما يعلم

 

[q8_broker]

والله خوش فكرة انا معاكم

 

[Buffett]

فكرة داهيـــة ..

فعلاً اخوي الحين صار " الخبر من اللي عروقه بالماي " أفضل حل لتعويض الخساير ..

ليس تقليلاً بالتحاليل ولا تقصيراً بجهود اخوانا في المنتدى ..

ولكن في بعض صناع السوق الله يسامحهم .. يضربون التحاليل والدراسات بعرض الحائط ..

مشكور على هالخطوة الطيبة ..

تحاليل الاخ ليـــو + موضوعك في حال تطبيقه = باذن الله ربح سمردحي