تداعيات و اسباب و آراء الاعضاء لنزول اسوق (موضوع شامل)

المؤشراتي2

عضو نشط
التسجيل
16 مايو 2007
المشاركات
2,176
الإقامة
الكويت
1- الوطني 70% كاش
2- الخليج 70% كاش
3- التجاري 70% كاش
4- التمويل +50% كاش
5- الدار +50% كاش
6- استثمارات 40% كاش
7- مشاريع 50% كاش
8-صناعات
70% كاش
9-كابلات 70% كاش
10-بورتلاند 90% كاش
11- أجيلتي 80% كاش
12- مواشي 40% كاش
13-أمريكانا 70% كاش
14- اسمنت الخليج 40% كاش

15- زين 70% كاش
16- اتصالات 80% كاش


اسهم لديها محافظ استثماريه جيده ؟ارباحها ليست تشغيليه بالكامل
 

7amadeen

عضو نشط
التسجيل
13 أغسطس 2006
المشاركات
382
اخ unix يمدي نشتري الحين احد الاسهم الي ذكرتها . و اقط الصفوة احسن ؟
 

بورصراتي

عضو متميز
التسجيل
8 مارس 2005
المشاركات
2,895
الإقامة
الكـــ مشرف ــــويت
في شي يسمونه جرد للصناديق والمحافظ ووقت الجرد قرب
يعني لازم السوق ينزل واهم ما يقدرون ينزلون السوق يوم واحد بعدين منو بيشتري اسهمهم !!!!
 

عادل94

عضو نشط
التسجيل
20 مايو 2006
المشاركات
402
الاجل مو عذر احنى اصحاب الاجل نقدر اندعم وقت الفصخ ونقدر انجدد وقت انتهاء العقد ولا ليش ماخذين أجل :)

شوفلونا عذر ثانى احسن مجموعة 61 مو احلى من الاجل :)

اخوى عادل انت اتقول نزول السوق سببه الاجل انزين لو تتم اقالة مدير السوق او يقدم أستقالته بيرتفع السوق ولا بيستمر بنزول نبى جواب على هالسؤال :)

السلام عليكم

اخوي ابو فلسين هذى مو عذر انا ذكرتها بمشاركة سابقة

بعدين انا نقلت الي وصلني من شخص يعمل بالبورصة وثقة عندي لتعم الفايدة للاخوان ويعرفون ان سبب النزول مفتعل لهدف معين والاستفادة من اخبار معينة مثل مجموعة 61 ومجلس الامة والحميضي وايران وغيرة

بعدين من يقول ان الفلاح ليس لة اصدقاء محسوب عليهم ومحسوبين علية وبعدين منو الي عينة مدير للبورصة ولا نسيت الركيبي يوم انة مدير للبورصة شكان يسوي سامي البدر

اخوي الفساد والمحسوبية منتشرة في الكويت كلها يعني وقفت على البورصة بعدين لو يستقيل الفلاح منو الي راح يجي وراة ومحسوب على منو

تدري متى راح ترتفع البورصة لما يقرون سوق المال ويعدلون القوانين الحالية
المطاطية ( انتى عوزها حلال ولا حرام ) والتجار يبون الوضع كما هو ليربحون اكثر واسرع

واسف اني طولت عليكم بس هذى رايي
 

الصاحب الاول

عضو نشط
التسجيل
27 يونيو 2004
المشاركات
544
الإقامة
ارض الخير والبركة
الارباح طيبة لجميع الشركات بالبورصة وسوق الكويت بخير ولله الحمد ولكن اعتقد ان التسيل لبعض المحافظ وسوق الاجل تجبر السوق على النزول

سبب طبيعي نراه في كل سنة في شهر 11 تقريبا

انصح اخواني بعدم الاندفاع بالبيع
 

ivvvi

عضو نشط
التسجيل
12 أغسطس 2007
المشاركات
115
هل هو الانهيار

:(:)(:)((إذا هذا يسمونه تصحيح عيل التدمير شنو ؟؟
 

Math-Man

موقوف
التسجيل
14 ديسمبر 2005
المشاركات
460
الإقامة
Kuwait
السبب الحقيقي للنزول

يا جماعة الموضوع اكبر من جذي ، الاقتصاد العالمي حاليا في حالة انهيار ، اسعار النفط القياسية ، سعر الدولار ووصوله الى اسعار متدنية تاريخية ، بورصة نيويورك انهارت خلال الاسبوع الماضي ، بورصة الصين ، ناهيك عن الاوضاع السياسية الخطير في المنطقة ...... من الطبيعي خروج رؤوس الاموال الضخمة من السوق . مما يسبب انهيار حالي ، ولا استبعد استمرار هذا النزول الى ان تستقر الامور خلال اشهر .
 

الراقي

بوعبدالله
التسجيل
3 ديسمبر 2004
المشاركات
18,012
الإقامة
بيتنا
ياحبيبي احنا اللي نبيع النفط شلون لوكنا نشتري النفط :)
 

Math-Man

موقوف
التسجيل
14 ديسمبر 2005
المشاركات
460
الإقامة
Kuwait
ياحبيبي احنا اللي نبيع النفط شلون لوكنا نشتري النفط :)

جان قعدنا بالشوارع بمكسر وفنيلة :) ... لا اسعار النفط القياسية ضرت كثيرا بالاقتصاد والاسواق العالمية والذي امتد الى المنطقة والكويت . الامور غير مستقرةحاليا.
 

Ali Baba

عضو نشط
التسجيل
28 فبراير 2007
المشاركات
487
فلوووسهم زادت وتوهقوووو فيها ؟؟؟

واذا نزل قالوا يجب عمل احتياطي للمستقبل واذا صعد قالوا تضخم

(%#_#%)
 

*بو عبدالله*

عضو محترف
التسجيل
2 يونيو 2005
المشاركات
2,785
انا اقول ان السوق تتحكم فيه مجاميع معينه هي من تسيطر على حركته صعودا ونزولا

لانهم باختصار هم القوة الاكبر في السوق وهم الملاك الرئيسيين لاغلب الاسهم

اضف الى ذلك ان سوق صاعد 9 اشهر ما تبونه ينزل شهر؟؟؟

صح النزول كبير ومو منطقي لكن هذا هو حال اسواق المال ما بين صعود ونزول


موفقين ومعوضين
 

ahmed18

موقوف
التسجيل
1 أغسطس 2005
المشاركات
408
خلك مع السوق

خلك مع السوق ان باعوا بيع وياهم و ان شروا اشتر يعنى اليوم بيع انا شخصيا بعت بيت التمويل بخسارة 140 فلس على 2.86 ... لو مو بايع جان الخسارة 180 فلس و الحين بالحد الادنى الله يستر من باجر ....

مقولة لاتبيع بخسارة هذه ما توكل خبز
 

السراي

عضو نشط
التسجيل
27 مايو 2007
المشاركات
379
اقتراح لمواجهة الانهيارات

جميع الاسهم المدرجه لديها حد اعلى وادنى لليوم الواحد حتى لايحدث نزول او صعود كبير وغير مبرر للسهم.

لذا اقترح ان يكون هناك حد لإرتفاع او نزول المؤشر العام وفي حالة تعدي هذا الحاجز يتم ايقاف البورصه الى اليوم التالي. حتى لايحدث انهيار او صعود مفاجئ وغير مبرر.

واتمنى المشاركه بآرائكم واقتراحاتكم. وهل تؤيدون هذا الاقتراح؟
 

Question-Mark

عضو نشط
التسجيل
15 فبراير 2006
المشاركات
47
سؤال يطرح نفسه .. ؟

قيمة التداول الآن شارفت على الـ 130 مليون بالرغم من كثرة الكلام

عن الإنهيار وعزوف صغار المستثمرين عن الشراء والإندفاع في عملية البيع


إذا كان هذه الفكره هي السائده والطاغيه على متداولين السوق

إذن من هو اللذي يقوم بعملية الشراء .. ؟
 

wwwQ8

عضو نشط
التسجيل
5 أكتوبر 2006
المشاركات
1,567
الإقامة
الكويت الحبيبه
هل هو الانهيار

اللي يحصل هل هو انهيار للبورصه ...ممكن توضيح من المحللين؟؟


منقول من الاخ// ostath
 

BMW2007

عضو نشط
التسجيل
17 مايو 2006
المشاركات
2,293
مااايبيلهاا محللين طاال عمرك ...............انت تشوووف واحكم

الاسهم وااصله...............لو في كلمه اقشر من كلمة القااع كاان قلتهاااااااا

الله يعوض علاا الشبااااااااااااب
 

الذهبي

عضو نشط
التسجيل
26 يونيو 2004
المشاركات
1,119
شنو قاعد يصير

السلام عليكم
يا شباب وشابات إذا فيه أحد عنده معلومة أكيدة عن اللي قاعد يصير
الله يجزاه خير يوضح لنا لأن كأنه قاعد نمشي بضباب أو ظلمه بدون ليتات
الله يرحم والديكم ما هي أسباب النزول الأكيدة
 
أعلى